close

Sport

Sport

DAKAR 2019: QUINTANILLA FITON ETAPËN E 6-të

Dakar 2019

Etapën e kaloi për 3 orë 50 minuta dhe 47 sekonda


Piloti kilean Pablo Quintanilla ka fituar etapën e 6-të, Dakar 2019 në kategorinë e Motorave dhe ka marrë kryesimin e renditjes së përgjithshme. E zhvilluar në itinerarin Arekipa-San Juan de Marcona në Peru. Quintanilla, ka fituar me kohën 3 orë 50 minuta dhe 47 sekonda, duke ruajtur diferencën prej një minutë dhe 52 sekonda me argjentinasin Kevin Benavides me Honda.

Francezi Adrien van Beveren me Yamaha përfundoi i nënti me 16 minuta e 44 sekonda, pas fituesit, por ai duhet të provojë të rikuperojë edhe dhjetë minutat që ndaloi kur ndihmoi spanjollin Lorenzo, viktimë e një rënie të mprehtë në kilometrin e 33. Quintanilla kryeson renditjen e përgjithshme, i dyti Ricky Brabec me Honda, me plus 4 minuta 38 sekonda dhe i treti australiani Toby me KTM, me plus 5 minuta e 17 sekonda. /Agjencitë/

 

read more
Sport

LA LIGA: MESI ME REKORD TË PAPARË

Messsi

Ai shënoi golin e 400-të në kampionatin spanjoll


Lionel Messi e ka thyer edhe një rekord tjetër individual në paraqitjen e tij mbresëlënëse në fitoren e Barcelonës 3-0 ndaj Eibar në kampionatin e La Ligas spanjolle. Argjentinasi dëshmon se është një mrekulli e vërtet.

Ai në ndeshjen e djeshme kundër Eibar shënoi golin e 400-të në kampionatin spanjoll, që nënkuptohet se ai është i pari që arrinë këtë sukses duke e mbajtur fanellën e Barcelonës, me të cilën skuadër ka debutauar në ekipin e parë që nga viti 2004.

Për yllin argjentinas ishte ky goli i 17-të në këtë sezon, ndërsa ka edhe 10 asistime. Barcelona shënoi fitore 3-0 kundër Eibar, me 2 gola të Luis Suarez dhe një të Mesit. Pas ndeshjeve të djeshme skuadra katalanase vazhdon të mbajë pozitën e parë me 43 pikë apo 5 më tepër se Atletiko Madridi që është në pozitën e dytë. /Agjencitë/

 

 

 

 

read more
Sport

 WHYTE: JAM GATI TË DUELOJ ME KLITSCHKON

Boksiii

Klitschko mund t’i rikthehet ringut në prill


Pas zërave të fundit se ai do të jetë rivali i ardhshëm i një legjende të boksit, ukrainasit Wladimir Klitschko, ka reaguar boksieri britanik Dillian Whyte. Klitschko mund të rikthehet në ring në prill të këtij viti, pas dy vitesh mungesë.

Jam gati të dueloj me Klitschko dhe ta mund me KO nëse ai vendos të rikthehet në ring dhe të duelojë me mua. Ai është një kampion i madh, por unë mendoj se tani është koha ime. Unë e di se si ta mund atë. Është njësoj si të hyj në shtëpinë e tij dhe t’i shqyej lavamanin”, tha Whyte.

30-vjeçari Dillian Whyte, i cili në karrierë ka 25 fitore e 1 humbje, vjen nga fitorja në duelin me Dereck Chisora, në dhjetor të këtij viti. Britaniku konsiderohet si kandidati kryesor për të dueluar ndaj patriotit të tij Anthony Joshua, kampionin e botës në peshën e rëndë.

Por duket se në skenë po rikthehet një ikonë e sportit të boksit, Wladimir Klitschko, tashmë 42 vjeç, 64 fitore 5 humbje në karrierën e tij. /Agjencitë/

 

 

read more
Sport

NBA: WESTBROOK SHKATËRRON SPURSIN

NBA 1

 Zhgënjejnë Clippersi dhe Bostoni


Ndeshjet e radhës të kampionatit amerikan të basketbollit NBA, që u zhvilluan në mëngjesin e sotëm, sollën emocionet e radhës. Ndeshje më dramatike ishte ajo mes Oklahomas dhe San Antonio që përfundoi me fitoren e vendasve 122-112. Vendimtar për fitoren e Oklahomës ishte kolektivi, me 8 lojtarë që realizuan mbi 10 pikë, ku më i miri ishte Westbrook, autor i 24 pikëve e 10 rebound. Ndërsa 24 pikët e Belinello për Spurs mbetën për statistikë.

Disfata pësuan dy ekipet pretendete për titullin e kampionit si Clippers e Boston. Orlando në një ndeshje dramatike shënoi fitore të ngushtë kundër Bostonit 105-103. Gordon me 28 pikë e Ross me 25 bënë diferencën për Orlando në këtë sfidë. Skuadra e Clippers u mund pësoi në fushën e vetë nga Detroiti me rezultatin 109-104. Griffin, me 44 pikë ishte më efikasi në këtë takim.

Fiton edhe skuadra e Miamit ndaj Memphis me rezultatin 112-108. Winslow me 26 pikë ishte shënuesi më efikas për skuadrën nga Florida. Utah Jazz, falë 34 pikëve të Mitchell mundi Chikagon 110-102, ndërsa Sacramento mundi Charlotte 104-97. Bogdanoviq ishte më efikasi me 22 pikë. /Agjencitë/

 

NBA – Rezultatet e sotme

 

Clippers      –   Detroit, 104-109

Miami         –   Memphis, 112-108

Orlando      –   Boston, 105-103

Minnesota  –   New Orleans, 110-106

Oklahoma   –   San Antonio, 122-112

Phoenix       –   Denver, 102-93

Sacramento –   Charlotte, 104-97

Utah Jazz     –   Chicago, 110-102

 

 

read more
Sport

SKITARI: FITORJA E 66-të E HIRSCHER NË KUPËN E BOTËS

Skiatori

Shënoi fitore në sllallom të madh në Adelboden të Zvicrës


Skiatori austriak Marcel Hirscher dëshmoi mjeshtrin e tij në disiplinën e sllallomit të madh, duke shënuar fitore të madhe, njëherësh marshon edhe drejt titullit të shtatë të botës. Ai fitoren e radhës e shënoi në Qendrën e Skive në Adelboden të Zvicrës. Kampioni doli i pari me kohë të kaluar për 2 minuta e 26 sekonda e 54 të qindtat, apo për 71 të qindtat ishte më i mirë se norvegjezi Henrik Kristoffersen. Për austriakun Hirscher ishte kjo fitorja e 66-të në karrierën e tij në Kupën e Botës. Në vend të tretë renditet francezi Thomas Fanara, por me kohë më të ngadalshme për një sekondë e 4 qindtat se Hirscher.

Në renditjen e sllallomit të madh, Marcel Hirscher prinë me 540 pikë, para Henrik Kristoffersen me 302, Alexis Pinturault 276 pikë. Në renditjen e përgjithshme të Kupës së Botës Marcel Hirscher udhëheq me 876 pikë, i ndjekur nga Henrik Kristoffersen që ka 511 pikë dhe Alexis Pinturault me 444 pikë. /Agjencitë/

read more
Sport

PRISHTINË: SHGSK NDAU ÇMIMET “ALI SHALA”

shoqata e gazetarëve sportiv në Kosovë

Ekipi i Policisë së Kosovës fitoi turneun “Burim Hatipi 


Shoqata e Gazetarëve Sportivë të Kosovës mbajti edicionin e radhës të çmimeve “Ali Shala” për zgjedhjen e gazetarëve më të mirë të vitit 2018 dhe turneun e futbollit “Burim Hatipi”. Të pranishëm në këtë ceremoni, ishin figurat më të njohura sportive të Kosovës, gazetarë në mesin e të cilëve edhe gazetarë sportiv nga Maqedonia. Kryetari i SHGSK-së, Arlind Grantollinë fjalën e tij të rastit njoftoi për të arriturat, ngecjet dhe sukseset e Shoqatës në vitin 2018.

“Gjatë këtij viti gazetaria sportive humbi doajenin, ish-kryetarin dhe anëtarin e nderit të Shoqatës së Gazetarëve Sportivë të Kosovës, Agim Binaku, ndërsa futbolli i Kosovës dhe në tërësi sporti humbi ikonën, legjendën dhe njeriun më popullor të vendit i cili tërë jetën ia kushtoi sportit, por ishte shumë i afërt edhe me komunitetin tonë, ish-futbollisti dhe kryetari i FFK-së, Fadil Vokrri. “SHGSK-ja ndau mirënjohje të veçantë për veprën e këtyre dy figurave të mëdha të sportit” tha pos tjerash në fjalimin e tij Arlind Grantolli, kryetar i SHGSK-së.

Shoqata e Gazetarëve Sportivë të Kosovës në këtë ceremoni të radhës ndau çmime për komentatorin më të mirë,“Young Reporters “Fotografi më i mirë”, “Kronika më e mirë në Radio” dhe për “Shkrimi më i mirë i vitit”. Ndërsa fitues i turneut në nderim të ish-gazetarit dhe futbollistit të Prishtinës “Burim Hatipi”, doli ekipi i Policisë së Kosovës. Në këtë ceremoni të organizuar nga Shoqata e Gazetarëve Sportivë të Kosovës, e pranishme ishte edhe redaksia e sportit të televizionit Klan Maqedoni, me ç’rast, ndau mirënjohje për SHGSK-n dhe mirënjohje post mortum për legjendat e futbollit Fadil Vokrrin dhe Burim Hatipin.

 

read more
Sport

MË 16 JANAR NDESHJE KONTROLLUESE SHKËNDIJA-RENOVA

shkendija

Mevlan Adili ndahet miqësisht me kuqezinjtë


Kampioni vjeshtor në Ligën e Parë të Maqedonisë, klubi i futbollit Shkëndija, përgatitjet për pjesën pranverore të kampionatit që i ka filluar më 4 janar, është duke i zhvilluar sipas planit të hartuar nga stafi teknik që drejtohet nga trajneri Qatip Osmani. Ekipi deri më datën 21 janar do të punojë në Tetovë.

Ndërkohë tanimë është zyrtare se ndeshja e parë kontrolluese do të zhvillohet më 16 janar në Qendrën sportive në Tetovë, ndërsa katër ditë më pas do të përballen me ekipin Makedonija Gj.P. Sipas plan-programit ekipi më datën 22 janar do të udhëtoj në Antalia të Turqisë ku do të zhvillojë fazën kryesore të përgatitjeve dhe katër ndeshje kontrolluese me ekipe të njohura.

Sa i përket lëvizjeve të futbollistëve deri më tani akoma nuk është zyrtarizuar ndonjë prurje e re edhe pse flitet se do të ketë dy apo tre përforcime kualitative. Ndërkohë që nga ekipi është larguar qendërmbrojtësi Mevlan Adili, për të cilin nuk ka informata se ku do të vazhdojë karrierën e tij. /Shaban Sinani/

 

 

read more
Sport

NBA: SPURS-OKLAHOMA NDESHJE MARATONIKE

NBA 1

San Antonio mundi Oklahomën 154-147


Katër ndeshje janë zhvilluar në mëngjesin e sotëm në kampionatin amerikan të basketbollit NBA, ku skuadrat vendase kanë shënuar fitore të sigurta.

San Antonio triumfoi kundër Oklahomës me rezultatin 154-147, në një ndeshje spektakolare dhe dramatike pasi kaloi kuotën e 300 pikëve dhe u vendos pas dy vazhdimeve. LaMarcus Aldridge me 56 pikë ishte shënuesi më i mirë i ndeshjes, vendimtar për Spurs. Për Oklahomën u dallua Westbrook, që realizoi një “triple double” 24 pikë, 13 rebound e 24 asiste.

Miami mposhti Bostonin 115-99. Wade me 19 pikë e Richardson me 18 bënë diferencën në fushë për vendasit, duke i bërë të pavlefshme 22 pikët e Irving për Celtics.

Në ndeshjet e tjera, Denver mundi Clipperesin 121-100 duke e ruajtur pozitën e parë në Konferencën e Perëndimit. Më efikas ishte Murray autor i 23 pikëve, mbështetur nga Jokiq me 18 pikë, 14 rebound e 10 asiste. Fitore në mëngjesin e sotëm shënoi edhe Sacramento, kundër Detroitit me rezultatin 112-102. Hield me 18 pikë ishte shënuesi më i mirë në këtë ndeshje. /Agjencitë/

 

NBA – Rezultatet e sotme:

 

Miami           –   Boston, 115-99

Denver          –   Clippers, 121-100

San Antonio  –   Oklahoma, 154-147

Sacramento   –   Detroit, 112-102

 

 

 

 

read more
Sport

COPA DEL REY: LEVANTE BEFASON BARCELONËN

Barcelona_Forward_Malcolm-1-1040×572

Sevilja mundi Atletik Bilbaon 3-1


Befasia e parë në 1/8 e finales së Kupës së Mbretit në Spanjë ndodhi në ndeshjen e parë mes ekipit Levante ndaj Barcelonës që u zhvillua në Estadi Ciutat de Valencia. Skuadra në të cilën luan edhe reprezentuesi i Maqedonisë Enis Bardhi i cili nuk ishte në formacion, krijoi epërsi në takimin e parë 2-1.

Nga ana tjetër në formacionin e Barcelonës nuk ishin inkuadruar Lionel Messi dhe Luis Suarez, por prapëseprapë kishte në fushë lojtarë me kualitet të madh si Coutinho apo Dembele. Autor të golave për Levante ishin Erik Kabako dhe Borha Majoral, ndërsa Filipe Kutinjo nga penaltia shënoi për Barcelonën.

Ndeshja e kthimit që do përcaktojë se cila prej këtyre dy skuadrave do të udhëtojë për në çerekfinale do të zhvillohet javën që vjen, ndërsa thuajse me një këmbë kualifikimin e ka siguruar Sevilja që në ‘San Mamesh’ me rezultatin 3:1 mundi Atletik Bilbaon. Në ndeshjen e fundit të mbrëmjes Betisi dhe Real Sociedadi i Adnan Januzajt barazuan pa gola. /Agjencitë/

 

 

 

 

 

read more
Sport

AFERË E MADHE NË TENIS: KURDISEN 97 NDESHJE, ARRESTOHEN 28 TENISTË

Tenisi 3

Për momentin nuk zbulohen emrat e të dyshuarve


Bota e tenisit është tronditur nga një aferë e madhe. Policia spanjolle ka arrestuar 83 persona, duke llogaritur edhe 28 tenistë profesionistë për shkak të dyshimeve për kurdisjen e ndeshjeve profesionale të tenisit – ka njoftuar sot EUROPOL-i.

“Një grup i organizuar kriminal i kyçur në kurdisjen e ndeshjeve profesionale të tenisit, është arrestuar në një operacion të drejtuar nga Garda Civile spanjolle së bashku me Prokurorinë shtetërore. Në mesin e 83 të arrestuarve, 28 janë tenisitë profesionistë, kurse nën dyshime janë 97 ndeshje të kurdisura” – thuhet në komunikatën e Europolit.

Policia spanjolle ka bastisur 11 shtëpi, ku janë konfiskuar 167 mijë euro, një armë dhe pesë vetura luksoze, kurse janë bllokuar edhe 42 llogari bankare të të dyshuarve në këtë kurdisje. Tash për tash nuk është zbuluar identiteti i asnjërit prej të dyshuarve. EUROPOL-I nuk ka zbuluar as edhe emrat e 28 tenistëve të dyshuar, por thuhet se njëri prej tyre, vitin e kaluar, ka qenë pjesëmarrës në Turneun prestiogjioz US OPEN. /Shaban Sinani/

read more
1 2 3 4 5 433
Page 3 of 433