close

Top Lajme

Top LajmeVendi

PSP: HAPEN GJASHTË HETIME TË REJA

psp

Dyshime të bazuara për dëm të shkaktuar në buxhet


Në mesin e të akuzuarve janë ish-kryeministri, Nikolla Gruevski, ish-ministri i Financave, Zoran Stavreski, ish-ministri i Transportit dhe Lidhjeve, Mile Janakievski, ish-ministri i Shëndetësisë, Bujar Osmani.

Siç thuhet në komunikatën e PSP-së, fjala është për dyshime të bazuara në keqpërdorimin e detyrës zyrtare. Në rastin “Dhurata” të dyshuar janë ish-ministri i Financave dhe ai i Transportit dhe Lidhjeve, Zoran Stavreski dhe Mile Janakievski së bashku me drejtorin e Resurseve Energjetike të Maqedonisë Kërste Miladinov, për keqpërdorim të detyrës zyrtare, të cilët, siç thuhet, për kompaninë ruse “Strojtransgas” nga Moska kanë dëmtuar buxhetin e shtetit me rreth 33 milionë euro.

Në rastin “Propaganda” në hetime janë të përfshirë nëntë persona, mes të cilëve Nikola Gruevski, Kiril Bozhinovski e të tjerë nën dyshimin e bazuar për vepra të kryera penale – bashkim kriminal dhe keqpërdorim të detyrës zyrtare.

Në rastin “Dizajni” është dhënë urdhër për zbatimin e procedurës hetimore ku janë të përfshirë katër persona zyrtar për shkak të dyshimit të bazuar për veprën penale keqpërdorim të detyrës zyrtare. Në periudhën e viteve 2009-2010- thuhet në komunikatën e PSP-së, të dyshuarit Mile Janakievski dhe tre të tjerë kanë dëmtuar buxhetin e vendit për 5 milionë euro gjatë furnizimit të autobusëve dykatësh.

Në rastin “Harmonia” janë të përfshirë tre persona, Nikola Gruevski, Mile Janakievski dhe Stevço Jakimovski. Për ta dyshohet se duke keqpërdorur detyrën zyrtare kanë dëmtuar buxhetin e vendit për mbi 385 mijë euro.

Në rastin ‘Stacionet bazë”, sipas komunikatës së PSP-së, është përfshirë Zharko Lukovski, ish-drejtor ekzekutiv i T-Mobile, i cili dyshohet për keqpërdorim të detyrës zyrtare.

Në hetimin që udhëhiqet nën emrin “Pacienti” ekzistojnë dyshime të bazuara për keqpërdorim të detyrës zyrtare dhe autorizimeve në procedura për furnizime publike për realizimin e punëve ndërtimore në më shumë institucione shëndetësore të vendit. Në këtë hetim janë të përfshirë 15 persona mes të cilëve edhe ish-ministri i Shëndetësisë Bujar Osmani. Ky i fundit, në një reagim me shkrim, të mërkurën në mbrëmje tha se ishte i befasuar nga informacioni mbi hetimet. Osmani thotë se gjithmonë ka punuar sipas ligjeve dhe në interes të të gjithë qytetarëve të Maqedonisë: “Hetimin e iniciuar e konsideroj si normal, korrekt dhe obligim profesional të Prokurorisë dhe në atë drejtim jam në dispozicion të Prokurorisë Speciale Publike, si dhe në cilindo organ tjetër të drejtësisë në vend, për bashkëpunim në interes të identifikimit të gjendjes faktike në tërësi… Dua të theksoj se nuk kam asgjë për të fshehur,”– thotë Osmani në një reagim të tij me shkrim.

Reagimi pason njoftimin e Prokurorisë Speciale e Maqedonisë për fillimin e hetimeve për disa raste që kanë të bëjnë me shpërdorimin e detyrës zyrtare. Në mesin e të dyshuarëve janë edhe ish-kryeministri, Nikolla Gruevski, ish-ministri i Financave, Zoran Stavreski, ish-ministri i Transportit dhe Lidhjeve, Mile Janakievski, si dhe shumë zyrtarë të tjerë të lartë dhe drejtues e anëtarë të komisioneve të tenderëve. Sipas Prokurorisë Speciale Publike, për ta dyshohet se kanë dëmtuar buxhetin e shtetit me rreth 80 milionë euro./Klan Macedonia/

read more
Top LajmeVendi

MAQEDONI: DEBATE TË NXEHTA NË PARLAMENT

42989579_403-905×395

Zaev: E ardhmja e qytetarëve në duart e deputetëve


Komisioni kushtetues i Parlamentin e Maqedonisë ka nisur debatin për ndryshimin e Kushtetutës së vendit në pajtim me Marrëveshjen e Prespës. Kryeminstri maqedonas Zoran Zaev u ka bërë thirrje deputetëve që të bashkohen rreth objektivave strategjike të vendit. Ish-kreu i kuvendit, nga radhët e opozitës maqedonase, Trajko Veljanovski, ndërkaq ka paralajmëruar se mazhoranca nuk i ka votat e mjaftueshme për të bërë ndryshimin e Kushtetutës.

Kryeministri maqedonas, Zoran Zaev, u ka bërë thirrje deputetëve të të gjitha krahëve që të bashkuar të përcaktojnë të ardhmen e qytetarëve drejt NATO-s dhe Bashkimit Evropian, të votojnë ndryshimin e Kushtetutës sipas bindjes së tyre dhe, ka thënë ai, në pajtim me vullnetin e qytetarëve, pa iu nënshtruar kurrfarë presioni.

“Kjo iniciativë ngrihet në pajtim me ligjet dhe procedurat institucionale. Deputetët janë ata që duhet ta përcaktojnë të ardhmen e qytetarëve drejt NATO-s dhe BE-së dhe të prononcohen sipas vullnetit të tyre. Tani ka ardhur koha që të gjithë ata që janë për në NATO dhe në BE të përkrahin ndryshimet”, tha kryeministri maqedonas në seancën e Komisionit Kushtetues.

Ndërkaq, ish-kreu i Parlamentit, Trajko Veljanovski, aktualisht deputet i VMRO-DPMNE-së, ka tërhequr vërejtjen se në Kuvend nuk ekziston shumica prej dy të tretave për miratimin e amendamenteve të propozuara nga Qeveria Zaev.

Sipas tij, Marrëveshja me Greqinë është e dëmshme, e jashtëligjshme dhe kundërkushtetuese.

“Vullneti i shumicës së popullit që u shpreh përmes mosdaljes në referendum është imperativ për çdo deputet. Nuk kam mandat ta ndryshoj Kushtetutën, pasi është në kundërshtim me vendimin në referendum”.

Mbledhja e Komisionit Kushtetues vazhdon, paralelisht me angazhimet e aktorëve kryesorë të politikës për arritjen e një konsensui mes palëve që nënkupton edhe kompromisin. Cili ka për të qenë ai – amortizimi i ndjekjes ligjore të esponentëve të lartë të VMRO-DPMNE-së të cilët dyshon për veprimtari të jashtëligjshme e korruptive, apo zgjedhjet e parakohshme – kjo mbetet të shihet. /Klan Maqedoni/

 

read more
Top LajmeVendi

KUFIRI MAQEDONO-GREK: TË SHTËNA NË AJËR KUNDËR NJË GRUPI MIGRANTËSH

refugjate-polici-2106_1466497511-1837838

Me disa të shtëna në ajër, në kufirin me Greqinë, ushtarë të Armatës së Maqedonisë kanë penguar një grup migrantësh që ilegalisht të futen në territorin e Maqedonisë. Një nga migrantët është arrestuar, derisa të tjerët janë kthyer në territorin grek. Nga Armata e Maqedonisë kanë njoftuar se gjatë patrullimit të rregullt përgjatë kufirit maqedono-grek në rrugën rajonale Gjevgjeli – fshati Moin, është vërrejtur lëvizje e një grupi njerëzish që në mënyrë jolegale kanë kaluar linjën kufitare.

“Duke ndjekur procedurat në situata të këtilla, nga ana e patrullës disa herë janë paralajmëruar personat që të ndalojnë lëvzijen, por për shkak se nuk janë dëgjuar urdhërat, janë gjuajtur disa të shtëna paralajmëruese në ajër, pas çka migrantët janë kthyer prapa në territorin grek, derisa njëri prej tyre i cili është ndaluar u është dorëzuar organeve të MPB-së për procedurë të mëtejshme” – thuhet në një komunikatë nga Armata e Maqedonisë. /Klan Macedonia/

 

read more
Top LajmeVendi

SPASOVSKI: DEPUTETËT TË DENONCOJNË KËRCËNIMET

spasovski-oliver-2

Në lidhje me kërcënimet e deputetëve, Spasovski theksoi se ka informacione se edhe përmes rrjeteve sociale edhe publikisht deri te deputetët ka kërcënime të caktuara, megjithatë, siç tha, askush në Maqedoni nuk ka të drejtë të kërcënojë askënd dhe veçanërisht deputetët.

“MPB do t’i ndërmarrë të gjitha masat e mundshme që të parandalojë kërcënim ose parandalim në punën e deputetëve, si dhe t’i parandalojë përpjekjet për korrupsion me qëllim që të mbrohen deputetët, ndërsa me atë t’i mbrojnë edhe qytetarët të cilët i kanë votuar këta deputetë. Deputetët duhet të paraqesin se ç’farë ka qenë përpjekja e tillë për pengim në punën e tyre që policia të ndërmarrë masa adekuate t’i mbrojë, sepse ky proces është shumë i rëndësishëm  që dikush në çfarëdo lloj mënyre të ndikojë në punën dhe sjelljen e deputetëve.”

Spasovski u bëri thirrje qytetarëve të bashkëpunojnë dhe të jenë partnerë të policisë për prosperitetin e tërësishëm edhe të rajonit, por edhe në nivel të Maqedonisë ku ai e vlerësoi gjendjen gjithashtu të qetë dhe stabile pa të dhëna se ka çfarëdo lloj kërcënime më serioze, duke vlerësuar se policia edhe para referendumit edhe në ditën e referendumit e ka kryer detyrën sepse referendumi ka kaluar pa probleme.

 

read more
Top LajmeVendi

ANËTARËSIMI NË NATO: MË 18 DHE 19 TETOR FILLOJNË BISEDIMET

Screenshot_1

Boshnjakovski: Proceset po zhvillohen paralelisht


Republika e Maqedonisë më 18 dhe 19 tetor në selinë e Aleancës Veriatlantike në Bruksel edhe zyrtarisht fillojnë bisedimet hyrëse për anëtarësim në NATO.  Delegacioni zyrtar i Qeverisë në të cilin do të ketë anëtarë nga disa institucione dhe dikastere ministrore do ta kryesojë koordinatori kombëtar Stevo Pendarovski.

Në seancën e djeshme, Qeveria e ka shqyrtuar dhe miratuar informatën për formimin e Komitetit Punues i cili do të jetë i obligueshëm që t’i zbatojë bisedimet hyrëse. Zëdhënësi i qeverisë Mile Boshnjakovski theksoi se proceset po zhvillohen paralelisht për anëtarësim të plotë duke shtuar se për të njëjtën është e nevojshme edhe implementim i plotë i Marrëveshjes së Prespës.

Tani më instrumentet përgatitore janë aktivizuar dhe ne jemi plotësisht të gatshëm. Trupi dhe komiteti punues për integrimin e Republikës së Maqedonisë në NATO, tanimë është duke punuar që një kohë të gjatë dhe ju e dini se në njërën nga mbledhjet e qeverisë e emëruam kordinuesin kombëtar Pendarovski ta udhëheq këtë komitet. Më shumë informacione mund të merrni gjatë ditëve të ardhshme kur do të ndodhin bisedimet në Bruksel. Ajo që për momentin është e rëndësishme është se i kemi datat e përcaktuara 18 dhe 19 tetor kur fillojnë bisedimet në NATO dhe BE. Kuptohet se këto procese janë paralele për anëtarësim të plotfuqishëm dhe është i nevojshëm implementimi i tërësishëm i marrëveshjes së Prespës në kuvendin e Maqedonisë, pra ndryshimet kushtetuese dhe pastaj edhe ratifikimi i saj i plotë në parlamentin e Athinës.

Zëdhënësi i Qeverisë, Mile Boshnjakovski edhe njëherë ka përsëritur qëndrimin, se pret të arrihet shumica e dy të tretave për ndryshimet kushtetuese, sipas Boshnjakovskit deputetët në parlament do ta dëgjojnë vullnetin e qytetarëve të cilat në referendumin e 30 shtatorit votuan pro integrimeve euroatlantike. /Klan Maqedonia/

read more
Top LajmeVendi

STRASBURG: PE-ja MIRATON RAPORTIN PËR MAQEDONINË

4_12

Komisioni i punëve të jashtme i Parlamentit Europian ka votuar  me 47 vota pro, 9 kundër dhe 1 abstenim raportin e eurodeputetit Ivo Vajgël mbi progresin e Maqedonisë në rrugën e integrimit evropian për vitin 2018.  Mbështetja e fortë e grupimeve politike tê Parlamentit Evropian ka si qëllim avancimin e vendit për hapjen e negociatave të anëtarësimit në Bashkimin Evropian në qershor të 2019.

Deputetët vlerësojnë angazhimin e fortë të Maqedonisë për zbatimin e plotë të Marrëveshjes së Përzhinës së 2015 dhe prioriteteve urgjente të vendosura në kuadrin e reformave të integrimit. Për eurodeputetët, kjo ka çuar në intensifikimin e ritmit të reformave kyçe në vend. Por përmes amendamenteve të aprovuara, eurodeputetët kanë nënvizuar qartë problemet e mprehta në vend.

Ata i bëjnë thirrje autoriteteve të Maqedonisë që të intensifikojnë luftën kundër pastrimit të parave dhe konflikteve të interesit,, të mënjanojnë ndërhyrjet politike mbi gjyqësorin, të sigurojnë klimën e duhur për pavarësinë e mediave dhe të zgjidhin problemet e mbetura të shtetit ligjor.

Lidhur me rezultatin e pasigurt të referendumit në Maqedoni më 30 shtator 2018, eurodeputetët nxisin qeverinë në Shkup të bëjë atë që është e nevojshme për të nderuar marrëveshjen e Prespës të 17 qershorit midis Maqedonisë dhe Greqisë, që i  hap dyert vendit për negociatat e anëtarêsimit në BE dhe NATO. /Erisa Zykaj – Korrespodente e Klan Macedonia nga Brukseli/

read more
Top LajmeVendi

NDRYSHIMET KUSHTETUESE: SEANCA PARLAMENTARE DITËN E HËNË

qeveria-seancë

Han: VMRO-ja të largohet nga destruktiviteti


Kryetari i Kuvendit të Maqedonisë Talat Xhaferi për të hënën, 15 tetor, e ka caktuar seancën në të cilën në rend dite do të jetë Propozimi për qasje në ndryshimet kushtetuese, ndërsa pritet që të njëjtën ditë të thirret edhe Komisioni për çështje kushtetuese, ku do të kishte filluar diskutimi për propozimin.

Kryetari i Kuvendit Talat Xhaferi për nesër ka thirrur seancë të Komisionit për çështje kushtetuese ku do të hapet debate për propozimin qeveritar për ndryshime kushtetuese. Seanca parlamentare ku duhet të votohet sipas propozimit për ndryshime kushtetuese do të mbahet të hënën. LSDM-ja sot u ka bërë thirrje deputetëve të VMRO-DPMNE-së t’i përkrahin ndryshimet kushtetuese, duke potencuar, siç tha deputeti Aleksandar Kiracovski që të mos u nënshtrohen presioneve dhe kërcënimeve.

Me rëndësi është këtu të potencohet se nga vijnë këto kërcënime për deputetë të caktuar, respektivisht vijnë nga kreu I VMRO-DPMNE-së nga udhëheqësia e kësaj partie. Institucionet e sistemit janë në dispozicion të cilit do qytetar dhe cilit do qytetar në vend, me qëllim që të sigurojnë ardhmërinë e tij dhe të familjes”

Nga VMRO-DPMNE-ja kanë përgënjeshtruar informacionet se opozita po bën presione ndaj deputetëve të tyre.  “Spekulime janë pohimet se deputetët janë kërcënuar ose kanë presione nga partia. Pushteti është ai që kërcënon dhe shantazhon” – ka theksuar zëdhënësi i VMRO-DPMNE-së Dimce Arsovski.

Eurokomisioneri për zgjerim dhe fqinjësi të mirë, Johannes Hahn në një intervistë për gazetën austriake “Der Standard”, duke komentuar situatën politike në Maqedoni, bëri të ditur se ka informacione se deputetët e VMRO-DPMNE-së, ata që dëshirojnë ta mbështesin marrëveshjen me Greqinë, janë të kërcënuar. Hahn kërkon nga VMRO-DPMNE që të largohet nga destruktiviteti dhe që interesat e qytetarëve dhe shtetit t’i vendosë mbi ato partiake.

“Partia do të mbajë përgjegjësinë e plotë për mbylljen e dyerve të BE-së për Maqedoninë nëse nuk kalon marrëveshja. Kjo është e papranueshme për një parti e cila thotë se është pro-evropiane dhe demokratike”, tha Hahn.

Sipas afateve të paraparë në rregulloren e Kuvendit, e gjithë procedura për ndryshime kushtetuese mund të përfundojë, më herët, për tre muaj e gjysmë, por Kryeparlamentari Talat Xhaferi ka theksuar se procedura mund të jetë urgjente nëse kërkohet nga Qeveria, Presidenti, të 20 deputetëve dhe Kryeparlamentarit. /Klan Maqedoni/

read more
Top LajmeVendi

NGËRÇI POLITIK: ZAEV-KTHIM PRAPA S’KA – NATO E BE PA ALTERNATIVË

Untitled

Optimizëm për ndryshimet kushtetuese në Parlament


Kryeministri Zaev ka deklaruar se ka atmosferë për miratimin e katër propozim-amendamenteve për  ndryshimin e Kushtetutës – në të cilën kudo që  përmendet Republika e Maqedonisë duhet të shtohet ‘së Veriut’. Sipas tijka mundësi që të sigurohet  shumica e domosdoshme e  dy të tretave për kalimin e ndryshimeve kushtetuese.

Nuk ka kthim prapa sepse nuk ka alternativë, nuk ka opsion tjetër, ky është opsioni, integrimi në NATO dhe në BE dhe do të ecim në këtë rrugë.

Kryeministri maqedonas Zoran Zaev ka folur sot me tone optimizmi për mundësinë e votimit me dy të tretat të ndryshimit të Kushtetutës, duke lënë të kuptohet se nuk ka kthim prapa dhe, gjithnjë sipas tij, Maqedonia nuk ka as alternativë e as opsion tjetër veç integrimit në NATO dhe në Bashkimin Evropian.

Unë jam optimist, jam i relaksuar, Maqedonia po e përjeton kohën e bukur historike ku qytetarët kanë mundësi dhe të drejtë të vendosin, ata vendosën. Mbrëmë qeveria vendosi, tani do të vendosë Parlamenti.

Ai ka përgenjështruar të gjitha spekulimet e kohëve të fundit se deputetëve janë ofruar shuma të mëdha parash për të votuar pro ndryshimeve kushtetuese, ndërkohë që ka hedhur poshtë mundësinë e zgjedhjeve të parakohshme si rrugëdalje nga ngërçi i krijuar politik.

Opsioni i vërtetë është parlamenti. Maqedonisë nuk i duhet të shpenzojë edhe dy tre muaj të tjerë dhe të gjithë e dinë se nëse shkojmë në zgjedhje kush do të fitojë si shumicë dhe kush do të ketë shumicën e re të dy të tretave. Por dy tre muaj do të kenë ikur dhe atëherë FMN-ja do të flasë për uljen e rritjes ekonomike nëse ne shpenzojmë kështu kohën e shtetit. Nuk duhet ta humbasim asnjë ditë, afatet janë të qarta, rregullorja është e qartë, sa kohë zgjat plenarja, sa kohë zgjasin debatet në komisione. Ne duhet t’u përmbahemi pikërisht këtyre afateve, por për afate të tjera mos e dhashë Zoti të bisedojmë, kështu që duhet të jemi maksimalisht të fokusuar, t’ja dalim përmes parlamentit.

Ndërkaq, në një reagim me shkrim të partisë opozitare maqedonase VMRO-DPMNE thuhet vendimi i Kryeministrit Zaev për ndryshim të Kushtetutës në fakt nëpërkëmb popullin maqedonas. Sipas opozitës Zaev, duke mos hequr dorë nga marrëveshja kapitulluese me Greqinë, ka vënë karrierën e tij mbi interesat shtetërore e kombëtare maqedonase. /Klan Maqedoni/

 

read more
Top LajmeVendi

DHUNA NË KUVEND: VAZHDOJNË DËSHMITË NË GJYKATËN PENALE

27-април-Собрание-1

“Hapja e dyerve ishte zgjidhja e vetme për deputetët”


Nikola Vojminovski i gjykuar për tentim-vrasjeje të deputetit Ziadin Sela më 27 Prill, sot ka dëshmuar para gjykatës lidhur me dhunën në Kuvend, në rastin që po zhvillohet kundër 33 personave për cënim terrorist të rendit kushtetues dhe sigurisë. Ka dëshmuar edhe një pjesëtar i Njësitit për intervenim të shpejtë.

Vojminovski ka dëshmuar se ish-ministri i Brendshëm Oliver Andonov dhe deputeti i VMRO-DPMNE-së Luben Arnaudov i ka dëgjuar të thonë se mënyra e evtme që t’i jepet fund shumicës parlamentare është që të hapen dyert e Parlamentit. Ata gjithashtu kanë biseduar se zgjidhja është që turma të hyjë brenda dhe Ivanovi të shpallë gjendje të jashtëzakonshme. Ai dëshminë e tij e ka plotësuar se pas protestave të 27 Prillit i është paraqitur Arnaudovi duke i thënë që të hyjnë brenda në Kuvend. Lidhur me situatën në Parlament, njofton Klan Maqedoni, Vojminovski ka theksuar se ka qenë kaotike. Derisa ka kërkuar dalje ka takuar deputetin Sasho Vasilevski.

“Kishte policë, por turma lirshëm hynte në parlament. Shkova në Kuvend dhe takova Vasilevskin. E pyeta atë dhe Andonovin se ç`po ndodh. Më dërguan tek personat me radio-lidhje, armë dhe distinktive. Kishte edhe persona që ishin pjesë e sigurimit të Gruevskit dhe persona tjerë me distinktive që lëviznin nëpër parlament” – dëshmoi Vojminovski.

Avokati Donçe Nakov ka theksuar se gjykatës do t`i dërgojë ankesë me shkrim, për shkak se, siç tha, ka shumë lëshime gjatë dëshmisë së Vojminovskit.

Paraprakisht dëshmoi Llukman Selimi – pjesëtar i Njësisë për Intevenim të shpejtë i cili para gjykatës shtroi dilemën se çfarë kanë kërkuar pjesëtarët e Tigrave nga MPB të vendosur si njësi ushtarake, që qëndronin të heshtur deri sa riheshin deputetët në Kuvend. Ai dëshmoi se ditën kritike ka qenë ndërrimi i dytë dhe është dërguar në Parlament për mbajtjen e rendit, por siç sqaroi vetëm me armatimin personal. /Klan Maqedoni/

 

read more
Top LajmeVendi

PE: DISKUTOHET RAPORTI I VAJGËLIT PËR MAQEDONINË

511C781943F9D8ADFCEB747802A3C3EC

Grupimet e ndryshme politike në PE kanë prezantuar amendamentet e tyre të cilat do të votohen sot 


Komisioni i puneve të jashtme i Parlamentit Europian ka diskutuar raportin e eurodeputetit Ivo Vajgël për Maqedoninë. Ky raport ka në qendër mbështetjen e fortë për hapjen e negociatave të anëtarësimit të Maqedonisë në Bashkimin Europian pas marrëveshjes me Greqinë për çështjen e emrit dhe ndryshimeve pozitive në skenën politike, qe kanë të bëjnë më së shumti me eleminimin e presionit politik ndaj administrates, mediave dhe gjyqësorit. Raportuesi Ivo Vajgël ka vendosur theksin te optimizmi që është shpërndarë në institucionet europiane pas arritjes së marrëveshjes për çështjen e emrit në vijim të një periudhe të gjatë pritjeje, por gjithashtu edhe zgjidhjes së krizës politike në vend.

Marrëveshja e arritur midis Shkupit dhe Athinës solli shumë optimizëm te ne. Të gjithë donim që pritja e gjatë të merrte fund dhe Maqedonia të mund të fillonte negociatat për anëtarësimin në Bashkimin Europian dhe NATO. Gjatë viteve të fundit, ku Maqedonia përpiqej të dilte nga kriza politike, Parlamenti Europian luajti një rol në këtë proces. Ne kemi kontribuar për arritjen e marrëveshjes së Përzhinës dhe dialogun « Jean Monnet ».Referendumi në Maqedoni mbi çështjen e emrit për disa ka qenë frytdhënës, për disa të tjerë jo. Pas këtij raporti dhe pasi Maqedonia të ketë zgjidhur këtë krizë të re, ka shumë punë për të bërë lidhur me integrimin europian të vendit dhe për përpuethshmërinë me legjislacionin europian në të gjitha fushat. Do t’i ftoja kolegët që nesër të mbështesin amendametin oral para se të votojmë, që të mund të modifikojmë raportin në varësi të e zhvillimeve të mëtejshme të qeverisë maqedonase, nëse do ketë mazhorancë në Parlament, nëse do ketë ndryshime kushtetuese apo zgjedhje të parakohshme– theksoi Ivo Vajgël, raportues për Maqedoninë.

Në konferencën, e Sofjes ku mora pjesë me deputet nga Ballkani, subjekti që secili diskutonte ishte situata dramatike në Maqedoni. Jam dakort me raportuesin lidhur me zhvillimet që do vijojnë në vend, sido që ne ta vlerësojmë sitiuatën. E vetmja vërejtje që kam është, që nëse vendi hyn në zgjedhje të parakohshme, kjo do të çojë në një katrahurë për një kohë të gjatë. E mbështes amendamentin oral, sepse kjo na jep kohë për ndryshim para votimit në seancë plenare-deklaroi eurodeputeti Eduard Kukan.

Personalisht, më vjen keq që referendumi nuk u kurorëzua me një pjesëmarrje domethënëse. Në një situatë ku qeveria i referohet një mbështetje domethënëse, ndërkohë që opozita pjesëmarrjes së ulët, shpresoj që marrëveshja për emrin e Maqedonisë të mos kthehet në viktimë kolaterale, që të hapë një krizë të thellë politike, ku nuk përjashtohen edhe zgjedhjet e parakohshme. Për raportin, mund të flasim për një progres të prekshëm krahasuar me të gjithë vendet që aspirojnë integrimin europian. Detyra e qeverisë së re nuk ishte e lehtë krahasuar me vite të tëra të qeverisjes ku nuk ka pasur progres–tha eurodeputeti Knut Fleckenstein.

Grupimet e ndryshme politike në Parlamentin Europian kanë prezantuar amendamentet e tyre të cilat do tê votohen të martën pasdite gjatë votimit të raportit për Maqedoninê. /Erisa Zykaj –Korrespodente e Klan Macedonia nga Brukseli/

read more
1 104 105 106 107 108 181
Page 106 of 181