close

Bota

Bota

JAPONI: VULLKANI BLLOKON LËVIZJET E NJERËZVE

no thumb

 

Turistët dhe banorët janë evakuar pas shpëthimit mëngjesin e sotëm të një vullkani në një ishull në jug të Japonisë. Shpërthimi është shoqëruar me një re tymi të dendur, e cila u ngrit rreth 2000 metra në ajër.

Autoritetet në ishullin Kyushu kanë ndaluar lëvizjen dhe qëndrimin e njerëzve në një rreze prej 4 kilometrash nga mali Aso. Fatmirësisht, në zonën e rrezikut nuk ka pasur raportime për të lënduar.

Njerëzit u udhëzuan që të kontrollonin për rënie të shkëmbinjve, ndërsa policia evakuoi një stacion teleferiku, tepër popullor për turistët. Që prej shpërthimit, niveli i rrezikut është pesëfishuar. Autoritetet kanë anuluar 18 fluturime aeroplanësh, shumë prej të cilëve me qytetin e afërt të Kumammotos. /Agjencitë e lajmeve/

 

read more
Bota

AFGANISTAN: TALIBANËT LIROJNË QINDRA TË BURGOSUR

no thumb

 

Kryengritësit talibanë sulmuan burgun në krahinën Ghazni duke vrarë shtatë roja dhe duke liruar mbi 400 të burgosur.

Operacioni filloi me një sulm vetëvrasës me makinë-bombë, që u mundësoi kryengritësve të hyjnë në burg.

Zyrtarët afganë thanë se në kompleks ishin gjithsej 436 të burgosur, nga të cilët 355 ikën gjatë sulmit. Qeveria tha se 148 nga të ikurit paraqesin “kërcënim për sigurinë kombëtare”.

Veprime të ngjashme talibanët kanë ndërmarrë edhe në të kaluarën: Në prill të vitit 2011, grupi kreu një sulm në krahinën jugore të Kandaharit duke liruar 500 luftëtarë më herët, po në të njëjtin burg, në qershor të vitit 2008, një grup i luftëtarëve arriti të lirojë rreth 1 mijë e 200 të burgosur. /Agjencitë e lajmeve/

 

read more
Bota

EGJIPT : FORCAT E SIGURISË VRASIN GABIMISHT TURISTËT

no thumb

 

Forcat e sigurisë në Egjipt kanë vrarë gabimisht 12 turistë, gjatë një operacioni kundër terrorizmit. Gjatë sulmit mbetën të plagosur edhe dhjetë meksikanë dhe egjiptianë.

Minsitria e Brendshme egjiptiane tha se ka nisur hetimet për incidentin e rëndë. Presidenti mekiskan Enrique Pena Nieto dënoi ngjarjen dhe kërkoi një hetim të plotë nga qeveria e Egjiptit.

Ministria e Jashtme meksikane tha se të paktën dy prej viktimave janë turistë meksianë ndërsa po punohet për identifikimin e viktimave të tjera. Sipas autoritetve egjiptiane kompania turistike që po transportonte turistët nuk ishte e pajisur me leje për të hyrë në zonën ku ndodhi tragjedia.

Shkretëtira perëndimore është një atraksion turistik, por nga ana tjetër shërben edhe si një strehë për militantët. /Agjencitë e lajmeve/

 

 

read more
Bota

“US OPEN”: GJOKOVIQ MUND FEDERERIN

no thumb

 

Novak Djokovic fitoi edicionin e 135-të të turneut US Open. Ai mundi zvicernanin Federer 3 me 1 në sete (6-4 5-7 6-4 6-4).  Një finale e madhe, në të cilën Djokoviç u paraqit në nivelet e zakonshme dhe një Federer që nuk arriti rë rimar veten.

Dueli për titullin në Us Open mes dy tenistëve më të mirë në botë, ishte një sfidë e dy perfeksioneve, sfida e dy koncepteve të ndryshme të lojës, mbrojtjes dhe sulmit. Ndoshta i ndihmuar nga vonesa prej rreth tre orësh e shkaktuar nga rreshjet e shiut, Djokovic u shfaq tejet dinak në fushë, cinik në momentet kur i nevojiteshin pikë dhe i gatshëm për të zgjidhur situatat në favor të tij.

Pas triumfit në Australian Open dhe atij në “Wimbledon: pikërisht përballë Federerit, Djokoviçi fitoi titullin e tretë në turnetë Grand Slam në harkun e një viti. Për 28-vjeçarin është suksesi i dytë në karrierë në Flushing Meadows. /Agjencitë e lajmeve/

read more
Bota

INDI : NGA SHPËRTHIMI- 89 TË VDEKUR

no thumb

 

Të paktën 89 persona janë vrarë si pasojë e shpërthimit të fuqishëm të një gazi që shkatërroi një restorant në Petlawad të Indisë.

Në atë moment në restorant kanë ndodhur punonjës dhe fëmijë shkolle që hanin mëngjes. Përpjekjet për shpëtim kanë përfunduar pasi autoritetet indiane kanë arritur të gjejnë të gjithë trupat nën rrënoja.

Të paktën 35 persona ndodhen në spital me lëndime serioze.

Nga cilindri i gazit shpërthyen edhe disa detonatorë minierash që ruheshin në mënyrë të paligjshme në një nga dhomat e restorantit u dëmtuan edhe disa ndërtesa të tjera aty rrotull. Restoranti ndodhej pranë një stacioni autobuzi. /Agjencitë e lajmeve/

read more
Bota

KALIFORNI : EVAKUOHET POPULLSIA PËR SHKAK TË ZJARRIT

no thumb

 

 

Një zjarr i fusihëm ka kapluar shtetin federal të Kalifornisë. Zjarri që ka shpërthyer në pyllin Siera Nevada, është përhapur shumë shpejt duke djegur shumë shtëpi. Agjencitë e lajmeve njoftojnë se një rrezik  i tillë u  kërcënohet edhe mbi 6.500 ndërtesave të tjera. Vetëm për tre orë sipërfaqja e kapluar nga zjarri arriti  në 160 hektarë.

Autoritetet e qarkut kanë dhënë urdhër për evakuimin e 3 mijë personave nga rajonet e rrezikuara.

Për momentin me zjarrin luftojnë 3.300 zjarrëfikës, 178 makina të zjarrëfikësve dhe 16 helikopterë. Raportohet për katër zjarrfikës së lënduar. /Agjencitë e lajmeve/

read more
Bota

GREQI: HUMBIN JETËN 28 REFUGJATË

no thumb

 

Anija, me të cilën kanë udhëtuar të paktën 100 imigrantë është përmbysur në lindje të ishullit grek Farmakonisi. Të paktën 28 persona humbën jetën,  duke e përfshirë edhe një fëmijë, kumtoi roja bregdetare greke.

Roja bregdetare ka shpëtuar 68 persona, ndërsa 29 të tjerë kanë arritur vetëm të shkojnë deri në breg.

Vazhdon hetimi pas udhëtarëve nga anija e përmbysur. Për momentin në vendin e fatkeqësisë gjenden helikopteri shpëtues dhe një anije e rojës bregdetare. /Agjencitë e lajmeve/

read more
Bota

ITALI: SHQIPTARI HERO – PARANDALON GRABITJE!

no thumb

 

Shqiptarët me sa duket dinë të jenë edhe heronj, veç “damkës” që i kanë përhapur vetes si pjesëmarrës në akte kriminale jashtë kufijve.
Një i ri shqiptar ka mundur të parandalojë një grabitje në një qendër tregtare në Napoli. Ngjarja heroike ka ndodhur në Italinë fqinje, ku duhet theksuar se shpesh shqiptarët që jetojnë aty janë përfolur për veprime të paligjshme.
Mediat italiane e cilësuan heroik aktin e tij, i cili u bë publik vetëm pas arrestimit të bandës së hajdutëve. Grupi i grabitësve përbëhej nga 5 persona, të cilët kishin terrorizuar rajonin e Kampanjas duke kryer qindra grabitje nëpër qendra të ndryshme tregtare. Shqiptari u gjend rastësisht i pranishëm në një grabitje të kësaj bande në rajonin Villa di Briano.
Ai filloi të përleshej më njërin prej agresorëve duke e shtrirë përtokë dhe duke i hequr armën nga duart. Pas këtij konfrontimi banda u largua duke e lënë në mes grabitjen. Prokuroria e Napolit falë filmimeve të kamerave të sigurisë në qendrën tregtare arriti të zbulojë identitetin e shqiptarit, por mediat nuk e bëjnë publike. Prokurori i Napolit propozoi që shqiptarit pa letra t’i jepet një leje qëndrimi të jashtëzakonshme për shkak se rrezikoi jetën duke u përleshur me hajdutët.
Ky aksion, përveçse i ka siguruar atij leje qëndrimi ka bërë që rrota e opinionit jo të mirë për shqitparët të kthehet nga e kundërta, tani flitet dhe për heronj. /Agjencitë e lajmeve/.

 

read more
Bota

TURQI: DAVUTOGLLU ZGJIDHET KRYETAR I AKP-së

no thumb

 

Kryeministri turk Ahmed Davutogllu me 1.353 vota, njëzëri është zgjedhur kryetar i partisë turke për drejtësi dhe zhvillim, njoftojnë agjencitë turke.

Në kryeqytetin e Turqisë Ankara, sot është mbajtur kongresi i 5 të AKP-së në të cilin krahas mysafirëve të shumtë dhe qytetarë të Turqisë morën pjesë edhe 300 zyrtarë nga 29 shtete.

Davutogllu fjalimin e tij në Ankara e filloi me shprehje të ngushëllimeve për të gjithë ushtarët turk të cilët kanë humbur jetën në sulmet terroriste në juglindje të vendit. Gjithashtu shprehu ngushëllime edhe për fatkeqësinë në Mekë.

Davutogllu është kryetar i AKP-së nga muaji gusht i vitit të kaluar kur në krye të partisë zëvendësoi kryetarin aktual Rexhep Taip Erdogan. /Agjencitë e lajmeve/

 

 

read more
Bota

EGJIPT: DORËHIQET QEVERIA

no thumb

Kryeministri egjiptian Ibrahim Mahlab parashtroi dorëheqjen e qeverisë e cila u pranua nga presidenti Abdel Fatah al Sisi, thuhet në komunikatën e presidencës.

Al Sisi urdhëroi kabinetin  të vazhdoj me plotësimin e  obligimeve si qeveri zyrtare deri në formimin e qeverisë së re.

Dorëheqja e kabinetit, i cili funksiononte nga qershori i vitit të kaluar, është i ndërlidhur me skandal korruptiv në të cilin janë të involvuar zyrtarë nga ministria e bujqësisë, duke përfshirë edhe vet ministrin, njofton agjencia ruse TASS. /Agjencitë e lajmeve/

read more
1 519 520 521 522 523 545
Page 521 of 545