Presidenti i Rusisë, Vladimir Putin, pret sot në Soçi homologët nga Irani dhe Turqia, për të diskutuar planet për Sirinë, pas tërheqjes së trupave amerikane nga kjo vatër e luftës.
Ministri i Jashtëm rus, Sergei Lavrov, tha se presidentët do të diskutojnë për formimin e një komiteti që do të hartonte një kushtetutë të re të pasluftës për Sirinë, shkruan Rel.
Tri vendet kanë thënë se duan një zgjidhje politike për t’i dhënë fund luftës në Siri, e cila ka nisur në vitin 2011. /Agjencitë/
Në një deklaratë, kompania tha se do të bëjë dorëzimet e fundit të porosive të avionëve në 2021. Vendimi vjen pasi Emirates, klienti më i madh i A380, reduktoi porositë e saj. Avioni i kushtueshëm në fakt është përpjekur shumë të konkurrojë me modelet më të vogla dhe më efikase.
“Si rezultat i këtij vendimi, ne nuk kemi më bazë të mbështesim prodhimin pavarësisht përpjekjeve tona për shitje tek kompani të tjera në vitet e fundit. Kjo çon në përfundimin e shpërndarjes së avionëve A380 në 2021”, tha shefi ekzekutiv i Airbus, Tom Enders. /Agjencitë/
Ministrat e Mbrojtjes të NATO-s do të marrin në konsideratë, gjatë bisedimeve dyditore në Bruksel, duke filluar nga sot, se çfarë hapash do të kërkohen për të mbrojtur Europën nëse një traktat dypalësh amerikano-rus për çarmatimin do të dështojë. Shtetet e Bashkuara të Amerikës dhe NATO akuzojnë Rusinë për shkeljen e Traktatit të Forcave Bërthamore.
Uashingtoni njoftoi më parë këtë muaj se do të tërhiqej nga traktati INF, ndërkohë që Moska e pasoi me një përgjigje të njëjtë.SHBA tani ka gjashtë muaj kohë për të bindur Moskën që të rikthehet te traktati dhe NATO po mbështet këto përpjekje. /Agjencitë/
Ndihmat humanitare në Venezuelë do të hyjnë brenda datës 23 shkurt. Është ky premtimi i bërë nga Huan Guaido kryetar i parlamentit të vendit gjatë një proteste në Karakas.
Huan Guaidò, kryetari i parlamentit venezuelian që ka marrë dhe pushtetin e ekzekutivit, duke folur në përfundim të një proteste masive në Karakas, tha se duke filluar nga e shtuna e ardhshme do të nis procesi i organizimit për hyrjen në vend të ndihmave humanitare. /Agjencitë/
Shtetet e Bashkuara po organizojnë në Varshavë një konferencë për Lindjen e Mesme. Polonia është nikoqire e kësaj konference dhe ky vend është përafruar me Uashingtonin duke krijuar kështu një kundërpeshë ndaj ndikimit rus. Irani pritet të jetë në fokus të konferencës që fillon të mërkuren.
Teherani e ka cilësuar mbledhjen si një akt armiqësor dhe paralajmëroi pasoja të paspecifikuara për Poloninë.Sekretari amerikan i Shtetit, Mike Pompeo dhe ministri i Jashtëm polak, do të jenë mikëpritësit e konferencës dy-ditore, në të cilën pritet të marrin pjesë zyrtarë të lartë nga 60 vende.
Shefja e politikës së jashtme të Bashkimit Evropian, Federica Mogherini, nuk po merr pjesë në konferencë dhe as ministrat e Jashtëm të fuqive të tjera evropiane, përfshirë Rusinë. /Agjencitë/
Borxhi kombëtar i Shteteve të Bashkuara ka shënuar një rekord të ri, duke arritur shifrën e 22 trilionë dollarëve për herë të parë.Departamenti amerikan i Thesarit i ka bërë këto deklarata përmes një raporti ditor.
Aty është parë se borxhi publik total në SHBA ka arritur në 22.01 trilionë dollarë, në krahasim me 19.95 trilionë dollarë sa ka qenë kur presidenti amerikan, Donald Trump ka nisur udhëheqësinë në janar të vitit 2017.Borxhi amerikan është rritur më shpejt pas vendimit të Kongresit një vit më parë për ulje masive të taksave. /Agjencitë/
Një helikopter është rrëzuar mbrëmjen e së hënës në Turqi ku gjetën vdekjen katër ushtarë. Helikopteri u rrëzua në një zonë të banuar në pjesën aziatike të Stambollit.
Helikopteri ra mes një kompleksi pallatesh, për fat të mirë pa shkaktuar viktima të tjera.Në vendin e ngjarjes mbërritën ambulanca dhe ekipe shpëtimi që bënë izolimin e zonës dhe nxorën trupat nga helikopteri.
Guvernatori i Stambollit, Ali Jerlikaja konfirmoi bilancin e viktimave. “Për fat të keq, katër nga ushtarët tanë u bënë dëshmorë” Lidhur me ngjarjen tragjike ka nisur një hetim për të zbardhur shkaqet e rrëzimit të helikopterit. /Agjencitë/
Të paktën 17 persona kanë humbur jetën në një zjarr që ka shpërthyer në një hotel në qendër të Nju Delhi, kanë njoftuar ekipet e zjarrfikësve të Indisë.
Zjarri ka shpërthyer në hotelin Arpit Palace, duke bërë kështu që kati më i lartë të bëhet shkrumb e hi. Pas disa orëve zjarri është lokalizuar nga ekipet e zjarrfikësve të cilët arritën t’i shpëtojnë 35 persona.
E siç raportojnë mediat lokale, një grua dhe një fëmijë kanë humbur jetën kur nga dëshira e madhe për të shpëtuar kërcyen nga dritarja. /Agjencitë/
Ligjvënësit në Shtetet e Bashkuara thanë se kanë arritur një marrëveshje në parim për buxhetin, në përpjekje për të shmangur një tjetër mbyllje të qeverisë.
Negociatorët e Kongresit thanë se marrëveshja përfshin financime për disa barriera të reja në kufirin e SHBA-së me Meksikën.
Megjithatë, shuma nuk është as afër 5.7 miliardë dollarëve që presidenti Donald Trump ka kërkuar për ndërtimin e një muri në kufi. Mbyllja 35-ditëshe, që ka përfunduar muajin e kaluar, ka bërë që qindra-mijëra punonjës federalë të mos marrin rroga. /Agjencitë/
Sekretari amerikan i Shtetit, Mike Pompeo, porositi vendet e Evropës Lindore dhe Qëndrore që t’i rezistojnë ndikimit rus dhe kinez. Pompeo po merr pjesë në manifestimet për 30 vjetorin e rënies së komunizmit.
Ai tha në Bratisllavë të Sllovakisë se Kina dhe Rusia përbëjnë një kërcënim të dyfishtë për përparimin e demokracisë dhe tregun e lirë, që nga rënia e Murit të Berlinit në vitin 1989. /Agjencitë/
