close

Rajoni

Rajoni

BEOGRAD: VUÇIQ PARALAJMËRON DHUNË GJATË PROTESTAVE

largea_unnamed-101462966237

Kryeministri serb, Aleksandar Vuçiq, u ka bërë thirrje liderëve politikë serbë në vendin fqinj, Bosnjë Hercegovinë, që ta parandalojnë dhunën në protestat në rrugë, të parapara që do të mbahen më 14 maj.

Si partitë opozitare, ashtu edhe ato në pushtet, në rajonin autonom serb në Bosnjë, të njohur si Republika Serbe, u kanë bërë thirrje përkrahësve të tyre që të dalin në rrugë në qytetin e Banja Llukës për të protestuar para zgjedhjeve lokale të tetorit.

Opozita do të protestojë kundër papunësisë dhe korrupsionit, ndërsa partia në pushtet ka kërkuar nga njerëzit që të shprehin përkrahje për politikat qeveritare.

Vuçiq tha se inteligjenca serbe ka parë indikacione se protesta mund të jetë e dhunshme. Ai tha se ka biseduar me liderët e serbëve të Bosnjës, përfshirë presidentin e Republikës Serbe në Bosnjë, Millorad Dodik./Agjencitë/

 

 

read more
Rajoni

TIRANË: HETIME NGA POLICIA SHQIPTARE PËR RASTIN “DROGA NË GREQI”

klement

Mediat greke zbardhin detaje të reja për rrjetin shqiptarë të bandës së drogës. Siç njoftojnë këto media kreu i kësaj bande është 50 vjeçari Dhimitër P që jeton në Belgjikë dhe që njihet me pseudonimin Valter. Ndërkohë sispas mediave greke ndaj anëtarit shqiptar të bandës Kelmend Balili i cilësuar si Eskobar i Ballkanit është lëshuar urdhër arresti ndërkombëtarë.

Sipas gazetës prestigjioze greke ‘Katimerini’, Klementi e kalonte drogën në kamionët e ngarkuar me barna farmaceutike. Shqipëria përmendet si vend furnizues i drogës prej nga transportohet kryesisht në rrugë ajrore e pastaj shpërndahet me kamionë.

Ministri i Drejtësisë Ylli Manjani duke komentuar sot hetimet ndaj Kelmend Balilit theksoi se kushdo që shkel ligjin do të përfundojë pas hekurave, ndërkaq ai nënvizoi se ende nuk ka një akuzë për Balilin, por nga ana tjetër informoi se operacioni policor vijon që nga muaji mars dhe autoritetet shqiptare po vijojn një hetim të plotë.

Nënkryetari i Lidhjes Socialiste për Integrim dhe ministër i Drejtësisë Ylli Manjani deklaroi se ka mbështetjen e tij të plotë për policinë e shtetit shqiptarë në punën e saj. Ai nënvizoi se çdokush që shkel ligjin duhet të përfundojë prapa hekurave.

Lidhur me aferën Klement Balili drejtori i policisë së shtetit tha se ai është nën hetim nga policia shqiptare. I pyetur nëse ka një urdhër arresti, drejtori i policisë së shtetit shqiptar Haki Cako u përgjigj shkurt se çështja është nën hetim dhe shtoi se subjektet e operacionit janë personazhe të njohur të botës së krimit.

Sipas Cakos operacioni antidrogë i zhvilluar në Greqi, është nga më të mëdhenjtë ku ka marrë pjesë edhe policia shqiptare si pjesë e grupit që dyshohet se është i përfshirë edhe kreu i shërbimit të transportit rrugor të Sarandës Kelmend Balili. Ai tha se hetimi vazhdon për të gjithë personat e përmendur në këtë rast. /Agjencitë/

 

 

read more
Rajoni

PRESIDENTI THAÇI: KOSOVA, MODEL I SHOQËRISË MULTIKULTURORE

thaciiiii-780×439

Presidenti i Kosovës, Hashim Thaçi, sot ka mbledhur anëtarët e Këshillit Konsultativ për Komunitete, me të cilët ka diskutuar për gjendjen e komuniteteve në përgjithësi në Kosovë, për të arriturat e deritashme dhe për punën që duhet bërë në të ardhmen.

Presidenti Thaçi ka thënë se Kosova sot nuk merr shembuj nga rajoni, por është bërë shembull për rajonin. Ai ka thënë se jemi shembull se si duhet të promovohet dialogu dhe se si duhet të ndërtohet një shtet që është shtëpi e të gjitha komuniteteve, me një shoqëri multikulturore, ku të gjithë, pa dallim përkatësie etnike, do të mund ta ruajnë dhe ta kultivojnë identitetin dhe kulturën e tyre.

Ai ka theksuar se rruga që kemi bërë nuk ka qenë e lehtë, sepse transformimet nëpër të cilat është dashur të kalojmë si shoqëri kanë qenë të mëdha. Ai ka thënë se kemi vënë themele të forta dhe të qëndrueshme, por kemi ende shumë punë për të bërë.

Për punën e Këshillit Konsultativ për Komunitete, presidenti Thaçi ka thënë se është qenësore për të zhvilluar një debat të mirëfilltë, kur është në pyetje mbrojtja dhe promovimi i të drejtave të komuniteteve në Kosovë.Presidenti Thaçi ka thënë se lista e sukseseve të shtetit të Kosovës do të rritet, duke na bërë krenarë që jemi qytetarët e shtetit më të ri, porse tani mbetet që së bashku të punojmë për të realizuar aspiratën tonë për Kosovën euroatlantike./Agjencitë/

 

read more
Rajoni

VESELI: KUVENDI NUK DO TA VË NË RREZIK LIBERALIZIMIN E VIZAVE

6283FF86-63AE-4A1A-A3C5-23A62D882465_cx0_cy3_cw69_w987_r1_s_r1

Kryesia e Kuvendit të Kosovës ka caktuar mbajtjen e dy seancave plenare në datat 18 dhe 25 maj.Por, në asnjërën prej këtyre seancave nuk do të jetë në rend dite ratifikimi i Marrëveshjes për Demarkacionin e Kufirit me Malin e Zi, pasi që projektligji nuk është proceduar ende nga Qeveria.

Ratifikimi i kësaj marrëveshjeje mbetet çështja kryesore për fillimin e zbatimit të liberalizmit të vizave për Kosovën./Agjencitë/

read more
Rajoni

TIRANË: AMBASADORËT LU E VLAHUTIN TAKOHEN ME PD-në

lu-vlahutin-777×437

 

Takimi i ambasadorëve Donald Lu e Romana Vlahutin me grupin parlamentar të Partisë Demokratike në selinë blu, ka përfunduar pas 2 orë e 20 minuta. Kjo ka qenë mbledhja më e gjatë e ambasadorëve, ndryshe nga një ditë më parë, kur takimi me grupin e PS-së zgjati rreth 40 minuta, ndërsa ai me LSI-në vetëm 20 minuta.

Gjatë mbledhjes së sotme me grupin parlamentar të PD, e para ka folur ambasadorja e Bashkimit Europian, Vlahutin e cila ka përcjellë një mesazh të prerë e të qartë për klasën politike shqiptare: “pa miratuar Reformën në Drejtësi nuk ka ndihmë nga BE ka thënë ajo në fjalën e mbajtur para deputetëve demokrat në mbledhjen e grupit parlamentar”.

“Ky ka qenë një diskutim shumë i mirë, i rëndësishëm dhe shumë konstruktiv, mendojmë që kemi sqaruar edhe disa çështje të tjera të cilat më parë nuk ishin të qarta, por më e rëndësishme është që në të gjithë kemi rënë dakord, që jemi partner dhe aleatë për të mirën e Shqipërisë dhe që në ditët në vijimë të gjitha energjitë tona do të kalojnë pikërisht në përfundimin e kësaj reforme”- thekson Romana Vlahutin-Ambasadore e BE-së.

Nga ana tjetër edhe amasadori Donald Lu është shprehur i vendosur në qëndrimin e tij në emër të SHBA lidhur me Reformën në drejtësi. Ai mësohet të ketë thënë se nuk do të ndalojë insistimin e SHBA deri në finalizimin e Reformës në Drejtësi

Mbledhja e sotme e Ambasadorve të SHBA dhe BE Donald LU dhe Romana Vlahutin me grupin parlamentar të Partisë Demokratike është shoqëruar edhe me debate.

Kryetari i Partisë Demokratike, Lulzim Basha u shpreh pas takimit me ambasadorët, se reforma në drejtësi mund të zgjasë në kohë. Shefi i opozitës theksoi se përpara afateve, rëndësi ka produkti i saj. “Reforma në drejtësi edhe mund të zgjasë. Rëndësi ka produkti i saj, jo afati”, u shpreh Basha.

Kryetari demokrat theksoi se PD ka qenë mbështetësja më e qartë dhe më e vendosur për reformën në drejtësi.

Sipas tij, kushti i vetëm i PD, është moskapja politike e sistemit të drejtësisë. “Kushti i vetëm i PD, deri në realizimi n e tij, është moskapja politike e drejtësisë. Jetojmë në një vend që ka historinë e kapjes politike të drejtësisë”, tha Basha.

Sipas tij, ambasadorët nuk lanë një PD nervoze, ndryshe takimi dje me PS-në, kur Rama kërcënoi Gjykatën Kushtetuese./TvArt/

 

read more
Rajoni

PRISHTINË: SHBA-TË DO TË VAZHDOJNË TA MBËSHTESIN KOSOVËN

14500975585878_greg_delavi

Zhvillimet aktuale në Kosovë, me theks të veçantë mbi procesin e liberalizimit të vizave, pas rekomandimit pozitiv të dhënë nga Komisioni Evropian, kanë qenë në qendër të vëmendjes së takimit të kryetarit të Kuvendit të Kosovës, Kadri Veseli me ambasadorin e amerikan në Prishtinë, Greg Delavi.

Në një njoftim të Kuvendit të Kosovës theksohet se Amabsadori me këtë rast ka vlerësuar se rekomandimi për heqjen e vizave dëshmon se institucionet e Kosovës janë duke përmbushur përgjegjësitë e tyre karshi qytetarëve dhe detyrimet që dalin nga procesi i integrimeve evropiane.Delavi ka rikonfirmuar mbështetjen e Shteteve të Bashkuara të Amerikës për Kosovën në të gjithë hapat e saj të zhvillimit dhe të integrimeve evropiane./Agjencitë/

read more
Rajoni

BRUKSEL: MINISTRAT EVROPIAN LEHTËSOJNË MASAT NDAJ GREQISË

201275

Ministrat evropianë të Financave për herë të parë aprovuan dje masat për lehtësira për Greqinë, nga borxhi i saj masiv prej 333 miliardë dollarësh.Deri më tani, vendet evropiane kanë diskutuar për reduktimin e borxheve. Dhe, përderisa kanë refuzuar haptazi anulimin e borxhit gjatë një takimi në Bruksel, ata janë pajtuar për mënyra të tjera të lehtësirave, sikurse pagesat më të gjata dhe periudha të pritjes.

Fondi Monetar Ndërkombëtar për një kohë të gjatë insiston se borxhi i Greqisë, në 180 për qind të prodhimit ekonomik, është i paqendrueshëm dhe duhet të pakësohet. Ishte rrezik tërheqja nga programi i shpëtimit për Greqinë, pa lehtësira të borxhit.Ministrat thanë se do t’i paraqesin propozimet e tyre më 24 maj.Këto ndryshime u mirëpritën nga kryeministri grek, Alexis Tspiras./Agjencitë/

read more
Rajoni

ATHINË: PRESIDENTI PAVLOPULOS AKUZON MAQEDONINË

prokopis-pavlopoulos-to-be-next-greek-president.w_hr

Presidenti i Greqisë, Prokopis Pavlopulos, ka akuzuar Maqedoninë për atë që ai e ka quajtur ‘falsifikim cinik të historisë’. Në një fjalim të mbajtur në qytetin e Negushit në veri të vendit, presidenti Pavlopulos, konfirmoi se vendi i tij ka vënë veto për aderimin e vendit në NATO dhe Bashkimin Evropian dhe për këtë është shprehur ai, nuk mund të negociohet.

Me këtë rast kreu i shtetit grek ka akuzuar Maqedoninë edhe për sjelljen ndaj refugjatëve në kufirin Maqedoni-Greqi, të cilën ai e ka quajtur brutale./Agjencitë/

read more
Rajoni

SERBËT E KOSOVËS TË PAJISEN ME PASAPORTA BIOMETRIKE

skender-hyseni-520×356

Ministri i Punëve të Brendshme i Qeverisë së Kosovës, Skënder Hyseni, u ka bërë thirrje qytetarëve serbë të Kosovës, që të pajisen me pasaportat biometrike të Kosovës, në mënyrë që ta shfrytëzojnë të drejtën për udhëtim në vendet e Schengenit, e cila do të jetë e mundur pas liberalizimit të vizave për vendin.

Thirrja e tillë e ministrit Hyseni për serbët e Kosovës, vjen pas marrjes së propozimit pozitiv për liberalizim vizash për Kosovën nga Komisioni Evropian./Agjencitë/

 

read more
Rajoni

ATHINË: MIRATOHEN MASAT E KURSIMEVE

Greqi-1

Parlamenti i Greqisë e ka miratuar pakon e reformave financiare, para takimit të paraparë të ministrave të Financave të Bashkimit Evropian. Në parlamentin prej 300 deputetëve, vetëm 153 prej tyre nga koalicioni qeverisës majtist votuan zvogëlimin e pensioneve dhe ngritjen e tatimeve.

Vendimi u mor në një atmosferë të tensionuar, si rezultat i grevës së përgjithshme  48-orëshe dhe protestave masive antiqeveritare. Agjencitë e lajmeve thonë se miratimi i reformave është një nga kushtet kryesore që kreditorët financiarë ndërkombëtarë i kanë vënë Greqisë, në kohën që vendit po i shterrojnë përherë e më shumë rezervat monetare./Agjencitë/

read more
1 234 235 236 237 238 301
Page 236 of 301