Top Lajme

Aplikacioni i ri për telefonat celularë do të aktivizohet gjatë javës së ardhshme. Nëpërmjet tij do të mund të ndiqen qytetarët që kanë qenë në kontakt me persona të infektuar, njoftoi ministri i administratës dhe shoqërisë informatike Damjan Mançevski  në brifingun me gazetarë. Mançevski theksoi se bëhet fjalë për aplikacion joinvaziv, që ka për qëllim t’u ndihmojë epidemiologëve për vërtetimin e numrit të saktë të të infektuarve.

Aplikacioni për ndejkjen e njerëzve që kanë pasur kontakte me persona të infektuar do të aktivizohet gjatë javës së ardhshme. Ai në të njëjtën kohë do të garantojë siguri të  të dhënave personale të qytetarëve, të cilët vullnetarisht duhet ta shkarkojnë në telefonat celularë, njoftoi ministri i administratës dhe shoqërisë informatike Damjan Mançevski.

“Pasiqë qytetari ta shkarkojë aplikacionin, do t’i jepet numër që nuk ka lidhje me numrin e telefonit të tij celular ose me numrin amë. Përmes këtij numri, do të ndiqen kontaktet që i ka pasur me persona të tjerë që e kanë shkarkuar aplikacionin në telefonat e tyre celularë, të cilëve u është afruar në distancë më pak se dy metra. Që të funksionojë aplikacioni gjatë gjithë kohës duhet të jetë i aktivizuar Bluetoothi. Pas 14 ditësh, të dhënat do të fshihen automatikisht.”

Edhe ministri i shëndetësisë Venko Filipçe në profilin e tij në Fejsbuk u bëri thirrje qytetarëve të përgjigjen saktë në pyetjet e epidemiologëve.

“Përgjigjuni saktë në pyetjet e mjekëve dhe epidemiologëve me atë që mbroni shëndetin tuaj, por edhe të atyre. Kjo luftë varet nga secili prej nesh, tani si asnjëherë më parë duhet të tregojmë përgjegjësi.”

Aplikacioni i paralajmëruar për telefonat celularë është versioni më i përafërt me aplikacionin që tashmë përdoret në Singapor dhe siç informoi Mançevski ka treguar rezultate të shkëlqyeshme. Maqedonia e Veriut në qoftë se e zbaton do të jetë në mesin e vendeve të para në Evropë që do të përdorë këtë lloj të teknologjisë./KlanMacedonia

Ministria e Shëndetësisë ka njoftuar se brenda 24 orëve janë shënuar 72 raste të reja me koronavirus. Sipas një njoftimi të postuar në profilin zyrtar në Facebook të Ministrit Venko Filipçe, në Shkup janë regjistruar 14 raste të reja, në Kumanovë – 21, Tetovë – 12, Shtip – 1, Prilep – 9, Strugë – 1, Veles 1, Manastir – 2, Gostivar – 1, Radovish – 1, Krushevë – 2 dhe Koçanë – 7 raste të reja.

Me këtë numri I përgjithshëm I pacientëve të diagnostifikuar me COVID-19 sot kap shifrën e 555 personave.

Nga Klinika Infektive njoftojnë se pas dy testimeve kontrolluese që kanë rezultuar negativ, sot lëshohen 3 pacientë. Në këtë klinikë, sipas njoftimit, disa orë pas pranimit në spital, ka ndërruar jetë një 63 vjecar nga Llabunishta e Strugës. Me këtë numri I përgjithshëm I vdekjeve nga COVID-19 në vendin tonë shkon në 18.

Për momentin në Klinikën Infektive janë të shtruar 74 pacientë, 15 prej tyre me pasqyrë të rëndë klinike, 11 në ventilim mekanik, kurse pacientët tjerë janë në gjendje stabile.

Sipas vendbanimeve, raste me koronavirus janë regjistruar në Shkup – 235, Kumanovë, 114, Dibër – 49, Prilep – 33, Tetovë – 29, Strugë, 24, Shtip – 19, Koçanë – 14, Veles -10, Manastir – 6, Gostivar -4, Gjevgjeli – 4, Ohër – 3, Radovish – 3, Kavadar – 2, Strumicë – 2, Kriva Pallankë – 2, Krushevë – 2.

Nga Ministria e Shëndetësisë kanë rikujtuar se vendi hynë në fazën e re të menaxhimit të krizës me koronavirusin duke bërë thirrje që të respektohen masat e autoriteteve për qëndrim shtëpiak.

Në këtë fazë, thuhet në njoftimin e Ministrisë së Shëndetëisë, kompetentët janë të fokusuar në identifikimin e të infektuarëve dhe ndjekjen e procesit të vet-izolimit. Strategjia, sipas kësaj ministrie, paraqet kombinim të mjekimit spitalor dhe shtëpiak.

Njoftohet se 9.5% e pacientëve të infektuar janë punonjës shëndetësor, ose gjithsejt 52, prej të cilëve 34 janë infektuar në kushte spitalore dhe të ambulancës.

Nga Ministria e Shëndetësisë janë të kënaqur me testimet e kryera duke potencuar se në rajon, vetëm Sllovenia qëndron më mirë se vendi ynë. Po punohet që edhe laboratori I Akademisë së Shkencave dhe Arteve të Maqedonisë të kycet në sistemin e testimit./KlanMacedonia

Edhe gjatë ditës së sotme ndalimi i lëvizjes fillon nga ora 16:00 dhe do të zgjasë deri 05:00 të mëngjesit. Nga MPB njoftojnë se gjatë ditës së djeshme policët kanë kontrolluar personat që ndodhen në vetizolim dhe izolim dhe se vetëm një person nuk ka respektuar masat e vetizolimit. E një numër i konsiderueshëm nuk e kan respektuar ndalesën për lëvizje.

“Sa i përket ndalesës së lëvizjes gjatë 24 orëve është evidentuar se në gjithë shtetin 164 persona nuk e kanë respektuar ndalesën për lëvizje, me çka janë arrestuar 122 persona, ndërsa ndaj të tjerëve do të ndërmerren masa të tjera”, shprehen nga MPB.

Qyteti i kumanovës nga dita prejmte është në karantin. Gjatë orës policore këtë fundjavës në Kumanovë, janë regjistruar 14 shkelje të masës për ndalim lëvizjeje. Përveç kësaj, 12 persona u privuan nga liria, dhe 2 të tjerë janë denoncuar penalisht. Kufizimi i lëvizjes në territorin e Kumanovës vazhdon prej orës 21:00 të ditës së premte deri në orën 05:00 të datës 06.04.2020 (e hënë). Ministria e Brendshme u bën thirrje qytetarëve që të respektojnë ndalimin e lëvizjes, duke paralajmëruar se mosrespektimi do të sanksionohet në përputhje me nenet 205 dhe 206 të Kodit Penal./KlanMacedonia

Si pasojë e pandemisë covid 19 arsimi në vend zhvillohet online, ku sistemi arsimor ballafaqohet me shume sfida sa I perket realizimit të mësimit në këtë formë, por ministri I arsimit dhe shkencës Arbër Ademi thotë për REL se vendi ka arriturr rezultate edhe atë të mira gjatë këtij muaji.

Platforma online e sistemit arsimor tanimë është sistëm formal, dhe të gjithë që do ta kundërshtojnë këtë mënyrë për ta rumbullaksuar vitin do të ndiqen nga institucionet përkatëse si  inspektorati shtetëror I raportit, thotë ministri I arsismit Arbër Ademi, ai shton se rezultatet e marra deri më tani me këtë lloj të zhvillimit të mësimit janë inkurajuese.

Që nga fillimi I kësaj situate ne bëmë apel që institucionet arsimore të fillojnë mësimin online, hasëm në kundërshtime shaku se, sic apeluan, ky sistem nuk ka bazë ligjore, prandaj ne vendosëm rregullore, dhe tani mësimi online është sistem zyrtar I procesit arsimor dhe nuk është jozyrtar. Kemi edhe mekanizma të cilat I kontrollojnë shkollat për atë se si e zhvillojnë mësimin online dhe ka institucione përkatëse operative të cilat I ndjekin dhe ndërmarrin hapa konkret, inspektorati shtetëror I raportit ka parashtruar pyetësorë deri te mësimdhënësit dhe nxënësit dhe rezultatet e marra janë inkurajuese në nivel shtetëror.

Por jo të gjithë fëmijët kanë qasje në internet dhe kanë pajisje elektronike për ta ndjekur këtë formë të mësimdhënies, për këtë cështje Ademi thotë se kanë dërguar nëpër shkolla kërkesa për lista për nevojat e nxënësve të cilët nuk kanë qasje në internet dhe nuk kanë pajisje, për ti siguruar ministria me të njejtat, por sic thotë ai nuk ka shumë nxënës që kanë nevoja të këtilla.

Ne me kolegun, ministrin Mancevski do të ndajmë vaucerë për të gjitha familjet e nxënësve të cilët nuk kanë qasje në internet, dhe nuk kanë të ardhura për ta realizuar të njëjtën, sa I përket pajisjes elektronike, shumica e fëmijëve ose prindërve të tyre kanë mesiguri një pajisje që lidhet me internet, për ata të paktit që nuk kanë, me sinqeritet thom se me një sumë simbolike mund të pajisen me një telefon ose të ngjajshme, nuk  shoh se kemi problem në këtë sferë, edhe pse jemi në komunikim e sipër me donatorë potencial nga sektori I biznesit të cilët duan ti ndihmojnë familjet që kanë kësi lloj problemesh.

Ministri I arsimit dhe shkencës Arbër Ademi shpjegoi edhe format të cilat janë ofruar për ta zhvilluar mësimdhënien në kohë të pandemisë, ajo e rregullta ku nxënësit dhe mësimdhënësit kanë interaktivitet dhe kontakt të ndërsjellë në kohë reale, është forma zyrtare, ligjore e zhvillimit të mësimit për momentitn, nëpërmjet aplokacioneve ose platformave të ndryshme online, por edhe hapësira 2 orë e gjysmë në televizionet shtetërore ku jepen ligjerata nga mësues e quajtur TV klasa, si dhe platformën nacionale të arsimit E-klasa ose klasa online si opsion alternative./REL&KlanMaceonia

PËRGJIGJET DR.ILIR DEMIRI – KLINIKA INFEKTIVE NË SHKUP

Në përpjekje për të qenë sa më të mirinformuar për pandeminë e koronavirusit, të hënën, në pjesë e dytë të emisionit Klan Debat, keni mundësinësi që të bashkëbisedoni me dr Ilir Demirin, specialist i sëmundjeve ngjitëse në Klinikën Infektive në Shkup.

Pyetjet që lidhen me virusin COVID-19, por dhe me sëmundje të tjera infektive mund t’i dërgoni në adresën e mëposhtme:

klandebatmc@gmail.com

Mos harroni, përgjigjet i merrni drejtpërdrejt nga dr Ilir Demiri, të hënën, pas orës 21, në emisionin Klan Debat të Seladin Xhezairit.   

Gjatë 24 orëve të fundit janë konfirmuar 53 raste të reja me koronavirus. Numri I përgjithshëm I të diagnostifikuarve shkon në 483 – ka njoftuar Ministri I Shëndetësisë Venko Filipche në profilin e tij në Facebook.

Ministria e Shëndetësisë ka njoftuar se në Klinikën për Sëmundje Infektive në Shkup kanë ndërruar jetë dy pacientë të prekur nga koronavirusi, një grua 71 vjecare nga Labunishti I Strugës dhe një burrë I moshës 77-vjecare nga Kumanova që ishin shtruar në spital në gjendje të rëndë shëndetësore.

Instituti për Shëndet Publik ka njoftuar edhe për dy raste tjera të vdekjeve. Një banor I Velesit ka ndërruar jetë para disa ditëve, kurse rezultati I tij pozitiv është dësmuar postmortem si dhe një shtetas I huaj që kishte jetuar në Shkup katër muaj.

Ministria e Shëndetësisë rikujton se pacienti nga Kumanova që ndërroi jetë më 2 Prill në Klinikën Infektive, rezultati pozitiv I të cilit ishte konfirmuar dje pasdite, në statistikën e ISHP-së do të evidentohet në raportin e sotëm.

Me këtë, në statistikën e sotme janë evidentuar 5 raste të vdekjeve.

Për momentin në Klinikën Infektive janë shtruar 61 pacientë, prej tyre 11 janë në ventilim mekanik.

Brenda 24 orëve janë regjistruar 53 raste të reja me koronavirus. Në Shkup – 13, Kumanovë – 8, Shtip – 5, Prilep – 2, Strugë – 14, Tetovë -2, Veles – 1, Gostivar – 2 dhe Koçanë – 6 raste.

Gjatë 24 orëve janë bërë 414 testime. Gjithsejt janë kryer 4920 testime për COVID-19, njoftojnë nga Ministria e Shëndetësisë./Klanmacedonia

Gjithsej 2,207 shtetas janë kthyer në Maqedoninë e Veriut nga vendet ku ishin bllokuar për shkak të krizës që e solli virusi korona.

Ministri I Jashtëm Nikola Dimitrov ka njoftuar se me të ashtuquajtura fluturime humanitare dhe karvane në vend janë kthyer 2207 shtetas të Maqedonisë së Veriut. “Për këtë operacion nuk kemi përvoja paraprake, e as që kemi njerëz të mjaftueshëm nëpër ambasada dhe konsulatet. Kemi suksese të mëdha, por bëjmë edhe gabime. Marrim mesazhe të ndryshme, nga falënderimet e deri tek nervozizmi” – ka shkruar në Tuitter Ministri I Jashtëm Nikola Dimitrov.

Nga Ministria e Punëve të Jashtme, e cila organizon kthimin e qytetarëve, njoftojnë se me fluturimet e realizuara deri më tani nga La Valeta, Zagrebi, Lublana, Vjena, Baseli, Mynihu, si dhe dy fluturime nga Berlini dhe Këln/Bon, në vend janë kthyer 1.445 qytetarë.

Përmes tre karvanëve humanitare me autobusë dhe automobila nga Mali i Zi, Turqia dhe Sllovenia është siguruar kthimi i 150 qytetarëve. Me ndërmjetësinë e Austrisë dhe Portugalisë, 11 shtetas të vendit janë kthyer nga Peruja.

Pas shpërthimit të pandemisë të gjitha vendkalimet kufitare në vend u mbyllën më 16 mars, ndërsa më 18 mars u mbyll edhe aeroporti ndërkombëtar në Shkup. Pas kthimit në vend të gjithë udhëtarët dërgohen në karantinë shtetërore./Klanmacedonia