close

Rajoni

Rajoni

KOSOVË: REFORMA NË DREJTËSI  

no thumb

 

Në Konferencën e Prokurorëve në Prishtinë është folur për domosdoshmërinë e reformave në drejtësi si garancë për zhvillim dhe integrim. Në të njëjtën vijë kanë qenë edhe ambasadori amerikan në Kosovë si dhe presidentja Atifete Jahjaga.

Presidentja e Kosovës, Atifete Jahjaga ka deklaruar se shoqëria  është lodhur nga korrupsioni.Institucionet nuk kanë vepruar siç duhet, prandaj është koha të përfundohet ky cikël i frikës dhe mosndëshkimit.Jahjaga në konferencën e prokurorëve të shtetit, tha se kanë kërkuar reforma në drejtësi sepse kjo është garanci në zhvillim dhe integrim.

Duke folur në Konferencën e Prokurorëve, ambasadori i Shteteve të Bashkuara të Amerikës në Kosovës, Greg Delaui, edhe njëherë përsëriti kërkesën e tij për drejtësinë kosovare që të nis zbatimin e ligjit në mënyrë të barabartë për të gjithë qytetarët e Kosovës. Duke përmendur të dhënat e raportin të fundit të UNDP-së që mat percepsionin e opinionit, sipas të cilit del se 43 për qind të gjykatave vuajnë nga korrupsioni enorm, ai tha gjyqtarët dhe prokurorët kanë qenë në qendër të kritikave.

“Gjyqtarët dhe prokurorët kanë qenë në qendër të kritikave. Tash për tash percepcioni publik është negativ. Studimi i njëjtë i UNDP-së ka ardhur në përfundim se korrupsioni është një ndër sfidat më të mëdha. 43 për qind e gjykatave vuajnë nga korrupsioni në shkallë të madhe”, – tha Delaui./Agjencitë e lajmeve/

 

read more
Rajoni

KOSOVË: OPOZITA PROTESTOI NË GJILAN

no thumb

Vazhdimin e manifestimit nëpër qytetet kryesore të Kosovës, opozita e bëri sot në Gjilan, me ç’rast iu drejtua gjithë Anamoravës me mesazhe të shumta për të mos pranuar dy marrëveshjet atë me Serbinë dhe Malin e Zi.

Të pranishmëve iu drejtuan tre krerët e subjekteve opozitare duke ftuar ata dhe qytetarët e tjerë që nuk ishin të pranishëm të asaj ane që të luftojnë për sovranitetin e Republikës së Kosovës, pasi që atë po duan ta shkatërrojnë qeveritarët e tanishëm.

Kryetari i Aleancës për Ardhmërinë e Kosovës, Ramush Haradinaj tha se Kosova është e gjithë qytetarëve, edhe e serbëve të Serbisë porse në asnjë mënyrë Serbia nuk mund të vendos për Kosovën.

Manifestimi i opozitës është paralajmëruar që do të vazhdojë të mërkurën në Pejë, pastaj me radhë edhe nëpër qytete të tjera. Ndërsa në fund të këtyre do të bëhet një protestë gjithë-popullore në Prishtinë./KosovaPress/

 

read more
Rajoni

ULEN TENSIONET PËR KUFIRIN KOSOVË-MALI I ZI?

no thumb

Kryeministri i Kosovës Isa Mustafa deklaroi sot se nëse ekspertët e huaj vlerësojnë se ekzistonë çfarëdo qoftë gabimi në demarkacionin e kufirit me Malin e Zi ekziston gatishmëri që ato gabime të përmirësohen. Ai theksoi se qeveria e Kosovës ka kërkuar ndihmë nga SHBA-të dhe Be-ja për vijën kufitare me Malin e Zi. Sipas tij ekspertët e huaj do të shohin se a është bërë gabim se Mali i Zi dhe Kosova janë të gatshëm ta përmirësojnë atë.

Përmes një komunikate sqaruese për mediat, shërbimi për marrëdhënie me publikun e qeverinë e Malit të Zi ka reaguar ndaj mospajtimeve në Kosovë rreth shënimit të kufijve shtetëror. Qeveria e Malit të Zi mbron qëndrimin se marrëvershja për demarkacionin është vendosur sipas kufijve adminbistrativ në ish-jugosllavi, mirëpo nëse dikush ka dyshim mbi këtë, qeveria e Malit të Zi shprehet e gatshme ta konsiderojë çdo vërejtje sepse Mali i Zi nuk dëshiron mosmarrëveshje me fqinjët./Agjencitë e lajmeve/

 

read more
Rajoni

TIRANË: STOLTENBERG TAKON KRERËT E SHTETIT  

no thumb

 

Shqipëria mund të angazhojë ushtrinë  në frontin e betejës kundër ISIS-it. Kryeministri shqiptar Edi Rama e la të hapur këtë mundësi gjatë takimit që pati me sekretarin e Përgjithshëm të NATO-s Jens Stoltenberg në vizitën e tij të parë në Shqipëri.

Në një konferencë të përbashkët nga selia e qeverisë në Tiranë, Rama tha se Shqipëria i ka të gjitha kapacitetet për ta përballuar me suksese kërcënimin e ISIS-it.

Sekretari i Përgjithshëm i Aleancës së Atlantikut Verior  Jens Stoltenbergu përjashtoi mundësinë që vizita e tij në Tiranën zyrtare të ketë të bëjë me sulmet terroriste në Paris, por ai tha bindshëm se asnjë vend nuk është imun ndaj kërcënimeve të ngjashme me ato që u përball Franca më 13 nëntor. Përballë këtij rreziku – theksoi sekretari i NATO-s – të gjithë duhet të rrisin përpjekjet kundër ISIS-it,  jo vetëm me mjete ushtarake, por edhe ekonomike. Në kah të sekretarit të Përgjithshëm të Aleancës së Atlantikut të Veriut, Jens Stoltenberg, kryeministri Edi Rama tha se anëtarësimi i Kosovës në NATO nuk duhet të paragjykohet dhe se duhet vlerësuar progresi i shtetit të pavarur tashmë prej 7 vitesh. /Agjencitë e lajmeve/

read more
Rajoni

BOSNJË: RIKONTROLLIM I MBETJEVE MORTORE

no thumb

As pas 20 vitesh të luftës në Bosnje Hercegovinë nuk është zgjidhur çështja e të zhdukurve. Ende kërkohen afër 8000 njerëz. Institucionet kompetente për kërkimin e të zhdukurve ballafaqohen me sfida të shumta, mes të cilave janë të mundshme edhe gabimet e bëra gjatë identifikimeve të deri tanishme.“Me fjalë tjera, propozojmë identifikimin e sërishëm të mijëra të zhvarrosurve”.

Në njëmbëdhjetë morgë dhe varreza në Bosnje-Hercegovinë ruhen mbetjet e zhvarrosura të viktimave të luftës në këtë vend. Familjet e të zhdukurve japin mostrat e gjakut për analizë, duke shpresuar se përmes këtyre eshtrave do të gjenden edhe eshtrat e më të dashurve të tyre.

Por, Komisioni Ndërkombëtarë për të Zhdukurit tërheq vërejtjen se 2648 ADN të izoluara nga mbetjet mortore nuk përputhen me asnjërin nga 9000 mostrat referente të familjarëve.

Ka mundësi që të jenë zhvarrosur gabimisht viktimat që janë vrarë gjatë luftës së shkuar, thotë shefi i programit për gjetjen e të zhdukurve nga Ballkanin Perendimor.

“ Mundësia e dytë është që mund të jenë viktima të luftës së kaluar, por ende nuk kemi mostra të familjeve sepse pasi filloi analiza e ADN-së, më se 8 mijë vetë janë identifikuar me metoda tradicionale, por jemi të sigurtë se ka pasur gabime gjatë përcaktimit të identitetit me këtë metodë, -thotë Matej Holidej shef i Komisionit Ndërkombëtarë për të Zhdukurit nga programi për Ballkanin Perendimor.

Metodat tradicionale të identifikimit janë mbështetur në të dhënat e familjeve të cilat i kanë identifikuar të vdekurit sipas veshjes ose sipas ndonjë gjësendi tjetër që  kanë gjetur pranë viktimave.

Babai i Seida Karabashiqit është identifikuar në këtë mënyrë. Familja e saj pajtohet të japë monstrën e gjakut, e nevojshme për identifikimin e ri.

“Për mua nuk është problem, sepse unë dua që kjo gjë të përfundojë dhe unë të dij e të jemë e sigurtë se kjo është kjo”, -thotë Seida Karabashiq nga shoqata e të zhdukurve “Burimi” nga Prijedor.

Nuk mendojnë të gjithë se ky proces do të kryhet lehtë.

“Kush do të marrë përgjegjësi të hyjë në familje tek nëna, bashkëshortet, të cilët 18 vite me radhë kanë shkuar tek varri i birit të vet dhe nesër ta humbin atë fëmijë. Kush do të marrë përgjegjësi të hyjë në mesin e familjeve të këtilla, të sqarojë gjendjen faktike se identifikimet kanë qenë ta gabueshme? Dhe çka?”,- pyet Ena Çekiç nga shoqata e të zhdukurve “Vogoshça”.

Për trajtimin e problemit është biseduar edhe në një konferencën në Sarajevë. Koordinimi rajonal i shoqatave të familjeve të të zhdukurve nga territori i ish Jugosllavisë, me këtë rast ka tubuar përfaqësuesit e familjve të të zhdukurve, prokurorëve dhe Komisionit Ndërkombëtar për të zhdukurit.

Prokuroria e Bosnje Hercegovinës tani më ka kërkuar rishikimin e kufomave të pa identifikuara./TvArt/

 

read more
Rajoni

HAN NË BEOGRAD: MARRËDHËNIET ME KOSOVËN – KYÇE PËR EUROINTEGRIMIN

no thumb

Komisioneri i BE-së, Johanes Han në Beograd ka deklaruar se normalizimi i marrëdhënieve me Prishtinën është i një rëndësie të veçantë. Hapja e kapitujve të parë do të shpejtojnë integrimin evropian të Serbisë – ka thënë ai në Parlamentin Serb.

Komisioneri për zgjerim i BE-së,Johanes Han, duke iu drejtuar deputetëve në Kuvendin serb ka theksuar se hapja e 14 kapitujve të parë më 14 Dhjetor shënon fillimi e pjesës thelbësore për afrim në BE dhe se kjo është shenjë që anëtarësimi është një cak i realizueshëm. Ai ka thënë se Serbia ka arritur suksese të mëdha në rrugën drejtë BE-së.

“Të jesh këtu nuk është e rastësishme në këtë moment, ngase të hënën e ardhshme BE-ja dhe Serbia do të hapin dy kapitujt e parë rreth negociatave – 32 për kontrollin financiar dhe 35 për normalizimin e marrëdhënieve me Kosovën” – ka thënë Han.

Sipas tij, konferenca ndërministrore më 14 Dhjetor do të shënoj fillimin e procesit thelbësor të afrimit të Serbisë në BE.

Sipas Komisionerit Han, konferenca ndërministrore javën e ardhshme do të tregojë se BE plotëson obligimet e tij kur vendet shënojnë përparime./Agjencitë e lajmeve/

 

read more
Rajoni

ASHAK: KRIZA POLITIKE TË ZGJIDHET BRENDA INSTITUCIONEVE

no thumb

Situata politike në Kosovë dhe zhvillimet në Kuvend ishin temë qendrore e takimit të Kryeparlamentarit Kadri Vejseli me drejtuesit e Akademisë së Shkencave dhe Arteve të Kosovës (ASHAK).

Lidhur me zhvillimet politike që po e shoqërojnë Kosovën tash e disa muaj, ishte dakordim i përbashkët që zgjidhja të gjendet brenda institucioneve, konform dispozitave ligjore dhe kushtetuese.

Kryeparlamentari Veseli tha se zgjidhja e krizës politike bëhet pa gazlotsjellës pasi ndërhyri në përgjigjen e Islamit kur ky i fundit tha se kjo krizë duhet të zgjidhet në institucione.

Gjatë kësaj vizite, kryetari Veseli ishte i shoqëruar nga ministri i Arsimit, Shkencës dhe Teknologjisë, Arsim Bajrami dhe ish-kryetari i Kuvendit, Nexhat Daci, njëherësh anëtarë të Akademisë./Agjencitë e lajmeve/

 

read more
Rajoni

TIRANË: NDEROHET VEPRA E KREUT TË KISHËS KATOLIKE

no thumb

Në Tiranë ndahet nga jeta në moshën 76-vjeçare kreu i Kishës Katolike imzot Rrok Mirdita. Lajmi i hidhur u bë i ditur nga Arkidioqeza metropolitane Tiranë-Durrës. Besimtarë, intelektualë e politikanë nga vendi dhe gjithë hapësirat shqiptare kanë vlerësuar lartë kontributin atdhetar të imzot Rrok Mirditës.

Arkipeshkvi i Dioqezës së Durrësit dhe Tiranës, Imzot Rrok Mirdita, u nda dje nga jeta në Qendrën Spitalore Universitare “Nënë Tereza”, në kryeqytetin shqiptar, pas një hemoragjie cerebrale.

Imzot Rrok Mirdita, pas shumë vite shërbimi në SHBA pranë bashkësive shqiptare,u emërua Arqipeshkëv i  Durrësit dhe Tiranës në vitin 1992 nga Papa Gjon Pali i II. Më 24 prill 1993 shugurohet Ipeshkëv nga Papa Gjon pali i II gjatë udhëtimit të tij apostolik  në Shqipëri, në Katedralen e Shkodrës, së bashku me tre klerikë të tjerë të mbijetuar nga regjimi komunist.

Për shumë vite, Imzot Rroku kryesoi konferencën ipeshkvnore të Shqipërisë dhe drejtoi rimëkëmbjen e besimit fetar kristian pas gjysmë shekulli të diktaturës komuniste. Ai organizoi besimtarët duke ngritur katedralen e Shën Palit në Tiranë, dhe ndihmoi në ndërtimin e  kishave të reja rindërtimin e kishave historike të mbyllura dhe të dëmtuara nga regjimi komunist.

Lindi në Këllezen të Ulqinit, më 28 shtator 1939. Shkollën fillore dhe të mesme e ka ndjekur në vendlindje. Ka kryer Liceun Klasik dhe studimet filozofike dhe teologjike në Zagreb, me rezultate të shkëlqyera. U shugurua meshtar më 4 korrik të vitit 1965 nga Arqipeshkvi i Tivarit. Deri në vitin 1973 ka zhvilluar veprimtarinë e vet baritore ndër famullitë shqiptare të dioqezës së Tivarit në Mal të Zi. Në këtë vit dërgohet në Nju-Jork për t’u ardhur në ndihmë emigrantëve shqiptarë në nevojat baritore pranë qendrës “Zoja e Këshillit të Mirë” në Bronks./Agjencitë e lajmeve/

read more
Rajoni

KOSOVË: ENDE LARG KOMPROMISIT!

no thumb

Opozita tanimë edhe në formë të shkruar ia ka dorëzuar presidentes së Kosovës, Atifete Jahjaga kërkesat e tyre për kthimin e normalitetit në institucione. Visar Ymeri i Vetëvendosjes, Ramush Haradinaj i AAK-së dhe Fatmir Limaj i Nisma për Kosovën, në shkresën e dorëzuar sot, kanë paraqitur dy kërkesa, anulimin e marrëveshjeve dhe lirimin e të burgosurve, siç e kanë quajtur ata, politik.

Kryetari i Lëvizjes Vetëvendosje, Visar Ymeri tha se për t’u rikthyer normaliteti në institucionet e vendit, duhet të anulohen marrëveshjet dhe të lirohen të gjithë të burgosurit opozitarë.

Pas liderëve opozitarë, presidentja e Kosovës Atifete Jahjaga ka pritur në takim kryeministrin Isa Mustafa, me të cilin ka biseduar rreth gjetjes së një zgjidhje për situatën politike.

Pas takimit kryeministri i Kosovës Isa Mustafa tha se me Jahjagën ka takime të rregullta, por sot biseduan edhe për iniciativën e saj për të gjetur një rrugëdalje për krizën politike.Mustafa theksoi se ata do ta përkrahin çdo iniciativë për të kaluar krizën aktuale politike.

Kryeparlamentari i Kosovës Kadri Veseli ka takuar sot ambasadorin e SHBA-së në Kosovë, Greg Delauie dhe përfaqësuesin e BE-së, Samuel Zhbogar. Ambasadori amerikan përcolli mesazhet e Sekretarit të shtetit, John Kerry, që Kuvendi i Kosovës është vend i debatit dhe vendimmarrjes demokratike, e assesi i veprimeve të dhunshme./Agjencitë e lajmeve/

 

read more
1 234 235 236 237 238 260
Page 236 of 260