close

Vendi

Top LajmeVendi

KANCERI I GOJËS: NUMRI I TË PREKURVE NË RRITJE 

Screenshot_2

Mjekët apelojnë për kontrolle rutinore


Kanceri i gojës po përhapet me shpejtësi në botë. Ky është edhe kanceri i 6 më i zakonshëm, por popullata nuk kanë shumë informacion për të. Numri i të diagnostifikuarëve me kancer oral po shkon drejt rritjes, specialistët dhe stomatologët apelojnë tek qytetarët për kontrollet rutinore të cilat mund të ndikojnë në parandalimin e kësaj sëmundje.

Sëmundjet kancerogjene atakojnë çdo organ duke mos anashkaluar edhe hapësirën orale, e cila siç dihet është një ndër hapësirat më të atakuara edhe nga ambienti i jashët. 3% e popullatës në botë janë të përfshirë nga kjo sëmundje. Specialistët e kësaj fushe shprehen se fazat e para të detektimit janë më të rënda për shkak se ata nuk trajtohen.

Simptomat më të rëndomta të këtij lloj të kancerit përfshijnë fryerje të pjesës së brendshme të gojës, puçrra, masa të fryera në gojë dhe tek mishi i dhëmbëve. Sipas stomatologut Fadil Mehmedi kjo lloj sëmundje është e rrallë, e cila nuk haset çdo ditë, por mund të vërehet me anë të kontrolleve rutinore, e cila ndihmon që kanceri të kapet në fazën më të hershme.

Ndryshe, nëntori shënon edhe muajin e kancerit oral, ku Fondacioni i Shëndetit Oral, synon të rrisë vetëdijen e kancerit të gojës dhe të shpëtoj jetë nga ky lloj kanceri i cili renditet në vendin e 6 sa i përket vdekshmërisë. /Lindita Aliu/

 

 

read more
Top LajmeVendi

MARRËVESHJA E PRESPËS PERSPEKTIVË PËR ARDHMËRINË

Screenshot_2

“Arratisja e Gruevskit – zhgënjyese


Presidenti Ilir Meta për TV Klan Maqedoni komenton ngjarjet e fundit politike në vend, thotë se arratisja e Gruevskit hetohet edhe në Shqipëri. Sa i përket marrëdhënieve dypalëshe, thotë se sidomos pas marrëveshjes Greqi-Maqedoni do të ketë perpektiva ende më të mira.

Presidenti Ilir Meta thotë se hetohet edhe në Shqipëri menyra se si ish -kryeministri e kaloi kufirin, por shprehet se marrëdhëniet dypalëshe kanë perspektivë të thellimit.

Marrëdhëniet Shqipëri-Maqedoni duhet rritur në të gjitha fushat, pasi mundësitë janë shumë të mëdha, sidomos pas marrëveshjes me Greqinë e cila do ta rrisë perspektivën për marrëdhënie ende më të mira, thotë presidenti.

Këto komente për TV klan Maqedoni, Presidenti i Shqipërisë Ilir Meta i dha në Manastir në vizitën e tij me rastin e shënimit të Kongresit të Alfabetit. /Teuta Zekiri/

 

read more
Top LajmeVendi

ARRATIJSA E GRUEVSKIT: POLLOZHANI-PËRGJEGJËSI TË MBAJ EDHE SHTETI SHQIPTAR

Screenshot_4

Gruevskit është dashur t’i merret edhe letra e njoftimit


Arratisja e Gruevskit, vazhdonë të ngjall dyshime të shumta në funksionimin e Institucioneve Shtetërore në Maqedoni. Njohësit e rrrethanave politike vlerësojnë se përgjegjësi duhet të mbaj edhe shteti shqiptar.

Veprimtari Shpëtim Pollozhanin vlerëson se Gruevskit i është dashur që t’i merret letra e njoftimit që të mos kaloj në vendet fqinjë, pasi siç shprehet ai një gjë e tillë është ditur se do të ndodh. Ai shton se përgjegjësi duhet të mbaj edhe shteti shqiptar.

Ndërkaq, më herët në emisionin Kaln Debat profesori universitar Bashkim Selmani theksoi se duke e pasur parasysh se Gruevski nuk është një person i thjeshtë dhe ka pasur rrezik të lartë që ai të arratiset, këtë nuk e ka marrë përsipër as Gjykata, as PSP-ja e as Ministria e Punëve të Brendshme.

Ndërkaq, Ministria e Punëve të Brendshme dhe Prokuroria janë duke i zhvilluar hetimet se si ish-kryeministri Nikolla Gruevski u arratis nga vendi. Deri më tani nuk ka as konfirmim zyrtar nga Hungaria nëse i arratisuri Gruevski ka braktisur këtë vend. /Klan Maqedoni/

 

 

read more
Top LajmeVendi

MOTI: BORA KAPLON GJITHË TERRITORIN E VENDIT

20160115101735980646

Apelohet kujdes gjatë vozitjes


Nga mesnata territori i Maqedonisë është kapluar nga moti i ligë, ku të reshurat e borës e kanë përfshirë tërë vendin. Institucionet kompetente apelojnë për kujdes në  shpejtësinë e vozitjes për shkak te rrugëve të lagështa.

Nga ndërmarrja publike “Rrugët e Maqedonisë” deklarojnë se në pjesët e Mavrovës, Strazha dhe Kodrës së Diellit po bie dëborë me intensitet të ulët dhe se bora nuk është e mbajtshme nëpër rrugë. Nga atje bëjnë thirrje që  shoferët të kenë kujdes me shpejtësinë e veturës për shkak se rrugët janë të lagështa.

“Pjesëtarët e ndërmarrjes publike “Rrugët e Maqedonisë”, në vazhdimësi janë në terren dhe po i mirëmbajnë të gjitha rrugët”, thonë nga NP “”Rrugët e Maqedonisë”.

Ndërsa nga Enti Hidro-Meteorologjik njoftojnë se gjatë ditës në luginën e Shkupit, Tetovës, dhe Kërçovës ka reshje të bores.

Në Kodrën e Diellit ka rënë borë gjithashtu, edhe në fshatrat e malësisë së Tetovës, Edhe pse stina e dimrit zyrtarisht nuk ka filluar, malet e Sharrit janë ndër të parat në të cilat dimri vjen para kohe.

Edhe  Kërçova priti borën e parë për këtë vit, por tani për tani ajo nuk krijon probleme në zhvillimin e komunikacionit nëpër qytet dhe në mjediset më të larta rurale. Në të gjitha malet me lartësi mbidetare mbi 600 metra ka shtresë bore prej disa centimetrave.

Edhe një muaj na ndan nga stina e dimrit, por bora e cila ka zbardhuar malet  si duket ka sjellë dimrin më herët. Temperaturat në minus dhe reshjet e shiut të cilat filluan prej mbrëmë na sollën edhe valën e të ftohtin në Maqedoni. /Klan Maqedoni/

 

read more
Top LajmeVendi

EKSTRADIMI I GRUEVSKIT: MAQEDONIA S’KA MARRËVESHJE ME HUNGARINË

Screenshot_2

Maqedonia dhe Hungaria nuk kanë të nënshkruar marrëveshje për ekstradim mes dy shteteve në bazë të së cilës do të kërkonte ekstradimin e ish-kryeministrit Nikolla Gruevski. Nga Ministria e Drejtësisë kanë deklaruar se ekstradimi i Gruevskit nga Hungaria në Maqedoni do të kërkohet në bazë të akteve tjera ligjore.

Sipas Ministrisë së Drejtësisë Maqedonia do të kërkoj ekstradimin e Gruevskit nga autoritetet hungareze në bazë të Ligjit për bashkëpunim juridik ndërkombëtar në materie penale nga Konventa Evropiane për ekstradim e vitit 1957 si dhe nga dispozitat e Marrëveshjes për ndihmë të ndërsjellë juridike mes RSFJ-së dhe Republikës Popullore të Hungarisë. Në të njëjtën mënyrë Maqedonia kishte kërkuar ekstradimin nga Greqia të Goran Grujovskit dhe Nikolla Boshkovskit, të cilët janë të akuzuar për përgjimet e jashtëligjshme. /Klan Maqedoni/

 

read more
Top LajmeVendi

ARRATISJA E GRUEVSKIT: MANASTIRASIT KËRKOJNË PËRGJEGJËSI

Screenshot_2

Shumica nuk komentuan rastin


Çështja Gruevski vazhdon të brengos opinionin në Maqedoni. Tashmë gati një javë nga arratisja e tij, ende nuk ka asgjë zyrtare. Por çfarë mendojnë qytetarët e Manastir:

‘Kuptohet se do të ikë, nuk do të rrijë në burg për qejfin e Zaevit. Po ata i ndihmuan që të arratiset. Të gjithë janë bashkë.’

‘Nuk e di. Nuk merrem me politik.’

‘Nuk kam fjalë, nuk komentoj asgjë. Pra ajo që është më e drejtë.’

‘Duhet të zgjidhet disi në mënyrë evropiane. Kjo është në interes edhe të Maqedonisë edhe të Evropës.’

‘Nuk kam koment.’

‘Nuk kam koment.’

‘Nuk dimë asgjë për këtë.’

‘Nuk kam koment.’

Opinioni në Maqedoini kërkon përgigje nga institucionet kompetente për mënyrën e arratisjes së Gruevskit. Në mungesë të informacioneve zyrtare në media, qarkullojnë teori të ndryshme se si ish-kryeministri Gruevski u arratis nga vendi dhe kush i ndihmoi ata. /Xhumadije Ibraimi/

 

read more
Top LajmeVendi

KULLOTAT E SHARRIT-SHIPKOVICË: NDËRTIME QË ZGJUAN REVOLTË!

Screenshot_3

A do të ndërpriten punimet apo do të merret leja?


Ka qenë revolta e banorëvë të fshatit Shipkovicës që në opinion shfaqi dyshimet për ndërtim pa leje në kullotat e këtij fshati nga ana e investitorit kroat. Nga këto të fundit çdo ndërtim,  siç thonë, po bëhet në pajtim me ligjet, ndërkaq nga Ndërmarrja për Kullota shprehen se çdo marrëveshje me investitorët është ndërprerë në muajin prill të këtij viti.

Pas reagimeve të banorëve se po dëmtohen kullotat e fshatit Shipkovicë, kanë reaguar nga Shoqata për tregti dhe Shërbime “Trezhër Mauntajn dooel” e cila po kryen ndërtimin e këtyre objekteve. Në reagimin e tyre mes tjerash thuhet se ndërtimi kryhet në pajtim me dispozitat e ligjit për ndërtim, ligjit për tokë bujqësore, ligjit për blegtori dhe ligjit për kullosa.

“Nga kontrollimet e bëra nga inspektorati i bujqësisë i cili është organ i autorizuar për të bërë kontrollin e zbatimit të ligjit për kullosa është dëshmuar se shoqata ndërton objekte të përkohshme të cilat do të përdoren si stane në pajtim me vendimin e dhënë. Objektet janë ndërtuar në mënyre tradicionale. Materialet ndërtimore që shfrytëzohen janë natyrale, autentike dhe të marra drejtëpërdrejtë nga burime lokale. Sistemi i ndërtimit respektivisht i rrethimit të objekteve me murr dhe pa përdorimin e materialeve ndërlidhëse dhe pa përdorimin e materialeve bashkëkohore (hekur beton, tulla dhe blloqe). Në këtë kontekst Trezhër Mountajn DOOEL është i vetmi në këtë rajon që e riktheu pamjen tradicionale të staneve të dikurshme në Malin Sharr”.

Ky informacion është përgënjeshtruar  nga drejtori i ndërmarrjes publike për kullota. Nga atje thuhet se është e vërtetë që më datë 11 prill 2018 kësaj Shoqate i është dhënë vendim për shfrytëzim të kullotave dhe njëkohësisht për ndërtim të disa objekteve të përkohshme. Por pak kohë me vonë pas ankesave të banorëve, blegtorëve, kompanive që menaxhojnë atë pjesë të malit Sharr, si dhe të ndërmarrjes publike të pyjeve, vendimi është tërhequr.

Por edhe pse nga ana e kësaj drejtorie rastin është paraqitur në inspektoratin e ndërtimit në Tetovë, në departamentin për krim ekonomik, në inspektoratin e bujqësisë, këto institucione nuk janë prononcuar rreth kësaj problematike në Malin Sharr. Ndërkaq, nga Komuna e Tetovës kanë pohur se do të ndërmerren masa Konform ligjeve.

Ndërkaq banorët e Shipkovicës janë të vendosur se do të kundërshtojnë çdo lloj veprimtarie të paligjshme në këtë hapësirë për kullota.

Revolta e banorëve të Shipkovicës filloi kur në Prill të këtij viti filluan të ngriten objekte në pjesën që shfrytëzohet për kullota të bagëtive. Banorët thonë se u uzurpohet vendi i kullosave dhe se po dëmtohet Mali Sharr. Siç thonë ata nuk do të lejojnë që  të ndërmirren veprime të jashtëligjshme në këtë lokalitet./Lulzime Ameti/

read more
Top LajmeVendi

REGJISTRIMI I POPULLSISË: SIMOVSKI-DEBATE PËR GRAFËN E PËRKATËSISË ETNIKE

Screenshot_1

“Regjistrimi i popullsisë nuk duhet të politizohet”   


Drejtori i Entit Shtetëror për Statistik Apostoll Simovski siguron se zbatimi i regjistrimit të popullsisë pa grafën për përkatësinë etnike dhe fetare është më e dobishme dhe nuk le hapësirë për manipulime politike të operacionit. Por, ai nuk përjashton mundësinë që pas debatit publik prononcimi i këtillë megjithatë do të vendoset.

Nga katër metodat që shfrytëzohen nëpër botë gjatë numërimit të popullsisë dhe amvisërive, sipas Drejtorit të Entit Shtetëror të Statistikës Simovski, në Maqedoni më e volitshme është metoda e kombinuar, që do të thotë regjistrimi ballë për ballë me qytetarët, por edhe shfrytëzimi i të dhënave administrative. Kjo metodë do të shfrytëzohet për herë të parë në Maqedoni, kurse Simovski pret të dhëna kualitative. Ai vlerëson së prononcimi rreth përkatësisë etnike dhe fetare nuk ka vlerë përdoruese.

“Për shkak se përvoja ime, para së gjithash nga viti 2011 na tregon se ky ishte vendi, fusha, çështja që iniconte politika të jetë e shumë e interesuar të kycet në regjistrim. Kyçja e politikës në regjistrim do të thotë të dhëna jo kualitative dhe jo reale” tha Apostoll Simovski – Drejtor i ESHS

Por, Simovski thotë se ky është vetëm një propozim i Entit Shtetëror të Statistikës, që do të shqyrtohet më tej gjatë debatit të ekspertëve. Lidhur me reagimet e partive politike shqiptare, që insistojnë në ekzistimin e grafës për prononcim etnik e fetar, ai thotë:

“Kur do ti vendosni në peshore dëmin dhe dobitë që disa shenja mund të shkaktojnë apo pasojat me kyçjen e atyre shenjave, atëherë me të vërtetë duhet të mendojmë nëse duhet të kyçen ato”- deklaroi Simovski.

Si shembull për nevojën e shmangies së përkatësisë etnike e fetare Simovski përmend:

“Kjo është ndjenja në momentin e dhënë për personin që po meret në pyetje. Kemi fëmijë që janë nga martesa të përziera të bashkësive të ndryshme. Cila është ndjenja e tyre. Do të thotë ne nuk mund t`i kyçim dhe nuk guxojmë. Fundja, çdokush ka të drejtë kushtetuese të refuzojë të jep përgjigje në këtë pyetje.”-deklaron Simovski.

Drejtori i Entit Shtetëror të Statistikës vlerëson se Regjistrimi i vitit 2011 dështoi pikërisht nga nevoja e numërimit sipas linjës etnike, respektivisht nga përpjekjet e politikës, sicçthotë, që ndonjë bashkësi etnike ta paraqesin me numër më të madh apo më të vogël krahasuar me të tjerët. Regjistrimi në Maqedoni është paralajmëruar për në vitin 2020, kurse pilot-regjistrimi në vitin 2019.Gjatë viteve të kaluara në vend janë organizuar zgjedhje, por edhe referendumi, me të dhëna të vjetëruara për numrin e përgjithshëm të popullsisë, kurse në mungesë në një fotografie më të skatë të amvisërive shumë hulumtime nuk kanë arritur të sigurojnë të dhëna të sakta. / Verica Dimitrijevska/

read more
Top LajmeVendi

MOTI: SHTRESË DËBORE NË DISA RRUGË

download

Autoritetet bëjnë thirrje për kujdes


Shtresa e borës që ka kapluar disa vendbanime në Maqedoni duket se po shkakton edhe vështirësi në komunikacion, kështu që të gjithë ata që kalojnë përmes Strazhës dhe lëvizin në drejtim të Kërçovës duhet të kenë shumë kujdes për shkak të kushteve klimatike dhe rrugës së rrëshqitshme që është shfaqur.

Metereologët njoftojnë se mbulesa është formuar shtresë dëbore prej 6 cm në Mavrovë, kurse edhe në vende tjera shtresa e dëborës është e dukshme. Nga atje njoftojnë se moti do të jetë i ftohtë dhe me vranësira të ndryshueshme me reshje të kohëpaskohshme të shiut, kurse në viset malore do të ketë reshje të borë. /Klan Maqedoni/

read more
Top LajmeVendi

SHKUP: PROTESTË KUNDËR NDOTJES

auto_protesta_1515067794-91595671515068360

Kërkohen rezultate në luftën kundër ndotjes


Iniciativa qytetare “Koha është për ajër të pastër”, para inspektoratit të Qytetit të Shkupit ka organizuar një tubim proteste kundër ndotjes. Me parrullat “Ajër të pastër, fëmijë të shëndoshë”, “Vendosni etiketa në industrinë e rëndë” dhe “ndal ndotjes” një grup qytetarësh përmes një iniciative përmes rrjeteve sociale kanë shprehur revoltën nga mungesa e rezultateve konkrete në luftën kundër ndotjes.

Organizatorët e protestës propozojnë që gjatë kohës kur ndotja është e madhe, industria e rëndë të ndërpres punën dhe të vendosen standarde ekologjike në industrin, që sipas tyre është ndotësi më i madh. Ata gjithashtu vlerësojnë se mjetet e destinuara për ekologji janë shumë të pakta duke akuzuar se pushteti më shumë harxhon, siç kanë thënë, për luksin e tyre, se sa për ambientin jetësor. / Klan M/

read more
1 2 3 4 5 653
Page 3 of 653