close

Rajoni

Rajoni

BEOGRAD: VUÇIQI PARALJMËRON ZGJEDHJE TË PARAKOHSHME

no thumb

Kryeministri serb Aleksandar Vuçiq ka paralajmëruar sot se vendi do të shkojë në zgjedhje të parakohshme. Megjithëse data ende nuk është përcaktuar, media në Beograd thotë se ato do të mund të mbahen  më së voni deri në fund tlë gjysmës së parë të muajit maj.

 Serbia do të shkojë në zgjedhje të parakoshme. Kështu ka paralajmëruar sot kryeministri Aleksandar Vuçiq në një mbledhje të partisë së tij Përparimtare Demokratike Serbe. Vendimin e ka arsyetuar me atë që ai e ka quajtur  zgjidhje të konfliktit shoqëror që bllokon reformat.

Serbisë i nevojien edhe katër vjet të stabilitetit, sepse pas këtyre katër vjetëve nuk ka kthim e as shikim prapa. Na nevojitet një mandat i plotë, me mbështeje të fuqishme të popullit në mënyrë që Serbia të jetë e gatshme t’i bashkohet BE-së si një partner i fortë; një mandat i plotë për marrjen e vendimeve të vështira; një mandat i plotë deri në vitin 2020 në mënyrë që Serbia  të jetë para dyerëve të BE-së, e rregulluar dhe shumë më e begatë sesa sot.

Kryeministri Vuçiq tha sot se Serbia, ç’prej se partia e tij është në pushtet, ndodhet në gjendje të konfliktit latent shoqëror dhe po has në qendresë pikërisht për shkak se është përpjekur të shpartallojë bllokun e përbërë nga oligarkë, politikanë dhe kriminelë, në interes të të cilëve nuk është  përparimi i vendit.

Mirëpo, njohësit e rrethanave në Beograd, thonë se krahas kësaj raportet mes  parnerëve qeverisës – partisë së kryeministrit Vuçiq dhe Partisë Socialiste tëshefit  të diplomacisë, Ivica Daçiq, kohët e fundit kanë shënuar ftohje. Veç kësaj Vuçiqi nuk qëndron mirë as me shefin e shtetit, Tomislav Nikoliq, i cili, edhepse  i së njëjtës parti, deri tash  ka mbajtur qëndrime  të kundërta me atë të kryeministrit Vuçiq. Vëzhguesit thonë se dallimet kryesore kanë të bëjnë me Kosovën, por edhe politikën e jashtme të Serbisë./Agjencitë e lajmeve/

 

read more
Rajoni

GJYKATA SPECIALE PËR KOSOVËN: SELIA NË HAGË

no thumb

Qeveria e Holandës njoftoi  se Gjykata Speciale për krimet e luftës në Kosovë do të krijohet në Hagë. Gjykata do të merret me akuzat për krime gjatë viteve 1999 – 2000 të ngritura ndaj pjestarëve të Ushtrisë Çlirimtare të Kosovës.Gjykata e financuar nga Bashkimi Evropian do të veprojë në përputhje me ligjet e Kosovës.

Qeveria e Holandës thotë se selia e Gjykatës Speciale do të jetë në Hagë, pasi dëshmitarët mund të ndiheshin të kërcënuar në se proceset gjyqësore do të zhvilloheshin në Kosovë.

Ministri i Jashtëm holandez Bert Koenders u shpreh se “Është e rëndësishme që drejtësia të bëhet dhe se jemi të kënaqur që Holanda të jetë në gjendje të ofrojë një shtëpi kësaj gjykate”.

Ndërsa ministri i drejtësisë Ard van der Steur tha se Holanda beson se ka një përgjegjësi të veçantë në këtë drejtim, si vend pritës i një numri të gjykatave të posaçme ndërkombëtare”.  

Akuzat për krime lufte nga anëtarë të UÇK-së,  u ngritën në një raport të Këshillit të Evropës në vitin 2010 nga senatori sviceran Dick Marty.  I ashtuquajturi “Raporti Marty”, përmban akuza ndaj ish anëtarëve të UÇK-së për rrëmbime, keqtrajtime, vrasje pa gjyq dhe në disa raste marrje me forcë organesh njerëzore dhe trafikim të tyre nga Shqipëria gjatë dhe pas luftës në Kosovë.

Në vitin 2011 Bashkimi Evropian krijoi një Grup të Posaçëm Hetimor për të hetuar rreth akuzave të raportit Marty.

Kryeprokurori i parë Klint Villiamson, njoftoi në korrik të vitit 2014 se ai kishte gjetur mjaft prova për të ngritur akuza ndaj disa ish drejtuesve të UÇK-së, që sipas tij, ishin përgjegjës për një fushatë të organizuar rrëmbimesh, arrestimesh të paligjshme, vrasje pa gjyq dhe dhunë seksuale. Në maj të vitit të kaluar, kryeprokuror i posaçëm u emërua amerikani David Shvendiman. /Zëri Amerikës/

 

read more
Rajoni

REÇAK: PËRKUJTOHET VRASJA E 45 CIVILËVE SHQIPTARË

no thumb
Kosova ka përkujtuar sot masakrën e Reçakut, e cila ndodhi 17 vjet më parë, kur forcat serbe të sigurimit patën vrarë 45 civilë shqiptarë.
Në Kompleksin Memorial në Reçak të Shtimes, homazhe kanë bërë Presidentja e Kosovës, Atifete Jahjaga, kryeministri i Kosovës, Isa Mustafa, kryetari i Kuvendit të Kosovës, Kadri Veseli dhe personalitete tjera të jetës politike e publike në vend. Në Reçak shkoi edhe ish-shefi i misionit vëzhgues të OSBE-së, Willaim Walker, të cilit i është organizuar dhe një ceremoni e veçantë me rastin e  vënies së gur-themelit të shtatores së tij. Walker, këtë ngjarje e pati cilësuar si masakër dhe “krim kundër njerëzimit”.
Ngjarja e 15 janarit të vitit 1999, e njohur si masakra e Reçakut, njihet si një nga ngjarjet kryesore që ka shënuar kthesë në diplomacinë ndërkombëtare në raport me Serbinë dhe Kosovën, duke u paraprirë proceseve që çuan deri te fushata e bombardimeve të NATO-s kundër caqeve ushtarake të Serbisë.
Në nderim të viktimave kanë marrë pjesë edhe qindra qytetarë nga e mbarë Kosova, të cilët me këtë rast kanë vizituar edhe kompleksin memorial. Pas homazheve është organizuar edhe një akademi përkujtimore./Kosova press/
read more
Rajoni

SHBA: PARALAJMËRIM SERBISË-MOS U FUTNI NË LOJËN SHBA –RUSI

no thumb
Shtetet e Bashkuara të Amerikës paralajmërim Serbisë lidhur me mbrojtjen raketore që planifikonë ta blej nga shteti mik Rusia.
Zëvëndës këshilltari për siguri kombëtare i presidentit Amerikan Ben Rodes për “Sputnik” ka thënë se një konflikt i mundshëm mes SHBA-së dhe Rusisë në frymën e luftës së ftohtë nuk do të ishte aq konstruktiv, si dhe sipas tij nuk do të ishte në interesin e Serbisë dhe të rajonit që të futet në lojë mes këtyre dy superfuqive. Ai ka thënë se vendet e rajonit duhet të marrin vendim për të ardhmen e tyre përfshirë edhe anëtarësimin në Nato./Agjencitë e lajmeve/
read more
Rajoni

KOSOVË: MPB-ja FLET PËR INTEGRIMIN E REFUGJATËVE

no thumb

 

Azilkërkuesit dhe reintegrimi i tyre ishin temë diskutimi midis ministrit të punëve të Brendshme Skender Hyseini dhe kryetarit të komunave në Kosovë. Me këtë rast u tha se kjo ministri bashkë me komunat do të duhet të vazhdoj me fushatat për sensibilizimin dhe për përfitimet nga fondet e riatdhesimit.
Ministri Skender Hyseni tha se ky takim u zhvillua pas konsultimeve që i pati me ministrin e Integrimeve Evropiane ku bashkërisht u trajtuan çështjet e kritereve që mes tjerash kanë të bëjnë me liberalizimin e vizave. Deri më tani në Kosovë janë kthyer rreth 17 mijë azilkërkues./Agjencitë e lajmeve/
read more
Rajoni

KOMISIONI EVROPIAN: HETIME LIGJEVE TË POLONISË

no thumb
Komisioni Evropian ka hapur një hetim të papreçedentë ndaj një vendi anëtar. Bëhet fjalë për Poloninë, për të cilën Brukseli dyshon se ligjet e reja të miratuara nga ky vend shkel rregullat demokratike të BE-së.Hetimi ka të bëjë me ndryshimet që qeveria polake e krahut të djathtë ka bërë në ligjet për Gjykatën Kushtetuese dhe mediat.
BE-ja do të hapë një hetim paraprak mbi ndryshimet e fundit të bëra në Poloni ndaj ligjit të Gjykatës Kushtetuese nga partia konservatore në pushtet, njoftoi sot zëvendëspresidenti i Komisionit Evropian, Frans Timmermans.
“Bëhet fjalë për etapën e parë, nga tre, të procedurës për mbrojtjen e Shtetit të së Drejtës të krijuar në mars të vitit 2014 nga ekzekutivi evropian, që ende nuk është përdorur deri tani”, theksoi Timmermans në përfundim të një debati mes komisionerëve mbi këtë çështje.
Ndërkohë që presidenti konservator polak, Andrzej Duda firmosi më 28 dhjetor ligjin shumë të përfolur mbi Gjykatën Kushtetuese, që kritikohet nga opozita se ka për qëllim paralizimin e këtij institucioni dhe konsiderohet si antidemokratik./Agjencitë e lajmeve/
read more
Rajoni

SERBI&KROACI: RETORIKË PËR (Ç) ARMATIMIN!

no thumb

Zëvendëskryeministri rus Dmitrij Rogozin ka paralajmëruar se Moska do të shqyrtojë kërkesën e Serbisë për armatim të strukturave të saj mbrojtëse. Deklarata është bërë në Beograd dhe duket se konfirmon synimin e Moskës për të përforcuar pozicionet në rajon.

Serbia dhe Kroacia vazhdojnë edhe këtë javë akuzat në distance për pajisjen e forcave të veta të sigurisë me armë të sofistikuara.  Që të dyja vendet mbështetjen e kanë në dy aleatë që historikisht janë intolerantë ndaj njëri tjetrit – Kroacia mbështetet në Shtetet e Bashkuara, ndërsa Serbia – tek Rusia.  Ndryshimi  i qeverisë në Zagreb u pasua me deklarata disi qetësuese për Beogradin zyrtar pas sigurimit të raketave balistike nga pala kroate.

‘Ka pasur mjaft konflikte, mosmarrëveshje, luftëra. Kroacia fitoi shtetin e vet. Ne shtetin tonë nuk e japim. Ne nuk e japim dinjitetin e këtij shtetit, por respektojmë edhe shtetet e tjera. Prandaj, ky është mesazhi im edhe për zotërinjtë në Serbi. Ne jemi për marrëdhënie të mira, t’i lëmë armët-të investojmë paratë në ekonomi dhe për hapjen e vendeve të reja të punës!‘- ka deklaruar kreu i Bashkësisë Demokratike Kroate, HDZ, parti kjo fituese në zgjedhjet e fundit parlamentare.

Mirëpo një deklaratë e këtillë duket se ishte e pamjaftueshme për Beogradin zyrtar. Të martën  ka qëndruar atje zëvendës-kryeministri rus Dmitrij Rogozin dhe raportohet se kryefjala  e bisedimeve të nivelit të lartë  ka qenë pikërisht bashkëpunimi në fushën  ushtarake. Madje kjo nuk është fshehur as në konferencën e përbashkët të shtypit me kryeministrin serb Aleksandar Vuçi, të cilit mysafiri nga Kremlini i ka dorëzuar edhe një maketë të sistemit raketor rus të tipit S-300.

E kam ditur se dhurata ime, kryeministër Vuçiq, do t’ju pëlqejë shumë, por nëse e bëjmë serioze çështjen, puna e bashkëpunimit ushtarako-teknik nuk kërkon zhurmë, zërat konkretë të kësaj liste nuk mund të publikohen përderisa nuk e shqyrtojnë ekspertët e bashkëpunimit ushtarako-teknik. Ndaj ju lutem të keni durim. Këto livrime janë legjitime dhe mund të realizohen me lutjen e Beogradit zyrtar’ – është shprehur numri dy i qeverisë ruse.Televizioni shtetëror serb saktëson se kërkesat e Ministrisë së Mbrojtjes për forcimin e sigurisë së Serbisë do të shqyrtohen në fillim të pranverës.

Në të njëjtën kohë, Dmitrij Rogozin duket se nuk ka pritur me entuziazëm përafrimin e aleatit të tij nga Ballkani me Bashkimin Evropian. Duke marrë si shkas çështjen e refugjatëve nga Lindja e mesme, politikani i lartë rus ka paralajmëruar Serbinë se një ditë mund t’i ndodhë ajo që i ndodhi Gjermanisë gjatë natës së ndërrimit të motmoteve kur migrantët sulmuan gra në qytetin e Këlnit.

Një gjest i këtillë nuk mbeti pa përgjigjen e qeverisë në Beograd. Zëvendëskryeministrja Zorana Mihajloviq ishte shumë e shkurtër në komentet e veta – rusët të shikojnë punët e veta – e ne tonat – tha qeveritarja e lartë serbe: “Për atë nëse Serbisë mund t’i ndodhë ai skenari të cilin Rogozini e përkujton ose e prognozon, unë mendoj se ai duhet të mbajë llogari, normalisht për shtetin e tij, ne për tonin!”

Dje, kryeministri serb Aleksandar Vuçiq, iu përgjigj thirrjes nga Zagrebi për uljen e armëve me kushtëzimin që Kroacia të mos blejë shtretër lëshues për raketat tashmë të siguruara amerikane. Në të kundërtën, tha ai, Serbia nuk ka për te hequr dorë nga, sikurse u shpreh, armë defansive. Qeveria e re kroate deri tani nuk ka bërë kurrfarë komentesh. Më herët u tha se vendi sillet konform standardeve të vendit anëtar të NATO-s ku ka aderiaur që në vitin 2009./TvArt/

read more
Rajoni

ILIR META: TË ÇELIM DIALOGUN POLITIK PËR DREJTËSINË

no thumb

 

Tashmë që ekspertët i dhanë dorën e fundit draftit final për reformën në drejtësi, sipas kreut të Lëvizjes Socialiste për Integrim Ilir Meta, është koha që të hapet debate politike në parlament, por edhe jasht tij, duke mos përjashtuar kështu edhe një tryez mes tij, kryeministrit Rama dhe liderit të opozitës Basha. Ishte presidenti Bujar Nishani i cili ditë më parë tha se për reformën në drejtësi duhet edhe një tryezë me lidershipët politik për të gjetur gjuhën e konsenusit.

Në fjalën e mbajtur në mbledhjen e kryesisë së Lëvizjes Socialiste për Integrim, kryetari Ilir Meta vuri në pah se miratimi i kësaj reforme duhet të bëhet në mënyrë transparente me përgjegjshmëri, pra ai konsideron këto parime si prioritete kyçe të kësaj force politike.

Me të drejtë ai konstatoi se konsensusi është më se i domosdoshëm për efektivitetin e reformave të mëdha, siç është reforma e tanishme në drejtësi që për momentin në Shqipëri zhbën sistemin e deritanishëm të drejtësisë.

Në fund të fjalës së tij Meta nënvizoi është e nevojshe që tani Lëvizja Socialiste për Integrim dhe shumica të krijojnë hapësirën e nevojshme për opozitën që të jetë e përfshirë në dialog. Ai ritheksoi edhe një herë se një reformë gjithëpërfshirëse me jetëgjatësi të sigurtë ka nevojë për besimin dhe mbështetjen e publikut të gjërë dhe jo ndarjen e tij dhe nënkuptohet pasi ekspertët dhanë kontributin e tyre tani më është koha për të hapur dialogun politik parlamentar me qëllim arritjen e një dokumenti final.

Lirisht mund të konstatojmë se 2016-ta është një vit i rëndësishëm për të ardhmen evropiane të Shqipërisë./Kosova prees/

 

read more
Rajoni

KOSOVË: ERËRAT E FORTA SHKAKTOJNË DËME TË MËDHA

no thumb

 

Erërat e forta që filluan mbrëmë dhe po vazhdojnë ende në tërë Kosovën të cilat kanë shkaktuar dëme të mëdha, si rrëzimi i kulmeve të shtëpive, rrëzimi i mureve, rënia e rrjetit elektrik dhe problemi me furnizimin me ujë të pijshëm.

Ndër komunat më të dëmtuara nga këto erëra janë komuna e Lipjanit dhe komuna e Podujevës.

Si pasojë e erës në komunën e Lipjanit kanë rënë disa kulme të shtëpive, si dhe janë rrëzuar disa shtylla elektrike.

Me problemet që shkaktuan erërat e forta po përballet edhe komuna e Podujevës. Sipas një komunikate për media nga kjo komunë njoftohet se dëmet më të mëdha janë në rrjetin elektrik dhe në pronat bujqësore, ku përfshihen dëmtimet e serrave dhe plantacioneve. Edhe në këtë komunë dëmet më të mëdha janë shkaktuar nëpër fshatra ndërsa në qytet janë shkaktuar vetëm probleme me energjinë elektrike.

Si pasojë e erërave me problem e energjisë elektrike po përballen edhe komuna e Prishtinës, Gjakovës, Prizrenit, Gjilanit, Pejës, Mitrovicës dhe Ferizajt./Agjencitë e lajmeve/

 

read more
Rajoni

SHQIPËRI: ASNJË AFAT PËR REFORMËN

no thumb

Në Shqipëri, asnjë afat për reformën në drejtësi. Përveç heshtjes një ditë pas përfundimit të draftit nga ekpertët, nuk pati asnjë zhvillim tjetër që ta çonte përpara këtë nismë.Ndryshe nga çfarë ishte paralajmëruar, komisioni i posaçëm nuk u mblodh pavarësisht se 12 janari ishte trumbetuar si data kur deputetët e kryesuar nga Fatmir Xhafaj, do të miratonin draftin, për t’ia përcjellë me urgjencë një ditë më pas komisionit të Venecias.
Asnjë nga deputetët nuk është njoftuar për mbledhje. Ata të PS-së thonë se drafti i ekpertëve po zbardhet, ndërsa ata të PD-së pretendojnë se kjo nismë po i mbahet qëllimisht e fshehtë, madje limitet kohore të përcaktuara nga kryetari Xhafaj, që ekpertët të përfundonin punën, kanë qenë thjesht mashtrime.

Ndërkaq ministri i drejtësisë Ylli Manjani , nga Lezha theksoi se në komision nuk duhet të shqyrtohet vetëm varianti i miratuar të hënën në mbrëmje, por dhe ai i ekpertëve të ministrisë së tij dhe ekpertëve të PD-së. Por fatin e kësaj reforme, sipas tij, tashmë duhet ta përcaktojë politika.

Ndërsa Arben Ristani, anëtar i komsionit të posaçëm të Reformës në Drejtësi, nga Shkodra ka dhënë arsyet pse PD-ja bojkotoi tryezën e ekspertëve.

Në datë 13 sipas disa mediave shqiptare,  komisioni i posaçëm, duhej t’i përcillte Komisionit të Venecias draftin e miratuar, në mënyrë që ekspertët e kësaj strukture ndërkombëtare të ishin të përgatitur kur të vinin në Tiranë në 21 janar./Agjencitë e lajmeve/.

 

read more
1 233 234 235 236 237 265
Page 235 of 265