close

Top Lajme

Top LajmeVendiVideo

TETOVË: NDRYSHIMI I TEMPERATURAVE, MBUSH AMBULANCAT

Më të goditur të sëmurët kronik dhe fëmijët


 

Moti jostabil dhe luhatja e temperaturave në periudhën e fundit, kanë sjellë përkeqësim në shëndetin e qytetarëve. Mjekët thonë se kjo gjendje e paqëndrueshme e motit shpesh është manifestuar me ngritjen e lartë të tensionit të gjakut dhe me probleme të theksuara në sistemin e frymëmarrjes.

Një numri të madh të qytetarëve luhatja e temperaturave u ka shkaktuar atyre kokëdhimbje dhe rritje të presionit të gjakut. Mjekët thonë se qytetarët duhet të kenë kujdes të shtuar në ditët kur temperaturat janë të ndryshueshme gjithashtu kujdes edhe me ushqimin.

Në lidhje me atë se çfarë shkakton luhajta e temperaturës, në vijim flet mjeku i përgjithshëm Bekim Ismaili.

Nëpër ambulanta po paraqiten qytetarë që kanë probleme me rritje të shtypjes së gjakut, marramendje, dhimbje në nyje, diarre dhe vjellje, mjekët thonë se ky virus paraqitet çdo vit.

 

Gjatë javës së 46 të vitit 2017 në Republikën e Maqedonisë janë raportuar 67 raste të gripit, krahasuar me javën e kаluar ka një rritje të numrit të të sëmurëve. Sipas moshës, numri më i madh i të sëmurëve janë regjistruar në grupmoshën 15-64 vjet,  ndërsa incidencë më e lartë tek personat mbi 65 vjet. /V. V. K. /

 

 

 

read more
Top LajmeVendi

LIGJI PËR GJUHËN: ANALISTËT KOMENTOJNË DEKLARATËN E HAN-it

044_1

Gjuha shqipe të marrë vendin e merituar


 

Pas deklaratës së eurokomisarit për zgjerim Johanes Han se miratimit i ligjit të gjuhëve nuk është me prioritet, por do të ishte mirë të miratohet deri në fund të vitit, kanë reaguar analistët politik. Ata thonë se avancimi zyrtar i përdorimit të gjuhës shqipe është i patjetërsueshëm.

Profesori universitar Petrit Pollozhani thotë se edhe përkundër deklaratave të Hanit, Qeveria dhe partitë shqiptare duhet të insistojnë në ligjin e gjuhëve dhe gjuha shqipe të marrë vendin e merituar.

Ndërkaq për njohësin e çështjeve politike Ilir Luma ligji për gjuhën shqipe has në shumë mangësi dhe një gjë e tillë sipas tij duhet të rishqyrtohet.

Debati për amandamentet që ishte caktuar për sot është anuluar dhe nuk ka informacione se kur do të mbahet. Ndërkohë, një pjesë e anëtarëve të Këshillit Kombëtar maqedonas kishin vendosur tenda para Kuvendit duke porositur se nuk do të largohen nga aty, derisa nuk tërhiqet ligji për përdorimin e gjuhëve. Për votimin e ligjit nevojiten 61 vota. Sipas paralajmërimeve të Kryeparlamentarit Talat Xhaferi e gjithë procedura duhet të përfundojë deri në fund të dhjetorit, ashtu siç ka kërkuar edhe Kryeministri Zaev, që kjo çështje të mbyllet deri në fund të vitit. /Xh. I. /

 

read more
Top LajmeVendi

DITA E ALFABETIT: GJUHA SHQIPE DHE BASTARDIMI I SAJ

Albanologët: Çështje mjaft problematike


 

Gabimet gramatikore gjatë përdorimit të gjuhës standarde shqipe, sidomos gjatë ndërtimit të fjalisë, si në të shkruar, ashtu edhe në të folur, nga përdoruesit e gjuhës në Maqedoni, studiuesit e gjuhës shqipe i vlerësojnë si çështje mjaft problematike.

Përdorimi i gjuhës shqipe në Maqedoni po merr përmasa shqetësuese, duke marrë parasysh gabimet e shumta gjuhësore që vërehen nëpër mbishkrimet dhe përdorimin e saj. E njëjta gjë ndodh me gjuhën edhe në tabelat udhëzuese, transportin publik, faturat e ndërmarrjeve publike, e kështu me radhë. Albanologu Izmit Durmishi thotë se shqiptarët duhet të kenë kujdes rreth zotërimit dhe përvetësimit të gjuhës shqipe.

Nga ana tjetër, Xhelal Zendeli thekson se probleme me zbatimin e gjuhës shqipe ka edhe në shumë sfera tjera, si në tekste shkollore, botimin e ligjeve, por edhe në shumë ndërmarrje tjera private.

Ndërkaq, në vazhdën e aktiviteteve për të shënuar Ditën e Alfabetit, Unioni i Nxënësve të Shkollave të Mesme Tetovë ka organizuar marsh simbolik dhe program festiv. Marshi filloi nga Shkolla e Mesme e Mjekësisë për të përfunduar para Pallatit të Kulturës në Tetovë.

Ndryshe Dita e Alfabetit shqip është shënuar me aktivitete të ndryshme, nëpër shumë institucione arsimore në vend. Pavarësisht kësaj, edhe në këtë përvjetor, ekspertët kanë tërhequr vërejtjen që të kihet kujdes me përdorimin dhe drejtshkrimin e gjuhës shiqe, sidomos në institucionet arsimore, por edhe mediat e shkruara dhe ato elektronike. /V. V. K. /

 

read more
Top LajmeVendi

HAN: PËRKUSHTIM PËR PERSPEKTIVË EVROPIANE

han-osmani-750×430

“Për qëllime kombëtare nevojitet përkrahje nga të gjithë”


 

Pas vizitës dyditore në Shkup, Komisioneri Han, siç ka thënë, largohet i bindur se të gjithë lojtarët kyç në vend janë të përkushtuar për perspektivën evropiane. Pret rekomandim pozitiv nga BE-ja në shkurt, e më pas edhe negociata për anëtarësim.

Komisioneri Han pas takimeve dyditore me politikanë dhe përfaqësues të shoqërisë civile, nga Shkupi largohet i bindur se të gjithë janë të përkushtuar për perspektivën evropiane në vend. Në deklaratën e dhënë para largimit të tij ka theksuar se qëllimi i vizitës së tij ka qenë që të sigurohet dhe të marrë garanca nga lojtarët kyç në vend për perspektivën evropiane.

“Nevojitet të miratohen të gjitha ligjet në sferën e jurispodencës dhe administratës publike, që është kyçe për të marrrë rekomandimin pozitiv nga BE-ja. Shpresojmë se kjo do të ndodh diku në shkurt, me shpresë se negociatat do të fillojnë vitin e ardhshëm. Ky është qëllimi ynë dhe për këtë shkak u takova edhe me opozitën për të theksuar se kur bëhet fjalë për qëllimet nacionale, kurse perspektiva evropiane është një qëllim i këtillë, duhet përkrahje nga të gjithë lojtarët kyç, pa marrë parasysh nëse janë në qeveri apo opozitë”.

Komisioneri Han me delegacionin partiak të VMRO-DPMNE-së u takua dje. Në një komunikatë nga partia opozitare thuhet se Komisionerit Han ia kanë transmetuar mesazhin se zgjedhjet lokale kanë qenë shumë keq të organizuara dhe se kanë ndodhur gjëra që nuk i ngjasojnë vlerave të vendit, aspirant për BE-në.

“Lidhur me proceset reformuese vërehet injorim me këmbëngulje dhe moskyçje të opozitës në këtë proces. Përveç kërkesës për përkrahje publike nuk ka kyçje thelbësore në procesin e përpunimit të reformave. Rasti i njëjtë është edhe me Ligjin e administratës që paraqet bazë për largimin nga puna të mijëra profesionistëve që nuk janë përkrahës të politikave aktuale të pushtetit. VMRO-DPMNE-ja shpreh përkrahje për proceset eurointegruese, për çka nevojitet plotësimi thelbësor i prioriteteve reformuese.

Derisa pritjet nga opozita janë që ajo të jetë konstruktive, Han prêt nga të gjithë që të fokusohen në prioritetet urgjente reformuese. Si urgjente Han numëroi reformat në gjyqësor, në shërbimet e zbulimit. Nëse këto realizohen Han prêt rekomandim pozitiv nga BE-ja në muajin shkurt, e më pas edhe fillimin e negociatave vitin e ardhshëm. Lidhur me problemin rreth emrit, Komisioneri Han nuk kishte ndonjë koment të vecantë, duke theksuar se është herët për një koment konkret, por ka përshëndetur kontaktet mes Maqedonisë dhe Greqisë, masat e besimit dhe marrëveshjen për fqinjësi të mirë me Bullgarinë ku prêt të ratifikohet në Kuvend. /Art Channel/

 

read more
Top LajmeVendi

JOVESKI: PRIORITET SULMIN E 27 PRILLIT

Screenshot_4

Ekspertët: Të rikthejë besimin


 

Qeveria i propozoi Kuvendit për prokuror publik të Republikës së Maqedonisë të emërohet Lubomir Joveski, anëtar i Këshillit të prokurorëve publik. I njëjti ka deklaruar se nëse zgjidhet prioritet do të ketë zbardhjen e sulmit të 27 prillit në Kuvend. Ndërkaq, ekspertët thonë se prioriteti kryesor i tij do duhet të jetë rikthimi i besueshmërisë në institucione.

Lubomir Joveski, kandidati për prokuror të ri të shtetit ka deklaruar se nëse merr funksionin, prioritet do të ketë zbardhjen e sulmit të 27 prillit në Kuvend, por edhe revidimin e veprimit të deritanishëm.

Ai poashtu thekson se synon të bëjë ndarjen e Prokurorisë nga aparati i pushtetit pasi që, siç thotë ai, vetë asnjëherë nuk u është nënshtruar trysnive dhe nëpërmjet përvojës do t’i inkurajojë prokurorët të punojnë në mënyrë të ndershme edhe para ligjit, njëkohësisht duke u garantuar sigurinë e tyre.

 “Nëse zgjidhem për prokuror shtetëror, për këto raste do të kërkojmë referim për veprimtari të deritanishme. Të jeni të sigurt se edhe ato raste do të hetohen në mënyrë jo-selektive. Këto sigurisht do të jenë ndër punët e para që do t’i bëj, pasi ta marrë funksionin, nëse zgjidhem, do të konstatohet e vërteta për 27 prillin dhe do të gjenden autorët”.

Mersim Maksuti, profesor universitar, deklaron se prioritetin kryesor, prokurori i përgjithshëm i vendit e ka rikthimin e besimit në institucionet e vendit e mbi të gjitha në Prokurori.

‘Prokurori i përgjithshëm i shtetit sfidën kryesore të cilën duhet ta luaj do të jetë kthimin e besimeve në institucionet e vendit dhe mbi të gjitha në Prokurori sepse Prokuroria ishte ajo dora e zgjatur më e fuqishme e pushtetit, në fakt e diktaturës të cilën e kishim. Tani prokurorisë i duhet një ristrukturim, një riorganizim i ri i saj, mbi të gjitha këshilli prokurorial i R.M e bart peshën me të cilën do dallohet si insitucion i cili kontrollon funksionimin e prokurorisë, me të gjithë kthimin e besimit tek prokuroria dhe kjo ka të bëjë me gjykimin e kryersve të veprave penale të gjithë keqbërsit, keqpërdoruesit ato që abuzuan me pushtetin tani duhet të dalin para drejtësisë.’

Përndryshe, Lubomir Joveski, nuk është i panjohur për opinion vendor e veçanërisht për shqiptarët sepse ai ka qenë gjykatësi kryesor në procesin gjyqësor për “aferën e armëve” në vitet e ‘90 në të cilën shumë shqiptarë përfunduan në burgje. Si rrjedhojë, Prokuroria Publike e Republikës së Maqedonisë mbeti pa drejtues pasi Marko Zvërlevski më 17 gusht të këtij viti u shkarkua nga detyra. /B. J. /

 

 

 

 

read more
Top LajmeVendiVideo

HAN NË SHKUP: MAQEDONIA TA KALOJË KILOMETRIN E FUNDIT

Screenshot_4

Han mesazh opozitës: Kritikë, por edhe konstruktiv


 

Komisari Han dhe Kryeministri Zoran Zaev kanë pritje positive për perspektivën evropiane të Maqedonisë. Komisari Han I dërgoi mesazh opozitës të jetë kritike por edhe konstruktive. Ai në Shkup do të qëndrojë edhe gjatë ditës së nesërme.

Mesazhe positive dhe pritje për përparim të shpejtë të Maqedonisë në integrimet evropiane kanë shfaqur Kryeministri Zaev dhe Komisari Han në press-konferencën e sotme pas drekës së punës në Shkup. Punët shkojnë në drejtim të duhur, por duhet ende të punohet në reformat në shërbimet e kundërzbulimit, gjyqësorin, administratën publike. Këto janë fusha ku duhen rezultate konkrete deri në fund të vitit – ka theksuar Komisari Han.

“Kemi arritur shumë, por tani është e rëndësishme të kalohet kilometri I fundit ose gjysmë kilometri që të përfundojë kjo maratonë, që të bëhet dicka. Unë dhe ekipi im jemi të përkushtuar dhe presim që në fillim të vitit të ardhshëm të ndodhë dicka. Tashmë jemi të sigurtë se paraprakisht, se vendet tona anëtare do të japin niratim për një rekomandim të këtillë”

Komisari Han i dërgoi edhe mesazh opozitës duke kërkuar nga të gjithë partitë opozitare të jenë kritikë, por sic theksoi, kritikë konstruktiv që të respektohen të gjitha afatet dhe datat për t`u arritur përparimi i nevojshëm.

“Siç e dini unë gjatë kohë jam në politike dhe nuk jam naiv, edhepse tentojë të ruajë naivitetin megjithatë, nëse punohet për qëllime kombëtare dhe perspektivë euroatlantike dhe nëse kjo është qëllim kombëtar e shprehur nga faktorë kyc dhe përkrahur nga 75-80% e opinionit tuja, është e qartë se qëllimi mund të arrihet nëse të gjithë shkojnë në drejtim të njëjtë”

Kryeministri Zaev i cili dha një pasqyrë të punëve të realizuara dhe vlerësoi se vizita e diplomatit të Brukselit vjen në një fazë kyce të vlerësimit të plotësimit të planit 3-6-9, prêt që Maqedonia të bëhet pjesë e Strategjisë për zgjerim të BE-së, e paralajmëruar të njoftohet në shkurt të vitit të ardhshëm.

“Presim të marrim një rekomandim të pastër për hyrje në BE dhe datë për negociata paraqasëse të BE-së me Maqedoninë. Ne do të japim rezultate, për shkak se këto reforma, para së gjithash janë për të mirën tonë, por njëkohësisht presim vlerësime përkatëse nga institucionet evropiane.

Ndërkohë, Zëvendës/kryetari i Qeverisë së Republikës së Maqedonisë, Bujar Osmani, në hapësirat e Sekretariatit për Çështje Evropiane, realizoi takim me Eurokomesarin për Zgjerim dhe Politikë Fqinjësore, Johanes Han. Në prani të Zëvendës/kryeministrit të Qeverisë dhe ministrit për Punë të Brendshme, Oliver Spasovski, ministrit të Drejtësisë, Biljen Saliji, si dhe ministrit për shoqëri informatike dhe administratë, Damjan Mançeveski, Zëvendës/kryeministri Osmani referoi për pjesët e reja, gjashtë dhe nëntë, të Planit për reforma 3-6-9.

Plani 3-6-9 për momentin paraqet një tërësi, ku janë të përfshira të gjitha rekomandimet, gjetjet dhe sugjerimet të cilat vijnë nga partnerët tanë ndërkombëtarë. Tërësia e Planit 3-6-9  ka për qëllim, pas implementimi të tij, i njëjti të mos vazhdojë me pjesë të re 12, por me vendim për fillimin e negociatave”

Komisari Han duke ju përgjigjur pyetjeve gazetareske ka theksuar se Ligji për përdorimin e gjuhëve nuk është pjesë e asaj që është dakorduar në kontekst të kushteve me relevancë për marrjen e rekomandimit pozitiv. Tani është koha të punohet për gjërat urgjente, nëse mundet edhe Ligji për Gjuhët, atëherë është në rregull – ka theksuar Han i cili në Maqedoni do të qëndrojë edhe nesër për kur është paralajmëruar që edhe njëherë t`i drejtohet opinionit./Art Channel/

read more
Top LajmeVendi

HAN TAKON AHMETIN, SELËN DHE XHAFERIN

alii-izewt-640×340

Situata politike, anëtarësimi në BE temë të diskutimit


Komisari për Zgjerim i BE-së gjatë ditës ka takuar edhe liderët e BDI-së dhe Aleancës për Shqiptarët, Ali Ahmetin dhe Ziadin Selën. Gjithashtu ai është pritur edhe nga Kryeparlamentari Talat Xhaferi. Situata politike në vend, anëtarësimi në BE dhe reformat që duhet të zbatohen kanë qenë tema të diskutimit.

Komisari i BE Johanes Han gjatë vizitës në Maqedoni ka takuar edhe Kryetarin e BDI-së, Ali Ahmetin. Sic thuhet, në takim është diksutuar situata politike në vend si dhe përpekjet e vendit tonë në drejtim të përmbushjes së obligimeve për anëtarësim në BE.

Mbetet që koha të dëshmojë, për premtimet dhe zotimet që ne i bëmë dhe mbetem optimist që ne në kohë të duhur do të arrijmë t`i zbatojmë dhe implementojmë të gjitha kërkesat që na afrojnë sa më afër hapjes së negociatave për anëtarësim në BE.

Komisari Han është takuar edhe me Liderin e ASH-së, Ziadin Selën ku sic thuhet janë shprehur qëndrime lidhur me zgjedhjet locale por edhe situatën politike në vend.

Ne si ASH vazhdojmë të mbetemi të fokusuar në drejtim të reformave. Zoti Han dhe miqtë tanë ndërkombëtar janë të interesuar për të patur stabilitet në qeveri. Vetëm duke patur një qeveri stabile ne mund të jemi të fokusuar në reforma, pa mos u marrë me lojërat politike që dikush mundohet t`i imponojë.

Prioritet në punën e Kuvendit deri në fund të vitit është miratimi i pakos së ligjeve reformuese të cilat dalin nga rekomandimet e Pribesë, porositi kryetari i Kuvendit Talat Xhaferi në takimin e sotëm me eurokomisarin për Zgjerim të Bashkimit Evropian, Johanes Han. Siç informojnë nga pres-shërbimi i Kuvendit, në fillim të takimit, kryetari Xhaferi e informoi eurokomisarin për aktivitetet rrjedhëse dhe të ardhshme të Kuvendit të Republikës së Maqedonisë lidhur me proceset reformuese për marrjen e rekomandimit pozitiv për fillimin e negociatave për anëtarësim në Bashkimin Evropian. /Art Channel/

read more
Top LajmeVendiVideo

SHKUP: NDRYSHIMI I LIGJIT PËR MBROJTJEN E DËSHMITARËVE

Ekspertët: Ligji afron të akuzuarit me të vërtetën


 

Qeveria ka miratuar Propozim-Ligjin për ndryshimin dhe plotësimin e Ligjit për mbrojtjen e Dëshmitarëve. Miratimi i këtij ligji erdhi pas propozimit të ministrisë së Drejtësisë, me qëllim që t’i jep një autonomi më të madhe Prokurorisë Speciale Publike. Sipas ekspertëve deri më tani me dëshmitarët është abuzuar, por siç theksojnë ato, tani më ky ligj do iu mundësojë të akuzuarve të jenë më afër të drejtës dhe të vërtetës.

Qeveria ka miratuar propozim-ligjin për ndryshimin dhe plotësimin e ligjit për mbrojtjen e dëshmitarëve pas kërkesës së vazhdueshme të Prokurorisë Speciale Publike  që të ngushtohet rrethi i personave nga institucionet të cilët do të dinë se cili është dëshmitari i mbrojtur që të mos mund të ndikohet gjatë dhënies së deklaratës apo hetimit.

Njohësi i çështjeve juridike Bashkim Selmani deklaroi se ky ligj do iu mundësojë të akuzuarve të jenë sa më afër të vërtetës dhe të drejtës.

‘Unë besoj që tanimë PSP-ja do të ketë mundësinë me këtë ndryshim dhe plotësim, qoftë projekt të dallimeve të disa neneve ka nevojë për plotësime dhe besoj në interes të mirë për t’u përhapur ato rrethana që në këtë rast PSP-ja më tepër të ketë kompetenca për të dëshmuar dhe argumentuar prova para gjykatës dhe vetëm atëherë të akuzuarit do ishin më afër të drejtës dhe të vërtetës. Maqedonia deri më tani ka pasur një përvojë shumë të hidhur, është shfrytëzuar roli dhe funksioni i dëshmitarëve, por është abuzuar me të.’

Bedri Hajdari, një nga familjarët e të dënurve me burg të përjetshëm të rastit ‘Monstra’ deklaron se nëse ligji për mbrojtjen e dëshmitarëve do të sillej, fati i të dënuarve me burg të përjetshëm të këtij rasti do të ishte zbardhur më herët.

‘Sikur të ishte sjellë ky ligj do të kishte dëshmitarë që do donin të dëshmonin për rastin ‘Mostra’ dhe ndoshta fati i të akuzuarve në këtë rast do të ishte zbardhur më herët. Prokuroria Speciale ka bërë apel që ligji të sillet sepse dëshmitarët nuk ndihen të sigurtë në sistemin që ishte paraprak, dhe nuk është fshehtësi që asnjë dëshmitar i mbrojtur nuk ka qenë deri sot i mbrojtur apo i pazbuluar.’

Ndërkaq, Prokurorja Speciale Publike, Katica Janeva theksoi se ndryshimet e ligjit të cilat do ia mundësonin PSP-së të vendosë për personat që do të mbrohen.

“Të ishte miratuar më herët ky ligj, do të mundeshim më shumë të bëjmë për shumë persona që kanë dashur të dëshmojnë. Shpresoj se ata persona që munden të jenë dëshmitarë të mbrojtur, do të mundemi edhe në këtë fazë të procedurës t’u japim mbrojtje”.

Ashtu siç sqaroi Prokurorja Speciale, këto ndryshime do të kufizohen me afat kohor, gjegjësisht do të vlejnë derisa të skadojë mandati pesëvjeçar i PSP-së ose derisa kjo Prokurori nuk bëhet pjesë e Prokurorisë së rregullt. Ndryshe prokurorja publike Katica Janeva vitin e kaluar ka kërkuar ndryshime në Ligjin për mbrojtjen e dëshmitarëve, por që nuk gjeti mbështetje nga shumica e atëhershme parlamentare e VMRO-DPMNE-së. /B. J. /

 

 

 

read more
Top LajmeVendiVideo

SHKUP: TAKIMI IVANOV- META

BE-ja dhe NATO shkak për raporte të mira fqinjësore


 

Kryetari i Shqiperisë, Ilir Meta dhe homologu i tij i Maqedonisë, Gjorge Ivanov pas takimit të përbashkët të tyre që u mbajt sot në Shkup vlerësuan se raportet e mira fqinjësore ndërmjet shteteve të Ballkanit duhet të jenë prioritet për shkak të perspektivave euro-atlantike të shteteve të rajonit.

Presidenti i Maqedonisë Gjorge Ivanov pas takimit me presidentin e Shqipërisë Ilir Meta tha se gjatë takimit kanë biseduar për realitetin në Ballkan, nevojën e bashkëpunimit mes dy vendeve dhe nevojat e përbashkëta që i kanë të dyja vendet.

“Kemi pasur një disponim relaksues sa i takon takimit të sotëm duke shqyrtuar të gjitha çështjet që i tangojnë të dyja shtetet, si nevoja për fqinjësi të mirë, e veçanërish kur njëri nga shtetet e Ballkanit do të kryesojë me Bashkimin Evropian. Perspektiva dhe synimi për integrim në NATO dhe BE është synim i të dyja shteteve dhe për këtë duhet të punohet në ruajtjen e raporteve të mira fqinjësore”.

Sa i takon ligjit të gjuhëve, kryetari i Maqedonisë, Gjorge Ivanov për herë të parë u shpreh sot në opinion që kur ligji hyri në procedurë parlamentare.

“Në momentin kur ligji i gjuhëve të miratohet, kabineti im do ta shqyrtojë dhe do të japë vlerësim për të njëjtin në suaza të Kushtetutës së Maqedonisë”.

Meta vlerësoi se“të gjitha këto përpjekje për nxitjen e raporteve të mira ndërfqinjësore për të arritur një zgjidhje të problemeve do të finalizohen në seancën e përbashkët qeveritare ndërmjet Maqedonisë dhe Shqipërisë”. Ai u falënderua edhe për njohjen e Kosovës nga Maqedonia, pasi që siç u shpreh ai “vendimi i njohjes së Kosovës nuk ka qenë i lehtë”. Sa i takon bashkëpunimit ndërfqinjësor dhe vendimeve gjyqësore të fundit të Maqedonisë dhe anëtarësimin e Kosovës në UNESCO, Meta tha se

“Shpreson se Qeveria e re është e përkushtuar të jep prioritet anëtarësimin në NATO dhe BE dhe me këtë të mbajë raporte të mira me Kosovën. Kurse sa i takon vendimit të gjyqësorit ndaj shqiptarëve, nuk mund të ndërhyjë në çështje konkrete të cilat kanë të bëjnë me ligjin e Maqedonisë, por shpresoj se fazat tjera të gjykimeve të jenë më evropiane dhe më tranparente. Përderisa anëtarësimi në NATO dhe BE mbetet prioritet i Maqedonisë, besoj se kjo do të jetë një mundësi veprimi në bazë të standardeve evropiane”, tha Meta.

Pas Ivanovit, Meta do të takohet edhe me kryetarin e Kuvendit të Maqedonisë, Talat Xhaferi. Siç dihet deri më tash, Meta u takua edhe me krerët e partive politike shqiptare. /Art Channel/

 

read more
1 128 129 130 131 132 167
Page 130 of 167