close

Video

Top LajmeVendiVideo

(VIDEO) PËRKRAHJE PËR AKTIVISTIN E “BANJËS SË TETOVËS”

Komuna e Tetovës: Katër punonjës të NPK-së i bashkëngjiten iniciativës


Storja “Leksione ekologjike nga iniciativa vetanake” që u transmetua javën e kaluar në Klan Maqedoni ku protagonist kryesor ishte ambientalisti Ismet Nebiu i cili jep shembullin e aktivizmit qytetar duke mirëmbajtur rrugën e Banjës së Tetovës për dekada me radhë duket se arriti efektivitetin e saj…

Nga sot duket se Axha Ismet nuk do të jetë i vetëm në misionin e tij fisnik. Katër punonjës të Ndërmarjes Publike Komunale Tetovë i kanë ardhur në ndihmë pas takimit që ai ka bërë me përfaqësues të Komunës disa ditë pas stories së emetuar në Klan Maqedoni.

Edhe pse i thyer në moshë në asnjë moment nuk kurseu vitalitetin e tij për të kontribuar. Falënderime pafund duke reflektuar gjithë lumturinë që kishte; sot më është shtuar jeta u shpreh Axha Ismet.

Mbizotëron shpresa që kjo iniciativë të jetë një fillim i mbarë reflektimi si nga autoritetet poashtu edhe shoqëria civile, me të vetimin qëllim që ky potencial turistik të shndërrohet në destinacion atraktiv për t`u vizituar. Sido që të jetë, jam e bindur se sa herë që do t’i drejtoheni Banjës së Tetovës, do ta takoni Axhën Ismet, duke e bërë punën e njëjtë, tash e disa dekada me radhë. /Artina Zeqiri/

read more
RajoniTop LajmeVideo

(VIDEO) ATHINË: ZGJEDHJET- PËRSE TË RINJTË KTHEHEN KAH KONSERVATORËT

Kriza financiare dhe pasojat e saj, të cilat në Greqi ndjehen më shumë se një dekadë, detyruan qindra mijëra të rinj të shpërngulen nga vendi, ndërsa ata që mbetën, në masë të madhe janë të dëshpëruar nga qeveria në Athinë. Tani, disa ditë para zgjedhjeve parlamentare, një numër i madh i votuesve të rinj kthehen kah opozitarja Demokracia e Re. Arsyeja kryesore është shpresa për politikë më të mirë ekonomike.

Si shumë të rinj tjerë grekë, 22 vjeçari Tasos Stavridis planifikon të largohet nga vendi pasi të diplomojë. Gjenerata e tij pothuajse gjysmën e jetës e ka kaluar në krizë, ndërsa shkalla e papunësisë te të rinjtë nga viti 2010 deri tani është rreth 40%.

“Kriza financiare zgjatë shumë më tepër sa e kishim planifikuar, jemi të rraskapitur. Shumica e shokëve të mi planifikojnë të largohen. Në Greqi pagat janë të ulta, ndërsa gjendja ekonomike edhe më tej është e keqe”. – tha Tasos Stavridis njëri nga qytetarët.

Derisa Greqia përgatitet për zgjedhje të përgjithshme më 7 korrik, të rinjtë ia kthejnë shpinën SIRIZA-s – partisë qeveritare e cila në vitin 2015, deklarohej e orientuar kah gjenerata e tyre. Në zgjedhjet e muajit të kaluar për Parlamentin Evropian, shumica e të rinjve ose pak më shumë se 30% e votuesve në moshë nga 18 deri në 24 vjet, e mbështetën opozitaren Demokracia e Re nga qendra politike, e cila llogaritet si pjerësisht përgjegjëse për futjen e vendit në krizë financiare para një dekade. Lideri i saj, Kirjakos Micotakis, i cili pritet të fitojë në zgjedhje, premton tatime më të ulta, privatizim të gjërë të shërbimeve publike dhe bisedime të reja me kreditorët grekë, që sasi më të mëdha të parave të investohen në vend.

“E saktë, edhe unë i fajësoj ata për krizën, por mendoj se Micotakis ka bërë shumë ndryshime. Pajtohem me planin ekonomik që e ka partia dhe besoj se ai do të ndihmojë që të tejkalohet kjo situatë.” –deklaroi qytetari Tasos Stavridis.

Zoi Babaolu ka vetëm 19 vjet, ndërsa votën e saj në zgjedhjet evropiane e dha për Demokracinë e Re. Në fillim të krizës, babai i saj ka mbetur pa punë, kështu që familja vazhdon të ndjehet e dëshpëruar dhe e tradhtuar.

“Në zgjedhjet që kaluan familja ime e mbështeti të majtën, por doli se në vend u bë edhe më keq. Tani mendoj se është më së miri të kthehemi te opsioni më i sigurtë.” shprehet qytetarja Zoi Babaolu.

Qeveritarja SIRIZA e kryeministrit Aleksis Cipras erdhi në pushtet me platformë të qartë kundër establishmentit në Greqi, por si duket zhgënjeu shumë nga votuesit e saj, për shkak të injorimit të rezultatit nga referendumi për pakon financiare me anëtaret e Euro – zonës për dalje nga kriza. Edhe pse Demokracia e Re deklarohet si liberale rreth çështjeve të ekonomisë, qëndrimet e saj sociale janë konservative – në qendër të vëmendjes ka “familjen dhe kishën”, ndërsa Micotakis kthehet edhe nga e djathta radikale me premtimin për ndalimin e procesit të shpërnguljes. Për dallim nga ai, SIRIZA, miratoi ligj për mbrojtjen e të drejtave të komunitetit LGBT dhe angazhohet për ndarjen e kishës nga shteti në Greqi.

“Të jem i sinqertë, nuk jam krenar me këtë politikë sociale, por besoj se nëse angazhohemi për përmirësim të ekonomisë, do të jetë më e lehtë që në të ardhmen të zbatohet edhe liberalizmi social.” –vlerëson qytetari Tasos Stavridis.

“Në vitin 2015 votuam për ideologji, dhe nuk pamë ndryshime. Për këtë arsye tani jam më e interesuar për masat ekonomike.” –përfundon qytetarja Zoi Babaolu.

Kur flasin për politikë, te të rinjtë grekë ndjehet cinizëm, sidomos kur bëhet fjalë për çështjet rreth korrupsionit dhe meritokracinë e pamjaftueshme, probleme të cilat i përshkruajnë si kyçe për shkallën e lartë të shpërnguljes. Janë të vetëdijshëm se Kirjakos Micotakis vjen nga një prej dinastive politike më të vjetra në vend, por thonë se “nuk mund të jetë më keq se kaq”. /Biljana Georgievska/

 

read more
RajoniVideo

(VIDEO) LUGINË: SHQIPTARËT PADISIN MINISTRIN SERB TË MBROJTJES

Ragmi Mustafës, kryetarit të këshillit kombëtar shqiptarë, kësaj radhe i ka penguar vërtetë mënyra e shprehjes së ministrit të mbrojtjes së Serbisë pasi ai i quan shqiptarët me një term pezhorativ “shiptari”. Mustafa i është drejtuar një gjykate të Beogradit zyrtarisht me një padi kundër ministrit Aleksandar Vullin. Thotë se kjo është e patolerueshme kur vjen nga një ministër dhe andaj çështjen do ta çoj deri në fund.

Por, ministri dhe partia e tij e quajnë krenari dhe në një deklarim kanë thënë se ëndërra e Mustafës është Shqipëria e madhe dhe kjo është arsye e padisë ndaj tij.
Kryetari I trupit koordinues për jugun e Serbisë, një organ qeveritar për vendet ku jetojnë shqiptarët, thotë se politika nuk përzihet.

“Nëse Mustafa mendon se dikush e ka ofenduar ose shkelur ligjin dhe i është drejtuar gjykatës, atëherë kjo duhet të zgjidhet në bazë të ligjit. Ne nuk kemi drejt të përzihemi në drejtësi.” tha Zoran Stankoviq, Trupi Koordinues për Jugun

Mustafa në Bujanoc, thotë se termi “shiptari” është ofendues pasi është shpikur për tu përdorur në këtë kontekst. Këtë gjuhë së fundmi në Serbi e kanë kthyer shumë media duke mos thënë “albanci” sic thuhet serbisht, por “shiptari”. Këshilli nuk arrijnë të padis aq sa ky term përdoret.

Gjykatat në Serbi disa herë e kanë dënuar këtë gjuhë në të shkuarën dhe është ndaluar me ligj. Por, kjo nuk duket më shumë e rëndësishme. Shqiptarët besojnë se nëse gjykata është e paanshme, ata do të fitojnë. /Idro Seferi, Beograd/

 

read more
Top LajmeVendiVideo

(VIDEO) EDHE NJË KOMPANI NË ZIZHT TETOVË  

300 vende të reja pune, Bekteshi inspekton punimet


Nga tetori i këtij viti pritet të fillojë me punë fabrika e re e qelqit në Zonën e Lirë Ekonomike në Tetovë. Ky investim prej 9 mln eurosh pritet të hap vende pune për rreth 300 persona.

Ministri Bekteshi theksoi se falë partneritetit publiko-privat po arrihet që të jepen rezultate nga të cilat do të përfitojnë qytetarët. Ai përmendi, impaktin ekonomik, por edhe punësimet si dhe ndikimin e kësaj zone në zbutjen e papunësisë. Por, Lidhur me shqetësimet që ngriti Ministrja e Jashtme norvegjeze Eriksen Sereide, gjatë vizitës në këtë zonë, për lidhjen e kësaj zone me autostradën Shkup-Tetovë, Ministri Bekteshi është zotuar se të gjitha obligimet nga ana e Qeverisë do të përmbushen në afat të caktuar, duke mos saktësuar se kur.

‘Ne si qeveri në bashkëpunim shumë të afërt me drejtuesit e zonës ekonomike të Tetovës bën përpjekje maksimale me të vetmin qëllim që sa më shumë ta zhvillojmë këtë zonë ekonomike e cila do të ketë impakt jo vetëm në zhvillimin e komunës së Tetovës, por njëkohësisht do të ketë impakt edhe në zhvillimin e rajonit. Për ne është një përgjegjësi që të mund të tërheqim investitorë të huaj në bashkëpunim me investitorin privat dhe me siguri të gjitha obligimet të cilat i ka shteti ndaj zonës së lirë ekonomike të Tetovës, më konkretisht të investitorit privat do t’i përmbushi në afat të cilat do të jenë në bashkëpunim me investitorin privat.’ tha Kreshnik Bekteshi – Ministër i Ekonomisë

Menaxheri i projektit Goce Peshev, theksoi se ndërtimi i objektit pritet të përfundojë në fund të këtij muaji, ndërkaq me prodhimin e qelqit pritet të fillohet në tetor të këtij viti.

‘Në Zonën e Lirë ekonomike në Tetovë nga ana e shoqërisë për prodhimtari dhe tregti GlasFlex nga Shkupi do të ndërtohet objekt me një sipërfaqe prej 9 mijë metra katrorë për prodhimin e qelqit të shkrirë dhe të petëzuar dhe llojeve të tjera speciale të qelqit që do të prodhohen këtu. Në muajin gusht duhet të vendosen pajsijet instaluese dhe duhet të arrijnë makineritë të cilat do të vijnë nga Finlanda, Spanja dhe Italia. Duhet të fillojë montimi i makinerive, në muajin shtator do të kontrollohen makineritë dhe në tetor do të fillohet me prodhimin e qelqit. 80% i produkteve do të eksportohen ndërsa 20% do të ngelë në tregun e brendshëm.’shprehet Goce Peshev – Menaxher i Projektit

Menaxhuesit e Zonës së Lirë Ekonomike në Tetovë edhe një herë kanë ngritur cështjen e kycjes së kësaj zone në autostradë, që sipas tyre, do të prodhonte një efekt më të madh ekonomik.

Ndryshe, kompania “GlassFleks”  do të investojë rreth 9 mln euro dhe pritet të punësojë rreth 300 persona./Blerona Jakupi/

 

read more
EkonomiTop LajmeVendiVideo

(VIDEO) BANKA BOTËRORE DHE PROJEKTET KOMUNALE

Komuna e Zhelinës ndër gjashtë komunat që kanë fituar projekte


Kryetari i komunës së Zhelinës, Blerim Sejdiu, së bashku me Zv.ministren e financave Shirete Elezi, si dhe përfaqësues të Bankës Botërore, në terren kanë bërë mbikëqyrjen e punimeve të disa projekteve infrastrukturore në këtë Komunë. Bëhet fjalë për rikonstruktimin e një shkolle fillore dhe rrugës lokale të fshatrave në këtë komunë.

Projekti i përmirësimit të shërbimeve komunale që financohet nga Banka Botërore ka lehtësuar punën e komunave. Komuna e Zhelinës ka aplikuar në këtë projekt në vitin 2016.

Zv/Ministrja e Financave potencoi se me ligjin e ri për financimin e komunave janë lëshuar rreth 44 milionë denarë për shlyerjen e borxheve.

Komuna Zhelinës është ndër gjashtë komunat që kanë fituar këtë projekt që financohet nga Banka Botërore, por edhe me kofinancim nga Komuna e Zhelinës.

Rikonstruktimi i shkollës fillore “Fan Noli” si dhe rikonstruktimi i rrugës lokale Grupcin Novosellë në distancë prej 3 km u miratuan nga këshilli komunal i komunës së Zhelinës në shkurt të vitit 2018 kurse në shtator të të njëjtit vit u realizua marrëveshja me Ministrinë e Financave.  Deri në fund të vitit pritet finalizimi i projekteve. /Artina Zeqiri/

 

read more
Top LajmeVendiVideo

(VIDEO) TETOVË: SËRISH PROTESTA KUNDËR LIGJIT PËR PËRGJIMET

PSP të hap lëndë bazuar tek përgjimet


Në Tetovë u organizua protesta e radhës kundër ligjit për sanksionimin e personave të cilët bëjnë publikimin e bisedave të përgjuara. Protesta ishte paqësore dhe në të morën pjesë edhe shoqata të ndryshme nga diaspora.

Dhjetëra protestues nga qytete të vendit dhe Shqipërisë u grumbulluan në Tetovë për të protestuar në lidhje me ligjin për përgjimet, i cili siç u theksua mbron klasën e kriminalizuar politike dhe sanksionon publikuesit e bisedave duke kërkuan që i njëjti të shpallet i pavlefshëm.
Marshi i protestuesve filloi nga Universiteti i Tetovës, por u ndërpre nga kordoni policor i cili ishte vendosur në hyrje të fshatit Reçicë e Vogël me qëllim mos afrimin e protestuesve në selinë e BDI-së që ndodhet pikërisht aty.
Blerim Ahmeti, vëllai i El Chekës, i cili ishte edhe ndër organizatorët e protestës, theksoi se në incizimet e përgjuara përveç shkeljeve të të drejtave të njeriut shkilet edhe Kushtetuta e vendit. Shfrytëzimi i pushtetit për interesa personale, vrasjet, diskriminimi, keqpërdorimet dhe mobingu janë në interes publik, theksoi Ahmeti.
Në mbështetje të protestës ishte edhe Shpëtim Pollozhani nga Shoqata e të burgosurve politik shqiptar i cili theksoi se urdhëri për bllokadë me polici është turp, pasi që siç u shpreh, qytetarëve nuk duhet t’iu mohohet e drejta e protestës. Prokuroria të hapi lëndë bazuar nga përgjimet deklaroi Pollozhani.
Përveç ligjit për përgjimet, protestuesit kërkuan edhe hetime ndërkombëtare për rastin e Almirit, Lagjen e Trimave, rastin e Harun Aliut dhe raste të tjera. Protesta u mbështet nga shoqata të ndryshme të cilat veprojnë në diasporë, shoqata ‘Atdheu’, ‘Kalaja’, shoqata shqiptaro – amerikane me seli në Çikago dhe të tjera. Poashtu u paralajmërua që protestat do të vazhdojnë edhe në ditët e ardhshme. /Blerona Jakupi/
read more
RajoniVideo

(VIDEO) “KATASTROFA HUMANITARE NË VERI”

Banorët e veriut janë alarmuar pas deklaratave të Beogradit për krizë humanitare në very të Kosovës. Prishtina zyrtare këtë e quan inskenim të situatës nga Beogradi.


Institucionet e Kosovës ditë më parë paralajmëruan për një plan të Serbisë për inskenim të një krize humanitare në veri të Kosovës. Më pas pasuan deklaratat e Beogradit se në veri po ndodh një krizë humanitare. Kjo ka alarmuar banorët serbë të këtyre komunave.

Çfarë të them, kjo është katastrof, po bëjnë shaka me njerëz, kjo është tmerr, asgjë… asgjë….

Disa gjëra gjenden, disa jo … e kështu…

Çfarë tiu theme, lokalet janë gjysmë të zbrazura, kam dashur të ajkë për fëmijë por nuk mund të gjej,, edhe një ditë dy,,, nuk do të ketë produkte më…

Pavarësisht deklarimeve të Beogradit për krizë humanitare në katër komunikat veriore të Kosovës, vizita në markete të ndryshme të këtyre komunave dëshmon të kundërtën.

Pronarët e marketeve nuk na lejonin të filmonim brenda tyre, por edhe ato pak që na lejuan, ishin vetëm për pjesët të cilat i kishin zbrazur raftet.

Në marketet të cilët i kemi vizituar, kishte sasi të mjaftueshme të produkteve ushqimore, në përjashtim të produkteve të qumështit dhe mishit të cilat ishin në sasi më të vogël. Ndërsa më 1 dhe 2 korrik bizneset atje kanë paralajmëruar se do të ketë mbyllje të lokaleve, si shenjë proteste.  Ministri i Tregtoisë dhe Industrisë Endrit Shala ka mohuar të ketë krizë humanitare në veri, duke thënë se ky është një inskenim i Beogradit zyrtar, derisa sipas tij 30 inspektorë të institucioneve të Kosovës të cilët i përkasin nacionalitetit serb janë vazhdimisht në terren dhe nuk raportojnë për një krizë të tillë. /BLERTA DALLOSHI BERISHA – TV KLAN – PRISHTINË

read more
Top LajmeVendiVideo

(VIDEO) LEKSIONE EKOLOGJIKE NGA INICIATIVA VETANAKE

Xhamija e Larme, Hamami, Arabati Baba Teqe, Kodra e Diellit , Ujëvarat e Malit Sharr, Kalaja por edhe “Banjat e Tetovës” janë disa nga pikat kryesore turistike, disa të mirëmbajtura e disa të lëna në mëshirën dhe pamëshirën e natyrës…….E nëse nuk e keni ditur, Tetova është e njohur edhe per plazhin…Është momenti të njiheni më shkëmbijtë nga të cilët dikur qytetarët hidheshin për tu freskuar në lumin Shkumbin….


 Ndriçimi, asfaltimi i rrugës, vendosja e pushimoreve, janë disa nga investimet që jane bërë ne Banjen e Tetovës por shumëcka mbetet për t`u dëshiruar.

Kompetentët thonë se bëjnë punën e tyre, por apelojnë që edhe qytetarët të kenë kujdes.

“Banjat e Tetovës” kanë edhe simbolin e përkushtimit…. Axha Ismeti çdo ditë i hyp biçikletës dhe çdo mëngjes niset drejt “Banjës së Tetovës”. Jo vetëm për të shijuar bukritë e këtij vendi, por,  zakonisht për të pastruar dhe mirëmbajtur këtë vend…. Thotë që e bën për “popullin”  dhe se ndjehet jashtëzakonisht i lumtur kur vullnetarisht pa asnje pagesë kontribon në pastërtinë e qytetit të tij sot e disa dekada./Artina Zeqiri

read more
Top LajmeVendiVideo

GRUEVSKI NË FB: ARRESTIMET DEFOKUSIM I OPINIONIT

Lidhur me aksionin e djeshëm në shumë lokalitete të Shkupit, është prononcuar përmes Facebookut edhe ish-Kryeministri Nikola Gruevski. Ai nga Budapesti thekson se arrestimet dëshirojnë të defokusojnë opinionin, nga zhvatjet, krimi, mos angazhimi i qeverisë dhe tradhëtive.


“Me çka ta mbulosh papastërtinë, ajo mbetet papastërti”. Në këtë mënyrë, duke cituar Dostojevskin, ish-Kryeministri në arrati Nikola Gruevski ka komentuar përmes Facebookut arrestimete djeshme të funksionarëve të VMRO-DPMNE-së, në një aksion policor në disa lokalitete në Shkup. Gruevski, arrestimet e djeshme i quan politikisht të porositura dhe të fabrikuara nga LSDM-ja, siç shprehet, njëjtë sikurse paraardhësit e tyre komunist në vitin 1945. Në një vështrim të gjatë, përmes 10 pikave, ish-Kryeministri Gruevski, shkruan se pushteti ka filluar një gjah pas anëtarëve të VMRO-DPMNE-së, siç thotë për të mbuluar dështimet e qeverisjes aktuale në shumë fusha. Ai e ka akuzuar edhe PSP-në se po zbaton drejtësi selective.

“Me xhirime selektive të cilët sipas ligjit janë dëshmi të jashtëligjshme, kurdisin e gjykojnë, sikurse shteti, gjykatat dhe prokuroritë të jenë të etërve të tyre dhe harrojnë se kur do të bien, të gjithë urdhërdhënësit dhe ekzekutorët do të përgigjen për këto vepra”

Ish-Kryeministri Gruevski, nga Budapesti, në fund të pronocimit të tij të gjatë përmes Facebookut, nuk harroi tu dërgojë mesazhe kërcënimi auttoriteteve të vendit. “Ky është rasti i 751. Sikur kjo të jetë një gjah. Harrojnë se do të vijë edhe një sezon tjetër gjahu, ku populli, duke e parë se ç`janë duke bërë, do t`ua marrë fuqinë dhe nuk do të jenë ata gjahtarët, megjithatë do të jenë aty …në natyrë” – ka shkruar Gruevski në rrjetin social Facebook.

read more
Top LajmeVendiVideo

(VIDEO) TUBIM KUNDËR PARADËS SË KRENARISË KUNDËR LGBT-SË EDHE GRUPE QË BIEN NË GRUPIN E TË MARGJINALIZUARVE

Si kundërpërgjigje të Paradës së parë të Krenarisë, në Qendër të Shkupit u mbajt marshi për të promovuar vlerat tradicionale të familjes. Organizata e quajtur “Aleanca për jetë” përmes një marshi të ashtuquajtur “Dëshmi për familjen” mbajti një protest paqësore, sic thanë për të promovuar vlerat e vërteta tradicionale të familjes.


Në njërën anë vajzë me veshje kombëtare… Edhe në tjetrën anë person me veshje kombëtare
Por me bindje plotësisht të kundërta. E para ka dalë që ta përkrahë familjen tradicionale, kurse personi i dytë, ka dalë të shpreh se është ndryshe nga ajo e para.
Në krye të tubimit, që u organizuar si kundërpërgjigje ndaj Marshit të Krenarisë, qëndronin klerikët fetarë nga Kisha Ortodokse.

Jemi këtu që të dërgojmë edhe porosi deri tek ata që vendosin, tek politika, si deri tek ata që momentalisht na përfaqësojnë, ne si qytetarë dhe si besimtar e kundërshtojmë këtë proces që është aktual në botë, e ajo është ridefinimi i martesës, familjes dhe gjinisë! Ai proces është i papranueshëm për ne, dhe ne për këtë shkak jemi mbledhur këtu dhe ky mbledhim është si kundërpërgjigje e asaj proteste, ne nuk jemi kundër askujt, por nuk mundemi të pranojmë proces që është kundër vlerave themelore të fesë dhe vlerave… Pa martesë, pa familje, ashtu si zoti na ka bekuar, ashtu si është tradicionalisht, nuk ka jetë dhe për këtë shkak jemi këtu./IVICA TODOROV, PRIFT


Pjesëmarrës në tubimin kundër Paradës së Krenarisë ishte edhe një person që i përket një grupi që është një ndër më të diskriminuarit dhe më të margjinalizuarit në këtë shoqëri… Suaret Alishan ka dalë të protestoj kundër një komuniteti tjetër që konsideron se është i diskriminuar për shkak se është i mllefosur, se grupi që ai i përket, nuk po e fiton vëmendjen që e ka LGBT komuniteti.

Gjatë gjithë kohës ne ishim në Parkun e Gruas me ditë të tëra dhe kërkonim të drejtat e personave me pengesa në zhvillim, por për fat të keq atë kohë, Qeveria e Republikës së Maqedonisë, për grupin që është më i margjinalizuar nuk gjeti mjete që të përkrahë një paradë apo kampanjë ku do të mundnim të gjithë ne personat me pengesa, se deri ku jemi. Ne kemi dalë këtu që të tregojmë se të hënën, si Organizatë Qytetare “5në12” dhe si koalicion për të drejtat qytetare, “We Change Macedonia” do të kërkojmë që sa para janë ndarë për LGBT komunitetin, të ndahen edhe për ne, sepse nuk është fer që personat me pengesa të harrohen./SUARET ALISHAN, “5NË12”

Tubimi i personave kundër LGBT komunitetit përfundoi tek Kisha Ortodokse, pa ndonjë incident të theksuar./KlanMacedonia

read more
1 2 3 4 5 182
Page 3 of 182