close

Ekonomi

EkonomiVendi

EKONOMI: AKTIVIZIMI I BIZNESEVE DHE ZHVILLIMI RAJONAL

Screenshot_2

Mundësitë sipërmarrëse të Maqedonisë si anëtare e BE


Ne raportin e fundit të 2017 në statistikat shtetërore nga 6877 biznese të regjistruara, 6249 janë mbyllur, megjithate sipas profesorit univesitar Veland Ramadani keto numra nuk jane dhe aq shqetësuese bazuar në faktorët të cilët kanë ndikuar në këto biznese, gjithashtu ai pohon qe Maqedonia si anëtare e BE-së sjell nje fryme me te madhe të zhvillimit te ndermarrësve te rinj permes programeve per mbeshtetje te bizneseve.

Aktivizimi i sipërmarrësve të rinjë parqet një ndër mekanizmat kryesor drejt zhvillimit ekonomik rajonal. Bazuar në entin statistikor shtetëror Maqedonia numëron 71 519 subjekte afariste aktive ku pjesmarrje më të madhe ka rajoni i Shkupit me 37,5% kurse pjesëmarrje më të vogël të bizneseve aktive ka rajoni Veri-lindor me 5,7%.

Duke pasur parasysh raportin e fundit per 2017 te statistikave shtetërore nga 6877 biznese të regjitruara, 6249 jane mbyllur megjithate sipas profesorit univesitar Veland Ramadani keto numra nuk jane dhe aq shqetesuese bazuar ne faktoret te cilet kane ndikuar ne keto biznese.

Bruto Prodhimin Vendor per koke banori ne baze te raportit te 2017 ku Rajoni i Shkupit eshte regjisturar me indeks më të madh, kurse ai i Pologut me indeks me të vogel te BPV-së per koke banori vërteton edhe njehere pabarazine e zhvillimit ekonimik rajonal, gje qe duhet të jetë një nga preokupimet e qeverise aktuale.

Megjithate cilat jane mundësitë sipërmarrëse te Maqedonise si anëtare e BE-së, cilat jane avantazhet dhe sa projekte ofron BE-ja per shtetet anëtare, prof Ramadani pohon:

Se fundi qeveria ka shpalosur “Programin per punësim 2018 ” ku synohet hapja e 980 bizneseve ne Maqedoni me nje investim ne vlere prej 9.8 milionë euro. /Artina Zeqiri/

 

read more
Ekonomi

DERIVATET E NAFTËS: KUÇI-RRITJA ‘GODET’ XHEPAT E QYTETARËVE

Screenshot_1

Reagon partia opozitare VMRO-DPMNE


Shtrenjtohen çmimet e derivative të naftës, edhe atë për 1.5 denarë për Eurodisel dhe 0.50 denarë për eurosuper BS-95, me vendim të Komisionit Rregullator për Energjetikë. Kjo rritje sipas ekonomistëve do të ndikojë në ekonominë e qytetarëve, por se do të ketë mundësi për përballimin e të njëjtës.

Sipas ekonomistit Menderes Kuci, çmimet e derivative në vend janë më të lira krahasuar me vendet e rajonit, por kjo nuk do të thotë se nuk do të jetë ngarkesë për qytetarët.

Kanë reaguar nga partia opozitare VMRO DPMNE, duke i bërë thirrje LSDM-së që të ulë akcizën e derivateve të naftës me ç’rast do të ndalohet edhe vjedhja e qytetarëve.

“LSDM duhet ta ul akcizën e derivateve të naftës të cilën e ka rritur. Në vend që të vidhen qytetarët, duhet të japin llogari se për shkak të pasurimit të tyre populli është vendosur në pikëpyetje”, thuhet në reagimin e VMRO DPMNE-së. /Lulzime Ameti/

 

 

 

read more
Ekonomi

FIZHT: PËRJASHTOHEN KATËR KOMPANI KONTESTUESE

Despotoski-480×280

Kompanitë në strukturat pronësore kanë bartës të funksioneve


Katër ndërmarrjet që kanë deklaruar se në strukturën themeluese kanë individë që kanë lidhje të afërt me funksionarë shtetëror, u janë marrë deklaratat, dhe janë në evoluim të sërishëm nga komiteti për miratim të investimeve. – ka deklaruar drejtori i Fondit për Zhvillim Teknologjik.

Kur do të kemi qëndrim të komitetit, do ta informojmë opinionit siç kemi bërë deri tash”, kështu ka deklaruar drejtori i Fondit për Inovacion dhe Zhvillim Teknologjik, Jovan Despotoski në pyetjen se çfarë vendimi është marrë për ndërmarrjet që kanë lidhje me funksionarët shtetëror.

Përndryshe, kohë më parë Fondi për Inovacion dhe Zhvillim Teknologjik (FIZHT) njoftoi se vetëm 4 nga gjithsej 77 ndërmarrje që aplikuan për grante, duke iu përgjigjur thirrjes së drejtorit Jovan Despotovski, kanë deklaruar se në udhëheqësinë e tyre kanë të afërt me ministri e Kulturës – Asaf Ademi, ministrin pa resor Velek Samak, ish ambasadorin – Jovan Donev dhe këshilltaren e kryeministrit Zoran Zaev – Cvetanka Llaskova.

Ndërkaq ndërmarrjet të cilat në udhëheqësinë e tyre nuk kanë persona që kanë familjarë bartës të funksioneve shtetërore, mund të vazhdojnë me realizimin e investimeve. Përndryshe, grante nga FIZHT-ja fituan edhe ndërmarrje me bashkëthemelues zëvendës-kryeministrin për Çështje Ekonomike, Koço Angjushev dhe deputetin e Lidhjes Social Demokrate të Maqedonisë, Hari Lokvenec, për të cilën Prokuroria Publike ka hapur lëndë gjyqësore. /Art Channel/

read more
Ekonomi

ANGJUSHEV: EKONOMIA ËSHTË STABILE

133856653-480×299

Investimet e huaja arrijnë vlerën 327 milionë euro


Në gjysmën e parë të këtij viti kemi rritje të investimeve të huaja në krahasim me tre vitet e fundit këtë e theksoi Zv. Kryeministri për çështje ekonomike Koço Angjushev i cili njëherit theksoi se ky trend i rrtjes së investimeve të huaja tregon se ekonomia e vendit është stabile.

Të dhënat e fundit të Entit Shtetëror për Statistika dhe Bankës Popullore tregojnë se në gjysmën e parë të vitit ka rekord në hyrjen e investimeve të huaja direkte në Maqedoni të cilat arrijnë vlerën deri në 327 milionë euro. Kjo, sipas kryeministrit për Çështje Evropiane, Koço Angjushev është vërtetim i asaj se ekonomia është stabile dhe se plani për rritje ekonomike është duke dhënë rezultate.

Investimet e huaja direkte në 6 mujorin e parë të viti 2018 janë 327 milionë euro edhe atë 218 më shumë se në tre vitet e kaluara. Praktikisht kjo tregon se trendi i rritjes së investimeve në Maqedoni është shpejtuar dhe se politika e përkrahjes transparente të të gjitha ndërmarrjeve në Maqedoni, jep rezultate”, tha Angjushev.

Ndërkaq, ministri i Financave Dragan Tevdovski, në intervistë për MIA-n thekson se në buxhetin e Republikës së Maqedonisë ka pagesë të shkëlqyer të të ardhurave,  ka likuiditet të shkëlqyer, ndërsa bëjmë presion serioz  për realizimin e të ardhurave të parashikuara.

“Presim rritje rreth 30 milionë euro te tatimi i fitimit deri në gusht. Kjo është shenjë e qartë se firmat rikuperohen dhe ekonomia mbetet në këmbë. Të dhënat e fundit për prodhimtarinë industriale në muajin gusht tregojnë rritje të lartë prej 8,4 për qind në krahahim me periudhën e njëjtë të vitit të kaluar”.

Të dhënat e Bankës Popullore tregojnë se gjatë gjashtë muajve, në Maqedoni kanë hyrë 327 milionë euro, më shumë në krahasim me periudhën e njëjtë të vitit të kaluar, ku niveli i investimeve arriti vlerën deri 105 milionë euro. /Art Channel/

 

read more
EkonomiVendi

MINISTRIA E FINANCAVE: NDRYSHIMET LIGJORE DO TË KUFIZOJË KAMATËN E KREDIVE

1478533691-elezii12

Bëhen përpjekje për realizim të investimeve kapitale


Ministria e Financave me ndryshime ligjore do të kufizojë kamatën e kredive të shpejta këtë e njoftoi Zëvendësministrja për Financa, Shirete Elezi pas takimin me kryetaren e Organizatën për Mbrojtjen e Konsumatorëve, Marijana Llonçar.

Zëvendës-ministrja për Financa, Shirete Elezi pas takimin me kryetaren e Organizatën për Mbrojtjen e Konsumatorëve, Marijana Llonçar njoftoi se janë përgatitur ndryshime ligjore në bazë të së cilave do të kufizojë pëfitimin e kredidhënësve nga kreditë e shpejta.

Me ndryshimet ligjore, kredidhënësit nuk do të kenë mundësi të fitojnë më shumë se 55 për qind nga shuma totale e kredisë.

“Ministria e Financave ka përgatitur ndryshime ligjore në të cilën kufizojmë normën ligjore të shfrytëzimeve totale të kredive konsumatorë. Me këto ndryshime ligjore shpenzimet totale nuk lejohen të tejkalohen mbi 55 % duke pasur parasysh përputhjen aktuale të normës”, njoftoi Elezi.

Elezi njoftoi se ndryshimet ligjore bëhen për shkak se në ligjin për kredi nuk janë përfshirë kreditë më të vogla se 200 euro dhe se nuk ka qenë e kufizuar norma e përfitimit. Ndërkaq kryetarja e OMK, Llonçar vlerësoi se me ndryshimet ligjore do të ulen shpenzimet e konsumatorëve.

“Me ndryshimet ligjore do të ulen shpenzimet e konsumatorëve të kredive të shpejta, dhe nuk do të lejohet që ato të jenë enorme siç ka qenë deri më tash”, tha Lançer.

Mirëpo, edhe pse disa herë u pyet nga gazetarët se sa do të paguajnë për kamatë qytetarët për kredi në vlera të caktuara, zëvendësministrja Elezi nuk u deklarua në këtë pjesë. Nuk janë bërë as vlerësime në teren se sa ka qenë deri tash shkalla e kamatave të kredive të shpejta.

Ajo shtoi se në Buxhetin e Republikës së Maqedonisë ka pagesë të shkëlqyeshme të të ardhurave me realizim prej 47 për qind nga e planifikuara, ndërsa deficiti buxhetor është 0,7 për qind apo një e katërta nga i projektuari.

“Bëjmë përpjekje dhe të gjitha institucioneve u bëjmë presione që t’i realizojnë investimet kapitale në periudhën e ardhshme. Për këtë arsye bëmë edhe analiza të caktuara, nëse ka nevojë do të bëhet ribalanc i buxhetit që t’i sistemojmë atje ku ka nevojë nga shfrytëzuesit buxhetor që të realizohen“, theksoi Elezi.

Lidhur me akuzat për huamarrjen, zëvendësministrja tha se përfundimisht me vitin 2016 borxhi publik merrte pjesë me 48,5 për qind të BPV-së ose 4,7 miliardë euro dhe se në fund të vitit 2017 borxhi i përgjithshëm publik është zvogëluar në 47,2 për qind të BPV-së. Ndërkaq, për huamarrjen e djeshme dhe shumën e lartë të regjistruar të letrave shtetërore me vlerë, theksoi se në fillim të korrikut në ankand është regjistruar shumë më e vogël nga ajo që duhej të paguhet. /Art Channel/

 

 

read more
EkonomiVendi

BORXHI PUBLIK: HAJREDINI-TRAJTOHET SI PROPAGANDË POLITIKE

Screenshot_3

Paratë të harxhohen në mënyrë produktive


Problemi me borxhin publik me te cilin ministria e Financave vazhdon të huazon nga kreditorë e vendeve të huaj në çdo dy jave sipas ish-ministrit të Financave Xhevdet Hajredini të dyja qeverite si ajo e kaluara, por edhe qeveria e tanishme këtë problem e trajton si propagandë politike.

Ajo që paraqet problem sipas ish-ministrit të Financave Xhevdet Hajredini është se ku harxhohen parat të cilat merren nga kreditorët e vendit dhe të huaj, sa ata para shfrytëzohen në mënyrë produktive? Ai shton se në qoftë se mjetet harxhohen për zhvillim ekonomikë, atëhere nuk është problem që broxhi të jetë edhe 60 %. Ai flet edhe për ndikimin e eurointegrimeve në rritjen apo zvogëlimin e borxhit të Maqedonisë.

Ndërkaq, nga ministria e Financave ditë më parë njoftuan se nga viti 2008 borxhi publik në mënyrë të shpejtë shënoi rritje, ndërsa në vitin 2016 u përgjysmua. Me menaxhim të përgjegjshëm me borxhin publik, është përmirësuar edhe struktura e tij dhe janë zvogëluar edhe normat e kamatës, si për obligimin ndaj euros, po ashtu edhe për letrat me vlerë”.

Nga kjo ministri njoftojne se Borxhi Publik i Maqedonisë në tremujorin e dytë të këtij viti për 0.1% e tejkaloi nivelin e vitit të kaluar, kur për herë të parë ishte ulur pas 9 viteve dhe ishte 47.7% e BPV-së”. /Lindita Aliu/

 

 

read more
Ekonomi

OEM: NDIHMA SHTETËRORE MUNDËSI PËR RRITJE TË EKSPORTIT

Oda-Ekonomike-e-Maqedonise-780×439

Oem do t’i vizitojë kompanitë që do të marrin para


Oda Ekonomike e Maqedonisë sot publikisht e përshëndeti miratimin e Ligjit për mbështetje financiare të investimeve ku u theksua se vetëm me ndihmën shtetërore për kompanitë e mëdha të suksesshme mund të rritet numri i prodhimeve konkurruese, me orientim eksportues që do ta lëvizin ekonominë.

Oda Ekonomike, siç u tha në konferencën për media, do t’i vizitojë kompanitë që do të marrin para në pajtim me ligjin që të apelojë në zbatimin e tij konsekuent, por edhe do ta promovojë nevojën nga investimet shtesë nga ana e shtetit në sektorin e biznesit. Në këtë konferencë u theksua se vetëm me ndihmën shtetërore për kompanitë e mëdha të suksesshme mund të rritet numri i prodhimeve konkurruese, me orientim eksportues që do ta lëvizin ekonominë.

“Ligji për mbështetje financiare në të cilin janë  inkorporuar masa  të  planit të parë dhe të  dytë për rritje ekonomike, si kërkesë e bashkësisë së biznesit, dëshmoi se ekziston dialog  lidhur me strategjinë për rritje ekonomike. Ligji konfirmon se ekziston dialog dhe partneritet publiko-privat. Në të janë të inkorporuara të gjitha sugjerimet tona, të definuara që prej para dhjetë viteve. Vetëm përmes ndihmës shtetërore në biznes, mund të rritet numri i prodhimeve industriale me përparësi konkurruese”, theksoi Aneta Trajkovska nga Oda Ekonomike.

Oda Ekonomike në konferencën për media e shpërndau broshurën “Është koha për ndryshimin e modelit për zhvillim ekonomik”, e përpiluar prej para 10 vjetëve dhe në të cilën, siç theksoi Trajkovska mes tjerash përfshihen edhe propozime të bashkësisë së biznesit që tashmë janë pjesë e Ligjit për mbështetje financiare të investimeve. /Art Channel/

 

 

read more
Ekonomi

MARRJA E KREDIVE: INTERESI I QYTETARËVE NË KUARTALIN E DYTË

kredit1-587×396-700×440

Trendet pozitive të depozitave do të vazhdojnë


Raporti më i ri i Bankës Popullore tregon se në bazë vjetore, rritja kreditore në fund të kuartalit të dytë të këtij viti arriti 6,3 për qind.

Amvisëritë dhe sektori korporativ më së shumti kontribuuan për rritjen e aktivitetit kreditor në kuartalin e dytë të këtij viti, tregon raporti më i ri i Bankës Popullore.

“Përshpejtimi i rritjes tek depozitat në kuartalin e dytë del prej depozitave të ndërmarrjeve, me kontributin e mëtejmë pozitiv të depozitave të amvisërive”, vlerësoi BPRM.

Pritet trendet pozitive tek baza e depozitave të bankave të vazhdojnë edhe në periudhën e ardhshme, duke siguruar burime stabile për financimin e rritjes kreditore, që sipas projeksionit të prillit, në dy vitet e ardhshme do të lëvizte midis 6,5 dhe 7,7 për qind.

“Pritet ekonomia vendore edhe më tej të mbështetet prej aktivitetit kreditor të bankave, në mungesë të presioneve të inflamacionit dhe ruajtjes së pozitës së volitshme të jashtme, që do të mundësojë ruajtjen e rezervave devizore në zonën e sigurt, vlerëson Banka Popullore.

Sipas raportit, në bazë vjetore, rritja kreditore në fund të kuartalit të dytë të këtij viti arriti 6,3 për qind. Lidhur me burimet e financimit, është vërejtur rritje e përshpejtuar edhe e depozitave. Rritja vjetore e depozitave të përgjithshme në fund të qershorit arriti 10,5 për qind, që gjithashtu, është mbi projeksionin e fundit prej 7,4 për qind. /Art Channel/

 

read more
EkonomiVendi

KUVEND: MIRATOHET LLOGARIA PËRFUNDIMTARE PËR BUXHETIN 2017

Kuvendi_VMRO_prezente-750×430

Rritja ekonomike ka hyrë në zonën pozitive


Kuvendi e miratoi llogarinë përfundimtare të Buxhetit për vitin 2017 në suaza të vazhdimit të seancës së sotme të 53-të. Tevdoski përkujtoi se Qeveria e re në qershor të vitit të kaluar ka gjetur borxh publik me rritje të shpejtë, i cili prej 1,5 miliardë euro në vitin 2008 është rritur në 4,7 miliardë euro në vitin 2016.

Nga ministria e finacave theksuan se nga qeveria paraprake janë trashëguar obligime të vjetruara dhe të pashlyera gjithkund nëpër sistem. Pas ardhjes në pushtet të Qeverisë aktuale siç tha ministri, rritja ekonomike në gjysmën e dytë të vitit 2017 ka hyrë në zonën pozitive, me normë të rritjes prej 0,7 për qind. Konsumi privat dhe eksporti vitin e kaluar janë rritur, ndërkaq papunësia është zvogëluar në 22,4 për qind.

Lidhur me të ardhurat në buxhet, ministri theksoi se ka pasur pagesë solide dhe se ajo ka qenë më e lartë krahasuar me vitin paraprak për 6,1 për qind, ndërsa në krahasim me shpenzimet rregullisht janë mbuluar të gjitha obligimet e shtetit.

“Me ribalancin në gusht të vitit 2017 nga njëra anë u shkurtuan shpenzimet joproduktive, shpenzimet për reklama, shpenzimet rrugore dhe të ngjashme, ndërsa nga ana tjetër u mundësuan masa të cilat sigurojnë përmirësim të standardit jetësor të qytetarëve apo mbështetje e ndërmarrjeve. Paga minimale u rrit në 12.000 denarë dhe kjo kontribuoji që neto paga mesatare të rritet për më shumë se pesë për qind, ku sektorët për tekstil, rroba dhe lëkurë shënuan rritje dyshifrore të pagave. Masat aktive për punësim u rritën. U siguruan edhe mjete për zgjidhjen e sigurimit material të punëtorëve të falimentuar, të cilët atëherë u përfshinë me zgjidhjet aktuale ligjore“, tha Tevdoski.

Ai theksoi se vitin e kaluar shpenzimet e kapitalit janë realizuar në nivel më të lartë historik në vlerë prej 19,86 miliardë denarë, dhe janë për 2,89 miliardë denarë më të larta në krahasim me realizimin e vitit 2016. Deficiti buxhetor është realizuar në vlerë prej 16,86 miliardë denarë apo 2,7 për qind nga BPV. Kjo është për 1,71 miliardë denarë më pak nga projektimi më buxhetin. /Art Channel/

read more
Ekonomi

BEZHOVSKA: GJYSMA E DYTË E VITIT ME SINJALE POZITIVE

134269214

Nuk ka ndryshime për regjimin aktual të kursit të këmbimit


Në gjysmën e dytë të vitit mund të priten norma më të larta të rritjes që do të kishin përmbushur devijimet nga fillimi i vitit, por kyçe për atë, sipas guvernatores së Bankës Popullore të Republikës së Maqedonisë, Anita Angellovska-Bezhosvka, do të jetë nëse aktivitetet e projekteve të mëdha infrastrukturore do të përshpejtohen dhe do të fitojnë në intensitet.

Bezhovska thekson se rritja e projektuar e BPRM-së në kuadër të projeksioneve të prillit është 3,2 për qind për këtë vit që bazohet ndaj disa supozimeve kyçe – mjedis relativisht i favorshëm i jashtëm, gjegjësisht mbulimin e mëtejshëm të kërkesës së huaj me impuls pozitiv ndaj eksportit, ambient politik të brendshëm të qëndrueshëm, fluksi i mëtejshëm i investimeve të huaja etj.

“Për shembull, rënia e punëve ndërtimore dukshëm u ngadalësua, qarkullimi në tregti shënon rritje të përshpejtuar, deficiti tregtar u zvogëlua, ndërsa lëvizje më të favorshme vërehen edhe tek treguesi për ndjenjën ekonomike të Komisionit Evropian. Megjithatë, numri i treguesve në dispozicion, për momentin është i kufizuar për të bërë vlerësim më gjithëpërfshirës për aktivitetin ekonomik në pjesën e dytë të këtij viti“, thotë guvernatorja.

Bezhovska thekson se nuk ka ndryshime për regjimin aktual të kursit të këmbimit dhe se ai është adekuat dhe korrespondon me karakteristikat themelore të ekonomisë së Maqedonisë.

“Ne jemi ekonomi e vogël dhe e hapur, me shkallë të lartë tregtare dhe integrim financiar me BE-në, shkallë të lartë të evropianizimit dhe transferim të shpejtë të ndryshimeve të kursit të këmbimit të qëndrueshme është vlerësuar si strategji optimale, që mund me sukses të sigurojë stabilitetin e çmimeve, si qëllim kryesor monetar, që, paraqet parakusht për rritjen ekonomike dhe nivel më të lartë i të ardhurave në ekonomi”, potencon Angelovska-Bezhoska.

Ajo vlerëson se sistemi bankar i Republikës së Maqedonisë me sukses e ruan stabilitetin dhe qëndrueshmërinë ndaj goditjeve, ndërsa kontribut të konsiderueshëm ndaj kësaj kanë menaxhimi në banka si dhe praktika shumëvjeçare e mbikëqyrjes së thellë dhe të vazhdueshëm të punës së tyre të BPRM-së.

Bankat, potencoi në vazhdimësi, disponojnë me nivel përkatës të likuiditetit, derisa pozita e solvencës ruhet mbi minimum e rregulluar me ligj.  Lidhur me normat e interesit thotë se çmimi i kredive për një periudhë më të gjatë kohore vazhdimisht zvogëlohet dhe se nga fundi i vitit 2009 deri më tani, norma mesatare e interesit në kreditë në denarë është më e ulët për mbi katër për qind pikë dhe për momentin është 5, 8 për qind, që paraqet minimumin historik. /Art Channel/

 

read more
1 2 3 4 99
Page 2 of 99