Indi/ Lirohen 11 meshkuj të dënuar për përdhunim në grup të një gruaje shtatzënë

11 meshkuj hindu të dënuar me burgim të përjetshëm për përdhunimin në grup të një gruaje myslimane shtatzënë gjatë trazirave hindu-myslimane në vitin 2002 janë liruar me falje. Ata u dënuan në fillim të vitit 2008 dhe u liruan nga burgu në Panchmahals në shtetin perëndimor të Gujarat këtë të hënë, pikërisht në ditën kur India festoi 75 vjet nga fundi i sundimit britanik.

Dhuna në Guxharat, një nga trazirat më të rënda fetare të Indisë çoi në vdekjen e më shumë se 1 000 njerëzve, shumica prej të cilëve myslimanë. Gujarat u drejtua më pas nga kryeministri aktual indian Narendra Modi si kryeministër dhe Partia e tij nacionaliste hindu.

Zyrtarët thanë për “Reuters” se Komiteti Këshillues i Burgjeve kishte rekomanduar lirimin e tyre pasi kishte marrë parasysh kohën që të 11-të kishin kaluar në burg dhe sjelljen e tyre të mirë.

“Fakti është se ata kishin kaluar afër 15 vjet në burg dhe kishin të drejtë për falje,” thanë zyrtarët.

Ligjet indiane i lejojnë të dënuarit të kërkojnë falje pas 14 vjetësh në burg.

Nga ana tjetër, opozita tha se lirimi i tyre bie ndesh me politikën e qeverisë për ngritjen e të drejtave të femrave.

“Heqja e dënimit të të dënuarve për një krim të tmerrshëm si përdhunimi në grup është moralisht dhe etikisht i papërshtatshëm. Cili është mesazhi që po përpiqemi të dërgojmë?”, tha avokati i lartë Anand Yagnik./tvklan.al

Lexo gjithashtu
Total
0
Share