close

Sport

Sport

EKSKLUZIVE: RENOVA ANGAZHON PORTIERIN ANDREJA EFREMOV

no thumb

 

Portieri i  ekipit të  Rabotniçkit, Andreja Efremov, në ditën e  fundit të merkatos verore firmos  për ekipin e  Renovës. Lajmin për  anagazhimin e këtij  portieri cilsorë e bëri  publik  drejtori sportiv  Lirim Saiti “Përfundimisht arritëm marrëveshje me portierin Andreja Efremov. Shpresojë se me angazhimin e  tij kemi bërë zgjidhjen më të mirë  sa  i përket mbrojtjes tonë” tha ai

Ndërkaq  portieri 23 vjecar, Andreja Efremov ka një   përvojë të madhe  në  futbollin e Maqedonisë, por edhe në garat ndërkombëtare. Ai ishte  në portën e  romantikëve në  ndeshjen e parë për kualifikime në Ligën Evropa kundër ekipit Flora të Estonisë në të cilën shkupjanët pësuan  1 me 0.

Portieri i ri i ekipit të Renovës, të drejtë loje do të ketë që në ndeshjen e mbetur, kundër Rabotniçkit dhe në ndeshjen e xhiros së gjashtë kundër  Shkëndijës. /Agjencitë e lajmeve/

 

read more
SportVideo

KARATE: BERAT JAKUPI MERR PJESË NË TURNEUN “ISTANBULL OPEN-2015”

no thumb

berat j

Karateisti Berat Jakupi,  më datën 5 dhe 6 shtator do të merr pjesë në turneun prestigjioz “Karate 1 Premier League Istanbull Open. Ai kësaj radhe përherë të parë do të prezantohet si anëtarë i klubit të tij të karatesë “Asiart”. Për pjesëmarrjen në këtë garë prestigjoze që  mbahet në Stamboll, Berat Jakupi në një intervistë ekskluzive  për televizionin Art deklaroi se  ka bërë  përgatitje  të duhura.

“Sa i përket turneut qëllimi im është që të ngrisë formën gradualisht, pasi qëllimi kryesor është kampionati evropian që do të mbahet në vitin e ardhshëm. Deri në fund të vitit nuk kemi gara të tjera evropiane  apo botërore. Qëllimi kryesorë normal se është evropian i vitit të ardhshëm“- deklaroi karateisti Berat Jakupi.

Në turneun prestigjioz të karatesë “Karate 1 Premier Liga Istanbul Open 2015”, është se do të marrin  pjesë elita e karatesë botërore.

Gati të gjithë karateistët më të mirë të nivelit botërorë janë atje  si kampionët aktual të botës dhe Evropës, nënkampionët dhe të gjithë të  tjerët si Enes Erkani, Biteviqi, Agaevi, Mamevi, d.m.th të gjithë do të jenë  pjesëmarrës në këtë kampionat”- tha  karateisti  Jakupi.

Berat Jakupi për në Stamboll niset të mërkurën, ndësa ai do të garojë ditën e dytë të garave dhe atë në kategorinë – 84 kg me  fillim në orën 11:00. /SH.S./

 

read more
Sport

LIGA E PARË: POST FESTUM I PESË NDESHJEVE TË ZHVILLUARA

no thumb

 

Katër ndeshjes të zhvilluara tre fitore të skuadrave mysafire dhe vetëm një barazim ishte epilogu i katër ndeshjeve te zhvilluara të xhiron e pestë në Ligën e parë të futbollit. Tabelën e kryeson Vardari me 13 pikë, para Shkëndijës që ka 12 pikë.

Pas ndeshjeve të javës së pestë të sezonit vjeshtor shihet qartë  se skuadrat të  cilat kanë investuar me tepër tanimë janë veçuar në kreun e tabelës. Vardari me katër fitore dhe një barazim  dhe me 13 pikë të tubuara udhëheqë në renditjen tabelore, ndërsa në pozitën e dytë është Shkëndija me 4 fitore dhe një disfatë ka 12 pikë.

Rezultatet e shënuara në javën e pestë të këtyre dy skuadrave në transfertë kundër Bregallnicës në Shtip gjegjësishtë Horizont Turnovës në Turnovë  dëshmojnë qartë për forcën e tyre. Skuadra e tretë që mund ti prish llogaritë Vardarit dhe Shkëndijës është Rabotniçki ekip i cili shënoi suksese të jashtëzakonshme në garat e Ligës Evropa. Befasi më e madhe në këto 5 xhiro është Sileksi që ka grumbulluar 10 pikë, ndërsa Metalurgu dhe Renova janë dy ekipet  që kanë dështuar meqë kanë vetëm nga 1 pikë. Por cili është vlerësimi i tarjnerëve Shpëtim Duro, Qatip Osmani dhe Zekirja Ramdan për këtë  pjesë të  kampionatit.

Bilansin e kryer të pesë ndeshjeve, jamë shumë shumë i kënaqur me skuadrën për atë që ka treguar në fushën e lojës aq më tepër edhe në ndeshjen që e humbëm aksidentalisht me Vardarin, skuadra ishte më e mirë në fushë, më superior, por futbolli i pranon këto situate të tilla”  tha Trajneri i Shkëndijës, Shpëtim Duro

” Katër xhiro i kemi luajtur dhe katër xhiro një pikë sigurisht se nuk jam i kënaqur dhe sigurisht se duhet të merret dicka, por gjatë javës do t’i analizojmë gabimet, ky pushimi do të na vijë mirë. Mendoj se si do rrjedhë kampionati Vardri dhe Shkëndija do të dominojnë në këtë Kampionat” – tha Trajner i KF Renova, Qatip  Osmani.“Shkëndija dhe Vardari bëjnë pjesën e vetë të kampionatit, me të vërtetë të dy skuadrat kanë futbollistë cilësor dhe janë ekipe të frikshme por gjithmonë i miri dhe i forti nuk fiton, futbolli është i paparashikuar, për atë secila ekip duhet të jape maksimumin. Ne si klub jemi të kënaqur me rezultatin e arritur deri tani, pesë ndeshje nuk kemi pësuar asnjë disfatë dhe shpresojmë që të zgjatë kjo” – tha Trajneri i KF Shkupi, Zekirja Ramadan.      

Kampionati i futbollit në Ligën e Parë do të ketë pushim dy javor për shkak të obligimeve të reprezentacionit për dy ndeshjete kualifikuese kundër Luksemburgut me 5 shtator  dhe  Spanjës me 8 shtator. /SH.S./

read more
Sport

TENIS: KVITOVA FITUESE E TURNEUT NË NEW HAVEN

no thumb

 

Tenistja ceke Petra Kvitova ka fituar për herë të tretë në karrierën e saj turneun e tenisit WTA në New Haven (SHBA), pasi mundi në finale patrioten e saj, Lucie Safarova, me rezultat 2 me 0 në sete.

Kvitova, e 5-ta në klasifikimin botëror, ka fituar nder te tjera edhe US Open në 2012 e 2014.

Dy herë fituese në Wimbledon (2011, 2014) ajo numëron deri tani 17 trofe, përfshirë tre në vitin 2015 (Sidney, Madrid). /Agjencitë e lajmeve/

read more
Sport

PEKIN 2015: DIBABA FITOI MARATONËN

no thumb

 

Mare Dibaba atlete e Etiopisë doli fituese e maratonës  në ditën e fundit të  Kampionatit Botërorë të Atletikës  në Pekin 2015. Ajo ishte më e shpejta  nga konkurentet e saja në finish të vrapimit. Dibaba ishte e para me  rezultatin  2 orë 27 minuta e 35 sekonda, e dyta doli Hela Kilrop nga Kenija me  rezultatin 2 orë 37 minuta e 36 skonda, ndërkaq në  pozitën e  tretë doli Jepkiru Kirva  nga Brunei me rezultatin 2 orë 37 minuta e 39  sekonda. Në disiplinën stafeta 4 herë 400 metra në kategorinë e femrave fituese doli Xhamajka para Shba-ve dhe Britanisë Madhe. Në disiplinën e njëjtë në kategorinë e meshkujve fitues doli stafeta e Shba-ve para Trinidad Tobagos dhe Britanisë Madhe. Në disiplinën 1500 metra fitues doli Asbel Kiprop nga Kenia dhe në disiplinën e fundit të Kampionatit Botëror të Atletikës në 5000 metra për femra fituese dolën tre vrapuese nga Etiopia, Almaz Ajana, Sanbere Teferi dhe Ganzepe Dibaba. /Agjencitë e lajmeve/

read more
Sport

LA LIGA: FITOJNË FAVORITËT

no thumb

 

Reali i Madridit shkatërroi 5 me 0 Betisin. Nga dy gola shënuan Rodriguez dhe Bale dhe një Benzema. Barca mundi minimalisht 1 me 0 Malagan me një gol të mbrojtësit Vermalen. Në ndeshjet tjera Selta Vigo mundi 3 me 0 Valjekanon me dy golëshin e Nolitos dhe një të Fontas. Ndeshja Sosiedad- Sporting Hihon përfundoi pa gola. Pas kësaj jave interesante por tabelën e kryeson Selta Vigo me 6 pikë e ndjekur nga Barca me po aq pikë dhe Reali është e treta me 4 pikë. /Agjencitë e lajmeve/

read more
Sport

ANGLI: ÇELLZI NË KRIZË , SITI VAZHDON ME FITORE

no thumb

 

Skuadra e Cellzit nuk e ka nisur aspak mbarë kampionatin. Pas disa rezultateve zhgënjyese ata humbën edhe kundër Crystal Palace 1-2, në ndeshjen e javës së katërt. Për mysafirët golat i shënuan Sako dhe Ëard ndërsa për Cellzin shënoi Falkao. Arsenali fitoi minimalisht 1 me 0 në transfertë me Newcastle me një autogol të Kolocinit.

Ndërkohë, fitore befasuese shënoi edhe West Ham që në udhëtim mundi Liverpoolin, me rezultat 0-3 me golat e Lanzini,Noble dhe Sakho.

Ndërkaq, Mançester City vazhdon ecurinë pozitive. Ata kanë fituar edhe përballjen kundër Watfordit, me rezultat 2-0 me golat e Sterling dhe Fernandinho. City kryeson tabelën më 12 pikë, tri më shumë së Crystal Palace, kurse Chelsea zë vendin e 13-të më vetëm katër pikë, ndërkaq, Liverpooli renditet në vendin e gjashtë më shtatë pikë kurse Arsenali është e pesta me 7 pikë. /Agjencitë e lajmeve/

read more
Sport

PEKIN 2015: MO FARAH FITON GARËN E 5000m

no thumb

 

Atleti nga Britania e Madhe Mo Farah ka shënuar sukses historik duke fituar medaljen e artë në garën e 5000 metrave në Kampionatin Botëror të Atletikës.

Farah, u shpall kampion në garat 5000 dhe 10 000 metra në Olimpiadën 2012 dhe Kampionatin Botëror 2013, dhe paraprakisht fitoi  titullin në 10 000 metra në Pekin.

Gara filloi me ritëm të ngadaltë deri kur Caleb Ndiku mori kryesimin, dy xhiro para fundit. Por, Farah, 32-vjeç i qëndroi pranë kenianit para se ta tejkalojë atë në 100 metrat e fundit. Ndiku përfundoi garën 1.37 sekonda pas Farah kurse Hagos Gebrihiwet nga Etiopia doli i treti.

Ky është titulli i shtatë i botës i njëpasnjëshëm për britanikun dhe rekordi i tret në garën e 5000 metrave. /Agjencitë e lajmeve/

read more
Sport

“FRANCË 2016”: DE BIASI SHPALL LISTËN E 25 FUTBOLLISTËVE

no thumb

Kombëtarja shqiptare do të zhvillojë dy ndeshje eliminatore për Euro 2016, me Danimarkën në Kopenhagen më 4 shtator dhe me Portugalinë më 7 shtator në “Elbasan Arena”. Trajneri Gianni De Biasi publikon listën e 25 lojtarëve që do të ketë në dispozicion, për këto  dy ndeshje eliminatore.  Për dallim nga herat tjera De Biazi kësaj radhe listën e ka shpallur   nëpërmjet rrjetit “Skype”. Debutues  në kombëtare kundër Danimarkës dhe Portugalisë janë Berat Xhemshiti , Aliji dhe Rrahmani.

” Kjo ndeshje nuk është vendimtare, por shumë e rëndësishme, do të provojmë të bëjmë lojën tonë, të tentojmë te fitojmë perballë një skuadre me lojtarë të shkëlqyer. Kemi aq pikë sa Danimarka, por një ndeshje më pak. Në ndeshjen e fundit luajmë me Armeninë, ndërsa danezët kanë miqësore me Francën. Nëse do të kemi grumbulluar pikët e duhura deri në sfidën finale, do të tentojmë të marrim rezultat për t’u kualifikuar direkt” – ka deklaruar trajneri i Kombëtarës së Shqipërisë Giani De Biasi.

 De Biasi saktësoi se Shqipëria do të luajë në Danimarkë me një sulmues të mirëfilltë të mbështetur nga dy lojtarë krahu. Trajneri kuqezi kërkoi nga ekipi, që ndryshe nga sfida e barazuar 1-1 në Elbasan Arena në tetor të vitit të kaluar, të shfrytëzojë maksimalisht të gjithë episodet në favor. /Agjencitë e lajmeve/

 

read more
Sport

KOSOVA ME SHTATË-TETË SPORTISTË NË “RIO-2016”

no thumb

Presidenti i Komitetit Olimpik i Kosovës, Besim Hasani ishte në një seminar të mbajtur në Brazil, ku karakteri i vizitës kishte të bënte pikërisht për Lojërat Olimpik verore “Rio de Janiero 2016”.

“Mund të themë se risi që e theksuam në dy raste ishte prania e Komitetit Olimpik të Kosovës, por edhe Sudanit Jugor, të cilët kanë marrë pjesë në këtë seminar. Ishte seminar realisht për të na njoftuar për të arriturat në përgatitjet që ka bërë Brazili për pritjen e Lojërave Olimpike ‘Rio 2016’” –  deklaroi Presidenti i KOK-ut Besim Hasani.

Hasani mendon se Kosova ka lënë përshtypje të mira në Baku, madje, sipas tij, lajm botëror ka qenë medalja e fituar nga Nora Gjakova, sepse sipas Hasanit, Kosova në pjesëmarrjen e parë në nivele të tilla arrin të fitoj medalje.

“Bota e ka mirëpritur mënyrën se si jemi paraqitur atje. Ne kemi një medalje që ishte befasi e këndshme e Lojërave Evropiane të parat që u organizuan në Baku dhe realisht ajo medalje ishte në qendër të vëmendjes, në qendër të vëmendjes ishte paraqitja jonë e parë, por lajm botëror ka qenë jo Rusia me 200 medalje të fituara, por Kosova me një medalje,  madje vetëm medalje me vendin e tretë sepse është paraqitja e parë” shtoi Presidenti i KOK-ut, Besim Hasani.

Kryetari Besim Hasani është i bindur se Kosova në Brazil do të udhëtojë më shtatë-tetë sportistë.

 “Unë po besoj se tre sportistë mund të arrijnë normat olimpike, ndërsa diku edhe nja pesë sportistë të tjerë të cilët me rezultatet e tyre nuk janë shumë larg normave Olimpike” përfundoi Presidenti i KOK-ut, Hasani

Komiteti Olimpik i Kosovës ka kryer punën e vet për t’iu krijuar parakushte sportistëve që të paraqiten sa më mirë dhe të përgatiten sa më mirë për “Rio 2016”. Janë ndarë 15 bursa, ku ka participuar Komiteti Olimpik Ndërkombëtar përmes KOK-ut. /Agjencitë e lajmeve/

 

 

read more
1 409 410 411 412 413 433
Page 411 of 433