Të ndryshme

Mira Rakacolli, Zv/Ministre e Shëndetësisë, ka bërë me dije se në 24 orët e fundit në Shqipëri janë konfirmuar 23 raste të reja me COVID-19 dhe janë kryer 111 testime. Deri në këto momente janë testuar 1041 raste të dyshuara dhe prej tyre janë të konfirmuar pozitivë me COVID-19, 146 qytetarë. Harta e të prekurve nga COVID-19 është shtrirë tashmë edhe në Krujë dhe zgjerohet në Tiranë, Korçë, Fier, Durrës, Lezhë, përveç rasteve të zbuluar për të cilat po kryhet hetimi epidemiologjik dhe ku po punohet me shumë intesitet nga epidemiologët për gjurmimin e kontakteve të rasteve pozitive dhe ndërprerjen e zinxhirit të transmetimit të infeksionit.

Shpërndarja gjeografike e rasteve pozitive, është si vijon:
• Tiranë 83 qytetarë
• Durrës 9 qytetarë
• Lushnje 4 qytetarë
• Elbasan 3 qytetarë
• Fier 14 qytetarë
• Rrogozhinë 2 qytetarë
• Kavajë 4 qytetarë
• Korçë 11 qytetarë
• Vlorë 5 qytetarë
• Shkodër 3 qytetarë
• Lezhe 4 qytetarë
• Berat 1 qytetarë
• Has 2 qytetarë
• Krujë 1 qytetar

“Ju informojmë se në spitalin Infektiv ndodhen aktualisht 72 pacientë të shtruar, 4 prej tyre janë në terapi intensive (3 pacientë janë të intubuar në gjenje të rëndë). Ndërsa pjesa tjetër e të shtruarve në pavion janë në gjendje të stabilizuar deri në këto momente.

Lajmi i mirë është se 17 qytetarë deri në këto momente janë shëruar (të shtruar dhe të vetëizoluar) pas dy testeve të kryera. Por ata duhet të qëndrojnë në vetëkarantinim për 14 ditë”, u shpreh Rakacolli.

Ministria e Shëndetësisë dhe Mbrojtjes Sociale apelon qytetarët që të mos shkojnë menjëherë në spital!

“Ministria ka vënë në dispozicion një linjë të gjelbër FALAS 0800 40 40 për çdo qytetar që kërkon informacion apo këshilla në lidhje me COVID-19. Kjo linjë do të shërbejë edhe për pacientët kronikë që të marrin informacion se si të lidhen me mjekun e familjes, se si mund të përfitojnë barnat me rimbursim dhe për çdo shqetësim tjetër që ata kanë.

Por është e rëndësishme të sqarohet se: Nëse qytetarët kanë shenja të sëmundjes dhe për rastet e urgjencave duhet të telefonohet numri unik i urgjencës kombëtare 127!” /tvklan.al

Situata politike në Kosovë ka dominuar atë të  pandemisë së koronavirusit me të cilën po përballet e gjithë bota përfshirë edhe Kosovën.

Përhapja e mëtejshme e koronavirusit ka bërë që shumë aktivitete kulturore të shtyhen duke përfshirë xhirimet e filmave, festivalet e mëdha apo edhe shumë turne muzikorë. Po ashtu, edhe xhirimet e reja të serialit Friends janë shtyrë për shkak të epidemisë. Lajmin e ka bërë të ditur gjigandi i filmave HBO MAX.

Sipas kompanisë, ato ishin planifikuar për t’u realizuar gjatë javës së ardhshme, por përhapja e epidemisë ka bërë që organizatorët të marrin këtë vendim. Ende mbetet e paqartë edhe pjesa se kur do të fillojë seriali. Më herët ishin kasti i aktorëve Jennifer Aniston, Courteney Cox, Lisa Kudrow, Matthew Perry, David Schwimmer dhe Matt LeBlanc, të cilët njoftuan ribashkimin e tyre.

Friends është një seri televizive amerikane e krijuar nga David Crane dhe Marta Kauffman. Transmetimet filluan nga viti 1994 deri në 2004, duke zgjatur me 10 sezone. Seriali konsiderohet si një nga shfaqjet më të njohura të të gjitha kohërave.

Klan Plus

Tërmeti i fuqishëm prej 5,3 ballë ka goditur Kroacinë, dhe ka shkaktuar dëme materiale në kryeqytet. Epiqendra ka qenë 7 kilometra larg Zagrebit.
Fillimisht ishte raportuar se një 15 vjeçar ka ndërruar jetë, e më pas autoritetet e kanë demantuar lajmin, por kanë konfirmuar se ai po lufton për jetë.

Rrjeti sociale twitter ka nisur një kampanjë kundër shpërndarjes së COVID-19, nën moton “Do the five” apo “Bëje pesën”, ku rekomandon 5 masa që parandalojnë shpërndarjen e virusit.

1. Laji duart
2. Teshtitë në bërryl
3. Mos e prek fytyrën
4. Qëndro më larg se 1 metër nga të tjerët
5. Qëndro në shtëpi nëse nuk ndjehesh mirë

QINDRA MASKA TË QEPURA NË ATELIENË E FAMILJES ILJAZI

Në këto ditë kur qytetarët ballafaqohen me mungesën e maskave ose rritjen e çmimit të tyre, familja 5 anëtarëshe Iljazi nga Tetova po jep kontributin për të furnizuar qytetarët me maska që qepen nga kjo familje. Çdo ditë rreth 300 maska shumë përdorimshe do të ndahen për qytetarët.

‘Ideja për krijimin e këtyre maskave ndodhi spontanisht në familjen tonë, duke parë se kërkesat janë shumë të mëdhaja për maskat. Maskat janë të punuara nga material pambuku 100%, të cilat janë të punuara me dy shtresa, dhe në mes kanë një xhep në të cilin mund të vendojmë faculeta të lagura ose të thata, për një mbrojtje sa më të mirë, gjithashtu desha ta ceki që këto maska në fund të ditës lahen dhe përsëri të nesërmen mund të përdoren.’ –shprehet stilistja Kreshnike Iljazi.

Nga kjo familje u bëjnë thirrje të gjithë qytetarëve të cilët kanë nevojë në këtë kohë pandemie për maska mbrojtëse, të drejtohen në atelienë e tyre.

‘Kërkesa është shumë e madhe, dhe ne si familje do të mundohemi sa më shumë që çdo ditë të dhurojmë maska falas. Të gjithë qytetarët të cilët kanë nevojë dhe nuk mund t’i gjejnë apo t’i blejnë, ne do të jemi të gatshëm që çdo ditë të kenë maska falas, derën e kanë të hapur kur të duan të vijnë.’ deklarpoi stilistja Kreshnike Iljazi.

Atelia e Familjes Iljazi ndodhet në Tetovë, në rrugën e butiqeve, përballë ish-Radio Tetovës. /Blerona Jakupi/

DILEMA RRETH SHPALLJES SË GJENDJES SË JASHTËZAKONSHME

Liderët e partive parlamentare arritën konsensus rreth anulimit të zgjedhjeve të 12 prillit, por nuk arritën të merren vesh se a do të shpallet gjendja e jashtëzakonshme apo jo.

“Aty është e përcaktuar se kur duhet të shpallet gjendje e jashtëzakonshme… Kur ka epidemi!? Jo që ka epidemi, por ka pandemi. Tani kur ka pandemi në nivel botëror, dhe epidemi në nivel shtetëror nuk ka përse të shpallet.”-tha kryetari i LSDM-së Zoran Zaev.

Zaev konsideron se do të ishte e papërgjegjshme nëse nuk shpallet gjendje e jashtëzakonshme, e kryetari i opozitës është më i kujdesshëm.  E opozita e ka kundërshtuar, por lë hapësirë që për këtë të vendosin ekspertët, që pritet të takohen me Presidentin sot.

“Ajo që është e rëndësishme që të ceket është se Kushtetuta parashikon gjendje të jashtëzakonshme, e nuk parashikon gjendje krize, por njësoj e rëndësishme është se gjendja e jashtëzakonshme nuk është e rregulluar me ligj… E nga ana tjetër ekziston ligj për menaxhimin me kriza dhe ai në të kaluarën është aplikuar.”- shprehet kryetari i VMRO DPMNE-së.

Opozita kundërshtoi edhe rikthimin e Kuvendit, sepse cilëson se është anti-kushtetuese, e PDSH-së nuk iu dok serioz formati i takimit dhe u larguan më herët.

Ibrahimi nuk u ndal të përgjigjet në pyetjet e gazetarëve se kush duhej ti përfaqëson shqiptarët në këtë takim, ku ishte i shoqëruar edhe nga Sela, Gashi dhe Kasami. /Furkan Saliu/

AHMETI: NA DUHET FITORE NDAJ VIRUSIT, E JO FITORE NË ZGJEDHJE

VMRO DPMNE do të kërkojë takim liderësh, ku temë do të jetë anulimi i zgjedhjeve. Kryetari i opozitës, Hristijan Mickoski, tha se zgjedhjet mund të ndikojnë në përhapjen e virusit dhe rrezik shtesë për qytetarët.

“Unë në këto momente pa asnjë hamendej e zgjedh interesin e shtetit dhe të qytetarëve, dhe për këtë shkak sot në mëngjes kërkova takim liderësh tek Presidenti, ku pika e rendit të ditës do të ishte anulimi i zgjedhjeve parlamentare, me qëllim mbrojtjen e shëndetit të qytetarëve.”-deklaroi Hristijan Mickoski, kryetar i VMRO DPMNE-së.
Edhe partia në pushtet e përkrah këtë qëndrim të opozitës. Ata që mbrëmë kanë sjellë vendim në kryesi që të kërkohet anulimi i zgjedhjeve.

“Një vendim të tillë të gjithë ne së bashku do duhet ta sjellim. Ne sot si parti më e madhe në pushtet e rekomandojnë. Por kur përcaktoheni për këto vendime, duhet ta keni parasysh edhe se çfarë do të ndodhë nëse kriza përfundon më herët, dhe cilat do të jenë pasojat ndaj ekonomisë nga anulimi i zgjedhjeve.” –shprehet kryetari i LSDM-së Zoran Zaev.

Zaev shpreson që të gjithë partitë do të dakordohen për datën e re të zgjedhjeve. Kreu i BDI-së në një kumtesë me shkriM iu adresua opinionit. Na duhet fitore ndaj virusit, e jo fitore në zgjedhje ka shkruar ai. /Furkan Saliu/

MËNYRA KREATIVE TË PROCESIT EDUKATIVO-ARSIMOR

Tashmë po bëhet një javë që kur klasat janë të zbrazura… Megjithatë mësimi në distancë ka bërë që klasat online të jenë plot…

Me vetiniciativë edhe mësuesja Arbresha nga Gostivari i takon çdo ditë online nxënësit e sajë për të ju ndarë detyrat. Sipas saj falë bashkëpunimit me prindërit ia dalin që të vazhdojnë procesin arsimor në mënyrë mjaft kreative dhe interesante për fëmijët.

Ndërkaq edhe mësuesi Satki nga Tetova shfrytëzon platformat online për të ligjeruar njësitë mësimore për nxënësit e tij. Prindërit shprehen se fëmijët janë të entuziazmuar dhe shumë të vëmendshëm në mësimin digjital.

Fëmijët shprehen se forma e re online e mësimit është mjaft kreative.

Në rekomandimet e Ministrisë së Arsimit dhe Shkencës për shkak të virusit korona është pezulluar tash e një javë mësimin duke ofruar një listë falas për shfrytëzimin e platformave digjitale dhe aplikacioneve me përmbajtje edukative për gjithë të rinjtë. Nga ana tjetër, edhe në servisin publik nga Dita e sotme ka filluar programi TV KLASA. /Klan Macedonia/