Sport

Kufoma e të riut është gjetur në garazh

Kur nuk është akoma ende një vit nga vdekja e Davide Astore, futbolli italian sërish është tronditur nga një tjetër tragjedi, 19 vjeçari Fabiano Koluçi është gjendur pa jetë në rrethana misterioze.

Ditën e djeshme, përmes një komunikate zyrtare, klubi “Martina Calcio 1947” ka njoftuar se djaloshi ka ndëruar jetë. Kufoma e të riut është gjetur në garazh nga vëllai i vogël i thirrur nga kapitetni  që po priste jashtë shtëpisë Fabianon.

Në shenjë ngushëllimi ndeshja e ditës së ekipit nuk u luajtë. Sipas hipotezave të para, djaloshi 19-vjeçar ka vuajtur ndarjen e prindërve disa kohë më parë dhe mund të bëhet fjalë për një vetëvrasje. /Agjencitë/

Arian Ademi ndjehet mirë dhe konkurron për ekipin

Përafqësuesja e Maqedonsë  është para hapit të fundit për të siguruar kualifikim në paly off  në grupin e katë të Ligës D e vlefshme  për  Ligën e Kombeve. Pozita e parë është shumë pranë, por për të siguraur këtë në ndeshjen e nesërme kundër Gjibraltarit, Maqedonisë  i  duhet  vetëm një pikë.  Në konferencën e sotme për shtyp para sfidës me Gjibraltariin, trajneri Igor Angelovski dhe lojtarët e pranojnë rolin e favoritit, por këtë duhet ta dëshmojnë në terren të gjelbërt. Seleksionuesi Angelovski tha se se nuk është me rëndësi me kë luajmë, por me rëndësi është se ekipi duhet të luaj për fitore dhe gjysmëfinale në Ligën e Kombëve. Sipas tij Arian Ademi ndjehet mirë dhe është në konkurrencë për ekipin e parë, por do të mungojë  kapiteni Goran Pandev,

“Po gjendja e Arian Ademit është e mirë dhe ai konkurron për ekipin. Do të na mungojë kapiteni, por tani ekipi duhet të luajë për atë. Kemi opsione për të zëvendësuar Pandevin dhe do të shohim se si do të shkojë ndeshja me Gjibraltarin”- tha Angelovski.”

Në mungesë të Goran Pandevit, kapiten në ndeshjen e nesërme pritet të jetë  Ivan Triçkovski.  Ai me këtë rast deklaroi:

“Për nesërmbrëma dua  të them se nuk ka nevoj të flitet shumë për momentin që nesër na pret në rast historik që ky reprezentacion nuk e ka pasur më parë. Mendoj se ajo flet shumë se sa e rëndësishme është edhe pse luajmë kundër një ekipi siç është Gjibraltari dhe teoritikisht na duhet pikë, por na shkojmë në fitore dhe me përkrahjen maksimale të tifozëve do doja bashkërisht të festojmë”

Ndeshja Maqedoni – Gjibraltari zhvillohet nesër me fillim në orën 20:45. /Shaban Sinani/

Për Sefer Seferin ishte lufta e 26 në boksin profesional

Lufta e shumëpritur e boksit profesional, “EWS Arena” në Goppingen të Gjermanisë midis boksierit shqiptar Sefer Seferit nga Korita e Gostivarit dhe boksierit turk Firat Arslan është mbyllur pa fitues.

Seferi dhe Arslan-i janë vlerësuar me pikë të barabartë nga arbitrat e këtij dueli. Pas përfundimit të ndeshjes së barabartë, dy boksierët Sefer Seferi dhe Firat Arslan kanë zhvilluar konferencë për mediat. Boksieri shqiptar thotë se ndjehet fitues kundër Arslan-it, por verdikti final është vendimtar.  “Të dashur miq pas një ndeshje të fuqishme për 12 runda me radhë gjyqëtaret vendosen që ndeshja ime kundër Firat Arslan të përfundoj me barazim. Pavarësisht që e ndjej veten fitues, verdikti final është vendimtar. Respektet e mia per Firat Arslan, vazhdon të ngelet një boksier shumë i madh, falënderoi familjen miqtë dhe gjithë dashamirët e boksit që erdhën në mbështetje. Falënderoi edhe sponsoret e mi që më mbështetën për këtë ndeshje”, thotë Sefer Seferi.

Sfida me boksierin turk me shtetësi gjermane llogaritej si ndeshje “hakmarrëse”, sepse në shtator të vitit 2016-të, Firat Arslan-i u ndesh edhe me Nuri Seferin, të cilin e fitoi vetëm me pikë. Sefer Seferi në 26 luftat profesionale tani ka 23 fitore, 1 barazim dhe 2 humbje. /Shaban Sinani/

Liria pësoi humbjen e parë, Uskana përsëri zhgënjenë

Kampionati republikan i volejbollt ka vazhduar me ndeshjet e javës së katërt në kategorinë e meshkujve dhe javën e gjashtë në atë të femrave. Klubi i studentëve tetovarë “Universiteti i Tetovës”, pas fitores kundër nënkampionit Vesna Probishtip, mbrëmë ka shënuar edhe një fitore të rëndëshishme kësaj radhe në transfertë kundër Studentit në Shtip me rezultatin 1-3. Tri pikët e fituara në Shtip pozicionojnë ekipin në pozitën e dytë në renditjen e tabelës.

Liria e Zherovjanit pas tre fitoreve të njëpasnjëshme mbrëmë në Strumicë ka pësuar disfatë të pritur nga kampionai në fuqi Xhio Strumica me rezultain maksimal 3-0. Dibra Volej edhe në ndeshjen e katërt me radhë ka pësuar disfatë maksimale 3-0, kësaj radhe para publikut dibranë kundër Borecit të Velesit. Klubi i volejbollit Shutova ka pësuar edhe një ndeshje me rezultat të ngushtë 2-3, kësaj radhe nga skuadra Janta Volej në Shkup. Pas javës së katërt tabelën e kryeson Xhio Strumica me 12 pikë, para Universitetit të Tetovës me 9 dhe Liria me 7 pikë.

Në kategorinë e femrave Rabotniçki Shkup edhe pas xhiros së gjashtë nuk dinë për dështim, ndaj edhe kryeson tabelën me 18 pikë maksimale. Rabotniçki Shkup mbrëmë në Tetovë mundi Bamikorin 0-3. Uskana pësoi edhe një disfatë para publikut kërçovar kësaj radhe nga ekipi Studenti i Shtipit. Në ndeshjet tjera u shënuan këto rezultate Pelisteri Volej – Janta Volej 3-0, Viktori Volej – Nakovski Volej 2-3 dhe Makedonija Maks – Rabotniçki Vajzat 0-3. Universiteti i Tetovës ishte i lirë. /Shaban Sinani/

Meshkujt – Java e 4-të

UGD Studenti – Universiteti i Tetovës   1-3

Xhio Strumica – Liria  3-0

Dibra Volej – Boreci  0-3

Janta Volej – Shutova  3-2

Vesna Probishtip – Vardari  ndeshja luhet  sonte

Vajzat – Java e 6-të

Bamikori – Rabotniçki Shkup    0-3

Viktori Volej – Nakovski Volej  2-3

Makedonija Maks – Rabotniçki Vajzat 0-3

Pelisteri Volej –  Janta Volej 3-0

Uskana – UGD Studenti 0-3

Universiteti i Tetovës i lirë

Ndeshja vendimtare luhet të martën Kosova-Azerbajxhani

Me fitoren 5:0 në transfertë kundër Maltës, përfaqësuesja e Kosovës vazdon rrugëtimin e fuqishëm për kualifikim në play off në Ligën e Kombeve që organizohet nga UEFA. Kosova pas pesë ndeshjeve të zhvilluara në grupin 3 të Ligës D, kryeson me 11 pikë para Azerbajxhanit që ka 9, Ishujt Faroe me 4 dhe Malta me 2 pikë. Kosova shkëlqeu në ndeshjen e mbrëmshme duke e mundur Maltën 5-0 me golat që i shënuan Muriqi, Kololli, Avdijaj 2 gola, dhe Rashica.

Trajneri Bernard Challandes është shprehur i lumtur me fitoren e Kosovës përballë Maltës, por është i vetëdijshëm që ‘finalen’ e luan më 20 nëntor kundër Azerbajxhanit. “Kur e kam parë shortin në fillim që ndeshja Kosovë-Azerbajaxhan është loja e fundit, atëherë kam thënë se kjo do të jetë një finale”, tha Challandes.

Kosova do të mjaftohet me një pikë në ndeshjen kundër Azerbajxhanit, pikë kjo që do të ishte e “artë” pasi do ta dërgonte Kosovën në fazën “play off” të Ligës së Kombeve. Ndeshjen vendimtare Kosova e luan të martën, në stadiumin “Fadil Vokrri” në Prishtinë, kundër Azerbajxhanit. /Shaban Sinani/

Fitore sot shënuan edhe Clippers e Denver

Hjuston ka bërë befasinë më të madhe në kampionatin amerikan të basketbollit NBA, pasi në mëngjesin e sot ka shënuar fitore të thellë kundër ekipit kampion Golden State Warriors, me rezultatin 107-86. Mungesa e Stephen Curry vazhdon të ndihet te skuadra kampione e Golden State, pasi kjo ishte humbja e katërt sezonale për Warriors. James Harden ishte më efikas me 27 pikë, për miqtë u dallua Durant me 20 pikë.

Clippers kanë shënuar fitore kundër San Antonio me rezulatin 116-111. Williams me 23 pikë ishte shënuesi më i mirë për vendasit, mbështetur edhe nga Gallinari me 19 e Harris me 18 pikë, ndërsa për Spurs u dallua DeRozan me 34 pikë, Ekipi i Denver, falë 25 pikëve të Hernangomes, mundi Atlantan me rezultat të lartë 138-93, ndeshje ku 7 lojtarë të ekipit vendës realizuan mbi 12 pikë.

NBA – Rezultatet e sotme:

Houston    –   Golden State, 107-86

Denver      –   Atlanta, 138-93

Clippers    –   San Antonio, 116-111

Shqipëria në “Loro Boriqi” sfidon Skocinë

Përfaqësuesja e Kosovës në futboll, nga dita e djeshme qëndron në La Valeta, ku nesër do ta zhvillojë ndeshjen e radhës në kuadër të Grupit 3 të Ligës D në Ligën e Kombeve. Para këtij udhëtimi “Dardanët” kanë zhvilluan tri seanca stërvitore në stadiumin “Fadil Vokrri”, ku përzgjedhësi Bernard Challandes ka punuar në shumë aspekte të lojës, me qëllim që të evitohen gabimet e shfaqura në ndeshjen e fundit si mysafirë kundër Ishujve Faroe.

Kosova ka zhvilluar dy senaca stërvitore në stadiumin e La Valeta, për t’u përgatitur për ndeshejn e nesërme. Rezultat pozitiv, në këtë sfidë do t’ia hapte rrugën për ta siguruar pozitën e parë në Grupin 3. Ndeshja Malta – Kosova, luhet nesër me fillim në orën 18:00, në “Ta’Qali National Stadium”, ndërsa drejtësin e ndanë Bartosh Frankovski nga Polonia.

Kombëtarja e Shqipërisë në kuadër të grupit 1 të Ligës C në Ligën e Kombeve, nesër me fillim në orën 20:45, në “Loro Boriqi” të Shkodrës do të përballet me Skocinë. Ndeshja në fjalë ka rendësi të madhe për ekipin e Pannucit, kur dihet se në tre takimet e para ka vetëm një fitore dhe 2 humbje që do të thotë se gjasat për të qenë të parët në grup janë minimale. Përkundër disa mungesave në formacion, Panuci mendon se do të dalin kryelartë në këtë sfidë.

/Agjencitë/

Vendimin e ka sjell Këshilli i qytetit të Madridit

Autoritetet e qytetit të Madridit kanë vendosur të rrëzojnë stadiumin “Vicente Calderon” ku ekipi Atlétiko Madridit, ka shkruajtur historinë e klubit, ndërsa në këtë vend do të ndërtohet mjedis ndërtimorë.

Stadiumin “Vicente Calderon” parashihet që të shkatërrohet në tre faza gjatë një periudhe prej 34 muajsh dhe për prishjen do të shpenzohen 40 milionë euro, kështu ka vendosur këshilli i qytetit të Madridit.

Stadiumi “Vicente Calderón” është ndërtua gjatë viteve  1959 deri 1966, ndërsa u rinovua në vitin 1972 dhe 1982. Atletico Madridi ndeshjete veta i ka zhvilluar në këtë stadium nga viti 1966 deri në vitin 2017.

Atletico nga viti i kaluar nikoqir në impiantin e ri “Wanda Metropolitano”, ku më 1 qershor 2019, do të jetë organizatore e finales së Ligës së Kampionëve. /Agjencitë/

Takimi në stadiumin Rheinpark në Vaduz fillon në ora 20:45

Përfaqësuesja e futbollit të Maqedonisë sonte me fillim në orën 20:45, do të zhvilloj ndeshjen e pestë me radhë në Ligën D grupi i katërt e vlefshme për UEFA Ligën e Kombeve. Përfaqësuesha e Maqedonisë dje i ka mbyllur përgatitjet për sfidën e parafundit të grupeve dhe tashmë e gatshme pret përballjen me Lihteshtajnin, në Vaduz.

Seleksionuesi Igor Angelovski në takimin me gazetarët para kësaj ndeshje ka thënë se “Atmosferia gjithmonë ka qenë në nivelin më të lartë, do të zgjedh 11 futbollistë të cilët do të na sjellin fitoren. Besoja në këtë reprezentacion, kur shumë pak besonin. Por kryesorja që duhet të bëjnë është ndeshje me Lihtenshtajnin. Nuk është e rëndësishme me të cilën luajmë, por për çka luajmë”.

Ndërkaq kapiteni i përfaqësueses së Maqedonisë, Goran Pandev, para kësaj sfide të rëndësishme ka deklaruar: “Kjo është përfaqësuesja e jonë më e mirë dhe këtë e kemi dëshmuar deri më tani. Duam të futemi me koka të pastra dhe nuk do kemi kurrfarë probleme”.

Në përballjen kundër Lihtenshtajnit Maqedonia sonte do të luaj pa Ezgjan Alioskin që ka dy kartonë të verdh, Elif Elmaz që ka kartonë të kuq  dhe Stefan Ristovaski i lënduar. Prandaj sipas të gjitha gjasave Angelovsko do të përcaktohet për këtë formacion: Dimitriovski, Bejtullai, Cikarski, Ristevski, Musliu, Sporovski, Ademi, Bardhi, Pandev, Triçkovski dhe Trajkovski.

Ndeshja tjetër e këtij grupi Gjibraltari – Armenia, luhet sotne me fillim në orën 20:45. Pas katër ndeshjeve të zhvilluara tabelën e kryeson Maqedonia me 9 pikë, Gjibraltari dhe Armenia kanë nga 6, ndërsa Lihtenshtajni 3 pikë. /Shaban Sinani/

Pista do të jetë identike si ajo në Itali

Pista Monza është një nga pistat legjendare të historisë së Formula 1, ku garohet prej dekadash e ku kanë pilotuar më të mëdhenjtë e këtij sporti.

Drejtuesit e BMW-së kanë vendosur që të “ndërtojnë” një tjetër pistë Monza, këtë herë në shkretëtirën e Saharasë.

Në zonën e shkretëtirës së Marokut, ata kanë ndërtuar një pistë të shkallës 1:1, me të njëjtën gjatësi si ajo që ndodhet në Itali. Kjo nuk ishte aspak e lehtë, pasi është dashur shumë punë për të imituar pistën e famshme italiane mes dunave dhe rërës. Më pas, në pistën e rërës ka zbritur makina BMW X5 dhe emocionet kanë qenë vërtet shumë të mëdha. /Agjencitë/