close
Rajoni

BRUKSEL: KE-ja PËR TEATRIN KOMBËTAR NË SHQIPËRI

tirane

Komisioni Evropian ka reaguar në lidhje me prishjen e Teatrit Kombëtar në Shqipëri. Komisioni Europian vë theksin te keqardhja që qeveria shqiptare dhe autoritetet lokale nuk i janë përgjigjur thirrjes për dialog nga Komisioni Europian para prishjes së godinës të Teatrit kombëtar, shpreh shqetësimin e madh për zhvillimet në vend dhe konstatimin e përdorimit të dhunës nga policia.

 “Eshtë e vërtetë që shembja e Teatri Kombëtar në Shqipëri erdhi në kohën kur ne kishim bërë thirrje për dialog mes autoriteteve dhe shoqërisë civile, para se të merrej një vendim i pakthyeshëm. Shprehim keqardhje që thirrja jonë për dialog nuk u ndoq nga autoritetet  kompetente kombëtare dhe lokale. Ne i kemi ndjekur me shqetësim të thellë zhvillimet në terren dhe konstatojmë në veçanti, se u përdor forca. Përdorimi i forcës duhet të mbetet gjitnjë proporcional me rrethanat dhe u bëjmë thirrje të gjithë palëve që të tregojnë përmbajtje”,tha Zëdhënësja e KE-së.

Lidhur me tentativat e fundit të qeverisë shqiptare për të cënuar lirinë e shtypit dhe dhunën e ushtruar ndaj aktivistëve të shoqërisë civile, Komisioni Europian deklaron, se çfarëdolloj mase emergjence në kuadrin e pandemisë duhet të respektojë parimet themelore dhe përdorimin e masave proporcionale.

“ Ne e kemi bërë të qartë, se çfarëdolloj mase emergjence duhet të respektojë parimet themelore, të jenë të kufizuara në nivelin që është vërtet i domosdoshëm dhe të jenë rreptësisht proporcionale. Ne gjithashtu kemi bërë tê qartë, se liria e shprehjes është themeli i çdo shoqërie demokratike dhe është njê nga vlerat themelore të BE-së. Mesazhin që liria e shprehjes është në ADN e Bashkimit Europian, presidentja e Komisionit Europian e ka shprehur edhe gjatë samitit për Ballkanin Perëndimor”,tha Zëdhënësja e KE-së.

Komisioni Europian ka konfirmuar, se do të prezantojë kornizën negociuese për Shqipërinë dhe Maqedoninë e Veriut në qershor./Erisa Zykaj

 

Klan Macedonia

The author Klan Macedonia