close

Top Lajme

Top LajmeVendi

ARRATISJA E GRUEVSKIT: OJQ-të KËRKOJNË PËRGJEGJËSI POLITIKE

Nikolla-Gruevski-780×439

Kërkohet dorëheqje e Spasovskit dhe dy drejtorëve


Organizatat joqeveritare kërkojnë nga Qeveria dorëheqjen e ministrit i Punëve të Brendshme, Oliver Spasovski dhe dy drejtorëve të tjerë për arratisjen e Gruevskit.

Organizatat joqeveritare kërkojnë nga Qeveria dorëheqjen e ministrit i Punëve të Brendshme, Oliver Spasovski dhe dy drejtorë të tjerë duhet të japin përgjegjësi, për rastin e arratisjes së ish-kryeministrit Nikolla Gruevski, pavarësisht nëse hetimi tregon se s’ka përgjegjësi penale.

“Vlerësojmë se është e patjetërsueshme që të ndërmerret përgjegjësi politike, të ketë dorëheqje nga ministri i Punëve të Brendshme, drejtori i Drejtorisë për Siguri dhe Kundërzbulim dhe drejtori i Agjencisë për Zbulim.”- thonë nga OJQ-të.

Sipas tyre, përgjegjësia eventuale penale, e cila ende po konstatohet, nuk i liron të theksuarit nga përgjegjësia politike.

“Mospërballja me këtë fenomen mund të jetë pengesë serioze për integrimet evropiane. Konkluzat për Çështje të Përgjithshme të BE-së qartë thonë se është e domosdoshme të ketë përforcim të sundimit të së drejtës dhe vendosjen e shtetit ligjor në të cilin ligjet do të vlejnë njëjtë për të gjithë qytetarët.” –shprehen nga OJQ-të.

Pas këtyre thirrjeve qëndrojnë instituti për demokraci, societas civilis, instituti për politik evropiane dhe organizata të tjera. /Klan Maqedoni/

 

read more
Top LajmeVendi

LIGJI I GJUHËVE: KEKENOVSKI KONTESTON LIGJIN NË GJYKATË KUSHTETUESE

kekenovski-768×529

Qeveria mohon se për zbatimin e ligjit duhen punësime të reja


Profesori universitar, Jove Kekenovski, parashtroi ankesë në Gjykatë Kushtetuese, me të cilën e konteston kushtetutshmërinë e procedurës së sjelljes së Ligjit për Gjuhët. Ai tha që tekstin e ligjit nuk e kontestojnë, por sipas tij edhe ai është antikushtetues.
Kekenovski kërkoi që Gjykata Kushtetuese ta pezullojë hyrjen në fuqi të akteve ligjore, që mos të ketë pasoja për shkak të implikimeve financiare, që profesori i konsideron që janë shumë të mëdha.

“Në Kushtetutë qartë thuhet, amendamenti XVII dhe amendamenti V janë në kundërshtim të drejtpërdrejtë me ligjin për gjuhët. Thelbin e ligjit nuk e kontestojmë, por thelbi i ligjit nuk korrespondon me amendamentin e pestë. Mund të ketë pasoja të paparashikuara serioze sepse ligji ka implikime financiare. Nëse e lexoni ligjin bëhet fjalë për qindra milionë denarë siç flasin informatat e mia. Secili ligj ka implikimet e veta financiare, duhet edhe të ketë rivendosjen e një numër të madh të punëtorëve të administratave në sektorë të ndryshme dhe ministri.” shprehet Jove Kekenovski, Profesor Universitar.

Që mbrëmë Qeveria e mohoi se zbatimi i ligjit do të thotë punësime të reja.

“Ligji për përdorimin e gjuhëve parasheh themelim të Agjencisë Qendrore, e cila do t’u shërbejë komunave dhe institucioneve të tjera, në ato vendbanime ku shumica e qytetarëve janë maqedonas. Në ato qytete, në rast se ndonjë qytetar i komunitetit shqiptar, rom, boshnjak, serb ose i ndonjë komuniteti tjetër etnik ka nevojë për komunikim dhe do të drejtohet në gjuhë tjetër, krahas gjuhës maqedonase, atëherë Agjencia Qendrore do t’u ndihmojë qytetarëve dhe do ta përkthejë komunikimin për nevojat e qytetarëve të cilët drejtohen. Kjo do të thotë se në institucionet, në komunat ku 20% e qytetarëve nuk janë pjesëtarë të komuniteteve etnike jo-shumicë, nuk do të ketë punësim shtesë të qytetarëve shqiptarë ose të ndonjë komuniteti tjetër etnik për të përmbushur dispozitat e Ligjit për përdorimin e gjuhëve.” –theksojnë ngaQeveria e Republikës së Maqedonisë.

Në kumtesën e Qeverisë thuhet se ata janë të përkushtuar që ligji të zbatohet, sepse forcon stabilitetin e përgjithshëm shoqëror. /Furkan Saliu/

read more
Top LajmeVendi

SELA: LIDERËT POLITIKË TË ULEN NË TRYEZË PËR QYTETARËT

Screenshot_3

Nuk do të pengohet gara politike mes tyre!


Në emisionin Klan Debat, i ftuar mbrëmjen e djeshme ishte kreu i ASH-së Ziadin Sela. Krahas temave të tjera, debati u zhvillua edhe rreth ligjit për përdorimin e gjuhëve, zgjedhjeve që priten këtë vit, poashtu edhe rreth marrëdhënieve që kanë liderët politikë në lidhje me zgjidhjen e problemeve që qytetarët i preokupojnë.

Kreu i Aleancës për Shqiptarët, Ziadin Sela, i ftuar në emisionin Klan Debat, bëri thirrje që liderët e partive politike së bashku të ulen në tryezë për të zgjidhur çështjet të cilat preokupojnë qytetarët shqiptarë. Këtë Sela e quan ‘instrument politik’ dhe siç thekson ai, i njëjti nuk do të pengojë fare garën politike të asnjërit prej tyre.

Ndërkaq, duke u fokusuar në zgjedhjet presidenciale që priten këtë vit, Sela përmendi zgjedhjen e presidentit konsensual, dhe u shpreh se i njëjti duhet të zgjedhet drejtpërsdrejti me votë direkte të qytetarëve.

Duke folur për ligjin e gjuhëve, sipas kreut të ASH-së, ky ligj nuk i plotëson nevojat reale që shqiptarët kanë për zyrtarizimin e gjuhës shqipe, megjithatë, siç theksoi ai, avancon në mënyrët të dukshme përdorimin e gjuhës.

Poashtu, mes të tjerash në debat kreu i ASH-së Ziadin Sela foli edhe për sfidat me të cilat po përballen qytetarët, e veçanërisht ato shqiptarë. Sela përmendi ndarjen e mjeteve diskriminuese për shqiptarët në sferën e kulturës, çështjen e decentralizimit, dhe të tjerë. /Blerona Jakupi/

read more
Top LajmeVendi

TETOVË: BEKTESHI VIZITOI KOMPANITË E RAJONIT TË POLLOGUT

Screenshot_4

Abdurahmani: Bizneset të shfrytëzojnë mjetet evropiane


Ministri i Ekonomisë, Kreshnik Bekteshi vizitoi disa kompani të rajonit të Pollogut, për t’u njohur nga afër me punën e tyre dhe për mundësitë që u ofrohen kompanive të vendit për të zgjeruar bizneset e tyre.

Pronari i Kompanisë Vezë Sharri Arben Abdurahmani njoftoi se përkrahja nga ana e qeverisë për kompanitë e vendit është në nivel të duhur. Ai bëri të ditur se kjo kompani është shfrytëzuese e fondeve evropiane, gjegjësisht Fondeve Ipa për të cilat apeloi edhe tek kompanitë tjera që të risin interesin për shfrytëzimin e këtyre mjeteve.

Ministri i Ekonomisë Kreshnik Bekteshi vizitoi edhe disa kompani tjera të rajonit të Pollogut, ku u njoftua nga afër me punën e tyre dhe për mundësitë që u ofrohen kompanive të vendit për të zgjeruar bizneset e tyre. /Xhumadije Ibraimi/

 

read more
Top LajmeVendi

ADAMÇEVSKI: MOSKA E HUMBI BETEJËN ME MAQEDONINË

Screenshot_4

Jemi dëshmitarë të përplasjes së mëtejshme të interesave amerikane dhe ruse në Ballkan, veçanërsiht gjatë pesë viteve të fundit, pas krizës në Ukrainë. Kur, sipas korrespondentit të mëparshëm nga Moska Mirçe Adamçevski, flitej për një vijë ndarëse midis dy bloqeve, nga Ukraina, përmes Moldavisë dhe Rumanisë deri në Ballkan.

“Rusia ka kohë që e ka humbur luftën për Ballkanin, por ajo e humbi luftën kundër NATO-s jo vetëm në Ballkan para shumë vitesh kur ajo filloi të zgjerohet në lindje… Rusët mundet të hidhërohen, por vendet e paktit të dikurshëm të Varshavës, madje edhe nga vendet tjera dhe nga Maqedonia që nga viti 1991-1992 kur me deklarata të ndryshme paralajmëroi se vendi ynë është në NATO dhe në Bashkimin Evropian. Kështu ne shkojmë rrugës sonë të përcaktuar dhe Rusia për fat të keq nuk ia doli të imponojë politikë me të cilën nesër kur do të hyjmë në NATO-do të mundet të jemi miq.”- tha Mirçe Adamçev-Gazetar

Porositë e shpeshtuara të Moskës për Maqedonië dhe Greqinë, për të refuzuar Marrëveshjen e Prespës bëhen gjithënjë e më shumë për prani politike:

“Këto janë pasojë e asaj që ndodhi në Maqedoni, sepse sa herë që bëhet fjalë më Maqedoninë, rusët kur kishte zgjedhje, referendum, paraqiten me qëndrimet e tyre se po bëhen veprime të palejueshme. I shrehin qëndrimet e tyre. Nëse tani do të heshtnin do të dukej se – ja tani përfundoi çdo gjë dhe rusët nuk kanë pasur kurrfarë interesi.”- shprehet Mirçe Adamçev-Gazetar.

Theksimi i presidentit rus se stabiliteti dhe siguria e Ballkanit janë prioritet për Moskën, si edhe bashkëpunimi i mëtejshëm në planin ushtarak me Serbinë, si partner strategjik, sipas Adamçevit nuk është gumëzhitje armësh që ka të bëjë me formimin e ushtrisë së Kosovës:

“Nuk është fjala për gumëzhitje armësh. Rusia do që të shesë armë dhe është njëra nga eksportueset më të mëdha të armëve. Ndërsa Serbisë i duhen armë, sepse dëshiron që ushtarakisht të mbetet neutral… Mendoj se Kosova është adut për Rusinë. Çdoherë që zhvillojnë dialog për Krimenë, rusët e marrin si shembull rastin e kosovës. -Nëse mundi që Kosova pavarësinë e vetë ta shpallë në Parlament, përse mos të pranohet pavarësia e Krimes, ku njerëzit dolën në referendum.” –deklaron Mirçe Adamçev-Gazetar.

Adamçevski shton se Kosova do të jetë problem për rusët, derisa Serbia nuk merret vesh me Kosovën. Ai pret presion nga Uashungtoni ndaj Beogradit që të arrihet marrëveshje me Prishtinën, por edhe për antarësim në NATO, si rrumbullaksim i projektit amerikan për Ballkanin dhe rusët me siguri do të mbeten me gishta në gojë. /Biljana Georgievska/

 

 

read more
Top LajmeVendi

VMRO: THIRRJE PËR ZGJEDHJE TË PARAKOHSHME

Screenshot_3

Presidencialet: LSDM dhe BDI në fazën e konsultimeve


Thirrjet për mbajtjen e zgjedhjeve të parakohshme parlamentare nga ana e partisë opozitare VMRO DPMNE kanë vazhuar edhe gjatë ditës së sotme. Nga partia në pushtetë thonë se do të shqyrtohet kërkesa e VMRO-së.

VMRO-DPMNE-ja i bëri thirrje kryeministrit Zoran Zaev që t’i shpall zgjedhjet e parakohshme parlamentare, të cilat kjo parti i sheh si zgjidhje e vetme për daljen e vendit nga kriza politike.

“ Z. Zaev tregoni së paku guxim dhe shpallni zgjedhjet e parakohshme parlamentare. Nëse Kuvendi shpërndahet më 21 janar ka mjaft kohë deri në fund të prillit të respektohen të gjitha kushtet konform Marrëveshjes së Përzhinës dhe të zbatohen zgjedhje të lira e korrekte”- bënë thirrje nga VMRO-DPMNE.

Nga partia në pushtet LSDM thonë se kërkesa e opozitës për zgjedhje të parakohshme parlamentare bashkë me ato presidencialet do të shqyrtohet nga organet e partisë.

“Kërkesa e opozitës për zgjedhje të parakohshme parlamentare bashkë me ato presidencialet do të shqyrtohet nga organet e partisë.  Për momentin vëmendje duhet kushtuar zbatimit të reformave dhe hapjes së negociatave për anëtarësim në Bashkimin Evropian.” -thonë nga LSDM-ja.

Ndërkaq, sa i përket zgjedhjeve presidenciale Koalicioni qeveritarë LSDM-BDI, akoma është në fazën e konsultimeve dhe analizave lidhur me atë se si do të del në zgjedhjet e ardhshme presidenciale. /Klan Maqedoni/

 

read more
Top LajmeVendi

DHUNA NË KUVEND: FLETARREST NDËRKOMBËTAR PËR VOJMINOVSKIN

e9ada7cb70dd43cbdaf2bb943e14eeca

Kërkohet përgjegjësi për arratisjet


Nikolla Vojminovski, i cili u dënua me 13-të vite e gjysmë burg për tentim vrasje të deputetit Ziadin Sela, është në arrati, kurse MPB-ja ka shpallur fletarrest ndërkombëtar. Vojminovski ka vuajtur masën e paraburgimit me burg shtëpiak, derisa të përfundonte gjykimi.

Ministria e Punëve të Brendshme shpalli fletarrest ndërkombëtar për Nikolla Vojminovskin i cili është i dënuar me 13-të vite e gjysmë burg për tentim vrasje të deputetit Ziadin Sela gjatë ngjarjeve të dhunshme në Kuvend më 27 Prill, vitin e kaluar. Me arratisjen e Vojminovskit, hapet çështja se kush ka neglizhuar dhe vallë dikushi do të mbajë përgjegjësi. Gjykata penale theksoi se stacioni përgjegjës policor, i cili ka kryer mbikëqyrjen për masën e caktuar të paraburgimit shtëpiak, e ka lajmëruar Gjykatën, se Vojminovski nuk u gjet në shtëpinë e tij, pas çka u shpall edhe fletarresti ndërkombëtar. Nga MPB-ja thonë se veprojnë sipas urdhërit të dhënë nga ana e Gjykatës.

“Veprojmë sipas urdhërit të Gjykatës dhe fletarrestit ndërkombëtar, dhe i ndërmarrim të gjitha masat e nevojshme për ta gjetur personin thuan nga MPB-ja

Vojminovskit në Qershor vitin e kaluar, iu caktua masa më e lartë e dënimit në ngjarjen ku ishin të përfshirë shtatë persona. Gjykatësi Darko Jakimovski paraprakisht kërkoi për Vojminovskin dhe për një person tjetër të akuzuar, Aleksandar Janevski-Toshta, i cili u dënua me 13-të vite burg, paraburgimi t’ju zavendësohet me burg shtëpiak shkaku i gjendjes së rënduar shëndetësore.

Para Vojminovskit, nga ballafaqimi me drejtësinë për rastet të cilat opinioni më I di, u arratisën ish kryeministri Nikolla Gruevski, ish- agjentët, Goran Grujevski dhe Nikolla Boshkovski, ndërsa biznesmeni Sead Kocan që gjendej në arrati, u kthye në vend. Deri më tani në asnjë rast nuk u përcaktua përgjegjësia për arratisjen e tyre. /Klan Maqedoni/

 

read more
Top LajmeVendi

ÇAVUSHOGLU: MAQEDONIA NË NATO SI ALEATI YNË I 30-të

Screenshot_3

Ministri i Punëve të Jashtme në Turqi, Mevlut Çavushoglu ka realizur një takim me homologun e tij të Maqedonisë Nikolla Dimitrov, i cili gjendet për një vizitë pune në Ankara. Çavushoglu pas takimit ka shkruar në profilin e tij në Facebook se Turqia e mirëpret Maqedoninë si anëtare e 30-të e NATO-s.

“Diskutuam marrëdhëniet Turqi-Maqedoni dhe çështjet rajonale me ministrin Nikolla Dimitrov. Ne i dëshirojmë mirëseardhje Maqedoninë në NATO si aleati ynë i 30-të, pa vonesa të mëtejshme”, ka shkruar Çavushoglu në Facebook. /Klan Maqedoni/

 

read more
Top LajmeVendi

 RISTOSKA PËR DW: PSP-ja DO TA KTHEJË BESIMIN TEK QYTETARËT

19146197_303

Duhet mekanizëm për kontrollin e PSP-së


Prokurorja Speciale Lençe Ristoska, në një deklaratë për “Deutsche Welle” ka pranuar se kohëve të fundit Prokuroria Speciale ka pësuar ulje të rejtingut tek qytetarët, duke shtuar se kjo prokurori do të punojë për ta kthyer besimin tek qytetarët.

Prokurorja e Prokurorisë Speciale, Lençe Ristoska thotë se ka shumë rrethana të cilat janë arsyeja për rënien e besueshmërisë te qytetarët për PSP-në, duke përmendur zhvillimet politike në vend.

“Personalisht mendoj se rënia e besueshmërisë së PSP-së është pasojë e shumë rrethanave të cilat janë të lidhura me ndodhitë shoqërore politike në vend, ndërkaq kanë të bëjnë me punën e institucioneve dhe sistemit. Shpresoj se në periudhën që vijon PSP-ja do të ketë suksese që ta kthejë besueshmërinë qytetarëve,”,thotë Ristoska.

Në lidhje me zgjidhjet e propozuara ligjore, të cilat do t’ia caktojnë fatin PSP-së në korniza të Prokurorisë Themelore Publike, Ristoska e thekson nevojën e mekanizmit i cili do ta kontrollojë punën e PSP-së.

“Sipas mendimit tim, nuk është me rëndësi nëse vazhdon mandati i PSP-së, në do të rregullohet me ligj të veçantë ose jo. Kjo që vlerësoj se është me rëndësi është që PSP-ja ta mbajë autonominë dhe pavarësinë financiare, pasi që në këtë mënyrë do të sigurohen kushtet e patjetërsueshme për punë dhe do të garantohet pavarësia në veprim. Gjithashtu pajtohem me qëndrimet e prokurorit shtetëror, se duhet që të gjendet mekanizëm përkatës nëpërmjet të cilit do të mundësohet kontrollimi i punës së PSP-së”,-shton Ristoska.

Edhe pse nuk është më e pranishme në publik dhe në media si më parë, Ristoska vazhdon të ketë suksese në karrierën e saj pasi së fundmi ajo u emërua si prokurore e parë për lidhjet e Maqedonisë me trupin për bashkëpunim gjyqësor me BE-në në fushën e drejtësisë penale (Eurojust). /Klan Maqedoni/

 

 

 

read more
RajoniTop LajmeVendi

ATHINË:  TANI RADHA E MARRËVESHJES SË PRESPËS

parliament_web-thumb-large

Optimizëm pas votëbesimit të qeverisë Tsipras 


Pas marrjes së votëbesimit për qeverinë, të mërkurën në mbrëmje, Aleksis Tsipras tashmë e ka rrugën të hapur për votimin e marrëveshjes me Maqedoninë.

Është momenti kur shpallet rezultati i procedurës për dhënien e votëbesimit qeverisë. 151 votat në favor të kabinetit qeveritar të kryeministrit Tsipras ishte një zhvillim i pritshëm.

Ndërkaq, ishte tjetër lajmi interesant që doli mbrëmjen e të mërkurës.

Në Athinë ka mbërritur nota verbale nga Shkupi, me të cilën informohet qeveria greke mbi finalizimin e procesit të ndryshimeve kushtetuese.

Lajmin e bëri të ditur kryeministri grek, Aleksis Tsipras, nga tribuna e parlamentit, duke u fokusuar në dy shënime në fund të notës:

“Çfarë sqarojnë fqinjët tanë? Së pari, nocioni nationality i referohet ekskluzivisht nënshtetësisë dhe nuk përcakton kombësinë. Dhe e dyta, se gjuha e fqinjëve tanë siç është njohur nga konventa e OKB në 1977, i përket grupit të gjuhëve sllavike të jugut”.

Tsipras iu referua këtyre sqarimeve, në përgjigje të deklaratës së liderit të opozitës, Kyriakos Mitsotakis, që e ndërlidhi votëbesimin e qeverisë me votimin e Marrëveshjes së Prespës.

Mitsotakis: “Dua të jem absolutisht i qartë: Kush i jep votëbesimin qeverisë, voton “po” edhe për Marrëveshjen e Prespës, që përbën një lëshim të madh kombëtar”.

Më herët, Tsipras ka thënë që sapo të mbërrinte nota verbale e Shkupit do të niste procedura e votimit edhe në parlamentin grek.

Përkundër 151 votave të dhëna të mërkurën për mbijetesën e qeverisë, Marrëveshja e Prespës ka shumë gjasë që të votohet edhe nga 3-4 deputetë të tjerë, siç ata kanë lënë të kuptohet, në deklaratat e tyre të deritanishme. /Robert Goro, Athinë/

 

 

read more
1 2 3 125
Page 1 of 125