close
Vendi

GREQIA NESËR DO TË DËRGOJË NË MAQEDONI NOTË VERBALE

greqia-s

Katrugalos: Nga e hëna fillojnë obligimet e saja të brendshme


Nesër, Republika e Greqisë do të dërgojë në Republikën e Maqedonisë notë verbale se e ka ratifikuar Protokollin për anëtarësim në NATO, kështu ka bërë të ditur ministri alternativ i Punëve të Jashtme i Greqisë, Jorgos Katrugallos në një intervistë për Agjencinë e Lajmeve të Maqedonisë “MIA”.

Ministri alternativ i Punëve të Jashtme të Greqisë, njofton se Athina deri tek Shkupi nesër do të dërgoj notë verbale që do të informojë se Greqia e ka ratifikuar edhe Marrëveshjen e Prespës dhe Protokollin për anëtarësimin në NATO. Jorgos Katrugalos, në një intervistë për agjencisë greke të lajmeve ANA-MPA, i sqaron hapat e ardhshëm pasi Parlamenti grek të premten dha dritë të gjelbër për Protokollin e anëtarësimit në NATO, ndërsa më 25 janar e ratifikoi Marrëveshjen e Prespës.

“Të hënën do të dërgohet notë verbale, nëpërmjet së cilës do të njoftohet për ratifikimin e marrëveshjes, dhe në vazhdim Maqedonia e Veriut do ta informojë OKB-në, por edhe të gjitha shtetet anëtare”, tha Katrugallos.

Sa i takon hyrjes në fuqi të emrit të Maqedonisë së Veriut, ai sqaroi se ajo është e definuar qartë me Marrëveshjen e Prespës, gjë e cila zyrtarisht ka nisur dje të zbatohet.

Qeveria tanimë ka formuar grup ndërinstitucional i cili do të duhet që të përpunojnë plan aksional nacional për zbatimin e masave dhe aktiviteteve, ndërkaq në afat prej shtatë ditëve institucionet shtetërore, pikat kufitare dhe përfaqësitë diplomatike-konsullore do të duhet që t’i ndërrojnë tabelat me emrin e ri të shtetit – Republika e Maqedonisë së Veriut. Emri i ri i shtetit do të harmonizohet edhe me Ligjin për përdorimin e gjuhëve që do të thotë se tabelat do të shkruhen edhe në shqip pasi që, siç ka deklaruar para ca kohës zëdhënësi qeveritar, Mile Boshnjakovski, shqiptarët janë 20% në nivel shtetëror. /Klan Maqedoni/

 

Klan Macedonia

The author Klan Macedonia