close

Kulture

Kulture

EKSPOZITË: “PORTRETET E PERSONALITETЕVE HISTORIKE” 

Screenshot_3

Xhemajli: Të kultivohet arti tradicional shqiptar


Piktori i njohur nga Kosova Emrush Xhemajli mbrëmë hapi ekspozitën individuale “Portretet e dëshmorëve dhe të personalitetеve historike kombëtare” në Galerinë Kombëtare të Republikës së Maqedonisë. Në fjalën e rastit, piktori Xhemajli dha mesazhin  se duhet të kultivohet arti tradicional shqiptar.

“Portretet e dëshmorëve dhe të personalitetеve historike kombëtare”  titullohet ekspozita individuale e piktorit Emrush Xhemajli e cila u hap mbrëmë në Galerinë Kombëtare të Republikës së Maqedonisë.

Xhemajli, ekspozitën në fjalë e organizoi në shenjë të përvjetorëve të personaliteteve më të shquara historike, duke filluar nga 550 vjetori i vdekjes së heroit kombëtar Gjergj Kastrioti Skënderbeu, 140 vjetori i Lidhjes Shqiptare të Prizrenit, 20 vjetori i rënies së Adem Jasharit në Prekaz, 50 vjetori i protestave studentore të vitit 1968 si dhe 30 vjetorit të demonstratave të vitit 1988.

Në fjalën e rastit, piktori Xhemajli falënderoi të pranishmit dhe dha mesazhin  se duhet të kultivohet arti tradicional shqiptar.

Drejtoresha e Institutit të Galerisë kombëtare të Maqedonisë, Dita Starova Qerimi, theksoi se arti i Xhemajlit e vizualizon historinë shqiptare dhe ngre lartë personalitetet e kauzës shqiptare.

Në ekspozitë morën pjesë personalitete të fushave të ndryshme, si nga ajo politike, ashtu edhe nga ajo shoqërore dhe sociale, nga vendi poashtu edhe nga Kosova. Ekspozita në fjalë për herë të parë u hap në Muzeun e Kosovës. /Blerona Jakupi/

 

 

read more
Kulture

TETOVË: TAKIMI POETIK I SHKRIMTARËVE

Kronikat.03_00_03_02.Still002

Për të tretin vit me radhë organizohet takimi poetik i shkrimtarëve për fëmijë dhe të rinj, me të vetmin qëllim, ndërtimin e urave të bashkëpunimit mes lexuesve dhe adoleshentëve me autorët e letërsisë për fëmijë dhe jo vetëm.

Pasi ky vit është quajtur viti i Gjergj Kastriotit Skëndërbeu dhe përkon me 550 vjetorin e vdekjes së tij, ishte zgjedhur shkolla e fshatit Poroj që edhe mban emrin e heroit kombëtar për organizimin e këtij manifestimi. I njëjti u shoqërua me lexim të poezive nga ana poetve dhe nxënësve të grupeve letrare të shkollave fillore, ku për këtë të fundit u ndanë edhe çmime./Lulzime Ameti/

read more
Kulture

TETOVË: TIFF ODA-NGA E HËNA FILLON EDICIONI I SHTATË

Screenshot_1

Të përzgjedhur 84 filma


Prej 1 deri 6 tetor në Tetovë do të mbahet Festivali Ndërkombëtar i Filmit ODA. Për këtë festival, këtë vit janë përzgjedhur 84 filma nga vende të ndryshme të përcaktuara në katër nënkategori.

Nga data 1 deri më datë 6 tetor, në Tetovë fillon edicioni i 7 i Tetova International Film Festival – ODA. Festivali do të hapet me dokumentarin ‘Kobra’ në regji të Igor Ivanov, i cili sjell jetën e yllit të mundjes Shaban Tërstena, kurse do të përmbyllet me filmin ‘Yjet e së ardhmes’ me ikonat e artit skenik, Tinka Kurti, Margarita Xhepa dhe Reshat Arbana. Kryetari i jurisë së Festivalit, Berat Asani, deklaroi se këtë vit janë përzgjedhur 84 filma të kyçur në katër nënkategori.

Organizatori i Festivalit të filmit, Sabedin Selmani, bëri thirrje që filmdashësit të bëhen pjesë e këtij festivali për të parë filmat e kategorive të ndryshme të përgjedhura për këtë vit.

Përndryshe, TIFF ODA do të nis më 1 tetor, në ora 20:00 në lokacionet e Arabati Baba Teqe, njofton KlanmacedoniaMë pastaj, në ditët vijuese TIFF ODA do të fillojë me punëtori, për të vazhduar më pas edhe me shfaqjen e filmave.  Më 6 tetor, do të ketë edhe ekspozitë me fotografi duke filluar në ora 19:30, kurse në ora 20:00 është edhe ceremonia përmbyllëse. /klanmacedonia/

 

read more
Kulture

ÇMIMI NOBEL: SIVJET PA LAUREAT PËR LETËRSI

n_1507445776-6155577-633×336

Shpallja e fituesve nis nga e hëna


Të hënën fillon java e shpalljes së laureatëve të çmimit Nobel për arrirtje në fusha të caktuara. Agjencitë e lajmeve bëjnë të ditur se megjithatë ky akt sivjet karakterizohet nga një boshllëk.  Akademia e Shkencave kësaj here nuk do të japë çmimin për letërsi. Kjo për shkak se sikurse dihet, pati një skandal seksual që në fakt zbuloi ndasi të thella mes këshillit për ndarjen e çmimit që çoi në uljen e prestigjit të këtij institucioni.

Nga themelimi i çmimit në vitin 1900 e deri tani, kjo është hera e dytë që mos jepet çmimi. I pari ka ndodhur në vitin 1949 kur shkrimtari amerikan William Faulkner mori shpërblimin një vitë më vonë,- njofton Klan Macedonia.

Të hënën do të dihet emri i laureatit të Nobelit për mjekësi, ndërsa ditëve të ardhshme edhe për fizikë, kimi, për paqe dhe ekonomi. Përzgjedhjen e fituesve e bën Këshilli 50-anëtarësh i Institutit të Karolinës në Stokholm.

Veç prestigjit, çmimi kap shumën prej rreth 875 mijë eurosh. /klanmacedonia/

 

read more
Kulture

JAZZ FEST TETOVA: EDA ZARI HAP EDICIONIN E TRETË

Screenshot_1

Zari: ‘Publiku tetovar më priti krahë hapur’


Mbrëmjen e djeshme, këngëtarja e mirënjohur Eda Zari, me koncertin e saj hapi edicionin e tretë të festivalit Jazz Fest Tetova. Zari e emocionuar u shpreh se u prit krahëhapur nga publiku tetovar në këtë paraqitje të pare në këtë qytet.

Ritme ballkanike, muzikë xhaz dhe tingëllima jo të zakonshme shqiptare i dhuroi publikut tetovar me zërin e saj të mrekullueshëm dhe potent, këngëtarja, kompozitorja dhe producentja e mirënjohur Eda Zari.

Këngëtarja, të cilën e karakterizon një ëmbëlsi dhe brishtësi, e cila teksa këndon nuk fsheh lotët në skenë nga emocionet, në intervistën dhënë për klanmacedonia shpreh se vlerëson lartë publikun tetovar, i cili e priti me krahë hapur në këtë paraqitje të parë për këtë festival të muzikës jazz.

Poashtu, edhe publiku i cili kishte mbushur sallën e qendrës së Kulturës në Tetovë, u shpreh i mrekulluar nga paraqitja e këngëtares Zari.

Zari, këngëtare e cila karrierën e saj e ka zhvilluar mes Shqipërisë dhe Gjermanisë, në band, e shoqëruan muzikantë të mirënjohur si Rhani Krija, Christian Kappe, Visar Kuçi, Vladimir Gica dhe Gert Kapo. Ky koncert u realizua në kuadër të edicionit të 3 të festivalit JAZZ FEST TETOVA, dhe poashtu, në kuadër të festivalit në fjalë pritet që më datë 29 të këtij muaji koncert të mbajë edhe këngëtarja Rona Nishliu. JAZZ FEST TETOVA pritet të mbyllet më 25 tetor me Toni Kitanovskin dhe Ritmos Negros. /Blerona Jakupi/

 

read more
KultureVendi

SLLATINË: ORGANIZOHET MANIFESTIMI JAVA KULTURORE- 2018”

Rikthehen aktivitetet e shumta kulturore


Tradita e dikurshme e organizimit të manifestimeve verore në Fshatin Sllatinë të Komunës së Tearcës është rikthyer me aktivitete të shumta kulturo-artistike. Pas një kohe shumë të gjatë pikërisht gjatë verës, me rastin e kthimit të mërgimtarëve filluan manifestimet të cilët do të zgjasin tre ditë.

Këshilli organizativ i këtij fshati, nuk e kishte vështirë të organizonte aktivitete të ndryshme sportive dhe kulturore duke patur parasyh se në këtë fshat kanë funksionuar ish-klubi i futbollit “Vëllazërimi”, ish-klubi i futbollit të vogël “Elita” dhe Shoqëria Kulturore Artistike “Vëllazërimi”. Manifestimet filluan me homazhet tek varrezat e dëshmorëve Murtezan Etemi, Burim Huseini, Enver Ademi dhe martirës së vogël  11 vjeçaren, Adelina Arifi. Njëri nga organizatorët e këtij manifestimi Lirim Saliu theksoi se ky manifestim do zgjas tre ditë dhe e gjithë kjo siç theksoi ai do të jetë në shenjë respekti dhe mikëpritje të bashkëatëdhetarëve që jetojnë në mërgim, për të parë nga afër vlerat, kulturën dhe traditat.

Ndërkaq, në shkollën fillore “Eqrem Qabej”, zyrtarisht u hap ekspozita e përbashkët e artistëve të këtij vendbanimi. Publicisti Bardhyl Zaimi, theksoi se kjo ekspozitë ka shumëllojshmëri të pejsazheve duke përfshi  motivet popullore e deri tek abstraktja. Tashmë nga ky fshat janë edhe disa piktorë, të cilët kanë hapur ekspozitat e tyre personale dhe kanë marrë pjesë në ekspozita kolektive.

Në kuadër të manifestimit “Java Kulturore-Sllatinë 2008”, është mbajtur edhe turneu në Shah që poashtu është një traditë e kahmtoshme në këtë fshat. Manifestimi vijoi me turneun në futboll nga grupmoshat e reja. Më pas aktivitetet vazhdojnë edhe ditëve në vijim ku janë paraparë gara në mottocros, ndërsa më pas në natën e tretë është paraparë darka solemne me ushqime tradicionale si dhe programi  artistik me koncert me këngë,valle dhe interpretime dramatike” njoftuan nga këshilli organizativ. /Xhumadije Ibraimi/

 

 

 

 

 

read more
KultureVendi

TETOVË: NËNTË VITE KOLONI ARTISTIKE NDËRKOMBËTARE

Screenshot_3

20 artistë nga vende të ndryshme pjesëmarrës të Kolonisë


Rreth 20 artistë nga vende të ndryshme të botës iu bashkangjitën edicionit të 9 të Kolonisë Artistike Ndërkombëtare “Tetova 2018” organizuar nga I.N Galeria e Arteve Pamore Tetovë dhe financuar nga Ministria e Kulturës së R. Maqedonisë.

Sekretari shtetëror në ministrinë e Kulturës, Valmir Aziri, i cili u takua me artistët për t’i përshëndetur dhe përgëzuar për punën e tyre, deklaroi gjithashtu se kjo koloni çdo vit e më tepër po bëhet akoma më serioze në organizimin e saj dhe shtoi se Ministria e Kulturës këtë vit ka trefishuar buxhetin për këtë koloni.

Nga ana tjetër, artistët u shprehën të kënaqur me organizimin e sivjetëm të ‘Kolonisë së artistëve’ dhe deklaruan se “Kodra e Diellit” i ka frymëzuar në konkretizimin e pikturave të tyre.

‘Është hera e parë që jam pjesëmarrëse në këtë koloni në Maqedoni dhe është një grup artistësh shumë i mirë të cilët sëbashku krijojnë në këtë hapësirë, më pëlqen se bëhet fjalë për këmbim kulturash.’

‘Unë vij nga Turqia dhe është hera e parë që vij këtu, më pëlqeu shumë organizimi, ‘Kodra e Diellit’, dhe më kanë lënë shumë përshtypje për të ardhur sërish.

Përndryshe, artistёt do tё pikturojnë deri mё datё 22 korrik 2018 nё hapёsirat e hotel “Scardus” nё Kodrёn e Diellit nё Tetovё dhe ky aktivitet është bërë traditë tashmë që nga viti 2009. /Blerona Jakupi/

 

read more
Kulture

“SUNNY HILL FESTIVAL 2018”: DUA LIPA KONCERT NË PRISHTINË

CpgLmFZWcAA_E0j

Të ardhurat për bamirësi


Këngëtarja shqiptare me famë botërore, Dua Lipa, në 7 gusht do të shkojë në Kosovë, ku dy ditë më pas do të mbajë koncert bamirësie në Parkun e Gërmisë në komunën e Prishtinës. Të gjitha të ardhurat materiale nga ky koncert do të shkojnë për bamirësi për fondacionin SunnyHill.

Në një konferencë për media janë bërë të ditura datat zyrtare të “Sunny Hill Festival 2018”, artistët zyrtarë të festivalit, lokacioni ku do të mbahet Sunny Hill Festival dhe prezantimi i biletave online dhe çmimi i tyre. Ky festival do të mbahet në Parkun e Gërmisë, 10-12 gusht 2018, ku i tërë vendi do të jetë në dispozicion të festivalit përkundër siç ka qenë para dy viteve, ndërsa çmimi i biletave do të fillojë nga ajo më e lira 35 euro duke vazhduar më pas me 55 euro dhe 75 euro.  Dukagjin Lipa, babai i këngëtarës Dua Lipa, tha se 25% e fondeve që do të mblidhen do të shkojnë për fondacionin “Sunny Hill Foundation”.

Kryetari i komunës së Prishtinës, Shpend Ahmeti tha se është i kënaqur që Prishtina është ombrellë e koncerteve kulturore. Ai shtoi se ky koncert është vetëm një fillim, pasi në të ardhmen do të sjellin në Kosovë sa më shumë këngëtarë të njohur për qytetarët. /Agjencitë/

 

read more
Kulture

EUROVISION 2018: EUGEN BUSHPEPA NA NATËN FINALE

eu-696×392

Në finale edhe shqiptarja tjetër Eleni Fureira


Me këngën “Mall” Eugent Bushpepa u klasifikua në finalet e 12 majit të Eurovision 2018 që zhvillohen në Lisbonë të Portugalisë.

Shpallja e Shqipërisë si finaliste e Eurovision u kthye në një dramë të vërtetë për fansat e Eugent Bushpepës, pasi renditja rastësore e finalistëve e nxori emrin “Albania” të 8-tin nga 10 finalistë që kalonin nga kjo mbrëmje.Në finale ka kaluar edhe këngëtarja tjetër shqiptare, Eleni Fureira, e cila përfaqëson Qipron në këtë Eurovision.

Bushpepa  në performancën e tij u shoqërua nga instrumentistët Denis dhe Gerti Hima, Besnik Nikolli dhe vokalistet Erinda Agolli e Greta Radovani. Kënga “Mall” u prit me ovacione nga publiku i pranishëm në mbrëmjen e parë të gjysmëfinales së Eurovision.Në natën e parë të gjysmëfinales së Eurosong konkurruan 19 shtete: Azerbajxhani, Islanda, Shqipëria, Belgjika, Republika Çeke, Lituania, Izraeli, Bjellorusia, Estonia, Bullgaria, Maqedonia, Kroacia, Austria, Greqia, Finlanda, Armenia, Zvicra, Irlanda dhe Qipro.

Në skenë u ngjit edhe shqiptarja tjetër, Eleni Foureria, e cila përfaqëson Qipron dhe gjithashtu u kualifikua në finale. Në gjysmëfinalen e dytë do të interpretojë edhe shqiptari i tretë i këtij Eurosongu, Ermal Meta që do të përfaqësojë Italinë me “Non mi avete fatto niente”. /Art Channel/

read more
KultureVendi

SHKUP: SHFAQET DKUMENTARI “KOBRA”

Screenshot_6

Filmi i kushtohet kampionit Olipmik Shaban Tërstena


Në kuadër të festivalit të filmit, mbrëmë në kino “Milenium” në Shkup u shfaq premiera e filmit dokumentar “Kobra”. Filmi dokumentar  kustuar sportistit tl shekullit 20-të në Maqedoni, Shaban Tërstena, u shfaq para një numri të madh të mysafirëve nga fusha e sportit, filmit, jetës shoqërore si dhe nga familja e heroit kryesor në filmin “Kobra”.

Filmi “Kobra” bën një përshkrim të jetës dhe karrierës së famshme të Shaban Tërstenës, fitues i 19 medaljeve. Siç tha producenti Tomi Salkovski filmi dokumentar është realizuar që të mos harrohen rezultatet e shkëlqyeshme të kampionit olimpik, jetën dhe raportet e politikës ndaj sportistit.

Ai shpreson se Kobra do të harrojë famën në festivalet e filmit si kampion olimpik. Shaban Tërstena ishte mahnitur pas shfaqjes së dokumentarit dhe tha se është befasuar kur i ishin paraqitur ekipi i “Skopje film studio” të incizoj film për të. Ai tha se asgjë nuk ka fituar, megjithatë është njeri i pasur, pasi kudo që shkon gëzon respekt të madh. “Të gjithë vijnë dhe më urojnë për sukseset dhe kërkojnë fotografi me mua”, tha Tërstena dhe falënderon ekipin që realizoi filmin. Filmi është realizuar nga “Skopje film studio” në përbërje: Igor Ivanov regjisor, Tomi Slakovski producent, Vladimir Pavlovski dhe Dimitar Minov. /Agjencitë/

 

read more
1 2 3 8
Page 1 of 8