close

Bota

Bota

TRUMP: BE TË RIMARRË MBRAPSHT 800 LUFTËTARËT E ISIS-IT

57588749c36188e61a8b456b

Donald Trump u ka kërkuar vendeve të Bashkimit Europian të marrë mbrapsht 800 luftëtarët e ISIS-it që kishin shkuar në Siri prej këtyre vendeve, e që u kapën nga forcat e mbështetura prej Shteteve të Bashkuara, për t’i nxjerrë më pas ata përpara gjykatave.

Thirrja e shefit të Shtëpisë së Bardhë vjen teksa ai përgatitet të deklarojë fundin e kalifatit islamik në zonën veriperëndimore të Sirisë, me rënien edhe të bastionit të fundit të kontrolluar prej militantëve të grupit xhihadist, i njohur edhe si Shteti Islamik.

Disa vende të BE-së, si Franca kryesisht, kanë njoftuar se janë të përgatitur të pranojnë mbrapsht xhihadistët nga vendet e tyre, por Britania e Madhe ka qenë ngurruese. Sipas Mbretërisë së Bashkuar, luftëtarët që mbahen nga kurdët sirianë, aleatë të Perëndimit, mund të rikthehen vetëm nëse kërkojnë asistencë konsullore në Turqi. /Agjencitë/

 

 

 

read more
Bota

MACRON DËNON THIRRJET ANTISEMITE DREJTUAR AKADEMIKUT HEBRE

330342-DyvApT6CXf

Presidenti francez, Emmanuel Macron ka dënuar thirrjet antisemite të drejtuara ndaj një intelektuali të shquar, nga një grup protestuesish “jelekverdhë” në Paris.

Policia doli në mbrojtje të filozofit Alain Finkielkraut, pasi ky i fundit u “bombardua” me ofendime dhe shprehje antihebreje në kryeqytetin francez.

Shefi i Elizesë, Macron tha se ngjarja shënonte një “mohim absolut” të asaj që e bënte Francën një komb të madh dhe sigurisht nuk mund të tolerohej.

Me dhjetëra mijëra njerëz morën pjesë në protestat antiqeveritare të së shtunës në Francë, aty ku policia përdori gazin lotsjellës për të kontrolluar turmat e të ashtuquajturve demonstrues “jelekverdhë”, të cilët dolën në rrugë në fundjavën e tyre të 14 radhazi.

Të shtunën në Paris, oficerët ndërhynë për të formuar një barrierë, pasi një grup individësh të angazhuar në marshim u konfrontuan me filozofin Finkielkraut dhe nisën ta ofendonin atë. /Agjencitë/

 

read more
Bota

VENEZUELË: AVIONËT AMERIKANË ME NDIHMA NË KOLUMBI

55

Avionët ushtarakë amerikanë po zbarkojnë ndihma humanitare për Venezuelën në qytetin kufitar Kolumbian të Cucutas. Ndihmat po magazinohen me kërkesë të udhëheqësit të opozitës së Venezuelës, Juan Guaidó, i cili u deklarua president i përkohshëm muajin e kaluar. Presidenti Nicolás Maduro ka pohuar se ndihma është pjesë e një komploti të SHBA-së për të fshehur një pushtim në Venezuelë.

Guaidó tha se rreth 600,000 vullnetarë venezuelanë do të merrnin ndihmat përtej kufirit më 23 shkurt. Mbetet e paqartë nëse ndihmat do të lejohen të hyjnë në Venezuelë. Duke folur në një konferencë shtypi në Cucuta, administratori i USAID, Mark Green, tha se ndihmat ishin kërkuar nga Z. Guaido sepse Venezuela po përballet me një krizë humanitare në rritje. /Agjencitë/

read more
Bota

PROTESTË NË BARCELONË KUNDËR GJYKIMIT TË SEPARATISTËVE KATALONAS

barcelona_1550399694-3210877

Rreth 200 mijë persona kanë protestuar në Barcelonë për ta kundërshtuar gjykimin e udhëheqësve katalonas, të cilët kishin bërë përpjekje për ta pavarësuar rajonin e Katalonjës nga Spanja.

Udhëheqësit katalonas po gjykohen në Gjykatën Supreme të Spanjës në Madrid për shkak të organizimit të referendumit për pavarësi dhe përpjekjes së dështuar për t’u shkëputur nga Spanja në tetor të vitit 2017.

Nëse shpallen fajtorë, disa prej tyre mund të dënohen me 25 vjet burgim. Kriza e Katalonias po vlerësohet si kriza më serioze politike që e ka goditur Spanjën që nga vdekja e diktatorit Francisco Franco në vitin 1975, kur vendi kishte hyrë në fazën e tranzicionit në demokraci. /Agjencitë/

read more
Bota

DEPUTETI SLLOVEN DORËHIQET PËR ‘VJEDHJE’!

Screenshot_5

Darij Krajçiç tregoi se s’kishte paguar një sanduiç


Në vazhdim një kronikë e pazakonshme nga Sllovenia. Një deputet i parlamentit të atjeshëm ka dhënë dorëheqje, vetëm pak orë pasi në një mbledhje u kishte rrëfyer kolegëve të tij se si në një dyqan pranë parlamentit slloven kishte anashkaluar arkën pa paguar – një sanduiç! Dorëheqja është pranuar pa fjalë,- raportojnë agjencitë e lajmeve.

Ky është Darij Krajçiç, deri dje deputet nga radhët e partisë së kryeministrit Slloven Marjan Sharec. Të mërkurën ai gjatë debatit në komisionin parlamentar lidhur me mekanizmin e kontrollit të produkteve ushqimore, mbase duke dashur të jetë sa më bindës, tha se këto mekanizma janë të mirë nëse respektohen nga të gjithë, por shtoi se mbikëqyrjes edhe i shpëton diçka. Pa e pyetur kush, ai e kishte ilustruar këtë me një veprim të tijin: kishte hyrë në dyqanin afër parlamentit, kishte marrë një sanduiç dhe kishte kaluar arkën pa e paguar atë:

‘Prita të paguaj, sigurisht disa minuta, prita, por aty ke arka tre-pesë njerëz bisedonin, duke mos ma vënë veshin. Prita prita dhe dola pa paguar. Dhe askush nuk vrapoi pas meje, megjithëse aty ka shumë kamera të mbikëqyrjes,’– tha Krajçiç që është edhe doktor i shkencës dhe pedagog në Universitetin e Lubljanës.

Kolegët e tij, raportojnë agjencitë e lajmeve, fillimisht pandehën se fjala është për ndonjë anekdotë të pakripë, por shakanë e mori djalli: megjithëse më pas u sqaroi gazetarëve se kishte bërë një vjedhje virtuale, një eksperiment shoqëror, sepse më pas ishte kthyer – e kishte paguar sanduiçin duke kërkuar edhe falje. Gjesti i tij u pasua me shumë zhurmë dhe pas disa orësh bëri të ditur se hiqte dorë nga mandati i deputetit. Nga grupi parlamentar i partisë së tij ndërkohë kanë bërë të ditur se dorëheqja është pranuar dhe se është caktuar edhe zëvendësuesi i tij.’ Është ekspert, njeri, koleg, mik dhe bashkëpunëtor i mirë, por ka bërë akt të patolerueshëm’- thanë nga partia e kryeministrit slloven. /Seladin Xhezairi/

 

read more
Bota

POMPEO NË BRUKSEL: TAKIM I MBYLLUR ME MOGERININ

Screenshot_2

Sekretari amerikan i shtetit, Mike Pompeo po qëndron për vizitë në Bruksel, ku është pritur në takim nga shefja për politikë të jashtme në Bashkimin Evropian, Federica Mogherini.

Ky takim mes dyshes erdhi vetëm një ditë pasi zëvendëspresidenti amerikan, Mike Pence, i akuzoi aleatët evropianë për përpjekje për t’i dobësuar sanksionet amerikane kundër Iranit. /Agjencitë/

read more
Bota

SPANJË: SHPALLEN ZGJEDHJET E PARAKOHSHME PARLAMENTARE

4F91736D-BD0D-4264-B343-182A3DC131AC_cx0_cy8_cw0_w1023_r1_s-650×358-648×358

Kryeministri i Spanjës, Pedro Sançez sot ka shpallur zgjedhje të parakohshme parlamentare pasi nuk u votua propozimi për buxhetin e sivjemë. Sançez në konferencë për shtyp kumtoi se zgjedhjet do të mbahen më 28 prill.

Dhoma e poshtme e Parlamentit spanjoll të mërkurën nuk e miratoi propozim-buxhetin e parashtruar nga Qeveria socialiste, pasi nuk e ka marrë përkrahjen e partive separatiste katalonase.

Partitë katalonase paralajmëruan se nuk do ta përkrahin propozim-buxhetin nëse Qeveria nuk pranon negociata për të drejtën e vetvendosjes në atë rajon, në pjesën verilindore të Spanjës. Qeveria nuk pranoi negociata me sqarim se këtë nuk e lejon Kushtetuta e Spanjës. /Agjencitë/

read more
Bota

SHBA: MIRATOHET BUXHETI QË SHMANG MBYLLJEN E QEVERISË

Qeveria-amerikane-780×439

Senati dhe Dhoma e Përfaqësuesve kanë miratuar një masë financiare e cila do të sigurojë fonde për të shmangur një mbyllje të re qeveritare. Ky buxhet nuk parasheh edhe paratë që presidenti, Donald Trump, kishte kërkuar për një mur përgjatë kufirit amerikano-meksikan.

Shtëpia e Bardhë tha më 14 shkurt se presidenti Trump synon të nënshkruajë projektligjin, por që menjëherë do të deklarojë një emergjencë kombëtare për ta lejuar atë të shfrytëzojë paratë e ndara për qëllime tjera në mënyrë që të ndërtojë murin në kufirin jugor të Meksikës. /Agjencitë/

read more
Bota

KASHMIR: SULM VETËVRASËS, VRITEN 44 POLICË

sulm-770×433

44 policë indianë kanë mbetur të vrarë në Kashmir pas një sulmi vetëvrasës ndaj konvojit me të cilin po udhëtonin. Incidenti në rajonin e kontestuar të Kashmirit, pritet të rrisë tensionet mes Indisë dhe Pakistanit. Një grup militant islamik nga Pakistani e mori përgjegjësinë për sulmin.

India e ka akuzuar për një kohë të gjatë Pakistanin për mbështetjen e militantëve islamikë në Kashmir. Ambasadori amerikan në Indi, Ken Juster, dënoi sulmin. “Shtetet e Bashkuara qëndrojnë përkrah Indisë në luftimin e terrorit dhe mundjen e tij” thuhet në deklaratën e ambasadorit amerikan. /Agjencitë/

read more
Bota

JEP DORËHEQJE SHEFI I MENAXHIMIT TË EMERGJENCAVE NË SHBA

430BEECE-36A6-43A0-89FB-A60A857170CC_cx0_cy7_cw0_w1023_r1_s

Shefi i Agjencisë për Menaxhimin e Emergjencave në Shtetet e Bashkuara, Brock Long, dha dorëheqje ysh në vitin 2017, ai ka udhëhequr përgjigjet ndaj disa katastrofave natyrore, përfshirë operacionin pas një stuhie shkatërruese në Puerto Riko, transmeton REL.

Long raportohet se ka qenë i përfshirë në një mosmarrëveshje mbi përdorimin e burimeve të qeverisë. Long, i cili ka vite përvojë në menaxhimin e emergjencave, shtoi se kjo ishte “mundësi e jetës” dhe se gjatë mandatit të tij agjencia, e njohur si Fema, ka reaguar në më shumë se 220 fatkeqësi të deklaruara. /Agjencitë/

read more
1 2 3 523
Page 1 of 523