close
Top LajmeVendi

AKTIVISTËT: TË DEKRIMINALIZOHET KANABISI PËR PËRDORIM PERSONAL

AA322186-5B9E-4222-9EF8-1A50F1BA921E

“BILKA”: TË PAKTËN DHJETË RRËNJË PËR NEVOJA MJEKËSORE


Ashtu siç shitet kafeja nga aparate të ndryshme gjithandej, ashtu shiten edhe produktet e kanabisit – kështu aktivistët nga shoqata “Bilka” do të dëshironin të duket përdorimi i kanabisit në të ardhmen, edhe atë i rregulluar me ligj dhe me agjenci të tjera kontrolluese në shtet. Pasiqë para pak kohësh kryeministri Zoran Zaev e hapi temën për legalizim eventual dhe dekriminalizim të kanabisit, Janaki Mitreski bën thirrje. 

JANAKI MITRESKI, SHOQATA “BILKA” 

“Kryeministri periudhë më të gjatë flet në lidhje me këtë temë, se duhet të punohet, megjithatë nuk është punuar asgjë. Është shumë e diskutueshme çfarë ai nën kupton me dekriminalizim të kanabisit. Nuk dëshirojmë të vimë në situatë të jemi “të etur pranë ujit” të marrin thërmia, ndërsa sektori i biznesit të marrë gjithçka. Përkatësisht ju nuk mund të jeni biznesmen, keni miliona euro dhe numër të pakufishëm të  bimëve, ligji nuk jep limit, ndërsa unë me 3 gramë kanabis të jem kriminel.” 


Aktivistët nga shoqata “Bilka” kërkojnë të zgjerohet lista e sëmundjeve për të cilat mjeku mund të japë kanabis si trajtim, ndërsa tani përmban 4 diagnoza: HIV, kancer, multipleks skleroza dhe epilepsia te fëmijët, por edhe produktet të jenë të kapshme në tregun vendas dhe të jenë të përfshirë mjekët e praktikës private. 

ELENA MITROVSKA, AKTIVISTE, SHOQATA “BILKA” 


“Në  qoftë se mundet një mjek i spitaleve private të shërojë, të diagnostikojë, të operojë, gjithashtu duhet të ketë mundësi të japë kanabis si medikament. Ideja origjinale e “Bilka” është vendosja e kushtit që çdo person juridik që do të hapë fabrikë për prodhim, kusht për licencë të jetë të mund të plasojë një pjesë të produkteve brenda shtetit, e rregulluar me ligj. Me ligjin e tanishëm vetë qytetarët nuk kanë asnjë përfitim nga kjo industri.” 


Kryeministri Zoran Zaev, në pritje që Kuvendi deri në fund të vitit t’i miratojë ndryshimet në ligjin për lëndë narkotike, me të cilat mbi 50 kompanive të licencuara do t’u mundësohet eksport i lules dhe ekstrakteve të kanabisit, personalisht e ka hapur temën për legalizim të plotë. 

ZORAN ZAEV, KRYEMINISTËR


“Në qoftë se e shihni ministrinë e punëve të brendshme, kap nga 100, 200, 300 kilogramë marihuanë, është rradha që sistemi të mendojë nëse këtë duhet ta rregullojë me ligj. Duhet t’i hapim këto debate, ne jemi të gatshëm të dëgjojmë çfarë mendojnë qytetarët dhe gjithsesi këtë ta shfrytëzojmë.” 

Dhjetëra kompani në Maqedoninë e Veriut tashmë kultivojnë marihuanë, por vetëm dy për momentin kanë kapacitet për prodhim të ekstrakteve për qëllime medicinale, të cilat sipas aktivistëve shpesh janë të shtrenjta për përdorim të përditshëm. Për këtë arsye një numër i madh i pacientëve i drejtohen “tregut të zi” që sjell rreziqe për përdorimin e vajrave jo shumë cilësore dhe përplasje me ligjin. /KlanMacedonia

Klan Macedonia

The author Klan Macedonia