close

Vendi

VendiVideo

REFUGJATËT NË TABANOVCË: PO IKIM NGA LUFTA!

no thumb

 

Maqedonia planifikon të ngre gardh dhe të angazhojë ushtrinë përgjatë kufirit me Greqinë! – kështu agjencitë e lajmeve citojnë të ketë thënë shefi i diplomacisë, Nikola Popovski  për shtypin hungarez. Megjithse e ka paralajmëruar si zgjidhje të përkohshme, deklarata ka hasur në reagime të ashpra, si në vend ashtu edhe jashtë.Kështu, një zëdhënës i Komisionit Evropian e ka hedhur poshtë këtë ide të Maqedonisë Margaritis Sinas ka thënë se çështja nuk qëndron në atë sesa Bashkimi Evropian e ndihmon Maqedoninë, por  – ngritja e rrethojës nuk është përgjigje adekuate për kapërcimin e krizës. Ndërkohë, vala e refugjatëve ka vazhduar edhe sot. Hekuran Aqifi ishte në vendkalimin kufitar të Tabanovcës.

Më shumë se 10 mijë emigrantë  kanë tranzituar nëpër Maqedoni  vetëm 24 orët e fundit. Sipas vlerësimeve nga organizatat humanitare ndërkombtare dhe ato për të drejtat e njeriut në dy muajt e fundit nga Greqia në Maqedoni kanë hyrë mbi 70 mijë emigrantë. Numri më i madh prej tyre vazhdon të vijë nga Siria.

Ekipi i Tv tonë sot qëndroi në pikën kufitare Tabanovcë që lidh Maqedonin me Serbinë. Emigrantë e refugjatët thonë se kanë ikur nga lufta dhe se rruga e tyre deri në Maqedoni ka qenë e largët dhe e vështirë. Thonë se kanë paguar shuma të mëdha për transport dhe ushqejnë shpresën se do të gjejnë shpëtimin, një jetë më të mirë, në vendet e europës.

“Jam nga Alepo e Sirisë ku ka luftime të mëdha. Ne kemi ikur në drejtim të Turqisë. Në Greqi kemi ardhur me anije, mirëpo rruga ka qenë e vështirë dhe e frikshme. Kemi paguar nga 1.100 euro për çdo anëtar të familjes. Shpresojmë se unë dhe familja ime do të arrijmë në Gjermani.’’

“Quhem Mahmud. Jam nga Siria. Edhe në fshatin tim po luftohet. Unë  jam me prejardhje kurde. Në fillim kemi ikur drejt Irakut. Nga aty kemi vazhduar për në Turqi. Në Turqi kemi pushuar ca ditë dhe kemi vazhduar me  anije për në Greqi . Nga Gjevgjelia e deri këtu kemi paguar 20 euro për çdo person. Qëllimi im është të mbërrij shëndosh në Gjermani.’’

Sipas vlerësimeve të Komisariatit të Lartë të Kombeve të Bashkuara për refugjatë, UNHCR-së, gjatë 24 orëve të fundit, nga kufiri jugor drejt kufirit verior nëpër vendin tonë kanë transituar rreth 10.000 emigrantë .

Në pikën kufitare në Tabanovcë sot ishte edhe përfaqsuesi i lartë për rajonin nga organizata UNHCR Andrej Majer:

‘Unë jam këtu në Tabanovcë dhe lokalitete të tjera për të vizituar refugjatët dhe emigrantët të cilët kanë kaluar nëpër vështirësi të shumta. Shohim shumë njerëz, një pjesë në Maqedoni dhe një pjesë në Serbi. Ne tani duhet të mbështesim mijëra njerëz të cilët udhëtojnë. Ajo që duhet të nënvizoj është  puna që po bëjnë njerëzit e Maqedonisë dhe organizatat të cilat punojnë këtu për të përballuar këtë gjendje të vështirë.’ – Andrew Mayre- Përfaqsues i Lartë i UNHCR-së për Rajonin

Transporti i emigrantëve edhe sot në mëngjes po zhvillohet në mënyrë intensive, kryesisht me autobusë dhe taksi. Organizatat humanitare ndërkombëtare dhe ato për të drejtat e njeriut paralajmërojnë se edhe gjatë ditëve në vazhdim  do të ketë fluks të madh refugjatësh. /H. A./

 

 

read more
VendiVideo

MANASTIR: EDHE TIRANA NË MBROJTJE TË THESAREVE HISTORIKE

no thumb

Një delegacion i Ministrisë së Kulturës së Shqipërisë i kryesuar nga zv.ministri Zef Buçi ka qëndruar në hapësirat e Muzeut të Alfabetit në Manastir,për të bërë përgatitjet e fundit për rinovimin e enterierit të këtij muzeu dhe përgatitjeve të projekteve ideore për vendosjen e figurave prej dylli të veprimtarëve të njohur të çështjes shqiptare në hapësirat e këtij muzeu.Takimi vjen si rezultat i nënshkrimit të marrëvshjes së bashkëpunimit mes dy ministrive të kulturës, Shqipërisë dhe Maqedonisë, nënshkruar në Prill të këtij viti. /R. S./

read more
VendiVideo

SINIÇAN: SHKOLLA E RE – NGJARJE HISTORIKE!

no thumb

Të premten në Siniçan u bë hapja e shkollës së shumëpritur e cila i ka munguar këtij fshati dekada rradhazi. Në këtë vendbanim frymojnë rreth 1600 banor, në 300 shtëpi.

Nga sot nxënësit e fshatit Sinican në komunën e Bogovinës,  nuk do të udhëtojnë më për të ndjekur mësimet e tyre deri në fshatin Kamjan. Ky është objekti i shkollës së re “Sabedin Bajrami” me një sipërfaqe prej mbi  1000 metër katror.

Numri i nxënësve të cilët kanë udhëtuar nga Sinicani për në Kamjan për t’i ndjekur mësimet, ka qenë rreth 200 dhe ka përbërë 9 paralele, dhe tani, këto paralele janë pjesë e shkollës së re.

Ministri i Arsimit, Abdilaqim Ademi, tha sot me rastin e përurimit të objektit të shkollës së re se investimi në arsim është investim në ardhmëri.

Edhe kryetari i komunës së Bogovinës Hazbi Idrizi thotë se ndërtimi i kësaj shkolle, me dhjetë klasa dhe disa kabinete e me  një bibliotekë moderne, përfundimisht ka hequr njëherë ë përgjithmonë një problem për banorët e kësaj ane.

I pranishëm në këtë aktivitet kryetari i Bashkimit Demokratik për Integrim Ali Ahmeti, tha se investimi më i mirë që mund të bëhet është ai në arsim.

Numri i nxënësve të cilët kanë udhëtuar nga Sinicani për në Kamjan për t’i ndjekur mësimet, ka qenë rreth 200 dhe ka përbërë 9 paralele, dhe tani, këto paralele janë pjesë e shkollës së re.

Prerjes së shiritit të kuq  natyrisht se i janë gaëzuar më së shumti ata për të cilët edhe u ngrit shkolla. /V. A./

 

read more
Vendi

KRIZA E REFUGJATËVE: PRITET VALË E RE

no thumb

Në vendkalimin kufitar të Gjevgjelisë me Greqinë, dhe të Tabanovcës me Serbinë, edhe sot është regjistruar një fluks i madh refugjatësh. Shiu që ka rënë thuaja gjatë gjithë ditës ka bërë që autoritet të përshpejtojnë  kalimin në kampin e pranimit, por edhe transportimi i tyre me trena e autobusë.

Mbrenda 24 orëve të fundit janë lëshuar 1.296 leje për azil shtetasve të huaj që po lëvzin nëpër Maqedoni. Ministria e Punëve të Brendshme njofton se me këtë  dokument që nga 19 qershori e deri më sot  janë pajisur gjithsej 68.784 persona.

Sipas Ministrisë së Brendshme, numri më i madh i azilkërkuesve  është nga  Siria – mbi 54.500 persona. Pasojnë refugjatë nga Afganistan, Iraku, Pakistani, Palestina e disa shtete të tjera. Nga stacioni i trenit në Gjevgjeli informojnë se dje në drejtim të Tabanovcës janë nisur rreth me 3.300 emigrantë . Për ta janë siguruar pesë trena. Edhe mëngjesin e sotëm është nisur një tren me 600 emigrantë në drejtim të pikës kufitare me Serbinë. Transpsorti bëhet edhe me mjete tjera, madje ka edhe të tillë që udhëtimin e bëtjnë në këmbë. Nga Qendra e pranimit  bëjnë të ditur se gjatë ditës pritet që të tranzitojnë nëpër vendin tone edhe gjashtë mijë emigrantë.

Organizatat humanitare ndërkombtare dhe ato për të drejtat e njeriut paralajmërojnë se edhe gjatë ditëve në vazhdim pritet një fluks i madh refugjatësh të cilët kryesisht vijnë nga Greqia fqinje. /H.A./

 

read more
VendiVideo

NUK KA PLAN B PËR PROKURORIN

no thumb

Ambasadori evropian në Maqedoni Aivo Orav thotë se Prokurori Special do të zgjidhet deri më 15 shtator. Ai u shpreh i kënaqur nga punët e deritanishme të partive politike. Në tavolinë mbetet modeli i prokurorit, se a do të jetë me zëvendës, ose do të ketë ekip ekspertësh. Për këtë pritet marrëveshje mes pozitës dhe opozitës.

“ Nuk ka plan B sa i përket zgjidhjes së çështjes së Prokurorit special. Ai do të zgjidhet deri më 15 shtator. Kanë mbetur edhe disa çështjem, por jam i sigurtë se edhe nëse jo në orët që vijojnë, në ditët e ardhshme këto çështje do të shqyrtohen në një mënyrë konstruktive në interest ë vendit, që në 15 shtator të arrihet marrëveshja dhe më 16 shtator të fillojë prokurori me punë.“ – shprehet Aivo Orav – Ambasador i Bashkimit Evropian në Maqedoni.

Kështu komentoi euroambasadori Aivo Orav mundësin që zgjedhja e Prokurorit Special të prolongohet. Orav hodhi poshtë tezën se kjo pikë e marrëveshjes së 2 qershorit  mund të dështojë.

Orav tha se arritja e marrëveshjes mes partive politike ishte proces i rëndë, por jo edhe aq sa do të jetë përmbushja e asaj marrëveshje.

Mirëpo, Orav vlerësoi lartë punimet e deritanishme të grupeve të punës, të angazhuara për jetësimin e marrëveshjes së 2 qershorit.

“Jam i kënaqur që një numër i madh i punëve tanimë janë përfunduar. Grupet e punës po flasin rreth formave. Opozita u kthye në kuvend më 1 shtator, gjë që shënonte një element kyç të marrëveshjes, kurse tani na pret edhe një datë kyçe në javën që vijon.”- deklaron Orav.

Grupet e punës të partive politike tanimë kanë hapur një çështje tjetër të ndijshme. Ato po diskutojnë rreth asaj se a duhet prokurori special të ketë zëvendës, apo ekip të bashkëpunëtorëve ekspertë. LSDM-ja opozitare po kërkon sistem me zëvendës, ndërsa VMRO-DPMNE-ja po insiston në ekip ekspertësh. Petre Shilegov nga LSDM-ja thotë se nuk do të ketë mundësi askush t’i shmanget zgjedhjes së Prokurorit Special.

“Pesëmbdhjet shtatori është disa ditë afër. Nëse mendoni mirë, të vetmit që nuk do t’i konvenonte zgjedhja e Prokurorit Publik Special ose Prokuror Special me autorizime të vërteta dhe reale, ai është Nikolla Gruevski dhe grupimi kriminel rreth tij”- thotë Petre Shilegov nga LSDM-ja.

Ndërkaq, Lëvizja për Reforma- PDSH ka dalë sot me propozim që në Maqedoni të instalohen, sikurse është shprehur anëtari i Kryesisë, Naim Bajrami, gjykata special evropiane.

Zgjedhja e Prokurorit Special është edhe ndër pikat e para me të cilat pritet të fillojë jetësimi i marrëveshjes së 2 qershorit, të cilin e arritën partitë politike të Maqedonisë, nën vëzhgim të faktorit ndërkombëtar. /K. S./

read more
Vendi

SHKUP: RASTI I SOPOTIT ENDE PA EPILOG GJYGJËSOR!

no thumb

 

Gjykata Penale në Shkup ka anulur edhe një seancë gjyqësore për rastin e Sopotit. Sot duhej të merret vendim rreth kërkesës së avokatëve për ndarje të deklaratës së dëshmitarit, Ramadan Bajramit, nga proces verbali. Shtyerjen e marrjes së vendimit të formës së prerë, avokati Naser Raufi e ka komentuar  me vendosjen së afërmi të Prokurit të Posaçëm i cili sipas tij, duhet të merret edhe me këtë rast..

Sipas avokatit, Naser Raufi, kjo dëshmi nuk duhet të merret parasysh, pasi është në kundërshtim me Ligjin për procedurë penale dhe Kushtetutën.Të gjitha të dhënat tregojnë se deklarata është dhënë nën presion fizik dhe psikik, dhe se i njëjti më pas e ka tërhequr të njëjtën.

Edhe pse të gjithë  të dënuarit në proçesin e Sopotit, megjithatë ata, si palë e dëmtuar presin drejtësinë. Lirimi i tyre, sikundër dihet, u bë pas formimit të komisionit anketues  parlamentar ku ka dëshmuar edhe ish-ambasadori i NATO-s në Maqedoni, Nikolas Bigman. Komisioni anketues grumbulloi të dhëna që provonin se të dyshuarit ishin dënuar në mungesë të provave dhe në shkelje të procedurave ligjore dhe si rrjedhojë gjykata i liroi, duke urdhëruar edhe përsëritjen e proçesit gjyqësor. /H. A./

 

read more
VendiVideo

SKANDAL: DADOJA QË S’ËSHTË DADO!

no thumb

 

Një video e publikuar mbrëmë ka bërë xhiro nëpër të gjitha rrjetet sociale, ku shihet qartë teksa një dado aplikon metoda dhune ndaj një fëmije të cilin e kishte nën përkujdesje. Prokuroria në Shkup ka konfirmuar se do te merret me zbardhjen e rastit.

Pas publikimit të videos e cila u bë me pëlqimin e prindërve, 61 vjeçares i është ngritur kallëzim penal. Prokurori Publik ka konstatuar se ekziston dyshim i arsyeshëm për kryerjen e një krimi. Sipas nenit 201 të Kodit Penal, keqtrajtimi i një fëmije sanksionohet me dënim prej një deri në dhjetë vjet burg.

Rasti i cili ka shokuar opinionin publik ka ndodhur në Shkup. Prindërit e foshnjës kishin vendosur një kamera të fshehte në shtëpinë e tyre pasi tek i mitur nëntëmuajsh kishin vënë re disa shenja dhune.
Dado-ja ishte kujdesur për Darijanin pesë muaj rradhazi, ndërsa nuk dihet nëse gjatë gjithë kësaj kohe ajo e kishte trajtuar atë si në video. Lidhur me këtë, ne morëm mendimin e  psikologes Sheruze Osmani:

Osmani  këshillon që përpara se të zgjidhni dikë i cili do të kujdeset për fëmijën tuaj, nëse nuk mund t’i siguroni një testim psikologjik, të paktën të zhvilloni me të një orë bisedë dhe të keni parasysh nëse  është në gjendje të mirë nervore.

Nga ana tjetër, në rrjetin social fejsbuk një person me profilin Vanco Micev, është paraqitur si avokat i i autores së veprës penale. Ai ka kërkuar nga gjykata që xhirimet të mos merren si dëshmi sepse, thotë ai,  janë bërë pa autorizim! /V. A./

 

read more
VendiVideo

PAPUNËSIA: SI TË ZBUTET?

no thumb

 

Gjatë tremujorit të parë të këtij viti, Enti i Statistikës ka regjistruar 262 mijë e 140 të papunë. Kurse sot kjo shifër është zvogëluar për rreth  50 mijë veta.

Në Maqedoni, sipas të dhënave zyrtare,  210 mijë njerëz janë të papunë. Prej tyre  25.000 janë të moshës 18 deri 29 vjeçare.  Pavarësisht kësaj, shumë të rinj  gjejnë kohë, pse jo dhe para, për  të bërë atë që quhet jetë moderne. Një është të mos kesh punë, tjetër është ta refuzosh atë, e krejtësisht tjetër të kërkosh lëmoshë, qoftë kjo edhe nga prindërit. Por të shkojmë me radhë….

Kriza ekonomike dhe mungesa e projekteve zhvillimore, ka bërë që edhe numri i të papunëve të rritet. Ç’është e vërteta, të dhënat statistikore flasin se në tre mujorin e parë të vitit në vazhdim shifra e të pa punëve arrinte në 262 mijë e 140 kurse sot kjo shifër ka pësuar një rënie të dukshme.

Edhe më tej pjesën dërmuese të të papunëve, diku 47%, e përbëjnë të rinjtë deri në moshën 24 vjeçare. Sociologu Naser Sinani këtë tabllo të zymtë ia përshkruan pushtetit.

Po ç’thonë vetë protagonistët e kësaj kronike – të papunët?

Njohësit e kësaj problamatike, si dhe vet të anketuarit, rrugëdaljen e shohin në gjenerimin e vendeve të reja të punës, por edhe në një strategji më të qëndrueshme të zhvillimit, që nënkupton edhe një bashkëpunim më të ngushtë mes ndërmarrjeve dhe institucioneve të shkollimit të lartë, me qëllim të  mbajtjes llogari edhe për nevojat e kërkesat e tregut. Sociologu Naser Sinani, nuk përjashton as rolin e familjes.

Nga rreth 700 mijë të punësuarit në Maqedoni, pjesa më e madhe e tyre është e angazhuar në industrinë përpunuese, në bujqësi dhe në biznese që lidhen me tregtinë. /Xh. I./

read more
VendiVideo

NDOTJA: FONDE EDHE NGA BE-ja PËR PËRMIRËSIMIN E CILËSISË SË AJRIT

no thumb

Me 1.1 milion euro nga Bashkimi Evropian do të përmirësohet cilësia e ajrit në Maqedoni në kuadrin e projektit që nisi sot dhe implementohet nga ministria e ambientit hapësiror dhe Instituti për shëndet publik.

Ministria e Mjedisit paralajmëron thellim të bashkëpunimit me institucionet shëndetësore për të mbrojtur shëndetin e qytetarëve nga ndotja e ajrit, me theks të veçantë në Tetovë dhe Shkup, ku ajri rezulton të jetë më i ndotur. Ministri i Mjedisit, Nurhan  Izairi tha se ky bashkëpunim do të bëhet në kuadër të projektit për menaxhimin e cilësisë seë ajrit, financuar nga fondet e Bashkimit Evropian.

Ambasadori i Bashkimit Evropian në Maqedoni,  Aivo Orav, ka konfirmuar vendosmërinë e Bashkimit Evropian për të mbështetur  përpjekjet për mbrojtjen e mjedisit. Me këtë rast, ai  ka kërkuar nga autoritetet  të jenë të vendosura për implementimin e reformave dhe zbatimin e ligjeslacionit në fuqi.

Këto komente ministri Izari dhe ambasadori  Orav i bënë gjatë promovimit të projektit për menaxhimin e cilësisë së ajrit.  Projekti ka nis të zbatohet  nga maji i këtij viti dhe do përfundojë në janar të vitit 2017. Për këtë qëllim, përmes fondeve  evropiane të IPA-s ku janë siguruar 1.1 milionë euro. /H. A./

 

read more
Vendi

GRUEVSKI-ZAEV:PROKURORI SPECIAL DOEMOS DUHET TË ZGJIDHET!

no thumb

Marrëveshja e Përzhinës dhe Prokurori i Posaçëm ishin në qendër të vëmendjes së fjalimeve të liderëve të pozitës dhe opozitës në Maqedoni me rastin e Ditës së Pavarësisë.

Siç është arritur dhe nënshkruar  marrëveshja ashtu duhet të realizohet – ka thënë Gruevski. Prokurori i Posaçëm duhet të ketë ekipin e ekspertëve me të cilët do të punojë dhe askush nuk guxon ta pengojë – ka theksuar kryeministri.

Prokurori i Posaçëm duhet të zgjidhet në afatin e paraparë – ka thënë lideri socialdemokrat Zaev dhe pret që të hapen procedurat, për, siç tha, të gjitha krimet që dalin nga bisedat e përgjuara.

Derisa kanë mbetur edhe pak kohë deri në afatin përfundimtar sipas burimeve të negociatorëve, bisedimet janë në një fazë të rëndë ngase të dy palët kanë qëndrime të ndryshme. Pritet që edhe faktori ndërkombëtar të ndihmojë në zgjidhjen e kësaj çështje mjaft të rëndësishme për opozitën.

Përderisa,  Zaevi për eurointegrimet e bllokuara dhe mos ftesën për anëtarësim në NATO e akuzoi Qeverinë e Gruevskit, kryeministri nga ana tjetër bllokimin 7-vjeçar në BE ia adresoi Greqisë dhe ka kërkuar nga Brukseli, siç tha, ti jap fund kësaj padrejtësie.

read more
1 660 661 662 663 664 691
Page 662 of 691