close

Vendi

Vendi

KUMANOVË: DY TË ARRESTUAR PËR VRASJEN E DJESHME

no thumb

Pas ngjarjes së djeshme tragjike në Kumanovë, ku si pasojë e përleshjes së amratosur, mbeti i  vrarë Xhemail Rexhepi i njohur në opinion si Komandant Shqiponja, ndërsa dy të tjerë morrën plagë të rënda, SPB e Kumanovës, sot ka dalë me deklaratë, në të cilën thuhet se tashmë janë arrestuar dy persona, ndërsa më shumë të tjerë janë ftuar në bisedë informative, me qëllim të ndriçimit dhe dokumentimit të plotë të rastit të djeshëm, ku jetën e humbi një person, ndërsa dy të tjerë u plagosën rëndë,në një lokal që gjendet në afërsi të Kazermës së qytetit dhe Fakultetit të Administrim Biznesit në Kumanovë, bën të ditur policia e Kumanovës, e cila poashtu ka paralajmëruar edhe dorëzimin e kallëzimeve penale për fajtorët.

Në kumtesën e SPB të Kumanovës, sqarohet se gjatë ditës së djeshme, në orën 15.30, në kafeterinë “Shpija jonë”, fjalosja në mes dy grupeve ka eskaluar në përleshje fizike, gjatë së cilës në një moment është gjuajtur edhe me armë zjarri, pas çka 45 vjeçari Xh.J. e ka humbur jetën. Siç bën të ditur SPB Kumanovë, dy persona të moshës 38 vjeçare, SH. R. dhe G. D. janë lënduar dhe për shkak të karakterit të lëndimeve janë dërguar në Qendrën emergjente në Shkup.

Edhe në kumtesën e sotme të policisë së Kumanovës, nuk thuhet asgjë lidhur me motivet dhe arsyen për këtë rast, që ndodhi dje në Kumanovë.

Ndërkohë, bëhet e ditur se njëri nga të arrestuarit, është Bajram Limani, ushtruesi i detyrës, kryetar i degës së BDI-së në Kumanovë, i cili mbrëmë vetë i është dorëzuar policisë në Kumanovë, ndërsa personi i dytë, thuhet se është personi që e ka shoqëruar atë gjatë ditës së djeshme, kur edhe ndodhi incidenti tragjik, por identiteti i tij ende nuk është bërë publik.

 

read more
Vendi

BDI: FORMOHET GRUPI I PUNËS PËR IMPLEMENTIMIN E 2 QESHORIT

no thumb

Bashkimi Demokratik për Integrim (BDI) formoi grup pune i cili do të angazhohet në implementimin e obligimeve që dalin nga marrëveshja për dalje nga kriza politike e nënshkruar më 2 Qershor në mes të liderëve të katër partive më të mëdha politike në vend.

Sipas njoftimit të kësaj partie, grupi i punës është në përbërje: Fatmir Besimi –koordinator, Musa Xhaferi, Talat Xhaferi, Abdilaqim Ademi, Bujar Osmani, Artan Grubi.

Siç bëhet e ditur nga Kumtesa e BDI-së, ky grup i punës, do të angazhojë edhe ekspertë të tjerë varësisht nga temat që do të jenë pjesë e bisedimeve ndërpartiake.

“Bashkimi Demokratik për Integrim, poashtu fiton të gjitha subjektet nënshkruese të marrëveshjes të përkushtohen maksimalisht në implementimin e detyrimeve që dalin nga ajo me qëllim të rikthimit të stabilitetit politik dhe fokusimit në rrugën e integrimeve që do të sigurojë një jetë më të mirë për qytetarët”, thuhet në komunikatën e sotme të BDI-së.

read more
Vendi

TETOVË: DRAMË MBI PROBLEMET BASHKËSHORTORE

no thumb

Protagonistët e shfaqjes, duke dialoguar, gjatë tërë kohës ziheshin duke përshkruar në  mënyrë  të detajuar problemet ndërmjet tyre, kronologjikisht duke përshkruar periudhën nga njohja deri te plakja e çiftit. Në këtë mënyrë aktorët në skenë, shtjelluan të gjitha problemet nëpër të cilat kalon një çift i kohërave të sotme.

Regjisori i dramës, thotë se e pa të arsyeshme të bënte një dramë me tematikë të tillë, në veçanti në këtë kohë kur institucioni familje gjendet në krizë.

Ndërkaq, aktorët  shpjegojnë eksperiencën e tyre gjatë performimit,  e ndërsa nuk lënë pa treguar as pjesën e reagimit të publikut. Ndër të tjera, ata thonë se kanë punuar me shumë zell dhe zemër.

Një dramë e cila mbështjell probleme të shumta të përditshmërisë së një cifti, gërshetuar me pak komedi për të mbajtur vëmendjen e shikuesve. Të paktën kështu shprehen ata.

Drama në fjalë, u shfaq në kuadër të “Verës Kulturore Tetovare” e organizuar nga Komuna e Tetovës, në kuadër të së cilës sonte prezantohet sopranoja nga Shqipëria Anila Hoxha – Gjermeni.

“Shpresoj të ishin kënaqur me paraqitjen tonë, ne sa mundëm e dhamë maksimumin. Mes vete diskutonim tani kur mbarum se kjo shfaqje e ripërsëritur ishte më e mirë për nga niansat në krahasim me premierën, dhe është privilegj për ne të jemi pjesë e manifestimit ” Vera Kulturore tetovare” – Aktor

“Entuziazmi ishte shumë i madh, sikur të luaja për herë të parë. Ne jemi me të vërtetë të kënaqur me publikun që ishte sonte. Konsideroj se mirë e luajtëm pjesën që e kishim të paracaktuar dhe realisht u argëtuam shumë” – Aktore

“Super kaluam, një përjetim të tillë për tetovën duhet të vazhdojë”.

“Super, shkëlqyeshëm, kanë luajtur si profesionistë të vërtetë, të kishte cdo ditë paraqitje të tilla, kultura të ngrihet në një nivel më të lartë”.

“Shumë e bukur ishte paraqitja, për herë të parë e shikoj këtë dramë dhe për herë të parë jam në tetovë për ta parë këtë shfaqje”.

“E kam patjetër ta them se ideja për këtë dramë erdhi për një arsye të thjeshtë, meqë shumë shpesh tani martesa si institucion gjendet në krizë dhe ky ishte një tekst të cilin e gjetëm, e punuam në mënyrën tonë, në mënyrën Tetovare , që të jetë tipike Tetovare, dhe më vjenë mirë që publiku e pranojë këtë dramë dhe shpresoj që të gjitha karakteristikat e këqija që i paraqitëm në dramë të ishin paraqitur pozitivisht tek publiku.” – Regjisori. /V.A/

 

read more
Vendi

KUMANOVË: NJË I VRARË DHE DY TË PLAGOSUR

suit-portrait-preparation-wedding

Gjatë pasditës së sotme në Kumanovë ka ndodhë një incident i armatosur, në të cili një person ka mbetur i vrarë, ndërsa dy tjerë janë plagosur. Siç bëhet e ditur i vrari është Xhemail Rexhepi-Komandat Shqiponja, ndërsa gjatë sulmit të armatosur lëndime më të rënda në zemër ka marrë edhe ish ushtari i UÇK-së, Shefki Rexhepi si dhe Gani Demiri, i cili ka marrë plagë në krah dhe në shpinë.

Incidenti ka ndodhur në një lokal afër Fakultetit të Administrim të Biznesit në Kumanovë.

Vrasjen e Xhemail Rexhepit e ka konfirmuar edhe Ministria e Punëve të Brendshme e Maqedonisë.

Zëdhënësi i MPB-së, Ivo Kotevski, duke konfirmuar vrasjen e Rexhepit, ka deklaruar se ekipet e hetimit menjëherë kanë dalë në vendin e ngjarjes, ndërsa është ftuar edhe prokurori publik. Sipas Kotevskit, më shumë informata lidhur me autorët dhe atë se si ka ardhur deri tek rasti tragjik, do të jepen gjatë ditës së nesërme.

read more
Vendi

STAVREVSKI: NUK DO TË KETË SHKURTIME BUXHETORE

no thumb

Mes polemikave të shumta sot u zhvillua debati në komisionin për financa dhe buxhet të parlamentit të Maqedonisë, ku temë kryesore ishte propozimi për ndryshime dhe plotësime të Buxhetit të Republikës së Maqedonisë për vitin 2015. Zv/Kryeministri njëherit edhe ministër i financave Zoran Stavrevski tha se nuk do të ketë shkurtime buxhetore, por se me këtë ribalanc do të realizohen më shumë projekte.

Ndërkaq Bekim Fazliu nga PDSH-ja tha se me ribalancin e buxhetit, nuk është paraparë as një denar për 90% të vendbanimeve shqiptare që kanë problem me ujë të pishëm.

Ramiz Merko nga BDI-ja tha se Maqedonia është shtet multietnik dhe se projektet nuk janë të ndara në përkatësi etnike.

Me ribalancin buxhetor  janë parashikuar mjete për rritjen e bursave studentore, ndihmës sociale, si dhe për rritjen e paralajmëruar të pensioneve në tetor, ndërsa debatet duhet të përmbyllen mbrenda 10 ditëve. /Hekuran Aqifi/

 

 

read more
Vendi

TETOVË: PARARAQITJE E DENJË E TOB-it

no thumb

Në vazhdim një kronikë nga kultura – në Pallatin e kulturës në Tetovë mbrëmë është paraqitur me sukses Trupa e Baletit pranë Teatrit Kombëtar nga Tirana,

Mbrëmë  gjatë manifestimit “Vera Kulturore Tetovare”, Trupa e Baletit pranë Teatrit Kombëtar të Operës dhe Baletit – nga Tirana u paraqit me baletin  klasik  ‘La Sylphie”. Drejtori I TOB-it Ilir Kerni dhe primabalerina Alisa Gjoni thonë se janë të nderuar me pjesëmarrjen në këtë  manifestim veror.

Kryetarja e Komunës se Tetovës,  Teuta Arifi, ndërkaq thotë për televisionin Art se manifestimi  po asyeton  mbajtjen: publiku tetovar , thotë ajo, din të çmojë vlerat artistike.

Të entuziazmuar nga kjo paraqitje nga “Trupa e Baletit pranë Teatrit Kombëtar të Operës dhe Baletit – Republika e Shqipërisë” ishin edhe spektatorët e këtij manifestimi.

Organizatorët thonë se publiku do të befasohet edhe gjatë netëve të ardhshme, kryesisht përmes paraqitjes së veprave që janë vlerësuar lartë nga kritika artistike. /XH. I/

read more
Vendi

SHKUP: VERË E LARMISHME KULTURORE

no thumb

Drejtoresha e qendrës informative kulturore në Shkup, Semine Purini në një intervistë për TvArt flet për aktivitetet e kësaj qendre gjatë sezonit veror. Një intervistë të cilën e zhvilloi gazetari ynë, Hekuran Aqifi.

read more
Vendi

POLLOG: STINA E VERËS SHTON NUMRIN E AKSIDENTEVE

no thumb

Vitet e fundit po përballemi me një numër të lartë aksidentesh rrugore. Në vendin tonë situata paraqitet serioze, kështu që vetëm në ditët e fundit, apo prej në fillim të muajit Korrik ky numër ka arritur deri rreth 60 aksidente në rajonin e Pollogut. Numri i shtuar i aksidenteve është edhe si pasojë e rritjes së numrit të automjeteve pas ardhjes së mërgimtarëve, shumica e të cilëve në pushim vijnë me veturat e tyre gjë e cila ndikon në ngarkimin e komunikacionit rrugor. Këtë e theksojnë edhe nga sektori për komunikacion rrugor të Tetovës.

Sipas kryeshefit Qamil, në të shumtën e rasteve, shkak për aksidentet janë mos respektimi i rregullave të qarkullimit rrugor, mospërshtatja e shpejtësisë me kushtet e rrugës, por jo më pak e rëndësishme në këtë rast është edhe rritja temepraturave.

Edhe pse atutoritetet thonë se në këtë periudhë të vitit numri i aksidenteve në komunikacion shënon rritje, megjithatë  sipas tyre, krahasuar me periudhën e njëjtë të vitit të kaluar, ka një rënie të lehtë të numrit të aksidenteve.

read more
Vendi

GOSTIVAR: INAUGUROHEN TROTUARE

no thumb

Në komunën e Gostivarit, gjatë ditës së sotme u inaugurua trotuari në rrugën “Gave Llazarevski”, përballë shkollës fillore “Goce Dellçev”, në Gostivar.

Kryetari i Gostivarit, Nevzat Bejta me këtë rast tha që ky investim fiton në peshë aq më tepër nga fakti që rruga kufizohet me objektin shkollor, që do të thotë se frekuentohet nga nxënësit fillorist.

“Ne vazhdojmë me realizimin e programit tonë dhe atë që ua premtuam qytetarëve. Tani ndodhemi përballë shkollës fillore “Goce Dellçev”, ku kemi ndërtuar trotuaret e një pjese të rrugës “Gave Llazarevski” dhe kështu do vazhdojmë edhe në pjesët e tjera të qytetit që t’i rregullojmë trotuaret me qëllim që qytetarëve t’u sigurohet qarkullim i lirshëm dhe të sigurt. Distanca e trotuarit është rreth 200 metra dhe përfshin 400 m2. Vlera e investimit është 500 mijë denarë” – Kryetar i Komunës së Gostivarit, Nevzat Bejta.

Autoritetet lokale të Gostivarit, apeluan tek qytetarët që të kenë kujdes me parkimin e automjeteve dhe një gjë të tillë të mos e bëjnë nëpër trotuare, pasi në këtë mënyrë edhe do të minimizohen mundësitë e shkaktimit të aksidenteve dhe rrezikimit të sigurisë së këmbësorëve. /E. S./

 

read more
Vendi

PETERLE: MAQEDONIA NUK ËSHTË E VETME NË ZGJIDHJEN E KRIZËS POLITIKE

no thumb

Brukseli zyrtar ka përshendetur arritjen e marrveshjes nga liderët politik me ndërmjetsim të Euro-komisarin Johanes Han dhe tani presim që muajt e ardhshëm marrëveshja të implementophet në tërësi pasi që Maqedonia nuk është e vetme në këtë rrugë.Kështu u shprehë kryesuesi i Byrosë së Komitetit të përzier parlamentar Alojz Peterle.

 “Në Bruksel e përshëndetëm arritjen e marrëveshjes, marrëveshje kjo e arritur me ndihmën e Komisionerit Han dhe tre kolegëve tanë tjerë. Jemi të kënaqur që u ndryshua klima politike në Maqedoni, që u përmirësua dhe që është një moment i ri në zhvillimin e ngjarjeve. Ajo që tani është e rëndësishme, është që në muajt e ardhshëm kjo marrëveshje edhe të zbatohet. Në këtë rrugë, Maqedonia nuk është e vetme, ka ndihmë edhe të ekspertëve edhe përkrahje politike, për të gjitha aktivitetet që duhet të zbatohen”.

Ndërsa kryesuesi i komitetit për Maqedoni Kenan Hasipi pas takimit tha se neve na mbetet t’i zbatojmë obligimet e ndërrmara që të fitojmë rekomandim të sërishëm për fillimin e bisedimeve për anëtarsim në BE.

 “Në mënyrë të qartë u tha se pritjet e Byrosë së Komitetit të përzier parlamentar , se do të zbatohen dispozitat e marrëveshjes së arritur, në afatet e parapara dhe se kjo do të jetë shenjë pozitive në mënyrë që të kemi raport pozitiv nga ana e Komisionit Evropian gjatë muajit tetor. Neve na mbetet që t’i zbatojmë obligimet e marra , në mënyrë që të mund të marrim përsëri rekomandim për fillimin e negociatave për të qenë anëtare e BE-së”.

Së bashku me Peterlen në Shkup kanë qenë  edhe bashkëkryesuesit e Komitetit, Sergej Stanishevi dhe Angel Xhambaski.

Ky delegacion, gjatë ditës është takuar edhe përfaqësuesit e partive shqiptare, nënshkruese të marrëveshjes me të cilën iu dha fund krizës politike disa mujore.

Së bashku me Peterlen në Shkup kanë qenë  edhe bashkëkryesuesit e Komitetit, Sergej Stanishevi dhe Angel Xhambaski.

Në këtë delegacion, gjatë ditës janë takuar edhe përfaqësuesit e partive shqiptare, nënshkruese të marrëveshjes me të cilën iu dha fund krizës politike disa mujore.

Sipas njoftimit të lëshuar të BDI-së, thuhet se në takimin e kreut të kësaj partie me delegacionin nga Brukseli, është biseduar kryesisht rreth krizës politike në vend me ç’rast Kryetari Ahmeti i ka njoftuar Eurodeputetët mbi marrëveshjen e arritur midis katër liderëve të partive më të mëdha në vend me lehtësimin e Komisionerit Hahn, tre Eurodeputetëve dhe Ambasadorëve të BE dhe SHBA në vend.

Ahmeti ka theksuar se që marrëveshja është e dobishme për vendin sepse rikthen stabilitetin politik, mundëson reforma sistemore që i përforcojnë institucionet e vendit, adreson marrëveshjen e Ohrit, marrëdhëniet ndëretnike, marrëdhëniet me fqinjtë dhe integrimin EuroAtlantik.

read more
1 642 643 644 645 646 653
Page 644 of 653