close

Sport

Sport

VOLEJBOLL: FILLOI PJESA E DYTË E KAMPIONATIT

DSC00386

Ekipet favorite nuk lejuan befasi


Mbrëmë në të gjitha terrenet e volejbollit në kategorinë e meshkujve dhe atë të femrave u zhvilluan ndeshjet e para të pjesës pranverore të kampionatit republikan. Ndeshja mes dy skuadrave tetovare Universitetit të Tetovës dhe ekipit Liria të Zherovjanit, ashtu siç edhe pritej përfundoi me fitore maksimale të studentëve 3-0 në sete. Në ndeshjen tjetër që u zhvillua në Shkup, Vardari mundi Probishtipin 3-1, ndërsa në grupin e ekipeve që garojnë për play out, takohen: Janta Volej – Dibra Volej 3-1 dhe Studenti – Boreci 3-0.

Në kategorinë e femrave, u shënuan këto rezultate:  Rabotniçki Vajzat – Viktori Volej 3-0, Rabotniçki Shkup- Janta Volej 3-0 dhe Nakovski Volej – Pelisteri Volej 3-0. Në grupin e ekipeve për play out u shënuan këtë rezultate: Studenti – Makedonija Maks 1-3 dhe Uskana – Bamikori 3-2, Universiteti i Tetovës ishte e lirë. /Shaban Sinani/

 

read more
Sport

DY KORET BASHKOHEN PËR OLIMPIADËN

korete

Pretendojnë kandidaturën e LOV 2032


Sporti mbetet elementi më i vlefshëm për uljen e tensioneve mes Koresë së Veriut dhe asaj të Jugut. Dy vendet fqinje kanë bërë të ditur se synojnë që në Lojërat Olimpike të Tokios në vitin 2020 të paraqiten me ekipe të përbashkëta në disa sporte.

Presidenti i Komitetit Olimpik Ndërkombëtar Thomas Bach këtë e ka konfirmuar pas një takimi të zhvilluar me zyrtarë të të dy vendeve ditën e premte në Lozanë. Në Lojërat dimërore të vitit 2018 në Korenë e Jugut, sportistët e këtyre dy vendeve sfiluan në ceremoninë e hapjes të bashkuar nën të njëjtin flamur, ndërkohë që morën pjesë në turneun e hokejit në akull për femra me skuadër të përbashkët.

Por jo vetëm kaq, zyrtarët e Koresë së Jugut dhe asaj të Veriut kanë konfirmuar edhe interesin e këtyre vendeve për kandidaturë të përbashkët për organizimin e Lojërave Olimpike të vitit 2032. Koreja e Jugut ka përcaktuar Seulin si qytetin pritës të Lojës Olimpike Verore 2032, ndërkohë që Koreja e Veriut pritet ta bëjë këtë javën e ardhshme edhe pse ka probleme rreth kësaj kandidature. Mbi Korenë e Veriut janë vendosur sanksione të cilat Këshilli i sigurisë i OKB nuk do t’i heqë nëse Pheniani nuk bën një hap tjetër përpara drejt denuklearizimit. /Agjencitë/

 

read more
Sport

„ALL STAR 2019“, DIALO TRIUMFON NË NGULITJE

allastar n2019

Xho Haris fitoi garën e shënimit të tri pikëve


Një nga garat më të pritura në “mbrëmjen e yjeve”, gara e ngulitjeve u zhvillua mbrëmë në Sharlot. Basketbollisti Hamidu Dialo i Oklahomës ishte befasia më e madhe e mbrëmjes. Gjatë një ngulitje ai mori përkrahjen nga shoku i skuadrës Rasel Vestbruk. Dialo e kishte edhe veprimin e mbrëmjes në këtë konkurrencë, pasi e kaloi edhe Shekil Onil dhe arriti që topin ta hudh në kosh. Për këtë ai mori 50 pikë.

Xhejson Tejtum ka triumfuar në garën e goditjes nga distanca. Basketbollisti 20-vjeçar titullin e kampionit e mori me një goditje nga gjysma e fushës. Ai në këtë garë e mundi Tre Jang të Atlanta Hoks.

Në garën e shënimit të tri pikëve, fitues doli Xho Haris i skuadrës së Bruklinit, ndërsa ylli Stefan Keri nuk ia doli të depërtojë në mesin e më të mirëve. Në garën për shënimin e tri pikëve konkurrenca ishte mes yjeve – Midëllton (Milvoki), Voker (Sharlot), Novicki (Dallas), Keri (Portland) etj. /Agjencitë/

 

 

read more
Sport

VOLEJBOLL: FILLON PJESA E DYTË E GARAVE

DSC00387

Universiteti i Tetovës – Liria nesër në ora 19:00 


 

Pjesa e dytë e kampionatit republikan të volejbollit në kategorinë e meshkujve dhe atë të femrave fillon nesër me sistemin e ndarë në dy grupe. Në grupin e parë bëjnë pjesë gjashtë skuadrat e para të cilat do të garojnë për titullin e kampionit, ndërsa ekipet nga pozita e shtatë e më poshtë do të garojnë për play out.

Në kategorinë e meshkujve në ndeshjen e parë të pjesës së dytë të kampionatit që garojnë për play off, takohen: Strumica – Shutova, Universiteti i Tetovës – Liria dhe Vardari – Probishtipi, ndërsa në grupin e ekipeve që garojnë për play out, takohen: Janta Volej – Dibra Volej dhe Studenti – Boreci.

Në kategrinë e femrave, takohen:  Rabotniçki Vajzat – Viktori Volej, Rabotniçki Shkup-Janta Volej dhe Nakovski Volej – Pelisteri Volej. Në grupin e ekipeve për play out takohen: Studenti – Makedonija Maks dhe Uskana – Bamikori, Universiteti i Tetovës është e lirë. /Shaban Sinani/

 

read more
Sport

ZYRTARE: VALVERDE VAZHDON ME BARCELONËN

Valverde Barcelona

Ai do ta drejtojë ekipin edhe në sezonin 2019/20


Ernesto Valverde dhe Barcelona do të vazhdojnë bashkëpunimin mes tyre edhe sezonin e ardhshëm.

Trajneri ka marrë besimin e drejtuesve të klubit, të cilët kanë dashur që të qetësojnë lojtarët përpara fazës më të rëndësishme të sezonit, duke bërë të ditur se Valverde do të vazhdojë aventurën.

Ernesto Valverde ka fituar me Barcelonën kampionatin spanjoll dhe Kupën e Mbretit sezonin e shkuar, por triumfi i Realit në Champions League la në hije këto suksese dhe vuri në dyshim punën e tij. /Agjencitë/

 

read more
Sport

NBA: WESTBROOK ME REKORDE TË REJA

NBAAAAAA

Nju-Orleans mundi Oklahoman


Tri ndeshje të luajtura sot në NBA. Skuadra e Nju Orleansit mposhti 131-122 Oklahoman, ndeshje e dominuar gjatë gjithë kohës nga vendasit, që kishin një epërsi të lehtë. Më efikas ishte Randle me 33 pikë e 11 rebound. Për Oklahomën më efikas ishte Russell Westbrook, që realizoi sërish një “triple double”, i 11-ti radhazi për të në NBA, duke përmirësuar rekordin e tij, me 44 pikë, 14 rebound e 11 asiste. Në dy takimet e tjera të luajtura sot, skuadra e Orlandit mposhti Charlotten 127-89. Fitore ka shënuar edhe Nju Jorku ndaj Atlantas 106-91.

NBA – Rezultatet e sotme:

Orlando         –   Charlotte, 127-89

Atlanta           –   New York, 91-106

New Orleans  –   Oklahoma, 131-122

 

 

read more
Sport

ATLETIKË: ZBULLOHET MASKOTA E BOTËRORIT “DOHA 2019”

Doha 2019 atletik

Kampionati mbahet nga 27 shtator deri më 6 tetor


Kampionati Botëror i Atletikës që kësaj radhe do të organizohet në Doha të Katarit nga 27 shtatori deri më 6 tetor, ku pritet të marrin pjesë rreth 2000 atletë nga më shumë se 200 vende, duke e bërë atë një nga ngjarjet më të mëdha botërore të sportit në këtë vit. Pikërisht për këtë organizatorët kanë zbuluar maskotin e tyre zyrtar në Ditën Kombëtare të Sporteve të Katarit. Organizatorët e botërorit të atletikës kanë zgjedhur një mënyrë të veçantë për të prezantuar maskotin. Fëmijë të moshave të ndryshme kanë sjellë pjesë të maskotit dhe i kanë vendosur në një ekran të madh.

Më në fund misteri është zbuluar, maskoti është shfaqur i plotë dhe fëmijët kanë bërë një foto me të. Maskoti është quajtur Falah. Shpjegimin e kësaj fjale e jep Sheikha Asma al-Thani, anëtare e Komiteti Olimpik të Katarit: ”Falah në arabisht do të thotë ‘ai që aspiron, ose ajo që aspiron të arrijë më së miri në gjithçka që bën’. Pra, maskoti ynë përfaqëson vlerat dhe atë që duam të arrijmë me këtë kampionat, atë çfarë sportistët tanë po përpiqen të arrijnë, medaljet e tyre të arta, të argjendta, të bronzta. Çfarëdo që ata duan të vendosin si qëllim, Falah është lloji i frymëzimit për t’ia arritur”.

Katari do të testojë veten me kampionatin aziatik të futbollit në prill, fillimisht për të parë edhe aftësinë e pritjes së mijëra sportistëve dhe vizitorëve. /Agjencitë/

 

 

 

 

read more
Sport

EUROPA LEAGUE: FITOJNË NAPOLI, INTERI DHE ÇELSI

Europa ligë

Zhgënjejnë Lazio dhe Arsenali


Mbrëmë janë zhvilluar ndeshjet e para të 1/16 së finales në Europa Ligë, ku ka pasur edhe surpriza pasi Lacio u mposht në Romë nga Sevilja 1-0 ndërsa Arsenali u surprizua në Bjellorusi nga Bate Borisov. Lazio bën “vetëvrasje” në shtëpi duke ndërlikuar ndjeshëm ecurinë e tyre në Europa League.

Sevilja ishte një ndeshje e vendosur nga detajet, mjafton të shohim statistikat, vetëm një goditje në kuadrat nga spanjollet, për fatin e keq të kryeqytetasve rezultoi gol. Arsenali u surprizua në Bjellorusi nga Bate Borisov. Vendasit fituan 1-0 ndaj topçinjve falë golit të shënuar nga Dragun. Arsenali duhet të djersijë në ndeshjen e kthimit për të siguruar kalimin më tej.

Fitore kanë shënuar  Napoli, Interi dhe ÇelsiNapoli zhvilloi një mbrëmje perfekte në transfertë kundër Zyrihut, një fitore 1-3 çka e bën kualifikimin një formalitet. Në mungesë të Mauro Icardit protagonistin tek Interi e bën argjentinasi tjetër Lautaro Martinez që shënoi me penallti golin e fitores 1-0 të Interit në Vjenë ndaj Rapidit. Nga tre ekipet italiane në garë për Europa League ajo që humbi është Lazio. Nga ekipet angleze Çelsi fitoi në transfertë dhe prek kualifikimin. Londinezët mposhtën në Suedi Malmon 2-1 duke shënuar nga një gol për çdo pjesë loje.

Në ndeshjet e tjera të fazës së 1/16 fitore me aromë kualifikimi arriti Valencia në Skoci ndaj Celtic 2-0. Benfica fitoi 2-1 në Stamboll ndaj Galatasaray, Shakhtar Donetsk-Frankfurt u mbyll në barazim 2-2 dhe Villareal fitoi 1-0 në Lisbonë ndaj Sportingut. /Agjencitë/

read more
Sport

TRAGJEDIA BËN BASHKË SPORTIN DHE TIFOZËT

aksidenti-1

Skuadrat sportive në vendin tonë të prekur nga tragjedia që ndodhi në pasditën e së mërkurës në autostradën Shkup-Tetovë, shprehin ngushllimet e tyre. Klubet e futbollit në Maqedoni si Shkëndija, Vardari, Renova, Shkupi, Teteksi, Gostivari dhe klubet tjera, por edhe tifozët e tyre që “ishin në hasmëri” si asnjëherë më parë, përmes reagimeve të tyre u janë  bashkuar dhimbjes së familjarëve të viktimave.

Mesazhe ngushëllimi arrijnë nga të gjitha klubet dhe tifozeritë, me një emërues të përbashkët, që në këto çaste tragjike, të gjithë të jemi bashkë, siç thuhet për të tejkaluar një dhimbje të madhe. Ndërkaq për shkak të rastit tragjik, ku në mesin e viktimave është edhe një sportist nga Gostivari, është anuluar edhe turneu përfundimtar i Kupës së Maqedonisë së Veriut në basketboll që duhej të fillon nesër në Gjevgjeli, ndërsa Federata e basketbollit ka sjell vendim që e njëjta do të zhvillohet në muajin prill. /Shaban Sinani/

read more
Sport

LIGA E PARË: FILLON PJESA E DYTË E KAMPIONIT

qato2

Java e 19-të luhet të dielën në ora 14:00


Me ndeshjet e javës së 19-të të dielën hapet sipari i pjesës pranverore e kampionatit në Ligën e Parë të futbollit vendor. Të gjitha ekipet pauzën dy mujore e kanë shfrytëzuar për përgatitje sa më cilësore. Kampioni në fuqi Shkëndija e Tetovës në pritje të ndeshjes derbi me Vardarin është duke i zhvilluar senacat e fundit stërvitore, ndërsa trajneri Qatip Osmani për Klan Maqedoninë thotë se kanë bërë përgatitje cilësore, kanë përforcim të nivelit të lartë dhe tanimë e dinë edhe formacionin më të mirë që do të kundërvihet Vardarit

Të them të drejtën një vend është diskutabil. Ashtuqë këto tre ditë na mbetet të vendosim edhe për atë. Unë shpesh i përmendi ballistët, publikun të cilët vetvetiu e bëjnë atmosferën e kampionait, motivin shtesë që e jepë. Shfrytëzoj rastin t’i  ftojë që të jenë në një numër sa më të madh” deklaroi Qatip Osmani trajner i KF Shkëndija.

Nga ana tjetër skuadra e Renovës gjithashtu ka bërë përgatitje cilësore në bazë të plan programit të hartuar nga stafi teknik që drejtohet nga Nikolla Ilievski. Ekipi me 9 përforcime dhe me përgatijte cilësore ka pretendime më të theksuara, kjo do të shihet që në ndeshjen e parë me Rabotniçkin në Shkup.

Po mirë jo vetëm kundër Rabotniçkit, por edhe ndaj kundërshtarëve tjerë, thashë Renova do të imponojë stilin e vetë të ri të lojës dhe sigurisht në çdo ndeshje sa është e mundur të bëjë rezultat më të mirë gjegjësisht për të fituar, por sa do kemi sukses do të shohim të dielën”deklaroi Nikolla Ilievski trajner i Renovës.

Njëjtë si skuadrat tetovare përgatitjet e fundit i bëjnë edhe skuadrat  tjera që garojnë në Ligën e Parë, ndërsa puna e tyre do të dëshmohet të dielën kur do të zhvillohen ndeshjet e javës së 19-të me fillim në orën 14:00, ku do të takohen: Shkëndija – Vardari, Rabotniçki – Renova, Sileksi – Shkupi, Akademija Pandev – Makedonija Gj.P dhe Pobeda – Bellasica. /Shaban Sinani/

 

read more
1 2 3 440
Page 1 of 440