close

Rajoni

Rajoni

SARAJEVË: NDALOHEN GJASHTË TË DYSHUAR PËR KRIME LUFTE

no thumb

Radio Evropa e Lirë bën të ditur se  policia e Bosnjë e Hercegovinës ka arrestuar gjashtë persona të dyshuar për krime lufte. Dyshohet se ata gjatë  vitit 1992, në kuadër të sulmit të gjërë dhe sistematik të ushtrisë e policisë serbe ndaj popullatës civile të përkatësisë boshnjake, personalisht, kanë marrë pjesë në vrasje, keqtrajtime dhe përndjekje.

Të dyshuarit ngarkohen se në vitin 1996, me qëllim të mbulimit të krimit, kanë marrë pjesë në zhvarrimin e varrezës masive dhe të hedhjes së shumicës së eshtrave në lum, duke ndikuar që vetëm mbetjet mortore të gjashtë personave të gjenden në lokacionin e varrezës masive në afërsi të lumit ku janë hedhur, kurse për eshtrat e tjera ende po gjurmohet. /Agjencitë/

 

read more
Rajoni

PRISHTINË: FMN-ja KËRKON QËNDRUESHMËRI FINANCIARE

no thumb

Kruetari i kuvendit të Kosovës Kadri Vejseli u takua sot me një delegacion të Fondit Monetar Ndërkombëtarë, të kryesuar nga Zhak Minian, me të cilin bisedoi për zhvillimet aktuale në sektorin financiar e buxhetor në Kosovë.

Kryesuesi i deleacionit të Fondit Monetar Ndërkombëtarë Zhak Minian e njohu kryetarin Kadri Vejseli me opinoinin e tij lidhur me qëndrueshmërinë financiare të Kosovës në raport me vendet tjera të rajonit.

Ai theksoi nevojën që të ruhet kjo qëndrueshmëri dhe të kihet kujdes në shpenzimet e pa planifikuara, të cilat mund të kenë implikime financiare në raport me zhvillimin e gjithëmbarshëm ekonomik të vendit.

Kryetari Kadri Vejseli e falënderoi Zhak Minianin për kontributin që po jep Fondi Monetar Ndërkombëtarë me rekomandime dhe aktivitete të tjera në ruajtjen e qëndrueshmërisë makro-financiare të vendit dhe stabilitetit buxhetor, përkushtim ky, gjithashtu edhe i institucioneve lokale dhe qendrore të Kosovës.

Ai theksoi se buxheti duhet të jetë i ndikuar fuqishëm nga prodhimi dhe punësimi në Republikën e Kosovës. Duke çmuar marrëdhëniet e mira me Fondin Monetar Ndërkombëtarë kryetari Vejseli shprehu interesimin për ta vazhduar këtë bashkëpunim edhe në të ardhmen. /Agjencitë/

 

read more
Rajoni

TIRANË: REFORMA NË DREJTËSI: VIJOJNË PUNËT PA PRANINË E OPOZITËS

no thumb

Pozita, ka vijuar pa opozitën, punën  në komisionin e posaçëm për reformën në drejtësi për finalizmin e saj duke  nisur diskutimin e 7 projekligjeve që duhet të miratohen bashkë me ndyrshimet kushtetuese.

Ligjet, janë kryesisht të kartakterit organik dhe përfshijnë ndër të tjera  P.ligji për Gjykatën Kushtetutes, atë për rivlerësimin e gjyqtarëve dhe prokurorëve, por  Byronë e Hetimit, dhe bëjnë të mundur implementimin e reformës në drejtësi.Kryetari i Komisionit , Fatmir Xhafaj  vendosi dhe një afat, për votimin e 7 ligjeve që cilësohen si paketë e emergjencës.

Demokrati Oerd Bylykbashki e ka cilësuar të padrejtë e të pavlefshëm mbledhjen e Komsionit të posaçëm të Reformës në Drejtësi sot nga pozita pa praninë e opozitës.Në një dale për mediat ai tha se mazhoranca po bie në kundërshtim të asaj që u vendos në Kuvend dhe se kjo gjë cënon konsensusin mes palëve.

 

Nga 94 vota, që duhen për të ndryshuar kushtetutën,sipas ndarjes që gjendet në faqen zyrtare të Kuvendit,  tre partitë e shumicës, PS, LSI dhe PDIU, kanë bashkë 86 vota, çka do të thotë se pozitës i duhen edhe 8 vota për të arritur shumicën e nevojshme.Votat te cilat nuk dihet ende se nga do anojne jane ato te deputeteve që nuk figurojnë në asnjë grup parlamentar. /Agjencitë/

 

read more
Rajoni

TIRANË: PASAPORTA DIPLOMATIKE PËR LOJTARËT E KOMBËTARES SHQIPTARE

no thumb
Kryeministri i Shqipërisë,  Edi Rama përmes një telefonate, uroi të gjithë lojtarët e kombëtares për fitoren ndaj Rumanisë, ndërsa mes batutash bëri edhe dhuratat e para për të gjithë delegacionin kuqezi, lojtarët dhe stafin teknik.

“Duke filluar nga presidenti Duka e deri tek më i fundit, të gjithë do të merrni pasaporta diplomatike”, u shpreh kryeministri Rama.

Në një video të postuar në rrjetin social “Facebook”, Rama, me shaka, i premton një makinë Kaçes, ndërsa edhe një traktor Mërgim Mavrajt. /Agjencitë/

read more
Rajoni

VESELI: BALLKANI VATËR E LUFTËS, KEMI NEVOJË PËR PAJTIM

no thumb

Kryetari i Kuvendit të Kosovës, Kadri Veseli, ka folur në Takimin Ndërkombëtar të Lidershipit i cili po mbahet nën patronatin e tij. Ai ka shprehur kënaqësinë para të pranishmeve që Kosova është nikoqir i këtij takimi. Veseli ka deklaruar se “vetëm duke ju falënderuar juve, shteti i Kosovës po qëndron në këmbë të veta”.

“Me këto takime duhet të tregojmë besim në njëri-tjetrin. Është demokracia që na mundëson të tejkalojmë dallimet tona. Por për të arritur këtu, nuk ka qenë e lehtë. Ballkani ishte vatër lufte për një kohë të gjatë”, është shprehur Veseli. /Agjencitë/

read more
Rajoni

SHQIPTARËT TË NDJEHEN KRENARË PËR NËNË TEREZËN

no thumb

Më katër shtator në Romë do të zhvillohet ceromonia e shenjtërimit të Nënë Terezës, murgeshës dhe bamirëses me origjin shqiptare, fituese e çmimit Nobël të Paqes e cila ia kushtoi jetën ndihmës për të varfërit. A është e shenjtë apo e famshme Nënë Tereza, kësaj pyetje në vazhdim i përgjigjet studiuesi Gëzim Alpion, profesor në Universitetin e Birmirgamit në Britani dhe autor i librit “Nënë Tereza e shenjtë apo e famshme”.

Profesori Gëzim Alpion shpjegon faktin për t’i dhënë përgjigje pyetjes se a është e shenjtë apo e famshme Nënë Tereza.

Nënë Tereza ia dedikoi jetën të varfërve dhe pikërisht për këtë asaj për së gjalli iu dha çmimi Nobel i Paqës. Ajo u cilësua si misionere e paqes një njeri mistik, një filozofe e shndërruar në bamirëse. Por në fakt thelbi I Nënë Terezës është thjeshtësia, përkushtimi dhe dashuria e saj e pafundme ndaj njerëzve të varfër, të uritur, të sëmur.

Në vitin 1979, përpara botës dhe mediave botrore Nënë Tereza tha se ‘unë me gjak jam shqiptare’ dhe ky ishte një rrëfim modest për t’i treguar mbarë botës se ajo asnjëherë nuk kishte hequr dorë nga rrënjët e saj shqiptare.

Shqiptarët kudo që janë të çfarë do lloji, besimi duhet të ndjehen krenarë për misionin e Nënë Terezës, për mesazhin e saj, sepse me shenjtërimin e saj shenjtërohet i gjithë kombi shqiptar. /Agjencitë& TvArt?

read more
Rajoni

TIRANË: PAKOJA E REFORMAVE HYN NË KUVEND – REAGON PD

no thumb

Edhe pse ende vijojnë përpjekjet diplomatike për të bindur politikën në Shqipëri për të gjetur konsensus për reformën në drejtësi, paketa me ndryshimet kushtetuese ka hyrë tashmë në rrugë kuvendore. Media shqiptare kanë konfirmuar se 33 deputetë të shumicës parlamentare kanë firmosur kërkesën për të përfshirë atë në procedurë parlamentare.

Në bazë të Kushtetutës për të ndryshuar dokumentin themeltar nevojitet nisma 1/5 të deptetëve të Kuvendit, ose thënë ndryshe 28 prej tyre.Kryetari i PD-së Lulzim Basha e quan  akt të ulët provokimi dërgimin në Kuvend të draftit të ndryshimeve kushtetuese në kuadër të reformës në drejtësi.  Madje përsërit paralajmërimin se çdo tentativë për të trafikuar qoftë dhe një mandat të vetëm opozitar  do të rezultoje ne djegien e mandateve opozitare. /Agjencitë/

 

read more
Rajoni

MALI I ZI: KUVENDI PËRKRAH ANËTARËSIMIN NË NATO

no thumb

Deputetët e Kuvendit të Malit të Zi kanë miratuar Rezolutën për prëkrhajen e anëtarësimit në NATO, ku, siç vlerësohet, do të konfirmohet përcaktimi që ky vend të bëhet pjesë e aleancës veriatlantike.

Për këtë rezolutë kanë votuar 48 deputetë, 26 ishin kundër, kurse të përmbajtur nuk ka patur.Në këtë dokument thuhet se Mali i Zi gjatë 10 viteve nga ripërtrirja e pavarësisë ka dëshmuar vizionin e qartë dhe përkushtimin për realizimin e prioriteteve të jashtme politike – anëtarësimi në NATO dhe BE. /Agjencitë/

 

 

read more
Rajoni

VATIKAN: PAPA PRET PRESIDENTIN E KOSOVËS

no thumb

Presidenti i Kosovës, Hashim Thaçi, është pritur nga Ati i Shenjtë, Papa Françesku, në një audiencë private në Selinë e Shenjtë në Vatikan. Presidenti i ka dorëzuar Atit të Shenjtë edhe ftesën që të vizitojë Kosovën në një të ardhme të afërt si dhe i shprehu dëshirën që Selia e Shenjtë të njohë shtetin e Kosovës sa më pare.

Në takimin me Atin e Shenjtë, i cili ka zgjatur më shumë se gjysmë ore, presidenti Thaçi ka thënë se vlerat që përfaqëson Selia e Shenjtë, si pajtimi, paqja, bashkëpunimi dhe toleranca janë vlera për të cilat është duke u angazhuar edhe Kosova, bën të ditur Presidenca, nëpërmjet një komunikate.

Presidenti Thaçi, Atin e Shenjtë e ka njoftuar edhe për konsolidimin e brendshëm dhe të jashtëm të Kosovës si shtet, që, sikundër thuhet,  ka arritur të tejkaloj faqen e hidhur të historisë së saj dhe është  kthyer nga një e ardhme në paqe dhe stabilitet, për qytetarët e saj dhe për tërë rajonin.

Gjithashtu, ai është shprehur i gëzuar që po bëhet shenjtërimi i Nënë Terezes, e cila, ka vlerësuar Presidenti i Kosovës, është mishërim i vlerave universale.
Në prag të shenjtërimit të nobelistes shqiptare , në Vatikan u mbajt një meshë nën kujdesin e presidencës së Kosovës.
Bëhet e ditur se Presidenti i Kosovës ka ftuar zyrtarisht Papa Franceskun për të vizituar Prishtinën, mirëpo ende nuk ka konfirmim për përgjigjen e Vatikanit. /Agjencitë/

 

read more
Rajoni

TIRANË: DONALD LU TAKIM NJË ORËSH ME LULZIM BASHËN

no thumb

 

Për më shumë se 60 minuta amabasadori amerikan Donald Lu ka zhvilluar një takim kokë më kokë me kryetarin e Partisë Demokratike Lulzim Basha. Kryediplomati amerikan është rikthyer në selinë blu në një tjetër përpjekje për të gjetur rrugën e kompromisit politik për votimin nga të gjitha palët politike të reformës në drejtësi. Pak ditë pas deklaratës së SHBA se opozita nuk u tregua fleksibël në negociatat për reformën, çka solli më pas edhe publikimin e maileve të komunikimit të PD me ekspertët amerikanë të OPDAT.

Kështu pas 10 ditësh sërish ambasadori amerikan mbërriti, në orët e para të ditës në një takim me shefin e opozitës.

Referuar diskutimit publik për vendosjen e vijës së kuqe nga selitë diplomatike apo nga Venecia për Reformën në Drejtësi, ambasadori amerikan Donald Lu ka mbërritur në selinë blu, e ku mësohet se palët në këtë takimi kanë qartësuar pozicionin e tyre për këtë çështje.

Në këtë takim kokë më kokë kryedemokrati Lulzim Basha ka sqaruar pozicionin e PD për këtë çështje, pozicion ky i cili sipas tij nuk është as më pak e as më shumë përveç se zbatimi i draftit final të Venecias.

Basha është shprehur se neni 88 ndan qartë pozicionin për kapjen ose jo politike të sistemit të drejtësisë. Në parashtrimin e tij Basha, është shprehur se PD këmbëngul për moskapjen e këtij sistemi dhe zgjidhja për këtë vjen qartazi nga neni 88 i draftit final të Venecias.

Kryetari i PD, Lulzim Basha, dy ditët e fundit ka zhvilluar takime intensive kokë më kokë, në Selinë e PD, me ambasadorët e të gjitha vendeve të Bashkimit Europian.

Mësohet se në këto takime Basha u ka shpjeguar diplomatëve europianë në detaje të gjithë ecurinë e procesit dhe qëndrimin e PD për formulën e vendeve të rezervuara, formulë kjo e sygjeruar nga Venecia. /Agjencitë/

read more
1 233 234 235 236 237 312
Page 235 of 312