close

Top Lajme

Top LajmeVendi

QEVERIA: MENDIM NEGATIV RRETH PROPOZIM-LIGJIT PËR AMNISTI

Screenshot_3-10-650×358

Miratohet modeli për reforma në DSK


Në seancën e Qeverisë së Maqedonisë është miratuar vendimi që ti lejohet Kombinatit Jugohrom marrja e një kredie për furnizim me filtra kundër ndotjes. Gjithashtu në këtë seancë është miratuar edhe modeli për reforma në Drejtorinë për Siguri dhe Kundërzbulim.

Në seancën e 104, siç thuhet në një komunikatë, Qeveria e Maqedonisë ka shqyrtuar dhe ka miratuar Propozim-modelin për reforma në sistemin e sigurisë dhe të intelegjencës në Maqedoni, me plan për vendosjen e tij. Në këtë seancë, siç thuhet, qeveria ka obliguar MPB-në që në bashkëpunim me organet kompetente të administratës shtetërore dhe institucioneve tjera t`i koordinojë të gjitha aktivitetet që dalin nga reformat në këtë sektor.

Në këtë seancë siç thuhet në komunikatë, Qeveria dha mendim negativ rreth propozim-ligjit për amnisti të personave të dyshuar, të akuzuar dhe të dënuar për ngjarjet e 27 Prillit të vitit 2017 në Kuvendin e Maqedonisë, që ishte dorëzuar nga një grup parlamentar.

Qeveria e Maqedonisë, gjithashtu ka obliguar Bankën e Maqedonisë për Përkrahje të Zhvillimit, të lidhë marrëveshje për kredi me Kombinatin Juogohrom, nga linja kreditore e Fondit të Posaçëm Kreditor në vlerë prej mbi 92 milionë denarëve, për ndërtimin e stacionit të filtrimit për mbrojtje nga ndotja me çka do të mundësohet që fabrika të vazhdojë me punë dhe të angazhohen të punësuarit – thuhet mes tjerash në një komunikatë nga Qeveria e Maqedonisë, pas seancës së sotme të 104-të të kabinetit qeveritar./ Klan Maqedoni/

read more
Top LajmeVendi

ANALISTË GREKË PËR RASTIN GRUEVSKI: HRISTIDIS-KA MASHTRUAR NJERËZIT QË I KANË BESUAR

LEADERS-Nikola-Gruevski-Prime-Minister-Macedonia

Largimi i tij do të lehtësojë debatet dhe politikat në Maqedoni


Jorgos Hristidis – Profesor i Politikës komparative ballkanike në Universitetin Maqedonia në Selanik – thotë se ai i ka mashtruar njerëzit që kanë besuar në politikën e tij, dhe se mungesa e tij do ta lehtësojë debatin rreth shumë çështjeve të rëndësishme.

Duke komentuar për Klan Maqedoni arratisjen e Gruevskit, Profesori universitar në Selanik Jorgos Hristidis ka shprehur ngushëllime për njerëzit që i kanë besuar politikës së ush-Kryeministrit.

“Njoh shumë njerëz të zakonshëm, modestë që kanë besuar në krijimin e kushteve më të mira në vend. Ai i ka mashtruar, pa asnjë sqarim. Mendoj se është shumë pikëlluese për të, për njeriun që ishte lider i vendit, t’i ikë përgjegjësisë. Ish-Kryeministri është njeriu i parë që duhet t’i respektojë ligjet e vendit, e jo të largohet në atë mënyrë dhe të bëhet objekt i ironisë.” –tha Jorgos Hristidis – Profesor universitar – Greqi

Nëse arratisja e njeriut, I cili më shumë në procese gjyqësore se sa në politikë tentonte në cdo mënyrë ta pengojë Marrëveshjen e Prespës, do të ndikojë edhe mëtej në ratifikimin dhe zbatimin e Marrëveshjes, Hristidis thotë “po” dhe se do të meret frymë më lehtë.

“Mendoj se ngjarjet rreth Gruevskit edhe mëtej do të ndikojnë në Maqedoninë Veriore. Por para së gjithash, sipas meje, kjo do ti lehtësojë politikat dhe debatet në vend rreth shumë çështjeve të rëndësishme.”-shprehet Jorgos Hristidis – Profesor universitar – Greqi.

Jorgos Hristidis – Profesor i Politikës komparative ballkanike në Universitetin Maqedonia në Selanik shton se BE-ja po kthehet në Ballkanin Perëndimor, duke e kuptuar se në rajon janë duke sunduar liderë autoritar që do të thotë kërcënime reale për sigurinë në rajon. Për këë shkak sërish po hapet perspektiva për integrimin euro-atlantik që është motivuese për shoqërinë tu qaset reformave të domosdoshme. /Biljana Georgievska – Klan Maqedoni/

read more
Top LajmeVendi

GRUEVSKI BËHET SËRISH GJALLË: MA MIRATUAN KËRKESËN PËR AZIL  

Screenshot_3

Ish-Kryeministri me akuza kundër sistemit në Maqedoni


Ish-Kryeministri Nikola Gruevski ka marrë azil në Hungari. Ai në profilin e tij në FB ka publikuar se ky vend anëtar i BE-së është përgjigjur pozitivisht kërkesës së tij, ngase siç thotë, në Maqedoni ka qenë viktimë e përndjekjes politike.

 Ish-Kryeministri Nikola Gruevski në profilin e tij në Facebook ka publikuar informacionin se autoritetet hungareze ia kanë miratuar kërkesën për azil.

“Sot Republika e Hungarisë vend anëtar i BE-së dhe NATO-s, është përgjigjur pozitivisht ndaj kërkesës sime për azil politik për shkak të përndjekjes politike në Maqedoni – shkruan Gruevski në FB. Kam përmendur se qeveria dëshiron të më privojë nga liria duke shfrytëzuar hapa dhe metoda jodemokratike dhe duke keqpërdorur sistemin e prokurorisë dhe gjyqësorit në Maqedoni”

Autoritetet e Hungarisë jo vetëm që nuk do ta ekstradojnë ish-Kryeministrin Gruevski në Maqedoni, por në vendimin që e ka marrë Shërbimi për azil dhe migracion thuhet se ai nuk guxon të dërgohet as në vendet nga ku ka hyrë në Hungari, do të thotë në Serbi dhe Mal të Zi. Edhepse bëhet fjalë për vende të treta, siç thuhet, jeta e Gruevskit ka qenë në rrezik. Në një tekst të publikuar në gazetën hungareze “Magjar Idok” thuhet se janë pranuar të gjithë ankesat që Gruevski i ka parashtruar për trajtimin në Maqedoni, ashtu edhe për rrezikun që i kanoset nëse përfundon në burg.

 Ish-Kryeministri Gruevski dy herë është marrë në pyetje lidhur me kërkesën e tij për azil. Herën e dytë më 14 Nëntor. Sipas tekstit të arsyetimit, del se të gjitha ankesat janë pranuar si të vërteta.  Gazeta “Magjar Idok” llogaritet si e afërt me Qeverinë Orban dhe partinë në pushtet FIDES. Publikimi i materialeve të besueshme nga marrja në pyetje e Gruevskit me siguri se nuk do të ishte e mundshme pa lejen e kreut të politikës hungareze – kanë cituar mediat njohës të situatave politike në Hungari. /Klan Maqedoni/

read more
Top LajmeVendi

RASTI “TARGET – FORTESA”: ARRESTOHET ISH-SHEFI I DSK-së MIJALKOV

Screenshot_5

Paraburgim 30 ditor për Mijalkovin


Ish – Drejtorit të DSK-së Sasho Mijalkov sot i është caktuar paraburgimi 30 ditor dhe është dërguar në burgun hetues në Shutkë. Paraburgimi është bërë për shkak të rrezikut nga arratisja.

Nga Gjykata Themelore Shkupi 1 kanë thënë se Mijalkovi është paraburgosur me kërkesë të PSP-së, kurse gjykatësi i procedurës paraprake i ka caktuar masën e paraburgimit prej 30 ditëve.

Nga PSP-ja kanë konfirmuar se paraburgimi ka të bëjë rreth rastit “Target-Fortesa” respektivisht për përgjimin e jashtëligjshëm. Përpos këtij rasti Mijalkov është I akuzuar edhe në disa raste të PSP-së, si ‘Arka”, “Tortura” dhe “TITANIK 2”./ Klan Maqedoni/

read more
Top LajmeVendi

550 VJET NGA VDEKJA E SKENDERBEUT: MOZAIK KUSHTUAR VITIT JUBILAR

Screenshot_10

Prezantohen 50 portrete të heroit kombëtar


Me rastin e 550 vjetorin e vdekjes së heroit tonë kombëtar Skënderbeut, mbi 50 artistë të diplomuar në Universitetin e Tetovës, kanë marrë pjesë në punimin e mozaikut gjigant kushtuar vitit jubilar të Gjergj Kastriotit Skenderbeut e realizuar nga 50 portrete të vogla të heroit kombëtar, si dhe stema të lloj-llojshme.

Vepra “550- viti i Skënderbeut” edhe një herë vuri në sprovë piktorin Miftar Memeti, i cili kësaj radhe solli mega figurën kombëtare të heroit legjendar, Skënderbeu. Sipas tij ky mozaik është ndërtuar nga stemat e lloj-llojshme të shqiptarëve dhe nga potretet e Skenderbeut ndër vite.

Dekani i Fakulteteve të arteve Nafi Jashari potencoi që Memedi edhe një herë dëshmoi veten në këtë lloj projekti artistik me mega figurën e heroit legjendar Skënderbeut.

Artistët u shprehën të kënaqur me punën e realizuar nën koordinimin e Piktorit Miftar Memedi, materiali është realizuar me përhulë-teknika akril.

Ky mozaik solli vizionin pamor të skënderbeut duke e kthyer panelin në retrospektivën e veprës kombëtare. Ndryshe kjo vepër vjen për herën e tretë me radhë nga piktori tetovar Miftar Mehmedi, ku paraprakisht ishte mozaiku kushtuar  “Nënë Terezës” dhe ai i shqiponjës në kuadër të 100 vjetort të pavarësisë. /Lindita Aliu/

 

 

 

 

 

read more
Top LajmeVendi

SIJARTO PËR DW: GRUEVSKI KUFIJTË I KA KALUAR LEGALISHT

46351784_354

Hungaria dhe Gruevski nuk kanë shkelur asnjë ligj


Shefi i diplomacisë Hungareze Peter Sijarto në një intervistë pët Dojçe Velen deklaroi se as vendi i tij e as ish-Kryeministri i Maqedonisë nuk kanë shkel asnjë ligj gjatë udhëtimit të tij të fshehtë në Hungari.

Sipas Shefit të diplomacisë hungareze Peter Sijaro nuk ka asgjë kontestuese në atë se Gruevski i ka kaluar të katër kufijtë në shoqërim të diplomatëve hungarez. Dhe sipas tij as ky fakt nuk e bën çështjen politike.

Nuk është kjo çështja. Çështja është a i ka kaluar kufijtë në përputhje me të drejtat nacionale dhe ndërkombëtare. Dhe përgjigja është: po e ka bërë atë. Prej kur është paraqitur në ambasadën hungareze i ka kaluar të gjitha kufijtë deri në Hungari konform me të drejtat nacionale dhe ndërkombëtare. Me dokumentacione të rregullta.

Pohimet e Sijartos se Gruevski të gjithë kufijtë i ka kaluar në mënyrë legale siç thotë Dojçe Vele mund të thotë që ai në vendkalim kufitar zyrtar e ka kaluar edhe kufirin Maqedoni-Shqipëri. Nga MPB-ja deri më tani nuk ka ndonjë informatë zyrtare për mënyrën e braktisjes së vendit. Mediat kanë spekuluar se ai është larguar nga vendi në mënyrë të jashtëligjshme ku një gjë e tillë mund të vërehej edhe në një deklaratë të ministrit të Brendshëm Oliver Spasovski javën e kaluar. /Klan Maqedoni/

 

read more
Top LajmeVendi

DHUNA NË KUVEND: SEANCA SHTYHET PËR NESËR

Dhunuesit

Prokurorja Ruskovska nuk paraqitet në seancë


Gjykimi për ngjarjet e 27 prillit në Kuvendin e Maqedonisë është anuluar, për shkak prokurores Vilma Ruskovksa, e cila ka pasur një rast vdekje dhe nuk është paraqitur në seancën e sotme. Në seancën e sotme është dashur të vazhdojë publikimi i komunikimeve, të cilat të akuzuarit i kanë realizuar përmes SMS.

Në seancat e fundit janë prezantuar SMS porositë nga celularët e disa personave të akuzuar, mesin e të cilëve edhe të ish-kryetarit Trajko Veljanoski. Në gjykatë kanë qenë të pranishëm të gjithë 33 të akuzuarit, përveç Sasho Markovksit për të cilin për shkak të përkeqësimit të gjendjes shëndetësore është ndarë procedura.

Procesin gjyqësor e udhëheq gjykatësja Dobrilla Kacarska, ndërsa aktakuzën e përfaqëson Vilma Ruskovska dhe Ivana Trajçevska. Për ngjarjet e 27 prillit të akuzuar janë 33 persona, prej të cilëve 31 për veprën “terrorizëm” dhe dy të tjerë për veprën “nxitje”. /Klan Maqedoni/

read more
Top LajmeVendi

MEDIAT HUNGAREZE: GRUEVSKIT I JEPET E DREJTA E AZILIT?

gruevskii

Zyra hungareze e Migrimit ka shqyrtuar kërkesën e ish-kryeministrit maqedonas, Nikola Gruevski për të marrë statusin e azilantit politik në Hungari.

E përditshmja proqeveritare hungareze ‘Magjar Idok’ shkruan se autoritetet në Budapest vendimin për këtë e kanë marrë natën e së hënës. Vlerësohet se duke marrë parasysh shpejtësinë e marrjes së vendimit për këtë çështje, është vështirë të besohet se autoritetet hungareze kanë refuzuar kërkesën e Gruevskit.

Ndërkohë, sipas agjencive të lajmeve, çështja Gruevski është diskutuar edhe në parlamentin hungarez. Gergeli Gulash, shef i kabinetit të kryeministrit Viktor Orban ka deklaruar se me këtë rast duhet të merren parasysh edhe kushtet nëpër burgjet e Maqedonisë, si dhe gjendja e sistemit të drejtësisë, të cilat sipas tij kanë marrë nota të dobëta në Raportet e Komisionit Evropian dhe të Këshillit të Evropës.

Duke iu përgjigjur pyetjes se si ka qenë e mundur që Gruevski të aplikojë për azil kur në Hungari ka hyrë nga Serbia e cila cilësohet si vend i sigurt, zyrtari i kryeministrit Orban citohet të ketë deklaruar se parimi i vendit të sigurt është me rëndësi, por se sipas procedurës së aplikimit për azil duhet të kihet parasysh situata e Maqedonisë në sistemin e drejtësisë dhe kushtet nëpër burgje. Ai ka shtuar se nuk është i sigurt se Gruevski ka pasur gjykim të drejtë gjatë shqiptimit të dënimit me dy vjet burgim. /Klan Maqedoni/

 

 

 

read more
Top LajmeVendi

ARRATISJA E GRUEVSKIT: DESKOSKA-KËRKESA PËR EKSTRADIM GATI

gruevski – 640-2

Dokumentacioni do të dërgohet më së voni nesër


Ministrja e Drejtësisë, Renata Deskoska njoftoi se kërkesa për ekstradim të ish-kryeministrit Nikolla Gruevski me dokumentacionin shoqërues duhet që të dërgohet në Hungari sot dhe më së voni nesër. Maqedonia në Hungari do të dorëzon dokumentet e akt gjykimit, 4 akuza, hetimet dhe një procedurë parahetimore për Nikolla Gruevskin.

Kërkesa për ekstradim të ish-kryeministrit Nikolla Gruevski me dokumentacionin shoqërues duhet që të dërgohet në Hungari sot dhe më së voni nesër, paralajmëroi ministrja e Drejtësisë, Renata Deskoska. Ajo vlerësoi se ka bazë juridike për ekstradim të Gruevskit dhe pret që ai të ekstradohet.

‘Ne do ta përcjellim kërkesën për ekstradim që tanimë është përgatitur, një pjesë e matrialeve janë plotësisht të përkthyera, një pjesë më vonë do të përkthehen sepse këto janë shumë materiale. Të gjitha do të jenë  të shënuara në kërkesën për ekstradim dhe të gjitha këto do të jenë bazë, praktikisht, nëse nesër ekstradohet të mund të ndiqet. Nëse nuk i theksojmë të gjitha mund të paraqiten probleme në praktikim.‘ –deklaron Renata Deskoska.

Përveç dokumentacionit për lëndën “Tanku” në të cilin Gruevski është i dënuar me dy vjet burg, autoriteteve hungareze do t’u dorëzohen edhe dokumentacionet edhe për të gjitha akuzat dhe procedurat hetimore që udhëhiqen kundër tij. Ajo shtoi se nga mediat është informuar se tashmë kërkesa për azil e Nikolla Gruevskit është pranuar. Por sipas saj edhe nëse ky informacion është i vërtetë, Ministria e Drejtësisë pavarësisht vendimit do të dorëzon kërkesën për ekstradim. /Klan Maqedoni/

 

 

read more
Top LajmeVendi

NDOTJA E AJRIT: OJQ-të PARALAJMËROJNË PADI NDAJ SHTETIT

Screenshot_4

Përplasje VMRO – LSDM


Shoqëria civile paralajmëron se do ta padisë shtetin në gjykatat vendore dhe ndërkombëtare për shkak të ndotjes së ajrit. Ata kanë ngritur një peticion për tolerancë zero ndaj ndotjes së ajrit  duke i bërë thirrje edhe faktorit ndërkombëtar që të angazhohet në zgjidhjen e këtij problemi. Ndërkaq, edhe partitë politike me reagime rreth ndotjes së ajrit.

Organizatat joqeveritare do të ngrejnë padi kundër shtetit për shkak të ndotjes së ajrit. Ata kanë shfaqur dyshime se lufta kundër ndotjes së ajrit nuk është prioritet I qeverisë për shkak se, sipas tyre, mjetet e përcaktuara nga buxheti nuk janë të mjaftueshme. Përvec padisë ata kanë paralajmëruar edhe mosdëgjueshmëri qytetare dhe se do ti mobilizojnë prindërit që nxënësit ta bojkotojnë mësimin derisa nuk gjendet një zgjidhje për këtë cështje.

“Bëjmë thirrje që ndonjë avokat i cili me të vërtetë është i gatshëm, të dorëzojmë një padi kundër shtetit për shkak se bëhet fjalë për shëndetin dhe jetën tonë. Është koha që dikush nga institucionet, nga Ministritë të marrë përgjegjësi.” -tha Dragi Zmijanac – Megjashi.

Grupi parlamentar i VMRO-DPMNE-së ka dorëzuar informatë në Kuvend rreth ndotjes dhe kanë bërë thirrje që të mbahet debat public në Komisionin për Transport dhe Lidhje e Ekologji, ku do të thirren edhe aktivistët dhe shoqatat qytetare.

‘LSDM-ja kur ishte në opozitë premtuan se do ta zgjidhin problemin me ndotjen me një sërë masash e projektesh. Por, gënjyen. Jo vetëm që nuk e përmirësuan kualitetin e ajrit, përkundrazi ndotja e ajrit shënon rekorde”- thonë nga VMRO-ja.

Socialdemokratët thonë se përgjegjësia është e opozitës, për shkak se derisa ishin në pushtet në mënyrë sistematike kanë shkatëruar gjelbërimin, sic thonë,  me tenderët criminal.

“Për dallim nga sjellja e këtillë me dyfytyrësi e VMRO-DPMNE-së, Qeveria e udhëhequr nga LSDM-ja, së bashku me institucionet kompetente, Qytetin e Shkupit dhe Komunat ka filluar zgjidhjen e problemit shumëvjeçar me ndotjen e ajrit që me vite të tëra ishte injoruar nga VMRO-ja” –deklarojnë nga LSDM-ja.

Para disa ditëve Ministria për Ambient Jetësor doli me një plan dyvjeçarë për përgjysmimin e ndotjes së ajrit në Shkup dhe në brendi të vendit. E gjithë kjo do të kushtojë 1.5 milion euro. /Klan Maqedoni/

read more
1 2 3 97
Page 1 of 97