close

Vendi

Vendi

SHKUP: VERË E LARMISHME KULTURORE

no thumb

Drejtoresha e qendrës informative kulturore në Shkup, Semine Purini në një intervistë për TvArt flet për aktivitetet e kësaj qendre gjatë sezonit veror. Një intervistë të cilën e zhvilloi gazetari ynë, Hekuran Aqifi.

read more
Vendi

POLLOG: STINA E VERËS SHTON NUMRIN E AKSIDENTEVE

no thumb

Vitet e fundit po përballemi me një numër të lartë aksidentesh rrugore. Në vendin tonë situata paraqitet serioze, kështu që vetëm në ditët e fundit, apo prej në fillim të muajit Korrik ky numër ka arritur deri rreth 60 aksidente në rajonin e Pollogut. Numri i shtuar i aksidenteve është edhe si pasojë e rritjes së numrit të automjeteve pas ardhjes së mërgimtarëve, shumica e të cilëve në pushim vijnë me veturat e tyre gjë e cila ndikon në ngarkimin e komunikacionit rrugor. Këtë e theksojnë edhe nga sektori për komunikacion rrugor të Tetovës.

Sipas kryeshefit Qamil, në të shumtën e rasteve, shkak për aksidentet janë mos respektimi i rregullave të qarkullimit rrugor, mospërshtatja e shpejtësisë me kushtet e rrugës, por jo më pak e rëndësishme në këtë rast është edhe rritja temepraturave.

Edhe pse atutoritetet thonë se në këtë periudhë të vitit numri i aksidenteve në komunikacion shënon rritje, megjithatë  sipas tyre, krahasuar me periudhën e njëjtë të vitit të kaluar, ka një rënie të lehtë të numrit të aksidenteve.

read more
Vendi

GOSTIVAR: INAUGUROHEN TROTUARE

no thumb

Në komunën e Gostivarit, gjatë ditës së sotme u inaugurua trotuari në rrugën “Gave Llazarevski”, përballë shkollës fillore “Goce Dellçev”, në Gostivar.

Kryetari i Gostivarit, Nevzat Bejta me këtë rast tha që ky investim fiton në peshë aq më tepër nga fakti që rruga kufizohet me objektin shkollor, që do të thotë se frekuentohet nga nxënësit fillorist.

“Ne vazhdojmë me realizimin e programit tonë dhe atë që ua premtuam qytetarëve. Tani ndodhemi përballë shkollës fillore “Goce Dellçev”, ku kemi ndërtuar trotuaret e një pjese të rrugës “Gave Llazarevski” dhe kështu do vazhdojmë edhe në pjesët e tjera të qytetit që t’i rregullojmë trotuaret me qëllim që qytetarëve t’u sigurohet qarkullim i lirshëm dhe të sigurt. Distanca e trotuarit është rreth 200 metra dhe përfshin 400 m2. Vlera e investimit është 500 mijë denarë” – Kryetar i Komunës së Gostivarit, Nevzat Bejta.

Autoritetet lokale të Gostivarit, apeluan tek qytetarët që të kenë kujdes me parkimin e automjeteve dhe një gjë të tillë të mos e bëjnë nëpër trotuare, pasi në këtë mënyrë edhe do të minimizohen mundësitë e shkaktimit të aksidenteve dhe rrezikimit të sigurisë së këmbësorëve. /E. S./

 

read more
Vendi

PETERLE: MAQEDONIA NUK ËSHTË E VETME NË ZGJIDHJEN E KRIZËS POLITIKE

no thumb

Brukseli zyrtar ka përshendetur arritjen e marrveshjes nga liderët politik me ndërmjetsim të Euro-komisarin Johanes Han dhe tani presim që muajt e ardhshëm marrëveshja të implementophet në tërësi pasi që Maqedonia nuk është e vetme në këtë rrugë.Kështu u shprehë kryesuesi i Byrosë së Komitetit të përzier parlamentar Alojz Peterle.

 “Në Bruksel e përshëndetëm arritjen e marrëveshjes, marrëveshje kjo e arritur me ndihmën e Komisionerit Han dhe tre kolegëve tanë tjerë. Jemi të kënaqur që u ndryshua klima politike në Maqedoni, që u përmirësua dhe që është një moment i ri në zhvillimin e ngjarjeve. Ajo që tani është e rëndësishme, është që në muajt e ardhshëm kjo marrëveshje edhe të zbatohet. Në këtë rrugë, Maqedonia nuk është e vetme, ka ndihmë edhe të ekspertëve edhe përkrahje politike, për të gjitha aktivitetet që duhet të zbatohen”.

Ndërsa kryesuesi i komitetit për Maqedoni Kenan Hasipi pas takimit tha se neve na mbetet t’i zbatojmë obligimet e ndërrmara që të fitojmë rekomandim të sërishëm për fillimin e bisedimeve për anëtarsim në BE.

 “Në mënyrë të qartë u tha se pritjet e Byrosë së Komitetit të përzier parlamentar , se do të zbatohen dispozitat e marrëveshjes së arritur, në afatet e parapara dhe se kjo do të jetë shenjë pozitive në mënyrë që të kemi raport pozitiv nga ana e Komisionit Evropian gjatë muajit tetor. Neve na mbetet që t’i zbatojmë obligimet e marra , në mënyrë që të mund të marrim përsëri rekomandim për fillimin e negociatave për të qenë anëtare e BE-së”.

Së bashku me Peterlen në Shkup kanë qenë  edhe bashkëkryesuesit e Komitetit, Sergej Stanishevi dhe Angel Xhambaski.

Ky delegacion, gjatë ditës është takuar edhe përfaqësuesit e partive shqiptare, nënshkruese të marrëveshjes me të cilën iu dha fund krizës politike disa mujore.

Së bashku me Peterlen në Shkup kanë qenë  edhe bashkëkryesuesit e Komitetit, Sergej Stanishevi dhe Angel Xhambaski.

Në këtë delegacion, gjatë ditës janë takuar edhe përfaqësuesit e partive shqiptare, nënshkruese të marrëveshjes me të cilën iu dha fund krizës politike disa mujore.

Sipas njoftimit të lëshuar të BDI-së, thuhet se në takimin e kreut të kësaj partie me delegacionin nga Brukseli, është biseduar kryesisht rreth krizës politike në vend me ç’rast Kryetari Ahmeti i ka njoftuar Eurodeputetët mbi marrëveshjen e arritur midis katër liderëve të partive më të mëdha në vend me lehtësimin e Komisionerit Hahn, tre Eurodeputetëve dhe Ambasadorëve të BE dhe SHBA në vend.

Ahmeti ka theksuar se që marrëveshja është e dobishme për vendin sepse rikthen stabilitetin politik, mundëson reforma sistemore që i përforcojnë institucionet e vendit, adreson marrëveshjen e Ohrit, marrëdhëniet ndëretnike, marrëdhëniet me fqinjtë dhe integrimin EuroAtlantik.

read more
Vendi

TETOVË: TEATRI “DODONA” ÇELI VERËN E KULTURËS

no thumb

Me shfaqen “Trangullat” nga Teatri “Dodona” i Prishtinës, mbrëmë filloi aktiviteti tani më i përvitshëm “Vera e Kulturës Tetovare”, që organizohet nga ana e Komunës së Tetovës.

Kjo dramë e autorit Jahi Jahiu dhe në rol kryesor Muhamed Arifi, e cila u mirëprit nga ana e publikut në Qendrën Kulturore të Tetovës, u vu në skenë nga ana e rregjisorit Agim Selimi.

Vera e Kulturës Tetovare sonte vazhdon me ekspozitën e artistëve shqiptarë në Kompleksin Arabati Baba Teqe, ndërkohë që gjatë mbrëmjes së nesërme, në Qendërn e Kulturës në Tetovë, do të prezantohet Teatri i Operës dhe Baletit nga Tirana.

read more
Vendi

PDSH: ‘NE FUTËM ÇËSHTJET SHQIPTARE NË MARRËVESHJE’

no thumb

Lideri i opozitës shqiptare në Maqedoni, në reagimin e parë pas arritjes së marrëveshjes që pritet t’i japë fund krizës politike në vend, nuk ka kursyer tre homologët e tij me të cilët edhe ai vuri nënshkrimin në dokumentin, të cilin ndërmjetësit ndërkombëtar e cilësuan si  shprehje të pjekurisë politike. Magjithatë, Thaçi, më së shumti u mor me oponentin e tij politik, kreun e Bashkimit Demokratik për Integrim Ali Ahmeti.

Sipas tij, kur është fjala për përfshirjen e kërkesave shqiptare në Marrëveshje, merita i takon jo BDI-së, por Partisë Demokratike Shqiptare.

Pavarësisht kësaj, kreu i Partisë Demokratike shqiptare, në opozitë, nuk është se është optimist se  Marrëveshja, kur është fjala për kërkesat shqiptare, do të rezultojë e suksesshme.

Përkundër këtij pesimizmi, Zoti Thaçi ka shpjeguar pse e ka firmosur Marrëveshjen. Ndërkaq, reagimi i Bashkimit Demokratik për Integrim, ka qenë i shpejtë dhe i shkurtër. Në kumtesën me shkrim të kësaj partie thuhet:

“Për ne është me rëndësi që temat shqiptare të jenë pjesë e agjendave te proceseve qe mbajnë vulën e partnereve ndërkombëtarë,  dhe për këtë bëjmë përpjekje të vazhdueshme. Kush dhe si është pozicionuar në këto procese do të tregojë koha dhe do të vlerësojnë qytetarët shqiptarë, ashtu siç ka treguar dhe kanë vlerësuar gjithmonë. Andaj pa dashur të ulim nivelin e komunikimit politik, mirëpresim vullnetin e çdo subjekti për të ndihmuar përpjekjet tona për projekte afatgjata politike e jo politika ditore populiste” – thuhet në reagimin me shkrim të Bashkimit Demokratik për Integrim.  /XH.I/

 

read more
Vendi

GOSTIVAR: PREZANTOHET PROJEKTI PËR FURNIZIM ME UJË TË PIJSHËM

no thumb

Komuna e Gostivarit dhe Ndërmarrja Publike “Komunalec” në bashkëpunim me Departamentin Federal të Zvicrës për Çështje Ekonomike kanë prezantuar projektin e sistemit për furnizimimin e komunës me ujë  të pijshëm.

Master plani synon rehabilitimin e plotë të sistemit të ujësjellësit në qytet si dhe disa fshatra përreth.

“Qëllimet e projektit janë të shumta, por qëllimi i përgjithshëm i projektit është përmirësimi i sistemit për ujë për qytetin e Gostivarit dhe tetë fshatra. Në veçanti aktivitetet e projektit do të rezultojnë me një sistem të përmirësuar të ujit përmes krijimit të infrastrukturës së nevojshme” – Menaxher i Projektit, Micheal Dalin.

Nga Ndërmarrja Publike e Gostivarit thanë se projekti synon që konsumatorët të kenë ujë të pijshëm, konform të gjitha parametrave, që nëkupton vendosjen e tubave deri tek sistemi i trajtimit të ujit të pijshëm, ndërtimin e një ujëmbledhësi me kapacitet 2.000 m3 si dhe masa urgjente për minimizimin e humbjes së ujit.

Këto janë planet e pushtetit vendor për furnizim me ujë të pijshëm për qytetin e Gostivarit, ndërkohë që edhe banorët e qytetit, nuk është se ankohen gjithaq për mungesën e tij!

Përfaqësuesit e pushtetit lokal thonë se Projekti për furnizim me ujë të pijshëm do të kontribuojë për zhvillimin e qëndrueshëm të komunes, por edhe për mbrojtjen e resurseve natyrore si dhe do nxisë zhvillimin ekonomik të kësaj ane, në veçanti të industrisë dhe bujqësisë. /E.S./

read more
Vendi

JAKUPI: PAKETA ZGJEDHORE DO TË SHQYRTOHET SERIOZISHT

no thumb

Paketa që ka të bëjë me zgjedhjet pritet që të jetë temë bosht e takimit të nesërm të grupit të punës të përbërë nga përfaqësues të partive politike, me të dërguar- ekspert edhe nga Bashkimi Evropian. Nënkryetari i Komisionit Shtetëror të Zgjedhjeve, Subhi Jakupi, në një intervistë për televizionin tonë, tha sot se pret që të respektohet marrëveshja e arritur dhe sa më parë të nisë implementimi i saj. Sipas tij, ndryshime do të pësojë edhe Komisioni i zgjedhjeve, por edhe  ndarja e vendit në zona zgjedhore.

read more
Vendi

DUKURI: DASMAT TONA

no thumb

Edhe përkundër krizës ekonomike, prapëseprapë dasmat janë ceremonitë tradicionale për shqiptarët, për të cilat nuk kursehet asgjë: gati të gjitha familjet futen edhe në borxhe të mëdha, vetëm e vetëm për të organizuar një dasmë tradicionale, por me rite të ndryshme, që kanë një kosto të lartë. Duhet bërë këso harxhimesh apo jo?

 Llogaritet se një dasmë e zakonshme kushton jo më pak se 10 mijë euro, por një dasmë e  një familjeje kurbetçinjsh shkon në gati 30 mijë euro. Paratë nuk kursehen pa çka se janë fituar me djersë: thonë – njeriu një herë lind e një herë, martohet…

Pronarë të dyqaneve dhe artarët theksojnë se këtë vit kriza  ekonomike ka bërë që të ulet niveli i shitjes së teshave apo edhe i stolive.

Harxhime marramendëse, krejt njësoj për  të manifestuar dashurinë ndaj bijve e bijave, apo për inat të komshinjëve….Paratë derdhen lumë dhe “dasma” e vërtetë në këtë periudhë është për pronarët e restoranteve, dyqaneve të veshjeve, sallonve të bukurisë… Po…njeriu një here lind, njëherë martohet. Kjo që shpenzojmë shumë, do thoni, varet nga xhepi i secilit. /Xhumadije Ibraimi/

 

read more
Vendi

AGRONOMËT: SA MË SHUMË UJITJE TË KULTURAVE BUJQËSORE

no thumb

Meqë prodhimtaria bimore zhvillohet në ambient të hapur dhe ka karakter sezonal, ndërsa masa bimore rritet në vazhdimësi falë punës së njeriut dhe kushteve klimatike,  ngritja e temperaturave si gjatë këtyre ditëve, imponon një kujdes të veçantë me qëllim që të mos shkojë kot  mundi i derdhur për kultivimin e kulturave të ndryshme bujqësore.

Po si  të mbijetojnë bimët përballë këtyre temperaturave. Eksperti thotë se shpëtimin duhet kërkuar – tek vaditja.

Sipas pritshmërive të meteorologëve java e cila është para nesh, pritet të jetë java më e nxehtë e vitit, edhe dita e sotme bën pjesë në këtë periudhë. Prandaj, kujdes kulturat e mbjellura kërkojnë ujë, por edhe ato janë si organizmi i njeriut – jo në mesditë, se i bëni dëm vetes dhe bimëve! /Vjollca Aliti/

read more
1 1,069 1,070 1,071 1,072 1,073 1,079
Page 1071 of 1079