close
Vendi

Hapet tenderi për pikëkalimin kufitar Llojan-Miratoc

FB_IMG_1651762491818-750×430

Kryetari i komunës së Likovës Erkan Arifi sot është pritur në takim nga kryetari i Komunës së Preshevë, Shqiprim Arifi.

Në takim është biseduar për thellimin e bashkëpunimit mes dy komunave si dhe rreth pikëkalimit kufitar Miratoc-Llojan.

“Risollëm në tryezë mundësitë e bashkëpunimit afatgjatë, për projektet e rëndësishme mes dy komunave, nga ku e kishim lënë.

Shkëmbyem ide e mendime në avancimin e prioriteteve të përbashkëta, veçanërisht mbi vendimin për hapjen e tenderit për pikëkalimin kufitar Miratoc Llojan. Projekt ky, që do të jetë në dobi të dy komunave tona, njëkohësisht pas një angazhimi të madh edhe kjo nismë është rrugës së duhur me rezultate të mira padyshim.

Ndërkohë, biseda u përqëndrua edhe në IPA Projektin e përbashkët, të cilin e kemi filluar me Komunën e Likovës; si i pari projekt i nisur pas 20 vjetëve, të cilin pushteti i kaluar e ka stagnuar për të mos u zhvilluar më tutje.

Bashkëpunimet mes nesh do të vazhdojnë , mirënjohje për punën e mirë në të gjitha drejtimet!”, thuhet në njoftimin e komunës së Preshevës.

Klan Macedonia

The author Klan Macedonia