close
Sport

FUTBOLL: KUPA E AFRIKËS DO TË LUHET SIPAS PLANIT

KUpa e Afrikës

Kupa e Afrikës në futboll është e caktuar të fillon më nëntë janar, dhe tanimë të gjitha vendet pjesëmarrëse grumbullojnë lojtarët për të cilët pretendojnë t’ia arrijnë qëllimin në këtë event kontinental.

Për zhvillimin e këtij edicioni të vitit 2022 ka pasur shumë dyshime në ditët e fundit nëse gjithçka do të zhvillohej sipas planit, duke qenë se në vendin organizator, Kamerunin, janë shtuar shumë rastet me COVID. Disa prej klubeve kanë “kërcënuar” se nuk do t’i lejojnë futbollistët e tyre të udhëtojnë për në Kamerun si pasojë e shkallës së lartë të rrezikshmërisë.

Megjithatë, nga Federata e Kamerunit ka ardhur njoftimi se eventi do të zhvillohet sipas planit. Një zyrtar i kësaj federate ka theksuar se lajmet për anulimin e kompeticionit janë fallco dhe spekulative.

Sipas organizatorëve është duke u bërë gjithçka dhe po punohet me orë të tejzgjatura, në mënyrë që Kupa e Afrikës të rezultojë e suksesshme në aspektin organizativ dhe futbollistëve të mos iu rrezikohet shëndeti si pasojë e virusit të rrezikshëm./KlanMacedonia/

Klan Macedonia

The author Klan Macedonia