close

Rajoni

Rajoni

SHËNIMI I PËRFUNDIMIT TË LUFTËS SË PARË BOTËRORE: PRESIDENTI KOSOVAR PËRKRAH LIDERËVE BOTËRORË

1117800119-1-650×358

Presidenti serb Vuçiq thotë ‘nuk desha të bëj skandal’


Një ditë pas shënimit të njëqindvjetorit të përfundimit të Luftës së Parë Botërore, në Paris të Francës, në Beograd vazhdon pakënaqësia me trajtimin që iu bë president serb Aleksandar Vuçiq, i cili u la larg liderëve botërorë, për dallim nga presidenti Kosovar, Hashim Thaçi, që ishte ulur pranë kancelares gjermane, Angela Merkel, presidentit francez Emmanuel Macron si dhe presidentit rus, Vladimir Putin.

Ambasadori i Francës në Beograd, Frederic Mondoloni, është gjetur këtë mëngjes mes gërshërëve të medias serbe për shkak të vendeve ku u ulën presidenti i Kosovës, Hashim Thaçi e ai i Serbisë, Aleksandar Vuçiq. Në adresë të protokollit, përkatësisht mikpritjes franceze, kritik ka qenë edhe vet Vuçiqi, teksa ka pranuar se Thaçi ka pasur pozicion më të mirë se të gjithë liderët e Ballkanit Perëndimor, por që është mjaftuar me komentimin se ‘nuk kishte kuptim që atje të shkaktonte skandal’.

E, kryediplomati francez në metropolën serbe, këtë të hënë i ka kërkuar falje presidentit, por edhe popullit serb:  Nuk e di çfarë ndodhi. Them se ky ishte gabim për keqardhje,’- ka arsyetuar ambasadori francez.

Analistët serbë, ndërkaq kanë shtruar pyetjen se kujt i dedikohej një mesazh i tillë – Vuçiqit apo presidentit rus Vladimir Putin, prapa të cilit ishte sedilja e Presidenti Hashim Thaçi.

Media në Pishtinë, ndërkaq ka nënvizuar se në shënimin e njëqindvjetorit të Luftës së Parë Botërore, jo të gjithë patën mundësi të ulen në vendet më të veçanta. Për dallim nga presidenti serb, Aleksandar Vuçiq, ishte pikërisht i pari i shtetit të Kosovës, Hashim Thaçi i cili u ul në binën A ku ishin liderët e shteteve dhe të organizatave më të fuqishme të botës. Thaçi si duket ka pasur trajtim të veçantë edhe në Forumin e Paqes që u zhvillua po të dielën në Paris: ai ishte në afërsi të kancelares gjermane, Angela Merkel, presidentit francez Emmanuel Macron si dhe presidentit rus, Vladimir Putin. /Klan Maqedoni/

 

read more
Rajoni

DY TËRMETE NË DETIN JON, TRONDITEN ISHUJT GREKË

termet-933×445

Dy tërmete njëri pas tjetrit kanë goditur ishujt grekë mëngjesin e sotëm. Sipas të dhënave sizmiologjike, tërmeti i parë ka rënë në detin Jon dhe ka qenë me magnitudë 4.6. Disa minuta më vonë, ra një tjetër tërmet me magnitudë 4.5.

Tërmetet kanë rënë në një thellësi prej 10 kilometra nën tokë, duke bërë që lëkundjet të ndiheshin në Zakyntho, Patra dhe Athinë. Tërmeti u ndje edhe në jug të Shqipërisë.

Nga lëkundjet sizmike nuk ka persona të lënduar, dhe as dëme materiale. /tvklan.al

read more
Rajoni

BRUKSEL: DEKLARATA E VUÇIQIT KONTRADIKTORE

9F0E37BE-55D6-4132-A820-39C930DE5014_cx0_cy9_cw0_w1023_r1_s

Kocijançiq: Presidentët janë angazhuar që të vazhdojë dialogu


Koorespodentja e Tv tonë në Bruksel Erisa Zykaj njofton se Shefja e diplomacisë europiane, Federica Mogherini nuk ka akorduar deklaratat me presidentin e Serbisë, Aleksandër Vuçiq pas përfundimit të raundit të radhës të dialogut të nivelit tê lartë Prishtinë-Beograd që është zhviluar në Bruksel.

Një ditë pas takimit, deklarata e Federica Mogherinit, e cila ndërmjetëson dialogun Prishtinë-Beograd është krejtësisht në kontradiktë me atë të presidentit serb, Aleksandër Vuciq. Ky i fundit ka bërë të qartë pas takimit të djeshëm, se nuk do marrë më pjesë më në dialog, përderisa masat e marra në kuadrin e CEFTë-s nga qeveria e Kosovës të jenë në fuqi. Ndërkohë, që sipas deklaratës së Federica Mogherinit, të përcjellur nga zëdhënësja Maja Kocijaniq, të dy presidentët janë angazhuar që të vazhdojnë dialogun:

“Përfaqësuesja e lartë e BE-së, Federica Mogherini dhe dy presidentët u takuan për dialogun e nivelit të lartë për normalizimin e marrëdhënieve midis Prishtinës dhe Beogradit dhe për arritjen e një marrëveshjeje ligjërisht të detyrueshme. Siç e kemi përcjellur edhe në deklaratën tonë të mbrëmshme, ne presim që Serbia dhe Kosova të arrijnë rezultate të shpejta nga angazhimet e marra në kuadrin e dialogut, veçanërisht për lidhjen direkte që ka normalizimi gjithpërfshirës midis dy palëve me aspiratat e tyre të integrimit në BE. Serbia dhe Kosova duhet të frenohen nga fjalë, aksione dhe masa, që janë në kundërshtim me normalizimin e marrëdhënieve dhe të krijojnë një klimë të favorshme dialogu.Dhe ju duhet të keni parë, që të dy presidentët ranë dakort që të rrijnë në kontakt konstant për të siguruar vazhdimin e vlerësimit të takimit të djeshëm dhe kontaktet në fakt do vijojnë.“-tha Maja Koçijançiq, zëdhënëse e KE-së

Kjo nuk është hera e parë që për të njëjtin takim, versioni europian është krejtësisht në kundërshtim me atë serb. Presidenti Aleksandër Vuçiq është shprehur se nuk do vijë në Bruksel nëse qeveria e Kosovës nuk ndryshon masat e marrë për rritje me 10% të taksave lidhur me importin e mallrave nga Serbia dhe Bosnjë-Hercegovina. Sipas Komisionit Europian, masat që synohen të aplikohen nga qeveria e Kosovës janë dhunim i marrëveshjes së tregtisë së lirë për Europën Qëndrore CEFTA dhe qeveria e Kosovës duhet të tërhiqet nga këto masa. /Erisa Zykaj – Bruksel/

read more
Rajoni

NGJARJA NË BULARAT: 52 SHTETAS GREKË SHPALLEN “PERSONA NON GRATA”

sander-lleshi

Personat dje morën pjesë në ceremoninë mortore


Në Shqipëri, kryeministri Edi Rama firmosi sot kërkesën e re dërguar presidentit Ilir Meta përmes së cilës ai ripropozon gjeneralin Sandër Lleshi, në postin e ministrit të Brendshëm. Presidenti shqiptar Ilir Meta i ftoi të lexojnë Kushtetutën dhe kompetencat e Presidentit.

Ndërkaq, ministria e Brendshme njoftoi sot se ka vendosur të shpallë “persona non grata” dhe t’u ndalojë për pasoje hyrjen në të ardhmen në territorin shqiptar 52 shtetasve grekë, të cilët morën pjesë dje në ceremoninë mortore të minoritarit 35 vjeçar Kostandin Kacifas.

Sipas zëvendës ministrit të Brendshëm Sandër Lleshi masa ndaj tyre është marrë “për veprimtari të organizuar në dëm të sovranitetit të Republikës së Shqipërisë dhe shfaqje e deklarata sfiduese ndaj rendit kushtetues, sigurisë kombëtare dhe qetësisë publike të këtij vendi”. /Agjencitë/

read more
Rajoni

THAÇI DHE VUÇIQ TAKOHEN NË BRUKSEL

thaci-dhe-vucic-820×445

Presidenti i Kosovës, Hashim Thaçi, dhe ai i Serbisë, Aleksandar Vuçiç, takohen sot në Bruksel, në kuadër të bisedimeve për normalizimin e marrëdhënieve midis dy vendeve.

Shefja e politikës së jashtme të Bashkimit Evropian, Federica Mogherini, njëherësh ndërmjetësuese e dialogut, tha se pret nga dy liderët që të konfirmojnë gatishmërinë e tyre për të intensifikuar punën drejt arritjes së një marrëveshjeje ligjërisht të obligueshme për normalizimin e marrëdhënieve.

Marrëveshja është kusht edhe për Kosovën, edhe për Serbinë që të përparojnë në rrugën e integrimit evropian.

Në një takim në Alpbah të Austrisë në muajin gusht, Thaçi dhe Vuçiq kanë shpalosur publikisht idenë për ndryshimin e kufijve, si mundësi për zgjidhjen e mosmarrëveshjeve midis dy vende./REL

read more
Rajoni

KE: KOSOVA PO DHUNON PARIMET E CEFTËS

komisioni

Kocijançiq: Presim që Kosova të përmbush detyrimet


Masat e anoncuara nga qeveria e Kosovës pêr rritjen me 10 % të takasave për importin e mallrave nga Serbia dhe Bosnja-Hercegovina janë dhunim i marrëveshjes së tregtisë së lirë për Europën Qëndrore, CEFTA. Ky është qëndrim i  Komisioni Europian, i cili i kërkon qeverisë së Kosovës të tërhiqet nga ky hap i papritur, siç e ka artikuluar në konferencën e mesidtës së ekzekutivit europian, Maja Koçijançiq.

‘Ne presim sqarime urgjente nga qeveria e Kosovës në përgjigjje të anonçimit tê papritur për rritje me 10% të taksave për importin e mallrave nga Serbia dhe Bosnja-Hercegovina. Këto masa janë dhunim i qartë i detyrimeve që Kosova ka në kuadrin e CEFTË-s, presidencën e të cilës mban aktualisht. Ne presim që Kosova të përmbushë detyrimet që rrjedhin nga marrëveshja e CEFTË-s dhe i kërkojmë autoriteteve të Kosovës të tërhiqen nga ky hap. Ne besojmë, që ky vendim cënon bashkëpunimin rajonal, përfshirë këtu edhe zonën ekonomike rajonale dhe nuk është në përputhje me parimet që përmban marrëveshja e asocim-stabilizimit midis BE-së dhe Kosovês”-shprehet Maja Kocijançiq, zëdhënëse e KE-së

Por pyetja nëse patur reagime të tilla nga Komisioni Europian kur hapa të ngjashëm janë anonçuar nga Serbia apo vende të tjera të rajonit, nuk ka gjetur përgjigjjje. Komisioni Europian ka lënë në pikëpyetje trajtimin e njëjtë të vendeve që kanë nënshkruar marrëveshje të CEFTË-s.  /Erisa Zykaj, Bruksel/

 

 

read more
Rajoni

SERBI-TURQI: SHKËMBIM MALLRASH NË VLERËN MBI NJË MILIARDË DOLLARË

Screenshot_2

Turqia është bërë ndër partnerët më të rëndësishëm tregtarë të Serbisë. Sipas të dhënave zyrtare deri tani në këtë vend, kapitali turk ka investuar mbi 200 milionë euro, ndërkohë që shkëmbimi i mallrave ka tejkaluar shumën prej një miliardë eurosh.

‘Ju turqit që jeni sjellur të mbani llogari për prodhimin, të kujdeseni për gratë tona, të jeni të mirë e të kujdesshëm ndaj tyre…A më dëgjuat, o turq’!-shprehet Presidenti serb, Aleksandar Vuçiq.

Presidenti serb, Aleksandar Vuçiq, ditë më parë, nuk ka fshehur kënaqësinë për investimin më të ri nga Turqia në një fabrikë tekstili në qytetin e Kralevës në vlerën 35 milionë euro ku gjatë tre viteve të ardhshme do të gjejnë punë rreth dy mijë e pesëqind veta, kryesisht gra.

Në fakt, vitet e fundit bashkëpunimi Turqi-Serbi është në lulëzim e sipër. Presidenti turk Rexhep Taip Erdogan ka konfirmuar se vitin e kaluar shkëmbimet tregtare me Serbinë kanë kaluar një miliardë dollar duke bërë publik edhe objektivin që gjatë periudhës që vjen vlera të ngritet në tre miliardë.

Gjatë takimit të fundit në Ankara, presidenti serb Vuçiq ka pranuar se falë presidentit Erdogan dhe investimeve turke në Serbi problemi i papunësisë më nuk është si më parë. Ndërkohë, për produktet serbe – tregjet turke vazhdojnë të mbeten të hapura. Ankaraja zyrtare nuk e fsheh se tek Beogradi shikon faktorin kyç për paqe dhe stabilitet në Ballkan. /Klan Macedonia/

read more
Rajoni

KURZ: DO TË MBËSHTESIM MARRËVESHJEN KOSOVË-SERBI

sebastian-kurz-e1541497603431

Kancelari austriak skeptik për liberalizimin e vizave


Kancelari austriak, Sebastian Kurz, tha sot në Prishtinë se Vjena e mbështet cilëndo marrëveshje të paqes që arrihet në dialogun ndërmjet Prishtinës dhe Beogradit, duke mos përjashtuar as opsionet për ndryshimin e kufijve. Kurz i bëri këto komente gjatë një konference të përbashkët me presidentin e Kosovës, Hashim Thaçi.

“Vetëm një marrëveshje paqeje mes dy vendeve do të mund t’i hapte rrugë anëtarësimit të tyre në Bashkimin Evropian.Qeveria e Austrisë pajtohet me cilëndo marrëveshje, e cila arrihet ndërmjet Prishtinës dhe Beogradit. Pra, ne jemi të bindur që nëse ia dalin të kenë marrëveshje, askush nuk do të jetë kundër saj. Edhe nëse ajo është korrigjim i kufijve dhe shkëmbim i territoreve, ajo do të mbështetet nga ne”, tha Kurz.

Kancelari austriak, vendi i të cilit mban aktualisht presidencën e BE-së, theksoi se nuk do të ketë stabilitet në rajon dhe as perspektivë evropiane pa një marrëveshje paqeje mes Kosovës dhe Serbisë. Përderisa Kurz foli me tone pozitive për dialogun mes Prishtinës dhe Beogradit, ai nuk e fshehu skepticizmin e tij për krijimin e ushtrisë së Kosovës dhe liberalizimin e vizave. “Sa i përket idesë së ushtrisë së Kosovës, jemi shumë skeptikë. Rajonit i duhen masa që çojnë në stabilitet dhe jo në destabilitet”, tha Kurz.

Në lidhje me liberalizimin e vizave për qytetarët e Kosovës, Kurz tha se ende ka shumë vende anëtare të Bashkimit Evropian që janë skeptike në këtë proces. Ndërkohë, presidenti i Kosovës, Hashim Thaçi, tha se dialogu me Serbinë duhet të vazhdojë deri në arritjen e një marrëveshjeje gjithëpërfshirëse, e cila, sipas tij, do të sillte njohje reciproke dhe anëtarësimin e Kosovës në Kombet e Bashkuara.

Pas takimit me presidentin Thaçi, kancelari Kurz zhvilloi një takim edhe me kryeministrin e Kosovës, Ramush Haradinaj. Vizita e kancelarit austriak në Kosovë bëhet një ditë pasi ai qëndroi në Beograd, ku e bëri të qartë se e vetmja mundësi për anëtarësimim e Serbisë në Bashkimin Evropian është përmes arritjes së një marrëveshjeje me Kosovën. /REL & Agjencitë/

 

read more
Rajoni

TIRANË: ZGJEDHJET LOKALE MË 30 QERSHOR TË VITIT 2019

Presidenti-Meta-1-933×445

Partitë politike pa dakordësi për reformën zgjedhore


Në Tiranë, Presidenti Ilir Meta ka caktuar të dielën e 30 qershorit të vitit të ardhshëm – ditë të zgjedhjeve për organet e qeverisjes vendore. TV Klan njofton se kreu i shtetit ka marrë vendimin pavarësisht një kërkese të operatorëve turistikë që zgjedhjet të mbaeshin në një datë që nuk do e dëmtonte sezonin e turizmit.

Në Shqipëri, zgjedhjet e ardhshme vendore do të mbahen më 30 qershor të 2019. Vendimi u mor sot nga Presidenti Ilir Meta. Javën e shkuar, kreu i Shtetit, organizoi për këtë çështje, konsultime dhe me kryetarët e grupeve parlamentare, ndërsa sot pati një takim dhe me kryetarin e Parlamentit Gramoz Ruçi.

Në zgjedhjet e shkuara vendore, koalicioni i majtë i udhëhequr nga Partia Socialiste e kryeministrit Edi Rama dhe Lëvizja Socialiste për Integrim, fituan shumicën dërrmuese të 61 bashkive të vendit. E majta mundi të marrë 45 bashki. Nën kontrollin e saj kaluan thuasje të gjitha qytetet e mëdha të vendit, me përjashtim të Shkodrës, e cila i mbeti të djathtës. Koalicioni i partive të djathta, i udhëhequr nga Partia Demokratike fitoi vetëm 15 bashki. Ndërsa Bashkia e Finiqit në jug të vendit u fitua nga Partia “Minoriteti etnik grek për të ardhmen”.

Zëri i Amerikës njofton se ashtu si dhe në të kaluarën, problem duket se mbetet reforma zgjedhore. Ndonëse një Komision i posaçëm i parlamentit po bëhet gati dy vjet që është ngritur, mes palëve nuk ka ende një dakordësi. / Klan Macedonia/

 

 

 

 

read more
Rajoni

SHQEKIQ: ZGJIDHJEN E DINË RUSIA DHE AMERIKA

4795385815be01bd5a6c00853297301_v4_big

Thaçi e Vuçiqi do të takohen në Francë?


Presidenti francez, Emmanuel Macron, më 11 nëntor do të presë shumë liderë botërorë, në manifestimin e përvjetorit të 100-të të përfundimit të Luftës së Parë Botërore. Pala serbe ndërkohë nuk e ka mirëpritur edhe praninë e Presidentit të Kosovës. Megjithatë, besohet se më 11 nëntor, nëse gjithçka shkon sipas planit, në Paris do të ketë takim mes presidentit Hashim Thaçi dhe homologut të tij serb, Aleksandar Vuçiq, të cilët ka kohë që kanë ndërprerë kontaktet. Analistët serbë, ndërkaq janë të prirur të besojnë se zgjidhja do të imponohet nga administrata amerikane dhe ajo ruse.

Gazetarët Jaksha Shqekiq e Marko Subotiq, kanë vlerësuar për televizionin serb TV Prva se është faktori ndërkombëtar, sidomos ai ruso-amerikan, por edhe evropian, ai që ka për të vulosur fatin e negociatave mes Kosovës e Serbisë. Së këndejmi ata mendojnë se qëndrimi i presidentëve Aleksandar Vuçiq dhe Hashim Thaçi në shënimin e përvjetorit të Ditës së Fitores në Francë, do të jetë mundësi që liderët e të dyja vendeve të ripërtërijnë dialogun e pezulluar që nga muaji korrik.

Jaksha Shqekiq është i mendimit se Prishtina dhe Beogradi, duke lënë anash Bashkimin Evropian, ua kanë lënë amerikanëve dhe rusëve të vendosin se çfarë do të bëhet me Kosovën. Sipas tij janë katër njerëz që e dinë zgjidhjen për Kosovën, por në mesin e tyre nuk janë as Vuçiqi e as Thaçi.

‘E dinë Putini, Lavrovi, Boltoni dhe Perry… Ata komunikojnë mes veti sepse, e dëgjuat çfarë tha Vuçiqi: ‘Unë ia thashë Putinit planin serb’, kryeministrja tha ‘Brukseli nuk e di’, ne nuk e dimë. Boltoni ishte në Moskë, ata biseduan, pa marrë parasysh se zyrtarisht thanë se nuk kanë biseduar. E kemi letrën e tyre kongresistëve, senatorve, si një shenjë se Amerika po ndryshon diçka. Moska dhe Uashingtoni do të merren vesh se si ka për të përfunduar kjo,’- është shprehur për TV serb ‘Prva’, analisti i njohur Jaksha Shqekiq.

Ndërkaq, kolegu i tij Marko Subotiq, pret që gjatë qëndrimit në Francë Hashim Thaçi e Aleksandar Vuçiq të rivendosin dialogun nga ai cili, Subotiq, nuk pret ndonjë arritje konkrete.

‘Unë mendoj se mbase është edhe dëshirë e Francës të mirëpresë dhe të organizojë një takim nga i cili, fatkeqësisht, nuk mund të presim asgjë të madhe, sepse në bazë të deklaratave të të gjithë të interesuarëve në këto negociata, për momentin jemi larg çfarëdo zgjidhjeje, por është me rëndësi që dialogu të ripërtëritet dhe të mos kemi më tensione,’– thotë gazetari Marko Subotiq. 19.25’

Presidenti francez, Emmanuel Macron, më 11 nëntor do të presë shumë liderë botërorë, në manifestimin e përvjetorit të 100-të të përfundimit të Luftës së Parë Botërore. Pala serbe ndërkohë nuk e ka mirëpritur edhe praninë e Presidentit të Kosovës, sado që raportohet se takimi, qoftë edhe joformal, është mëse i sigurt. / Klan Macedonia/

 

read more
1 2 3 4 206
Page 2 of 206