close

Rajoni

Rajoni

THAÇI: VITI 2018 – VIT I SHPRESAVE

hashimthaqi-1023×526

Marrëveshja e Prespës hap rrugën për në NATO dhe BE


Kryetari i Partisë Demokratike Shqiptare, Menduh Thaçi është treguar optimist se ndryshimet kushtetuese dhe zbatimi në tërësi i Marrëveshjes së Prespës, do të marrin dritën jeshile. Kjo sipas tij do të hapë përfundimisht rrugën e integrimit në NATO dhe në Bashkimin Evropian. Në takimin e fundvitit, Thaçi tha se është i bindur se edhe Kosova me Serbinë gjatë vitit në të cilin po shkelim do t’ia dalin të merren vesh për normalizimin e marrëdhënieve.

Kreu i Partisë Demokratike Shqiptare, Menduh Thaçi, në paraqitjen e këtij fundviti, për dallim nga bllokada gati tridhjetëvjeçare, e ka quajtur 2018-ën, vit të shpresës.

Në këtë frymë, kreu i demokratëve shqiptarë u tregua optimist se ndryshimet kushtetuese dhe detyrimet që dalin nga Marrëveshja e Prespës do të rrumbullakohen në mënyrë që Maqedonia të bëhet pjesë e integrimeve euro-atlantike.

Duke folur për gjasët që Kosova dhe Serbia të arrijnë zgjidhjen kompromise që do të çonte drejt normalizimit të marrëdhënieve dypalëshe, lideri i PDSH-së tha se dialogu po shkon drejt finales:

Kryetari i Partisë Demokratike Shqiptare, në takimin e kësaj të premteje vlerësoi lartë ringritjen e partisë së tij, duke thënë se zhvillimet e fundit po dëshmojnë se po bëhen realitet përcaktimet bosht të kësaj partie për integrim euro-atlantik dhe që shqiptarët e Maqedonisë të kenë të drejta juridiko-kushtetuese, njësoj si të tjerët. /Klan Maqedoni/

read more
Rajoni

THAÇI: MARRËVESHJA TË BEKOHET NË SHTËPINË E BARDHË

1052336603

Presidenti i Kosovës në takim fundviti me gazetarët


Presidenti i Kosovës, Hashim Thaçi, ka deklaruar se do të punojnë për arritjen e një marrëveshje të balancuar me shtetin e Serbisë dhe në interes të paqes dhe stabilitetit. Në takimin e fundit për këtë vit me gazetarë, Thaçi përsëriti se do t’i mbështesë të drejtat e shqiptarëve në Luginë, kurse, shtoi se ekipi negociator është pajtuar që më 8 janar të jenë në Bruksel.

Presidenti Thaci ka uruar përsëri që kjo marrëveshje të bekohet në Shtëpinë e Bardhë.

Ndërsa në çështjen e Gjykatës Speciale, Thaçi tha se Kosova nuk ka çfarë të fsheh.

Kurse, sa i përket çështjes së ushtrisë, Thaçi ka ripërsëritur se gabimi i vetëm është që Kosova është vonuar për pesë vite në themelimin e saj. Ai shtoi se gjatë kësaj kohe shpeshherë është ndier i vetmuar në kërkesën karshi ndërkombëtarëve. /Agjencitë/

 

read more
Rajoni

BANJA LLUKË: PARALAJMËROHEN PROTESTA PËR DREJTËSI

Screenshot_2

Tubime mbështetëse në Sarajevë dhe Beograd


Në Banjallukë është liruar nga paraburgimi Davor Dragiçeviq, arrestimi i të cilit dje shkaktoi tensione. Ai ishte ndaluar për shkak të cënimit të sigurisë, dhe se gjoja i është kërcënuar ministrit të Brendshëm të Republikës serbe në Bosnjë. Ai ka akuzuar pushtetin dhe policinë për vdekjen e djalit të tij, rast i cili tashmë nëntë muaj nuk është zbardhur nga autoritetet. Për sonte mbështetësit e tij kanë paralajmëruar protesta në Serbi, Bosnjë por edhe në Republikën serbe.

Autoritetet në Republikën Serbe të Bosnjës kanë liruar nga paraburgimi Davor Dragiçeviq, arrestimi i të cilit ngriti tensione në vend. Dragiçeviq, tash e sa kohë, po organizon protesta për të kërkuar të vërtetën rreth vdekjes së djalit të tij, David Dragiçeviq.

Policia arrestoi Dragiçeviqin, të martën, mbi akuzat se protestat e tij përbënin një kërcënim për sigurinë. Disa persona të tjerë gjithashtu u arrestuan, duke përfshirë disa politikanë të opozitës. Mbështetësit e familjes u mblodhën në protestë, duke u përleshur me policinë në qytet.

Lëvizja “Drejtësia për Davidin” e Dragiçeviq ka kërkuar informacion në lidhje me vdekjen e djalit të tij 21-vjeçar, në mars të këtij viti. Ajo ka frymëzuar protesta anti-qeveritare që kanë pasqyruar pakënaqësi të gjerë popullore mbi korrupsionin dhe papunësinë në këtë vend. Tubimet mbështetëse për prindërit e 21 vjeçarit, David Dragiçevic, do të mbahen të mërkurën në Sarajevë dhe Beograd. /Klan Maqedoni&Al Jazeera/

 

read more
Rajoni

PRISHTINA E BEOGRADI ME OBJEKTIVA TË NDRYSHME

6317138525bc8478a722fc237298683_v4_big

Mollë sherri – rritja e taksave për mallrat serbe


“Syni i palës kosovare është që përmes dialogut me Serbinë të sigurohet ulësja në Organizatën e Kombeve të Bashkuara dhe perspektiva euroatlantike”. Kështu ka deklaruar kryetari i Kuvendit të Kosovës, Kadri Veseli, pas mbledhjes së ekipit shtetëror të Kosovës për dialogun me Serbinë. Në Beograd, ndërkaq kryetarja e parlamentit serb, Maja Gojkoviq ka thënë se parakusht për vazhdimin e dialogut serbo-kosovar është që Prishtina të heq taksat e vendosura për mallrat nga Serbia.

Prishtina zyrtare, me gjithë kundërshtitë e opozitës, duket se po e përmbyll këtë vit me një ngjeshje të radhëve për ta bërë sa më të kapshëm dialogun me Serbinë. Kreu i parlamentit, Kadri Veseli, tha pas takimit me ekipin shtetëror për dialogun me Serbinë, se për rrjedhën e punimeve të ekipit do të vihen në dijeni të enjten edhe anëtarët e QUINT-it dhe Bashkimit Evropian.

Ndërkaq, Presidenti i Kosovës, Hashim Thaçi, i cili po ashtu mori pjesë në takim, u shpreh optimist për rezultatin e dialogut, tani pas letrës së presidentit amerikan, Donald Trump.

Ndërsa Kuvendi i Kosovës ka diskutuar bashkërendimin e veprimeve që lidhen me dialogun Kosovë-Serbi, kryetarja e parlamentit serb, Maja Gojkoviq, ka paralajmëruar të mërkurën se parakusht për vazhdimin e dialogut është heqja e taksave për mallrat nga Serbia.

‘Kërkesa jonë është që të hiqen këto masa të jashtëligjshme dhe pastaj do të mund të bisedojmë. Është punë e tyre se çfarë planesh përgatisin dhe sa larg kanë ndërmend të shkojnë me radikalizimin, pikërisht ndaj serbëve të cilët jetojnë në territorin e Kosovës e Metohisë e me këtë edhe ndaj Serbisë dhe, sikurse po shohim, edhe ndaj Bosnjë-Hercegovinës,’- i ka deklaruar të mërkurën medias në Beograd kryeparlamentarja serbe, Maja Gojkoviq.

Bëhet e ditur se më tetë janar në Bruksel ekipi negociator nga Prishtina do të ketë takimin e parë me zyrtarët e lartë të Bashkimit Evropian, me ndërmjetësimin e të cilëve po zhvillohet dialogu Kosovë-Serbi. /Seladin Xhezairi/

 

 

read more
Rajoni

 HARADINAJ: NUK E TËRHEQIM TAKSËN DOGANORE

haradinaj-vucic

Vuçiq: Situata e serbëve në Kosovë, përkeqësohet


Kryeministri i Kosovës Ramush Haradinaj ka përsëritur disa herë se nuk do të tërheqë tarifën ndaj mallrave serbe dhe të Bosnjës derisa të ndodhë njohja e Kosovës. Heqjen e tarifës e kanë kërkuar zyrtarë të lartë të Bashkimit Evropian si dhe Serbia e cila ka vendosur të mos vazhdojë dialogun me Kosovën derisa të shfuqizohet kjo masë nga ana e autoriteteve në Prishtinë.

Kryeministri i Kosovës, Ramush Haradinaj, tha se tarifa e vendosur ndaj mallrave serbe është e drejtë e Kosovës dhe se përmes saj “po e mbrojmë sigurinë kombëtare”.

Nga ana tjetër Presidenti i Serbisë, Aleksandar Vuçiq, në një intervistë për median serbe tha se situata e serbëve në Kosovë po përkeqësohet, sepse Prishtina sipas gjitha gjasave deri në vitin e ri nuk do ta heq tarifën për mallrat serbe.

“Situata e popullit tonë në Kosovë po përkeqësohet, dhe është e qartë se ata nuk do ta tërheqin taksën, të paktën jo deri në Vitin e Ri dhe unë shpresoj se do të heqin dorë së shpejti nga këto ide. Por unë popullit serb në Kosovë i dërgoj mesazh se do t’u ndihmojmë në të gjitha mënyrat dhe do të bëjmë gjithçka të jetojnë sa më mirë dhe vitin e ardhshëm nëse ka hapësirë të shtojmë edhe shtesën e rrogës për Kosovën”- tha Aleksandar Vuçiq – President i Serbisë.

Duke folur për letrën që e ka dërguar presidenti i SHBA-së, Donald Trump, Vuçiq tha se përmes saj, presidenti Trump, ka shfaqur dëshirën që problemi mes Prishtinës dhe Beogradit të zgjidhet. Sipas tij, presidenti amerikan, për herë të parë ka përmendur se po shikohet drejt një zgjidhje kompromisi. /Klan Maqedoni/

 

 

 

 

 

read more
Rajoni

SARAJEVË: REDAKSIA E LAJMEVE NË “BULEVARDIN E SNAJPERËVE”

Screenshot_2

Gazetarët e huaj përkujtojnë vitet e luftës në Sarajevë


Gazetarët e huaj e mbajnë mend hotelin Holidej-in në Sarajevë si hotel i “bulevardit” të snajperëve”. Hoteli ishte redaksi, studio dhe shtëpi e gazetarëve nga të gjitha pjesët e botës të cilët informonin për luftimet në Sarajevë.

Ky s’është hotel si të tjerët, ky është Holidej-in i cili ka qenë redaksi, studio dhe shtëpi e gazetarëve nga të gjitha viset e botës të cilët informonin për luftimet në Sarajevë në vitin 1992.

“Mendoj se ndoshta Holidej-in u shndërruar rastësisht në hotel lufte në Sarajevë, por edhe për shkak të dizajnit. Për shkak të lokalitetit të tij në qendër të qytetit, si kështjellë e cila dallon nga rrethina”, thotë fotografi Pol Lou.

Ndërtesa ishte në vijën e parë të frontit dhe forcat serbe sulmonin me armë të rënda.

“Kjo pjesë e hotelit, të cilën mund ta shihni prapa meje, qe dëmtuar rëndë nga predhat dhe zjarri me snajper. Nuk ishte e mundur të qëndroje aty, kështuqë gazetarët shfrytëzonin anën tjetër të hotelit,thotë Kenet Morrison, profesor i historisë moderne të Evropës.

“Pjesa përdhesë e hotelit qe shkatërruar plotësisht, xhama të thyera në të gjitha anët, mure të rrënuara, çdo gjë e shkatërruar”, thotë Hajro Rovçanin drejtor ekzekutiv i hotelit Holidej-In.

Megjithatë ky hotel vazhdoi të punojë përgjatë gati katër vjet luftë dhe shtetrrethim. Këtu janë vrarë 225 njerëz dhe janë plagosur më shumë se 1000 të tjerë, dëshmojnë të dhënat e Kombeve të Bashkuara nga viti 1995. Gjatë konfliktit që përfundoj në vitin 1996 janë vrarë 11.541 qytetarë të Sarajevës. /Klan Maqedoni&Al Jazeera Balkans/

 

read more
Rajoni

PRISHTINË: STUDENTËT PROTESTOJNË PËR MOSLIBERALIZIMIN E VIZAVE

studentet-2

Mesazh BE-së: “Mjaft na izoluat, edhe sa kritere na duhen”


Me moton “Mjaft na izoluat, edhe sa kritere na duhen”, studentët e Universitetit të Prishtinës (UP) kanë organizuar një marsh simbolik në shenjë pakënaqësie me BE-në për mosliberalizimin e vizave për qytetarët e Kosovës.

Me thirrjet “A është izolimi vlerë e Bashkimit Evropian?”, 95 studentë të Universitetit të Prishtinës kanë marshuar nga kampusi universitar deri te zyra e Bashkimit Evropian, në shenjë pakënaqësie për mos-liberalizimin e vizave për qytetarët e Kosovës. Kosova duhej të plotësonte 95 kritere nga Bashkimi Evropian për liberalizimin e vizave, andaj ata kishin zgjedhur që në mënyrë simbolike marshin përmes 95 studentëve, të cilët mbanin në duar edhe parullën, “Edhe sa kritere duhen”.

Në vigjilje të festës së Krishtlindjes, studentët kanë dorëzuar pasaportat e improvizuara në një kuti duke thënë se ato janë dhuratë për Përfaqësuesen e Lartë të Bashkimit Evropian për Siguri dhe Politikë të Jashtme, Federica Mogherini. Në grilat rrethuese të zyrës së BE-së në Prishtinë, studentët kanë vendosur një hartë që tregon se Kosova është vendi i vetëm i izoluar në Evropë. Bashkimi Evropian, sipas studentëve, i ka bërë pasaportat e Kosovës të pavlera. /Agjencitë/

 

read more
Rajoni

ANALISTËT-DRITËHIJET E DIALOGUT KOSOVË-SERBI

Screenshot_3

Çfarë qëndron pas ‘korrigjimit’ të kufirit?


Analisti kosovar Ramush Tahiri, dhe ish-ministri serb për Kosovën, Goran Bogdanoviq, parashikojnë vazhdim të dialogut mes Prishtinës e Beogradit, me gjithë tensionet e fundit, si rezultat i vendimit për shndërrimin e Forcës së Sigurisë në Ushtri të Kosovës, por edhe të vendosjes së tarifave doganore për mallrat nga Serbia. Ata në një intervistë për seksionin serb të Radios Evropa e Lirë, kanë shfaqur qëndrime të ndryshme sa i përket korrigjimit të kufirit mes dy palëve.

Goran Bogdanoviq, ish-ministër serb për Kosovën, dhe Ramush Tahiri, analist politik, në një intervistë për Radion Evropa e Lirë, kanë thënë se nuk është se marrëdhëniet ndërmjet Kosovës dhe Serbisë, kanë shënuar pikën më të ulët, prej se Qeveria në Prishtinë, vendosi tarafat doganore për mallrat serbe dhe mori vendim për ngritjen e Forcave të Sigurisë në Ushtri të Kosovës. Sipas tyre, arsye për tensionet në rritje mes Beogradit e Prishtinës duhet kërkuar në atë që Bogdanoviq e quan, mosbesim mes popullit serb dhe shqiptar dhe konform kësaj edhe mes Beogradit e Prishtinës:

‘Fatkeqësisht, edhe serbët, edhe shqiptarët jetojnë në mashtrim dhe këtë mashtrim do ta paguajnë me skamje dhe helmimin e shpirtit. Interesat e serbëve të Kosovës nuk janë edhe interesa të Beogradit. Nga viti 2013, udhëheqja serbe nisi shitjen hap pas hapi të interesave të serbëve në Veri të Kosovës e Metohisë. I detyruan me forcë të marrin pjesë në zgjedhjet kosovare dhe në punën e institucioneve kosovare,’ – thotë Goran Bogdanoviq.

Edhe analisti Ramush Tahiri drejton gishtin nga Serbia të cilën e quan kryefajtore për tensionet e tanishme për shkak se, thotë ai, nuk po e njeh pavarësinë e Kosovës duke e arsyetuar këtë me gjoja mbrojtjen e interesave të popullit serb atje:

‘Serbia nuk dëshiron të njohë pavarësinë e Kosovës, nuk i njeh institucionet kosovare, por interesin e vet është përpjekur ta realizojë përmes institucioneve ndërkombëtare në Kosovë,’ – vlerëson Tahiri duke argumentuar se institucionet e Kosovës e përfaqësojnë atë dhe janë legjitime pa marrë parasysh se ç’mendon Beogradi.

Lidhur me tarifat doganore, Goran Bogdanoviq dhe Ramush Tahiri, ndajnë mendime katërcipërisht të kundërta. Përderisa i pari thotë se masat e Prishtinës prekin komunitetin etnik serb, i dyti i shikon ato si masa politike e jo ekonomike. Mirëpo edhe Tahiri, edhe Bogdanoviq janë dakord se ato do të reflektohen në dialogun e mëtejmë mes dy palëve:

‘Kam frikë se në këtë mënyrë po përgatitet një shfaqje e cila do të duhej të dëshmojë se serbët dhe shqiptarët, jo vetëm që nuk munden së bashku, por nuk mund të jetojnë as njëri pranë tjetrit, ndaj duhet të ndahen,’– vlerëson Bogdanoviq.

Ramush Tahiri, ndërkaq rikujton se Beogradi zyrtar është ai që nuk po respekton marrëveshjet e arritur në Bruksel dhe masat e palës kosovare kanë qenë të paevitueshme:

‘Tani kur ndonjë qytetar i Kosovës kalon me veturë kufirin administrativë ose shtetëror, varet kush si e quan, dhe hy në Serbi, atij i hiqen targat dhe i vendosen të përkohshme. Ai merr njëfarë letre me të cilën nuk mund të kalojë kufirin hungarez. Kur malli nga Kosova hy në Serbi, nuk njihen dokumentet kosovare, kështu që malli duhet patjetër të pres derisa atë nuk e kontrollojnë organet serbe. Këtë trajtim nuk e kanë pasur shoferët dhe mallrat nga Serbia kur kanë hyrë në Kosovë,’– rikujton Tahiri.

Sa i përket mundësisë për korrigjim të kufirit Kosovë-Serbi që mund të nënkuptojë edhe shkëmbim territoresh – veriun e Kosovës për Luginën e Preshevës, apo edhe shkëmbim të popullsisë, Bogdanoviq rikujton se edhe presidenti serb Aleksandar Vuçiq, edhe ai Kosovar, Hashim Thaçi, nuk është se kanë dhënë ndonjë hollësi më shumë për këto mundësi:

‘Ju keni mundur të dëgjoni nga Thaçi se ai  nuk dëshiron ta japë veriun e Kosovës, por thjesht ta bashkojë Luginën e Preshevës ose thënë më mirë, Preshevën, Bujanovcin dhe Medvegjën. Sa i përket palës serbe, keni mund të lexoni nëpër tabloide se Serbia dëshiron të ruajë veriun e Kosovës, por se nuk ka ndryshim kufijsh, kur është fjala për Preshevën, Bujanovcin dhe Medvegjën. Nga fillimi kam qenë skeptik ndaj kësaj ideje, sepse është e pamundur që BE-ja dhe SHBA-ja të mbështesin çfarëdo kufizimi sipas vijës etnike,’- thotë Goran Bogdanoviq, ish-ministër serb për Kosovën. Mirëpo, një mundësi të këtillë nuk e përjashton ish-këshilltari Ramush Tahiri. Sipas tij, falë Vuçiqit dhe Thaçit, dialogu mes Kosovës e Serbisë, fillimisht teknik, tani ka rrëshqitur në dialog politik dhe statusor:

‘I pari doli në publik presidenti Vuçiq kur tha se i duhet dhënë fund konfliktit 150 vjeçar ndërmjet serbëve dhe shqiptarëve dhe që përfundimisht të bëhet kufizimi mes popullit serb e shqiptar.  Përmendja e serbëve dhe shqiptarëve e jo e shteteve – kjo domethënë se kufiri shkon sipas vijës etnike. Vuçiqi nuk flet se ku do të jetë ai kufiri i ri, por kur përmendet kufizimi mes serbëve dhe shqiptarëve, atëherë nuk flitet vetëm për ndarjen e Kosovës, por edhe për ndarjen e Serbisë,’ – vlerëson analisti Ramush Tahiri gjatë bashkëbisedimit me ish-ministrin serb për Kosovën, Goran Bogdanoviq, në Radion Evropa e Lirë. /Klan Maqedoni&REL/

 

read more
Rajoni

BRUKSEL: LETRA E PRESIDENTIT TRUMP MBËSHTETJE PËR BE

Federica-Mogherini-014

Kocijançiq: Inkurajim për vazhdimin e dialogut Kosovë-Serbi


“Përkrahje për rolin ndërmjetësues të Bashkimit Europian për normalizimin e marrëdhënieve midis Kosovës dhe Serbisë”. Kështu e  sheh letrën e presidentit të SHBA, Donald Trump përfaqësuesja e lartë për politikën e jashtme dhe të sigurisë, Federica Mogherini, njëkohësisht edhe zëvendës-presidentja e Komisionit Europian. Kjo është artikuluar sot përmes zëdhënëses së saj, Maja Kocijançiq.

“Letrën e Donald Trumpit e shohim si sinjal përkrahjeje për rolin ndërmjetësues të BE-së lidhur me dialogun midis Prishtinës dhe Beogradin dhe inkurajimi për vazhdimin e këtij dialogu. Siç e dini puna vazhdon për puna në arritjen e një marrëveshjes gjithpërfshirëse dhe detyruese juridike për normalizimin e gjithanshëm të marrëdhënieve, që do sjellin një zgjidhje, të qëndrueshme, reale afatgjatë për çështjet që janë ende pezull. Marrëveshja duhet të jetë, në përputhje me ligjin ndërkombëtar dhe atë të Bashkimit Europian dhe e pranueshme për të gjitha shtetet anëtare” –deklaroi Maja Kocijançiq, zëdhënëse e KE-së.

Kjo deklaratë ka ardhur në vijim të takimit të kryeministrave të Ballkanit Perëndimor në Bruksel me Federica Mogherinin dhe komisionerin Johannes Hahn në mbêshtetje të marrëveshjes së Prespës dhe asaj të normalizimit tê marrëdhënieve midis Kosovës dhe Serbisë. /Erisa Zykaj/

read more
Rajoni

TIRANË: QËLLOI ME VEZË KRYEMINISTRIN, DEPUTETI I PD PËRJASHTOHET NGA SEANCA

Rama-veze-933×445

Deputeti i Partisë Demokratike e Shqipërisë Endri Hasa është përjashtuar nga seanca e sotme plenare pasi qëlloi me vezë kryeministrin e Shqipërisë Edi Rama, i cili po fliste nga foltorja e parlamentit.

Sipas zyrës së shtypit të PD, kur Endri Hasa e goditi me vezë kryeministrin, tha: “Këtë e ke për studentët”.

Përjashtimi i Hasës u kërkua edhe nga vetë kryeministri Edi Rama.

Byroja e Kuvendit e përjashtoi me 10 ditë deputetin e PD, Endri Hasa, për sulmin ndaj kreut të ekzekutivit.

Ditën e sotme opozita u rikthye në Kuvend pas shumë muajsh bojkoti, ndërsa studentët vazhdojnë me ditën e 17 të protestës së tyre jashtë sallës së parlamentit. /tvklan.al

read more
1 2 3 4 5 216
Page 3 of 216