close

Vendi

Top LajmeVendi

AKSIDENTI TRAGJIK: TRE PACIENTË NË SPITALIN “8 SHTATORI” JANË NË GJENDJE KRITIKE

Spitali-8-Shtatori-780×439

Ministria e Shëndetësisë nëpërmjet një komunikate e tregon gjendjen shëndetësore të personave që ndodhen në spital nga aksidenti tragjik në autostradën Shkup-Tetovë në të cilën humbën jetën 15 persona.

Në Spitalin e përgjithshëm të qytetit “8 Shtatori” janë hospitalizuar  18 pacientë, ndërsa tre prej tyre janë në gjendje kritike. Në gjendje stabile shëndetësore janë 15 pacientë  të tjerë  dhe po shërohen nga lëndimet  në aksidentin e rëndë  që ndodhi  të mërkurën në autostradën Shkup-Tetovë në Llaskarcë. Njëri pacient dje është lëshuar për shërim në shtëpi, kumtoi Ministria e Shëndetësisë.

“Për momentin, në Spitalin Shtetëror “8 Shtatori” janë të hospitalizuar 18 pacientë. Tre prej tyre gjenden në gjendje kritike, ndërkaq 15 të tjerët janë në gjendje të rregullt shëndetësore dhe po kurohen. Një pacient dje është lëshuar për mjekim shtëpiak”, informojnë nga Ministria e Shëndetësisë.

Ata gjithashtu thonë se në Klinikën e Shkupit ndodhen 6 pacientë, prej të cilëve 3 janë në Klinikën për Anestezion, Reanimin dhe Mjekim Intensiv – dy prej tyre janë në gjendje stabile. Pacienti i cili është i hospitalizuar në Klinikën për Kirurgji Torakale dhe pacientja (shtatzënë) e cila gjendet në Klinikën e Gjinekologjisë, gjithashtu janë në gjendje shëndetësore stabile.

“Për momentin po kryhet operacion i pacientes në Neurokirurgji. Pacientja e cila gjendet në Spitalin e Tetovës është në gjendje stabile dhe gjendje të mirë shëndetësore”,shtojnë nga Ministria e Shëndetësisë.

Ndryshe, autobusi i kompanisë “Durmo Turs” nga Gostivari, më 13.02.19 reth orës 17 i vozitur nga M.T (49) ka humbur kontrollin dhe ka kaluar mburojën e hekurt në anën e kundërt të autostradës Tetovë – Shkup, më pas ka dalë nga rruga dhe është rrokullisur në hendek në afërsi të fshatit Llaskarcë. Numri i viktimave ka arritur në 15, ndërsa 38 persona të tjerë u shtruan nëpër spitale pas lëndimeve që kanë marrë nga aksidenti. /Klan Maqedoni/

 

 

read more
Top LajmeVendi

UT: SHËNOHET 24 VJETORI I LIGJËRATAVE TË PARA

Screenshot_3

Çeliku: Kuadrot e këtij universiteti jetike për shoqërinë


Nën patronatin e Rektorit të Universitetit të Tetovës Vullnet Ameti, u organizua akademi përkujtimore kushtuar 24 vjetorit të themelimit të Universtitetit të Tetovës, ku u bënë homazhe tek busti i Abdilselam Eminit, rektorit të parë Fadil Sulejmani, si dhe tek muzeu i Universitetit.

24 vite universitet, ku janë dhënë kuadro, të cilat i ecin proceset politike, shoqërore, si dhe proceset e tjera jetike për shoqërinë, kështu u shpreh Arbër Çeliku Pro Rektor për Çështjet Evropiane në Universitetin e Tetovës.

Themelimi i Universitetit të Tetovës dhe fillimi i ligjeratave të para janë disa nga ngjarjet më të rëndësishme të shqiptarëve të Republikës së Maqedonisë së Veriut.  Çështja e ligjeratave të para nuk ka qenë një proces i Ieht, por një proces i përcjellur me shumë sfida dhe vështirësi theksoi Profesori Universitar Jusuf Zendeli. Ai shtoi se më në fund u arrit që të zhvillohet procesi i këtyre ligjeratave të para në vitin 1995.

Në shenjë mirënjohje dhe respekti si çdo vit edhe sot u bënë homazhe tek busti i Abdylselam Eminit, varri i Fadil Sulejmanit si dhe tek muzeu i Universitetit të Tetovës. /Lindita Aliu/

 

 

read more
Top LajmeVendi

SHERIFI: PAVARËSIA KOSOVËN E GJENË ME BATICA DHE ZBATICA

Screenshot_2

Statusi politik dhe juridik i shqiptarëve të Kosovës, avancimi i kushtetutës, rrjedhoja e demostratave si dhe fazat kulminate të Kosovës janë disa nga temat që u diskutuan në programin e mëngjesit Happy Day me profesorin Universitar Isak Sherifi.

Profesori Universitar Isak Sherifi në programin Happy Day potencoi që statusi politik dhe juridik i shqiptarëve të Kosovës ka sjell avancimin me kushtetutën në vitin 1974. Me këtë rast Kosova fiton një status politik dhe juridik më të favorshëm i cila erdhi si rrjedhojë e demostratave të vititn 1968.  Sipas tij faza kulminante janë vitet 1988/89.

Sipas Sherifit, më 17 Shkurt të 2008-tës Kosova kaloi fazën e një procesi më të rend, por tani është aktualizuar, dhe jemi dëshmitar të kohës. Ndërsa ky 11 vjetor Kosovën e gjenë me shumë batica dhe zbatica.

Ndryshe këtë vit Kosova shënon 11 vjetorin e pavarësisë, por edhe rajoni, Evropa shënojnë gjithashtu edhe 30 vjetorin e rënies së murit të Berlinit, faktikisht fillimi i tranzicionit politik në hapësirat më të mëdha gjeografike. /Lindita Aliu/

 

 

read more
Top LajmeVendi

ÇËSHTJA VLLEHE NË MAQEDONI?!

2-19

Minov: Niveli i integrimit të vllehve lë për të dëshiruar


A ka strategji dhe interesim të mjaftueshëm te shkencëtarët për çështjen vllehe në Maqedoni?!Mbrojtja e trashëgimisë kulturore në veçanti tek bashkësitë e margjinalizuara dhe më të vogla është nxitje për një numër të madh shkencëtarësh evropianë, por edhe botërorë. Vllehët veçanërisht janë në fokusin e historianit polak Jedrzhej Paskijeviç edhe të profesorit të fakultetit Filozofik Nikola Minov.

Integrimi i vllehve në Ballkan, por edhe në Evropë, po bëhet gjithnjë e më aktual gjatë disa viteve të fundit. Bashkimi Evropian përmes programeve dhe strategjive të ndryshme nxit interesimin për mbrojtjen e trashëgimisë kulturore, por edhe për integrimin e bashkësive më të vogla etnike.  Profesorit Nikolla Minov pjesëmarrja në një numër të madh konferencavsh shkencore ndërkombëtare, por edhe përvojave me antropolog, etnolog dhe historianë të universiteteve prestigjioze botërore, i jep shpresë se edhe tek ne do të aktualizohet kjo çështje sepse, siç thotë ai, niveli i integrimit të vllehve në Maqedoni lë për të dëshiruar.

“Atë që ma kanë thënë të gjithë papërjashtim është se te ata ekziston kërshëria shkencore, por thonë se ju jeni popull që po e humb gjuhën e vet, popull që po zhduket dhe ne si historianë perëndimorë evropianë duam që të lëmë gjurmë nëse ju vetë nuk e bëni këtë… madje këtu kemi edhe plane vjetore evropiane të Bashkimit Evropian, për shembull tani ajo që është në fokus të interesimit sivjet dhe vitin e ardhshëm, është trashëgimia kulturore për çka evropianët nuk do të kursejnë para.” – shprehet Profesori Nikolla Minov.

Gjatë javës kushtuar sfidave të shkencës që e organizoi Fakulteti Filozofik në Shkup ku ishin të pranishëm profesorë nga Polonia, Serbia, Franca, Lituania, Bullgaria…biseduam me profesorin Jedrzhej Paskijeviç të Institutit të shkencave historike, i cili thkesoi se në Poloni nuk ka vllehë, por ne kemi një varg projektesh që kanë të bëjnë me integrimin e vllehve si në Ballkan ashtu edhe në tërë Evropën, me theks të veçantë në Maqedoni.

“…Ka të bëjë me të tanishmen, të shkuarën, por edhe me integrimin e vllehve në shtete të ndryshme të Evropës. Maqedonia për ne ka rëndësi të veçant dhe është lëndë e interesimit tonë, sepse lidhshmëria e vllehve me Maqedoninë edhe sot edhe në të shkuarën është shumë e madhe… poashtu edhe vllehet që jetojnë në Greqi, Serbi, Bosnjë Hercegovinë.” –deklaroi Jedrzhej Paskijeviç i Institutit të Shkencave Historike.

Sipas profesor Minovit problem më i madh është mostrashëgimia e kulturës, traditës dhe gjuhës tek gjeneratat e reja. Ka martesa të përziera, ku gjeneratat e reja e humbin interesimin për të mësuar gjuhen vllehe. Përndryshe vllehet në Maqedoni me kushtetutë janë pranuar si bashkësi pakicë, ndërsa sipas të dhënave të fundit rreth 9.700 ose 0,5 për qind vllehë jetojnë në Maqedoni dhe më shumë janë të vendosur në Krushevë, Shtip, Manastir dhe Shkup. /Verica Dimitrievska/

 

read more
Top LajmeVendi

FESTIVALI I FILMIT NË BERLIN

880x495_cmsv2_a8a8da6a-802c-5dd7-a3b9-bd2111864194-3674486

Shpërblehen filma me përmbatje politike dhe sociale


Kryetari i jurisë së festivalit të filmit në Berlin, Zhyliet Binosh mbrëmë ia ndau shpërblimin kryesor regjisorit izraelit, Nadav Lapidit për filmin “Sinonimet”.

Filmi rrëfen për një ish-luftëtar izraelit i cili përpiqet të fsheh prejardhjen e tij pasi shpërngulet në Francë. Bëhet fjalë për përvojën personale të regjisorit Lapid dhe për hulumtimin e konceptit të identitetit kombëtar dhe kulturor.

“E vetmja punë që më intereson është e vërteta momentale: të shkohet sa më thellë në momentin e pikërishëm, dhe ne kemi vepruar në këtë mënyrë, thotë Lapid.

Shpërblimi ‘Arusha e Argjentë’ nga juria e festivalit iu nda regjisorit francez Fransua Ozon për filmin e tij “Grace a dieu”. Ky është një rrëfim i vërtetë i keqtrajtimit të fëmijëve nga ana e murgjëve të kishës katolike franceze. Bëhet fjalë për reagimin e një shoqate për viktimat e keqtrajtimit, pasi estabilishmenti katolik është përpjekur ta fsheh të vërtetën për atë që murgjët vite me radhë e kanë bërë.

“Është e komplikuar, do të mendoja dy herë se a do ta bëja këtë përsëri. Sepse kishte rezistencë të madhe, shumë reagime të dhunshme nga njerëzit të cilët nuk duan që ky film të shfaqet. Kjo është një betejë e pandërprerë edhepse nuk është fare e njëjtë me atë që kanë përjetuar viktimat e vërteta”

Shpërblimin si aktore më e mirë e mori Kong Mei, ndërsa për aktor më të mirë u shpall Vang Xhingçun, për rolin në filmin ”Lamtumirë bir” të regjisorit kinez Ksao -Shuai. Bëhet fjalë për një çift bashkëshortor jeta e të cilit shndërrohet në përditshmëri të trishtë pas humbjes së djalit të vetëm.

Kritikët e filmit vlerësojnë se festivali i sivjetëm i filmit kaloi në shenjën e veprave me përmbajtje politike dhe sociale, të autorëve të fuqishëm dhe të përkushtuar, veprat e të cilëve nuk janë vetëm argëtim.

Filmi i Maqedonisë “Zoti ekziston, emrin e ka Petrunia” i Teona Strugar Mitevskës, i mori shpërblimet e jurisë egumenike dhe të shoqatës së kinemave gjermane për filma autorialë, shpërblime paralele këto me berlinalen të cilat i ndajnë juritë e pavarura. /Biljana Georgievska/

 

read more
Top LajmeVendi

ZAEV: PËR NJË PRESIDENT TË PRANUESHËM NGA TË GJITHË

47544494_303

Nuk ka ndryshim kufijsh – jemi në NATO


Në një intervistë dhënë radios Deutsche Welle, kryeministri i Maqedonisë së Veriut, Zoran Zaev, ka theksuar se pas zgjidhjes së problemit të emrit me Greqinë, tani mbeten çështja e Kosovës dhe Bosnjës si problemet që duhen zgjidhur. Zaev me këtë rast ka bërë të ditur se angazhohet që në zgjedhjet presidenciale të dilet me një kandidat i cili do të jetë i pranueshëm për të gjithë. Kryeministri ka paralajmëruar se të hënën për këtë do të bisedojë edhe me kreun e BDI-së, Ali Ahmeti, por edhe partitë e tjera shqiptare nga opozita:

Pas nominimit të profesoreshës Gordana Siljanovska Davkova kandidate e VMRO-DPMNE-së opozitare për zgjedhjet presidenciale të 21 prillit, kryeministri Zoran Zaev ka konfirmuar njoftimin e paradoditshëm të TV Klan se fillim-javën e ardhshme do të dihet edhe emri, prapa të cilit pritet të qëndrojë koalicioni qeverisës i përbërë nga socialdemokratët e tij dhe integristët e Ali Ahmetit. Në një intervistë dhënë Dojçe Veles, në Mynih, ku ka marrë pjesë në Konferencën ndërkombëtare për çështje të sigurisë, Zaev ka dhënë më shumë hollësi për këtë takim të pritshëm, por ka komentuar edhe mundësinë e arritjes së një marrëveshjeje mes Kosovës e Serbisë.

‘Të dielën kam takim me të gjithë partnerët e koalicionit që tradicionalisht janë me ne. Të hënën kemi bisedime me BDI-në në të cilat besoj se do të gjejmë zgjidhjen e përbashkët ose disa zgjidhje të përbashkëta, për shkak se dëshirojmë që edhe partitë e tjera të japin kontributin e tyre, pastaj kemi bisedime edhe me një, më pas edhe me dy parti të tjera shqiptare nga opozita. Besoj se do të bashkohemi më shumë parti politike për të qëndruarar prapa emrit të vërtetë që do të ketë shanse për të ngadhnjyer, por edhe që të jetë president më i mirë për vendin tonë,’ – ka deklaruar kryeministri Zoran Zaev në intervistën dhënë Dojçe Veles.

Me këtë rast kryeministri i Maqedonisë së Veriut është deklaruar edhe për dialogun aktualisht të ndërprerë dhe gjasët për arritjen e një marrëveshjeje Kosovë-Serbi, fillimisht për caktimin e vijës kufitare e që më pas do të çonte edhe në normalizimin e plotë të marrëdhënieve dypalëshe. Duke thënë se mbështet çfarëdo marrëveshjeje që do të çojë përpara bashkëpunimin rajonal, do të garantojë paqen dhe do të avancojë axhendën e përbashkët të integrimit në Bashkimin Evropian, Zaev i është përgjigjur kështu pyetjes se ‘në rast të korrigjimit të kufirit serbo-kosovar, mund të dalë dikush që të kërkojë edhe ndryshim kufiri edhe në Republikën e Maqedonisë së Veriut’:

‘Tani vetëm mund të ëndërrojnë të ndryshojnë kufij të Maqedonisë së Veriut. Ne jemi anëtar i NATO-s. Nuk ka ndryshim kufijsh në Maqedoni!’– ka deklaruar kryeministri Zaev nga Mynihu ku mori pjesë në Konferencën ndërkombëtare për çështje të sigurisë. /Seladin Xhezairi/

 

read more
Vendi

PËRKUJTOHET ABDILAQIM ADEMI NË NJË VJETORIN E VDEKJES

Screenshot_5

Si sot 1 vjet më parë u nda nga jeta ish ministri dhe funksionari i lartë I BDI-së Abdilaqim Ademi. Përfaqësues të lartë politikë kanë nderuar figurën e tij duke bërë homazhe në varrin e tij.


Është përkujtuar në 1 vjetorin e ndarjes nga jeta ish ministri dhe funksionari i lartë i BDI-së Abdilaqim Ademi. Në varrezat e fshatit Shemshovë ku pushon i ndjeri Ademi, figura të njohura të skenës politike por jo vetëm, bën homazhe për nder të figurës së tij.
Në këtë 1 vjetor, Abdilaqim Ademi përveç se ka munguar në familje, ai i ka munguar Shemshovës dhe skenës politike, deklaruan kështu familjarët e të afërmit.

Ndryshe, Ademi u nda nga jeta më 16 shkurt të 2018 si pasojë e një sëmundjeje të rëndë. Ai ishte njëri nga themeluesit e BDI-së. Ademi  ishte nënkryetar për zbatimin e Marrëveshjes së Ohrit në Qeverinë e Maqedonisë që nga viti 2008 , Ministër i Mjedisit dhe Planifikimit Hapësinor nga  2011 deri më 2014 dhe Ministër i Arsimit dhe Shkencës në periudhën prej 20 qershorit të 2014 deri më 16 janar 2016./Blerona Jakupi/KlanM

read more
Top LajmeVendi

MPB: PARANDALOHEN SULME TERRORISTE

mkd-390706

Ministria e Punëve të Brendshme e Maqedonisë së Veriut përmes një komunikate ka njoftuar për parandalimin e sulmeve terroriste në disa zona të vendit. Tash për tash Detaje mbi të arrestuar të mundshëm nga aksionet e realizuara nuk u dhanë nga ana e policisë.


Sipas një komunikate mbrëmë vonë të MPB-së thuhet se policia ndërmori masa operativo-teknike dhe bastisje në disa lokacione lidhur me plane dhe qëllime potenciale për kryerje të aktit terrorist në territorin e vendit nga ana e pjesëtarëve të strukturave radikale mbështetës të organizatës terroriste ISIS.

“Ministria e Punëve të Brendshme, pas njohurive operative të këmbyera paraprakisht me një vend partner, lidhur me plane dhe qëllime potenciale për kryerje të aktit terrorist në territorin e Republikës së Maqedonisë së Veriut nga ana e pjesëtarëve të strukturave radikale mbështetëse të SHI-së, zbatoi masa operativo-teknike me qëllim të identifikimit të organizuesve të mundshëm dhe kryerësve potencial të sulmit. Me qëllim të pengimit të sulmit terrorist dhe realizimit të funksionit preventiv, Ministria e Punëve të Brendshme përpunoi plan të masave dhe aktiviteteve, për çka siguroi urdhëra adekuate për zbatimin e tyre”, informojnë nga MPB.

Një orë pas komunikatës së MPB-së, ambasada e SHBA-ve në Shkup dërgoi paralajmërim sigurie dhe kujdesi për shtetasit amerikan që janë në Maqedoni

“Organizatat terroriste dhe individë të inspiruar nga ideologji terroriste janë të vendosur të sulmojnë civil, përfshirë edhe shtetasit amerikan jashtë vendit. Terroristët po shfrytëzojnë metoda më pak të sofistikuara për të kryer sulme në vende publike, si me pistoleta, automjete dhe armë të ftohta. Sulmet terroriste dhe incidentet e tjera të sigurisë shpesh ndodhin pa asnjë paralajmërim, ndërsa shtetasit e SHBA-së inkurajohen që të mbajnë nivel të lartë të gatishmërisë”,

Ndryshe , dje pasdite Zjarrfikësit e Shkupit ishin thirrur të intervenojnë në ambasadën e SHBA-së në Shkup. Por, pas kontrolleve është konstatuar se bëhet fjalë për alarm të rrejshëm, pasi gabimisht është kycur alarmi kundër zjarrit. Nuk dihet nëse rasti është I ndërlidhur me komunikatën e MPB-së, ku thuhet, se në bashkëpunim me nëj vend partner, është parandaluar një sulm terrorist nga ana e Shtetit Islamik./KlanM

read more
Top LajmeVendi

SHKON NË 15 NUMRI I VIKTIMAVE NGA AKSIDENTI TRAGJIK

auto_unnamed_961550089503

Gjatë natës ka ndërruar jetë edhe një pacient i cili kishte qenë në gjendje kritike ditëve të kaluara. Bëhet fjalë për një 40 vjecar i cili ka pasur probleme me frymëmarrjen – kanë konfirmuar nga Qendra e Urgjencës në Shkup. Me këtë numri i viktimave nga aksidenti tragjik në autostradën Shkup-Tetovë është rritur në 15. Të lënduarit tjerë edhe mëtej vazhdojnë të mjekohen në qendrat e spitalit në vend, disa prej tyre që kanë patur lëndime më të vogla, ishin lëshuar për mjekim shtëpiak.


Sot në mëngjes ka ndërruar jetë, një nga të lënduarit në aksidentin tragjik në autostradën Shkup-Tetovë, me çka numri i viktimave rritet në 15. Siç kanë konfirmuar nga Ministria e Shëndetësisë, bëhet fjalë për Ferdi Kaso – 39 vjecar nga Gostivari, i cili me lëndime të rënda ishte trajtuar në Klinikën për mjekim intensiv në Shkup.

“ I aksidentuari kishte marrë lëndime të rënda trupore në krahëror dhe mushkëri dhe menjëherë është transferuar në Spitalin “8 Shtatori” në Shkup. Por, për shkak të seriozitetit të lëndimeve qysh natën kritike ishte transferuar në Klinikën për mjekim intensiv. Ndaj tij, natën që ishte transferuar,  ishin kryer dy intervenime kirurgjikale, për shkak të gjakderdhjes nga mushkëritë. Fatkeqësisht për shkak të seriozitetit të lëndimeve, sot në mëngjes ka ndërruar jetë” – thuhet në një komunikatë.

Në aksidentin tragjik në autostradën Shkup-Tetovë në afërsi të fshatit Llaskarcë, në vendngjarje, humbën jetën 14 persona, derisa shumë të tjerë ishin shpëtuar nga popullata lokale. Ata janë hospitalizuar në Klinikat e Shkupit. Disa prej tyre vazhdojnë të jenë në gjendje kritike./KlanM

read more
Top LajmeVendi

GOSTIVAR: ZHVILLOHEN CEREMONITË MORTORE  

Screenshot_6

Mijëra qytetarë, mes tyre figura të njohura të vendit, morën pjesë në ceremoninë e përmortshme të dy viktimave të cilët u varrosën në varrezat e fshatit Debresh.

Gjatë ditës së sotme, përfaqësues qeveritarë mes të cilëve edhe kryeparlamentari Talat Xhaferi vizituan familjet e disa prej viktimave me ç`rast shprehën ngushëllimet e tyre. /Blerona Jakupi/

read more
1 2 3 691
Page 1 of 691