99 Minuta

Drejtori i Agjencisë së Zbatimit të Gjuhëve, Ylber Sela, i ftuar në emisionin “99 Minuta” shprehu revoltën e tij se krerët shqiptarë të institucioneve shtetërore, nëper dokumente zyrtare, emrat e tyre i shkruajnë në gjuhën maqedone dhe alfabetin cirilik edhe pse ligji ju garanton që emrat e tyre t’i shkruajnë sipas gjuhës amtare.

Agjencia e Zbatimit të Gjuhëve është në përgatitje të një, të  ashtuquajturi, Libri të Bardhë,  në të cilin do të dokumentohen të gjitha shkeljet ligjore rreth përdorimit të gjuhës shqipe në institucionet e vendit./KlanMacedonia

Artisti i njohur shqiptar Çun Lajçi vazhdon turneun e tij nëpër sheshe të qyteteve dhe pas kosoves e shqipërisë , dje në Shkup sot ka ardhur edhe në Tetovë dhe Gostivar për ta prezantuar librin e tij te fundit Bastardet , një libër për socio politikën shqiptare , por perveç ketij titulli z.Lajçi solli edhe disa të tjerë nga 11 librat e tij . Shumë njerëz erdhën per të blerë libra dhe për ta takuar këtë figurë kaq te dashur shqiptare , ne ju sjellim intervisten ku ai tregon se si gjate periudhës se fillimit te pandemisë i ka ardhur kjo ide që ai vet të dale dhe ta shesë produktin e tij , siç shprehet Lajçi , tregon revoltin ndaj situatës politike sociale në vendet tona./KlanMacedonia

Gjinekologia nga Gostivari Hatije Ismaili edhe zyrtarisht u dekorua nga presidenti i Republikës së Slovenisë, Borut Pahor, me çmimin “Mjeku më i mirë në gjithë Sloveninë”. Pas zgjedhjes si gjinekologja më e mirë, ajo falë numrit të lartë të pikëve u shpall fituese edhe e çmimit “Mjeku më i mirë i Slovenisë”.

E ftuar në emisionin “99 Minuta” në Klan Maqedoni , Hatije Ismaili ka shprehur falënderime të shumta për mediat shqiptare që I bënë bujë dekorimit të saj në kryeqendrën sllovene. Ajo shprehet e lumtur se këtë çmim e ka marrë në sajë të votave të pacientëve, të cilët, sic shprehet, kanë votuar për mënyrën e kujdesit dhe trajtimit të tyre nga ana e punonjësve shëndetësor. Gjinekologia Hatije Ismaili thotë se shqiptarët gjithandej botës rrezatojnë ngrohtësi dhe pacientët dijnë këtë gjë ta vlerësojnë, në krahasim me temperamentin e popujve tjerë. Ajo në “99 Minuta” në Klan Maqedoni ka folur edhe rreth karrierës së saj profesionale, përballjes me pandeminë e COVID-19, duke bërë thirrje që shtetet të stimulojnë e t`i pagujanë mirë mjekët me qëllim që të mos largohen drejt vendeve të perëndimit.

Përndryshe, gjinekologia Hatije Ismaili, u lind në Gostivar ku edhe kreu shkollën fillore, në Sh.F. Ismail Qemali (Mosha Pijade – asokohe) dhe dy vitet e para të shkollës së mesme. Më pas, u transferua në shkollën e mesme të medicinës në Mitrovicë ku kreu vitin e tretë, ndërsa të katërtin e kreu në Prishtinë, në shkollën e mesme medicinale atje. Më pas ka vijuar studimet në Fakultetin e Mjekësisë në Rijekë të Kroacisë. Specializimin në fushën e gjinekologjisë e ka kryer në Ljubljanë të Sllovenisë. Aktualisht punon dhe vepron në Novo Mesto të Sllovenisë./KlanMacedonia