close

Rajoni

Rajoni

KOSOVË: AKSION POLICOR KUNDËR KONTRABANDISTËVE

no thumb

Në Kosovë, doganat dhe policia kanë ndërmarrë sot një prej aksioneve më të mëdha të pas luftës.

Aksioni ka nisur në ndjekje të kontabanduesve të cigareve, por bëhet e ditur se janë zbuluar edhe elemente tjera të krimit të organizuar.

Media në Prishtinë saktëson se në këtë operacion janë përfshirë rreth 400 doganierë dhe Policë të Kosovës./TvArt&Agjencitë/

 

read more
Rajoni

 ATHINË: KLIMË E RE NË MARRËDHËNIET GREKO-SHQIPTARE?

no thumb

Ministrat e Jashtëm të Greqisë dhe të Shqipërisë, Kocias e Bushati, kanë theksuar vullnetin e përbashkët për të vënë në rrugën e zgjidhjes gjithë problemet që preokupojnë marrëdhëniet dypalëshe. 

Si mjet për këtë zgjidhje duket se është përzgjedhur traktati i miqësisë dhe fqinjësisë së mirë midis të dy vendeve, që është nënshkruar 20 vjet më parë, më 21 mars 1996.Ministri i Jashtëm grek, Nikos Kotzias, pas takimit me homologun e tij shqiptar, Ditmir Bushati, ka deklaruar se ky traktat do të riaktualizohet dhe përmirësohet.

Ndërkaq, sipas shefit të diplomacisë shqiptare, ekziston një mirëkuptim i dyanshëm për zgjidhjen e çështjeve të trashëguara nga e kaluara, por edhe për më të fundit.Të dy ministrat, sikurse njofton bashkëpunëtori i Televizionit Art në Athinë, Robert Goro, kanë deklaruar gjetjen e kodit të përbashkët edhe për çështje më të nxehta, si ajo e paktit detar.

Ditmir Bushati ka deklaruar se zgjidhja e kësaj çështjeje është me interes të përbashkët, por që pala shqiptare e sheh më tepër si një çështje që duhet fokusuar tek e ardhmja e përbashkët europiane./TvArt/

 

read more
Rajoni

ATHINË: TIRANËS I KËRKOHET TË PRANOJË REFUGJATË

no thumb

 

Greqia i ka kërkuar Shqipërisë që të presë emigrantët ashtu siç i ka pritur ajo shqiptarët në vitet 1990, ndërsa Tirana zyrtare ka kërkuar heqjen e ligjit të luftës. Kërkesat janë bërë gjatë takimeve të shefit të diplomacisë shqiptare, Ditmir Bushati me zyrtarët më të lartë grekë.

Kërkesa për refugjatët nga Lindja e Mesme është bërë nga Ministri i Jashtëm grek, Nikos Kocias dhe Presidenti Prokopis Pavlopulos gjatë një takimi me Ministrin e Jashtëm Ditmir Bushati. Sikurse njofton media në Athinë, Pavlopulos është angazhuar që pala shqiptare të respektojë të drejtat ndërkombëtare të emigrantëve.

Së pari, kërkojmë nga Shqipëria që të kontribuojë në trajtimin e problemit të refugjatëve, në të njëjtën mënyrë si Greqia u soll me emigrantët shqiptarë. Së dyti, të respektohen të drejtat e plota të njeriut sa i përket minoritarëve tanë në Shqipëri,’- citohet të ketë deklaruar presidenti grek në takimin me Ministrin e Jashtëm të Shqipërisë, Ditmir Bushati.

Një ndër kërkesat kryesorë të këtij të fundit ka qenë heqja e ligjit të luftës. Mediat greke shkruajnë se ai e ka cilësuar si një relikë të së shkuarës, heqja e së cilës do t’i japë fund kapitullit mbi luftën e dytë botërore.

Gjatë bisedimeve greko-shqiptare të nivelit të lartë pohohet  se zyrtarët e Athinës kanë shprehur interesimin e tyre për avancimin e marrëdhënieve  me Tiranën dhe si argument për këtë është përmendur mbështetja e aderimit të Shqipërisë në NATO, por edhe e integrimit të saj në Bashkimin Evropian.

Së pari, kërkojmë nga Shqipëria që të kontribuojë në trajtimin e problemit të refugjatëve, në të njëjtën mënyrë si Greqia u soll me emigrantët shqiptarë. Së dyti, të respektohen të drejtat e plota të njeriut sa u përket minoritarëve tanë në Shqipëri’- tha Pavlopulos, President i Greqisë./TvArt&Agjencitë/

 

read more
Rajoni

SHBA: BASHA KËRKON ZGJEDHJE TË PARAKOHSHME

no thumb

Kryetari i partisë demokratike Lulzim Basha nga SHBA ku ka qëndruar për një vizitë zyrtare, ka deklaruar se zgjedhjet e lira dhe të ndershme janë domosdoshmëria numër një që Shqipëria të ecë përpara.Me këtë rast ai ka zbardhur disa nga propozimet e opozitës për reformën zgjedhore në Shqipëri.

Duke folur për situatën politike me drejtues të ‘Vatrës’ në SHBA, kreu i Partisë Demokratike, Lulzim Basha ka deklaruar se në takime me zyrtarë amerikanë ka marrë mbështetjen e tyre për zhvillimin e zgjedhjeve të lira.

Duke renditur një sërë aferash korruptive, lideri i demokratëve ka thënë se zgjedhjet e lira dhe të ndershme janë domosdoshmëria numër një që Shqipëria të ecë përpara.Sipas Bashës nëse do të zhvilloheshin sot zgjedhje gjykimi popullor do ta nxirrte në opozitë qeverinë e sotme të kryeministrit Edi Rama.Por për kreun e opozitës, për zhvillimin e zgjedheve të lira parakusht mbetet zbatimi i ligjit të dekriminalizimit, nxjerrja e kriminelëve jashtë Parlamentit, jashtë bashkive dhe zyrave të tjera të pushtetit./Agjencitë e lajmeve/

read more
Rajoni

GREQI: NË VEND NDODHEN MBI 50 MIJË EMIGRANTË

no thumb

Mbi 50 mijë emigrant janë bllokuar në shtetin Helen. Këto janë shifra të publikuara nga qeveria e Greqisë.“Ekathimerini” shkruan se sipas të dhënave të qeverisë në total janë 50.411 emigrantë dhe azilkërkues.

NJë ditë më parë hyri në fuqi marrëveshja mes Turqisë dhe BE në lidhje me menaxhimin e fluksit të emigrantëve. Turqia dhe Bashkimi Europian nënshkruan marrëveshjen që synon të ndalojë emigrantët të kalojnë në Greqi.

Sipas marrëveshjes, të gjithë klandestinët që hyjnë në Greqi do të kthehen pas në Turqi nëse nuk aplikojnë për azil apo nëse kërkesa e tyre refuzohet./Agjencitë e lajmeve/

read more
Rajoni

PRISHTINË: VESELI NUK I PËRJASHTON ZGJEDHJET

no thumb

Kryetari i Kuvendit të Kosovës, Kadri Veseli, është duke përgatitur terrenin për të instaluar dialog me partitë opozitare në funksion të tejkalimit të krizës politike.

Por, sipas burimeve këtë ofertë Veseli do ta bëjë pasi të përmbushen dy procese. I pari është inaugurimi i Hashim Thaçit në krye të presidencës, dhe i dyti zgjedhja e Veselit në krye të Partisë Demokratike të Kosovës.

Ndërkaq për opozitën asnjë ofertë nuk është serioze deri sa qeveria e drejtuar nga kryeministri Isa Mustafa nuk jep dorëheqje./Agjencitë e lajmeve/

read more
RajoniVideo

SHQIPËRI: VJET MBI 720 MILIONË EURO INVESTIME TË HUAJA

no thumb

Gjatë vitit 2015 bilanci i investime të huaja në Shqipëri kap vlerën 721 milionë euro. Megjithatë, tarifat doganore dhe problemet me infrastrukturën rrugore janë dy shkaqet kryesore që i mbajnë larg investitorët e huaj. Ky shqetësim u ngrit ditë më parë edhe nga përfaqësues të disa kompanive nga Maqedonia të cilët kërkuan nga qeveria shqiptare një terren më të favorshëm dhe heqjen e barrierave për të thelluar  edhe më bashkëpunimin mes dy vendeve.

Intesifikimi  i bashkëpunimit dhe vendosja e lidhjeve të reja biznesore ndërmjet kompanive të të dyja vendeve ishin në qendër të vëmendejes së bisedimeve mes ministres shqiptare të ekonomisë Milva  Ekonomi dhe  delegacionit të Odës Ekonomike të Maqedonisë Veri-Perëndimore. Ministrja Ekonomi thotë për televizionin tone se ky bashkëpunim është me interes për ekonomitë e të dy vendeve.

Gjatë takimeve me përfaqësues të lartë të shtetit shqiptar afaristët nga Maqedona shprehën shqetësimet e tyre nga sfera të ndryshme të biznesit, duke veçuar edhe atë të unifikimit të tarifave doganore.

Ndërkaq, ministrja Ekonomi thotë se të gjitha shqetësimet që u ngritën nga  afaristët nga Maqedonia janë në agjendën e politikave të qeverisë me qëllim të nxitjes së investimeve të huaja.

Sa i takon shkëmbimeve tregtare, vitin që shkoi Shqipëria ka importuar më shumë mallra nga Maqedonia në krahasim me  esksportin. Qendra e re tregtare SKOPJE SITI MOL e një investuesi nga Shqipëria, dhe një hotel me pesë yje, që së shpejti pritet të përurohet në Shëngjin, nga një biznesmen yni nga Maqedeonia – janë  shembuj se prapëseprapë kur punohet – rezultatet nuk mungojnë./Xh.I./

read more
Rajoni

SHQIPËRI: SHEFI I DIPLOMACISË NESËR NË ATHINË

no thumb

Ministri i Jashtëm, Ditmir Bushati, do të vizitojë zyrtarisht Athinën më 21 – 22 mars, në një vizitë që konsiderohet më e rëndësishmja e tij jashtë vendit. Në një intervistë për televizionin Ora News, Bushati tha se do të pritet në takime nga homologu i tij grek Nikolaos Kotzias, por edhe autoritetet më të larta të vendit, si edhe përfaqësues të opozitës, shoqërisë civile dhe shoqata të emigrantëve shqiptarë.

Në fokus të bisedimeve do të jenë çështjet më të nxehta mes dy vendeve, të cilat, sipas shefit të diplomacisë shqiptare, nuk pritet të zgjidhen përmes një procesi të lehtë.

Ndërkaq, kryetari i PDIU-së, Shpëtim Idrizi, ka kërkuar nga kryediplomati shqiptar që në Athinë, që krahas axhendës diplomatike duhet të trajtojë edhe çështjën e shqiptarëve të Çamërisë. Për më shumë, Idrizi këtë kërkesë e mbështet edhe në  qenien e 300 mijë shtetasve shqiptarë me prejardhje nga Çamëria.

Ministria e Jashtme informon se gjatë kësaj vizite, Ministri Bushati krahas bisedimeve me  kryedipolomatin grek Nikolaos Kotzias, do të pritet në takime të veçanta nga autoritetet më të larta shtetërore greke. Ministri i jashtëm grek vizitoi Tiranën në korrik të vitit të shkuar ku shprehu vullnetin e palës greke për zgjidhjen e çështjeve te hapura dypalëshe./TvArt&Ora News/

 

read more
Rajoni

KOSOVË: ZGJEROHET ‘HABITATI’ I ARINJVE

no thumb

Në vazhdim do t’ju flasim për habitatin e arinjve, një specie kjo e rrezikuar edhe në trevat tona për shkak të pakujdesisë. Alarmi i ngritur nga organizatat – miqtë e natyrës, por edhe mirëkuptimi i autoriteteve, kanë bërë që në Kosovë,  në fundjavë  të ngritet një strehimore me emrin simbolik ‘Pylli i arinjve’, që shtrihet buzë Liqenit të Badocit.

Deri vonë arinjtë që po i shikoni  kanë qenë  të ngujuar nëpër kafazet e hekurta në shumë restorante  në disa qytete të Kosovës. Falë aksionit të Fondacionit Ndërkombëtar ‘Katër Putrat’, janë shpëtuar 13 arinj të murmë të cilët tash kanë edhe shtëpinë e tyre. Kreu i Komunës së Prishtinës, Shpend Ahmeti,  me rastin e inaugurimit të strehimores ‘Pylli i Arinjve’, që në një sipërfaqe të rrethuar prej disa hektarësh, shtrihet buzë Liqenit të Badocit, tha se kjo specie kërkon mbrojtje institucionale.

Të pranishëm në Badoc kanë qenë edhe ministrat e mjedisit të Kosovës e Shqiupërisë, Ferid Agani e Lefter Koka:edhe ata kanë konfirmuar vendosmërinë për mbrojtjen e natyrës dhe të kafshëve:

“Strehimorja ‘Pylli i Arinjve’ është një projekt i  mbvështetur nga Ministria Kosovare e Mjedisit dhe Planifikimit Hapësinor, Komuna e Prishtinës si dhe Fondacioni Ndërkombëtar për Mirëqenien e Kafshëve ‘Katër Putrat’,me seli në Austri,  përfaqësues të të cilit prej vitesh veprojnë në disa shtete të Ballkanit./Agjencitë e lajmeve/

read more
Rajoni

PRINCI CHARLES NË KOSOVË

no thumb

Princi britanik, Charles, dhe bashkëshortja e tij, dukesha Camilla, në ditën e dytë të vizitës në Kosovë, po vazhdojnë takimet me udhëheqës të lartë shtetërorë.

Princi Charles dhe dukesha Camilla, në pjesën e parë të ditës, janë pritur nga presidentja e Kosovës, Atifete Jahjaga.Presidentja Jahjaga, në takim me Princin Charles, thuhet se diskutuan për thellimin e bashkëpunimit ndërmjet Republikës së Kosovës dhe Britanisë së Madhe, për përparimin e Kosovës në ndërtimin e shtetit demokratik, si dhe për njohjen ndërkombëtare të Kosovës.

Në një komunikatë për media nga Presidenca thuhet se “vizita e Lartmadhërisë së tyre në Kosovë rikonfirmon lidhjet e veçanta dhe të fuqishme ndërmjet Republikës së Kosovës dhe Mbretërisë së Bashkuar”./Agjencitë e lajmeve/

read more
1 258 259 260 261 262 309
Page 260 of 309