close

Ekonomi

EkonomiVendi

EKOLOGJI: RICIKLIMI I MBETURINAVE

639

Riciklimi i plastikave në ditët e sotme është një ndër  mënyrat bashkëkohore të zvogëlimit të sasisë së mbeturinave. Ky lloj biznesi është një aktivitet i rëndësishëm, dhe njëkohësisht edhe produktiv.

“Xhihad Sulejman, drejtor i kompanisë për riciklimin e plastikave në fshatin Leshkë të komunës së Tearcës,  thotë se projektit  i është rrekur gati para dy vjetësh. E ka pas  të vështirë, por është optimist se do t’ia dale” – Vjollca Aliti

“Procesi i riciklimit kalon nëpër disa faza – atë të ndarjes, larjes, copëtimit, dhe shkrirjes . Në këtë mënyrë mbeturinat  rikthehen në lëndë të parë” – drejtor i ndërrmarjes për reciklim, Xhihad Sulejmani

Kjo kompani ka të angazhuar gjithsej gjashtë veta. Drejtuesi i saj thotë se është i kënaqur pse edhe ai jep ndihmesën për zvogëlimin sado-kudo të ndotjes së ajrit, por edhe të pakësimit të mbeturinave për grumbullimin e të cilave nuk është se tek ne ka ndonjë sistem apo përvojë e mirëmenaxhuar. /V.A/

 

read more
EkonomiRajoni

GREQI: DORËHIQET VARUFAKIS

VARUFAKIS GREQI

Greket i thane “JO” masave të shtrëngimit te kreditoreve ndërkombëtare në referendumin historik të së dieles, i pari që nga viti 1974 kur populli grek votoi per të shfuqizuar monarkinë. Me një pjesëmarrje prej rreth 65 %, dukshëm një tejkalim i ndjeshëm i kufirit prej 40 % që sipas legjislacionit grek e bënte të vlefshëm këtë referundum, me shumë se 61 % e grekeve votuan pro alternativës së qeverisë, ndërsa rreth 39 % votuan pro kushteve të kreditorëve ndërkombëtarë për masa më të ashpra fiskale.

JO-ja e referendumit të 5 korrikut vjen si një rikonfimim i mbështetjes që populli grek i dha kabinetit te SYRIZA duke ndjekur rrugen e preferuar të kryeministrit Aleksis Tsipras.

“Demokracia mposhti frikën”, tha Tsipras pas votes së grekeve duke e përkthyer këtë rezultat, jo në një mandat për tu ndarë nga Europa, por një mundësi për të forcuar pozitat negociatore të Greqise.

Por pavaresisht JO-se së fuqishme që dha populli grek, nuk është mundur të shmanget dorëheqja e parë nga kabineti qeveritar. Ministri rebel i Financave Yanis Varufakis ka hequr dorë nga detyra duke bërë eurozonën fajtore për ketë vendim drastik: “Jo më ministër! Eurogrupi  është kundër pranisë sime në takime”, – shkruajti Varoufakis në rrjetin social Twitter.

Sipas Varufakis, kryeministri Cipras ishte dakord me këtë ide, pasi mund ta ndihmonte për arritjen e një marrëveshjeje me kreditorët ndërkombëtarë.  I njohur për stilin e tij joortodoks të të bërit politikë, Varufakis nuk mund ta mbyllte karrierën e tij si ministër financash pa një batutë, kur tha se do e mbante me krenari mbi vete urrejtjen e kreditorëve.

“Idenë për të mos qenë në takime e pëlqeu edhe Cipras. I pëlqen sepse mendon se mund të arrijë marrëveshje. Për këtë arsye, mendova të jap dorëheqjen. Do ta ‘vesh’ me krenari urrejtjen e kreditorëve“- shtoi Varufakis.

Tashmë ish- minister i financave, Varufakis ishte për shumë kolegë të eurogrupit një personazh i vështirë, që edhe brenda partisë në pushtet, shihej si njeriu që më shumë se kushdo tjetër ishte fajtor për situatën në të cilën u gjetën bisedimet mes qeverisë greke dhe kreditorëve ndërkombëtarë.

Varufakis u largua për të mundësuar një marrëveshje me kreditorët, por ngelet për t’u parë nëse vërtet ai ishte pengesa e vetme drejt marrëveshjes. Sipas tij, referendumi i 5 korrikut do të ngelet në histori si një moment unik në historinë e Evropës kur një popull i vogël u ngrit kundër zinxhirëve të borxhit.

Nëse nuk arrihet një marrëveshje, Greqia rrezikon falimentimin dhe më pas një dalje të mundshme nga zona euro. Automatikisht kjo do të rikthente grekët në dhraminë e tyre ose në një monedhë tjetër e cila në raport me euron, do të jetë, sipas një studimi të Bashkimit Evropian, 50 % e zhvlerësuar.

read more
EkonomiRajoni

SHQIPËRI-KOSOVË: OBJEKTIV- UNIFIKIMI I TREGJEVE

largea_unnamed-11435933622

Me gjithë deklarimet e zyrtarëve më të lartë të të dyja vendeve për thellimin e bashkëpunimit ekonomiko-tregtar, Shqipërinë dhe Kosovën i pret shumëçka për të bërë: Dje në Prizren, ministrat e Financave shqyrtuan përmbushjen e marrëveshjeve për lehtësimin e shkëmbimeve tregtare dhe eliminimin e barrierave kufitare mes dy vendeve. Unifikimi i tregjeve dhe kapërcimi i barrierave doganore – ishin në qendër të vëmendjes.

Ministri kosovar, Avdullah Hoti  tha se qëllimi i këtij takimi ishte të diskutohen të arriturat e deritanishme, sidomos në fushën e doganave dhe të administratave tatimore, por edhe kapërcimi i problemeve në këtë plan, duke synuar unifikimin e tregjeve dhe lehtësimet doganore në kufi:

“Sot jemi ulur dhe kemi shqyrtuar progresin e arritur të dy ministritë në lehtësimin e shkëmbimeve tregtare, në eliminimin e barrierave, në luftimin e ekonomisë joformale… Jemi të kënaqur me punën që është bërë në të dy anët e kufirit; në fakt po punojmë që ta eliminojmë komplet këtë kufi. Ne po lëvizim shpejtë, me hapa të mëdhenj, konkretë, praktikë, drejt unifikimit të dy ekonomive, si hap i parë drejt integrimit të përbashkët të dy vendeve në tregun e përbashkët të Bashkimit Evropian” – ministër i Financave në Prishtinë, Avdullah Hoti

 Ndërkaq, homologu i tij nga Shqipëria, Shkëlqim Cani, dje në Prizren ishte më optimist. Sipas tij, është bërë një punë e madhe, është arritur objektivi dhe janë përmbushur të gjitha pikat e programit që të dyja palët kishin hartuar në mars të këtij viti, në mbledhjen e përbashkët të të dyja qeverive.

Ne së bashku identifikuam një grup çështjesh tashmë, jo vetëm të karakterit procedural dhe të rregullimeve që duhet të bëjmë në të gjithë atmosferën harmonizuese dhe unifikuese të dokumentacioneve dhe të praktikave, por të hedhim hapa shumë herë më konkret në përfitime të drejtpërdrejta dhe konkrete të tatimpaguesve kryesishtë  të biznesit, por edhe të individëve të të dy krahëve. Objektivi ynë final është që të mos ketë asnjë barrierë dhe asnjë kufizim në mënyrë që shqiptari i Kosovës apo i Shqipërisë ta ndjejë vetën në Kosovë apo Shqipëri njëllojë për nga aspekti fiskal. Kjo është detyra e jona dhe këtë detyrë me bindje të plotë, me dëshirën më të madhe dhe me vullnetin e plotë do ta përmbushim në një kohë sa më të shkurtër” – ministër i Financave në Tiranë, Shkëlqim Cani

Rrjedhimisht, politikisht, të dyja qeveritë, ajo në Prishtinë dhe qeveria në Tiranë, kanë shprehur disponimin politik për të çuar përpara marrëdhëniet dypalëshe. Mirëpo, ekspertët konsiderojnë se përtej politikës, Shqipëria e Kosova, duhet të  vendosin politika të qëndrueshme pikërisht kur është fjala për liberalizimin e tregut nga i cili varet edhe fuqizimi i bashkëpunimit ekonomik në tërësi.

 

read more
BotaEkonomi

UASHINGTON: PAPUNËSIA NË NIVELIN MË TË ULËT

OBAMA

Presidenti Barack Obama tha se raporti më i fundit për gjendjen e punësimit në Shtetet e Bashkuara është “i mirë”, por mbetet ende shumë punë për t’u bërë për rritjen e pagave dhe të të ardhurave për njerëzit e thjeshtë.

Presidenti i bëri këto komente para studentëve të Universitetit të Uiskonsinit në La Crosse.

Raporti që publikoi dje Departamenti i Punës tregoi se Shtetet e Bashkuara shënuan një rritje neto prej 223 mijë vendesh pune gjatë qershorit dhe se ritmi i papunësisë ra me 0,2 për qind, në nivelin 5,3 për qind.

Zëri i Amerikës thotë se ky është ritmi më i ulët i papunësisë që nga viti 2008.

read more
1 98 99 100
Page 100 of 100