close

Showbiz

Showbiz

KENDALL JENNER NUK ZHGËNJEN

Longhamp- 70Birthday Event

Modelja kishte veshur një fustan transparent me dandella të zeza, i cili i nxirrte në pah format trupore. Grimi i thjeshtë dhe buzët e kuqe, i shtonin edhe me shumë hijeshinë.

Kjo ishte dalja e parë e Kendall, pas debateve që pati në industrinë e modelimit. Muajin e kaluar ajo tha se do të zgjidhte vetë se çfarë do të vishte sa herë do të parakalonte në pasarela. Kjo deklaratë nuk i pëlqeu aspak organizuesve të sfilatave.

Megjithatë Kendell, në një deklaratë të dyta tha se fjalët e saj ishin keqinterpretuar. Modelja u shpreh se ishte thjesht një kompliment për veshjet, dhe se fjalët e saj ishin shtrembëruar duke i nxjerrë nga konteksti. /Art Channel/

read more
Showbiz

ERA PRANË NJË TJETËR SUKSESI

era-1

Ky vit ka qenë një ndër më të suksesshmit për këngëtaren Era Istrefi. Pas performancës së saj në finalen e Kupës së Botës bashkë me Nicky Jam dhe Will Smith, Era është akoma dhe më e njohur në botën e muzikës. Kënga “Live it up” e bëri të dëgjuar artisten kosovare në mbarë botën.

Pas publikimit të dy hiteve të saj “Prisioner” dhe “Oh God”, Era është e nominuar për çmimet “BreakTudo Awards 2018”, spektakël që do të mbahet në Brazil. Ylli i këngës Bon-Bon konkurron në kategorinë e “International New Artist” (Artisiti i ri ndërkombëtar), sëbashku me emra të njohur të muzikës ndërkombëtare.

Konkurrimi i Erës në këtë kategori është bërë publik edhe në faqen zyrtare të këtij kompeticioni, ku njoftohet se votimet zgjasin deri në datën 15 Tetor. /Art Channel/

read more
Showbiz

ISCO ‘SHKËLQEN’ EDHE NË JETËN PRIVATE

auto_w21509610619

Mesfushori i Realit të Madridit dhe kombëtares spanjolle, Isco është duke kaluar një moment të shkëlqyer në karrierën e tij futbollistike.

Ai është kthyer në një lider, si për skuadrën e Zidanes, ashtu edhe për atë të Lopeteguit, me golat dhe lojën fantastike që po zhvillon.

Por duket se ylli spanjoll nuk mbetet pas as në jetën private. Së fundi mediat kanë folur për një lidhje të tij me aktoren spanjolle Sara Salamo.

Ndonëse 25 vjeçarja simpatike e ka mohuar këtë fakt, paparacët kanë fotografuar çiftin teksa shkonin bashkë në kinema, duke shuar çdo dyshim mbi lidhjen e tyre. Mesa duket, Isco po shkëlqen edhe në jetën private. /Agjencitë/

read more
Showbiz

FEJOHET LADY GAGA!

auto_GAGA1509607135

Lady Gaga dhe Christian Carino janë fejuar.

Ndonëse as njëri e as tjetri nuk e kanë konfirmuar një gjë të tillë, një burim i afërt me çiftin ka brërë të ditur se këngëtarja dhe agjenti i talenteve janë fejuar në mënyrë sekrete, larg publikut, gjatë verës.

Madje sipas të njëjtit burim, Carino i ka kërkuar babait të këngëtares leje për fejesë.

Por a do të ketë një martesë së shpejti?

Kjo duket se nuk është në planet e afërta të çiftit, për shkak të gjendjes shëndetësore të këngëtares 31 vjeçare.

Siç është raportuar më parë, ylli i muzikës pop vuan nga një çrregullim kronik që shkakton dhimbje dhe muskuj të butë, së bashku me problemet me lodhjen, kujtesën dhe disponimin e ndryshueshëm.

Muajin e kaluar, ajo njoftoi vendimin e saj për të shtyrë turneun e saj evropian “Joanne” vetëm disa ditë pasi u shtrua në spital.

“Unë u dërgova në spital, nuk është thjesht dhimbje e zakonshme, unë kam dhimbje vërtetë shumë të forta. Por jam në duart e mjekëve më të mirë”, kishte shkruar vetë këngëtarja në llogarinë e saj në Isntagram për fansat e saj.

Gaga dhe Carino janë në lidhje qysh nga muaji shkurt, kur edhe u kapën nga fotografët duke u puthur.

Këngëtarja e shumë hiteve ishte më parë e fejuar me Taylor Kinney para se të ndaheshin në muajin korrik të vitit 2016, pas pesë vjetëve së bashku.

Në atë kohë, këngëtarja kishte thënë se besonte se ajo dhe aktori Kinney ishin shpirtra binjakë, por që kishin nevojë për “pushim”. /Agjencitë/

 

read more
Showbiz

SALMA HAYEK: SI MË NGACMOI SEKSUALISHT DONALD TRUMPI

selma

Morisë së të famshmeve, të cilat jo vetëm kanë dalë hapur kundër Donald Trump, por madje e kanë akuzuar atë se i ka ngacmuar seksualisht, i shtohet edhe Salma Hayek.

Aktorja ka rrëfyer për një program radiofonik në gjuhën spanjolle, një ndodhi të shumë viteve më parë, kur ishte e re dhe kishte një të dashur.

“Kur e njoha atë, kisha një të dashur dhe isha e lumtur. Ai (Trump) u përpoq të hynte në shoqëri me të dashurin tim që të merrte numrin e telefonit të shtëpisë ku ne jetonim. Kur i thashë se nuk do të dilja në një takim me të edhe nëse nuk do të kisha një të dashur, ai e mori si mungesë respekti, nisi të më telefononte akoma më shumë”, ka treguar ajo.

read more
Showbiz

PARIS: GRABITET KIM KARDASHIAN!

91495556_reuters_kim

Kim Kardashian ka përjetuar një prej momenteve më të vështira të jetës së saj, pasi është grabitur me armë. Pesë persona të armatosur e të maskuar si policë, hynë në dhomën e rezidencës luksoze në Paris, ku Kardashian po qëndron në kuadër të javës së modës në kryeqytetin francez.

Mediat e huaja raportojnë se ata e kanë lidhur dhe mbyllur në tualet, e më pas i kanë vjedhur sende me vlerë prej 16 milionë dollarësh, mes të cilave disa stoli dhe celularin.

Zëdhënësja e 35-vjeçares, Ina Treciokas, bën të ditur se gjithçka kishte ndodhur ndërsa Kim gjendej në një rezidencë luksoze të frekuentuar nga yjet në “Champs Elysees” në Paris, rreth orës tre të natës.

Pasi lidhën fillimisht rojen e natës, pesë agresorët hynë në dhomën ku po qëndronte Kardashian, duke e lidhur edhe atë, sipas mediave franceze, e duke e mbyllur më pas në tualet. Prokuroria franceze ka nisur hetimet. Bëhet e ditur se Kim, e cila shoqërohet në Paris nga nëna, motrat dhe dy fëmijët e saj, thuhet të jetë e tronditur nga ngjarja, por nuk ka pësuar dëmtime fizike. Fëmijët North dhe Saint, 3 vjeç dhe 6 muajsh, nuk gjendeshin në dhomë në momentin e plaçkitjes, e as bashkëshorti Kanye West. Ky i fundit ndërpreu menjëherë koncertin “Meadows Festival” në Nju Jork, për të qenë pranë gruas së tij.

Mediat raportojnë se prapa këtij krimi qëndron banda Pink Panther, e cila është aktive që nga viti 1984, ndërsa deri më tani kanë vjedhur stoli në vlerë prej qindra miliona euro. Kim Kardashian thuhet se është viktima më e re e bandës së hajnave serbë, të njohur si Pink Panther./Agjencitë/

read more
Showbiz

KINEMATOGRAFI: “AGNUS DEI” – FILMI MË I MIRË I HUAJ

20140512091841773646

Filmi “Agnus Dei” me regji të Agim Sopit, bashkëprodhim i AS Film Production dhe Qendrës Kinematografike të Kosovës, ka fituar çmimin si Filmi më i mirë i huaj (Best Foreign Feature Film) në Chautauqua International Film Festival, i cili ka përfunduar mbrëmjen e së hënës me një ceremoni solemne në Jamestown të SHBA-së.

Ky film deri më tani ka radhitur pas vete 71 çmime ndërkombëtare, të fituara në të katër anët e globit, duke qenë pjesë zyrtare e rreth 160 festivaleve.

Gjatë muajit gusht, filmi “Agnus Dei” është shfaqur edhe në Brazil International Film Festival – Rio de Janeiro ku ka qenë i nominuar për filmin më të mirë të festivalit, e po ashtu në Swedish International Film Festival në Stockholm, kurse gjatë gjysmës së dytë të muajit do të shfaqet në programet zyrtare edhe të New York International Film Festival, i cili mbahet në The Bow Tie Chelsea Cinemas, në zemër të Manhattan-it. /Agjencitë/

read more
Showbiz

ERMAL MAMAQI RRËFEN TMERRIN E PËRJETUAR NË AKSIDENT

1225287
Ditë më parë në Ferizaj u aksidentuan këngëtari Alban Skenderaj dhe aktori Ermal Mamaqi. Ky i fundit  përmes një postimi në Facebook  ka treguar momentet e tmerrit.
”Aksidenti ndodhi si pasojë e një rrethrrotullimi të pandriçuar dhe të paparalajmëruar.Nga aksidenti nuk ka patur të lënduar edhe pse nga fotot duket se përplasja ka qenë shumë e fortë”, ka shkruar Mamaqi.
Ai ishte i ftuar në një koncert në Shkup bashkë me këngëtarin Alban Skënderaj për festën e madhe të Fiter Bajramit. /Agjencitë/
read more
Showbiz

KINEMATOGRAFI:“DASHURIA E BJESHKËVE TË NEMUNA 2”, FILM I SAPOREALIZUAR

no thumb

Në kohën kur ishte shfaqur pjesa e parë e këtj filmi, kinematografia kosovare kishte shënuar një kthesë cilësore, si për nga motivet që trajtoheshin, ashtu edhe për nga guximi artistik për të transponuar në shirit filmik  disa tema tabu, karakteristike për njerëzit urban, që paraprakisht kishin patur një histori të lidhur me jetën e maleve.

Filmi “Dashuria e Bjeshkëve të Nemuna 2”, i cili po pritet me interesim nga artëdashësit, sapo është realizuar dhe pritet që së shpejti edhe të publikohet.

Këtë e ka bërë të ditur edhe Shkumbin Kryeziu, këngëtari dhe djali i regjisorit Ekrem Kryeziu përmes një postimi të tij në Facebook dhe me këtë rast ka publikuar edhe trailerin e filmit.

“Së shpejti publikohet filmi komplet në YouTube në kanalin ArkivaShqip”, shkruan Shkumbini në postimin e tij.

Kujtojmë se filmi në regji të Ekrem Kryeziut, është realizuar nga “Labia Film”, kurse në rolet kryesore luajnë Diellza Kolgeci, Florian Agalliu, Fatime Sefaj, Nimon Muçaj, Klodian Hoxha, Çun Lajçi, Besmir Bitraku dhe Astrit Krasniqi. /Agjencitë /

read more
Showbiz

ROLLING STONES: KONCERT HISTORIK NË KUBË

no thumb

Rolling Stones ka dridhur Havanën. Rock-grupi britanik ka performuar para dhjetëra-mijëra njerëzve në kryeqytetin e Kubës, ku muzika e tij ka qenë e ndaluar për disa dekada.

“Në karrierën tonë të gjatë ne kemi mbajtur koncerte në shumë vende të veçanta, por kjo shfaqje në Havanë do të jetë një moment historik për ne, dhe shpresoj, edhe për të gjithë miqtë tanë në Kubë”, – bëri të ditur grupi muzikor në një deklaratë.

Koncerti është zhvilluar pak ditë pas vizitës historike të presidentit të Shteteve të Bashkuara, Barack Obama, në Kubë.

Mick Jagger( mik xheger)  ka mirëpritur fansat në gjuhën spanjolle, përpara se të niste performancën me hitin e vitit 1968 Jumpin’ Jack Flash.

Rolling Stones ka qenë i ndaluar në ishullin komunist, pasi muzika e tij është konsideruar si armiqësore. Koncerti i grupit legjendar ka qenë falas.

Sipas mediave në Kubë, mbi 500,000 veta e kanë ndjekur atë.

“The Rolling Stones” u formuan në Londër në 1962. Në atë kohë regjimi i Fidel Castros e bënte të pamundur rebelimin me këngët e tyre apo flokët e tyre të gjatë, ndërsa këngët e Rolling Stones apo Beatles nuk lejoheshin të dëgjoheshin as në Radio dhe as në Televizion.

Por për ironi të fatit, gjysmë shekulli më vonë, edhe Rolling Stones edhe udhëheqësit e Kubës, ndanin të njëjtat emocione, gjatë këtij koncerti./Agjencitë e lajmeve/

 

read more