close
Top LajmeVendi

Ish kryeministri Gruevski shfaqet i qetë në një restorant në Budapest

Screenshot_9-11-770×300-1-696×271 (1)

Edhe pse Gjykata Penale e Shkupit ka dënuar ish-kryeministrin e Maqedonisë së Veriut, Nikolla Gruevski me nëntë vite burg për shpërdorim të detyrës dhe të autoritetit zyrtar gjatë viteve 2011 dhe 2012, ai është fotografuar i qetë në Hungari.
Në fotot që po shihni janë siguruar nga Opinion.al, ndërsa ish-kryeministri shihet teksa drekon me dy persona në një nga restorantet e Budapestit.

Gruevski së bashku me disa ish-zyrtarë maqedonas janë dënuar për rastin e njohur si “Kosmos”, rrënimin e një objekti të një biznesmeni që kundërshtonte politikën e partisë asokohe në pushtet VMRO-DPMNE, që drejtohej nga Nikolla Gruevski.

Nga trupi gjykues, vepra e kryer është vlerësuar si e motivuar për hakmarrje politike.
Për veprën e njëjtë, ish-ministri i Transportit, Mile Jakanievski është dënuar me tre vjet burg, ndërsa me katër vjet burg u dënua ish-kryetari i Komunës së Gazi Babës në Shkup, Toni Trajkovski.

Sipas aktgjykimit, të dënuarit duhet bashkërisht t’ia kompensojnë dëmin e shkaktuar biznesmenit Fiat Canovski, në shumën mbi 11 milionë euro.

Hetimi kundër Gruevskit dhe zyrtarëve tjerë ishin iniciuar nga afera e përgjimeve që ishte publikuar në vitin 2013 nga Zoran Zaev, ish-kryetari i Lidhjes Social Demokrate, e cila në atë kohë ishte në opozitë.

Ish-kryeministri Nikolla Gruevski, më parë është dënuar me dy vjet burgim për blerjen e një makine luksoze në vlerë prej mbi 600 mijë euro, por dënimin nuk e ka vuajtur pasi që ishte arratisur nga Maqedonia e Veriut.

Ish-kryeministri Nikolla Gruevski, më 13 nëntor të vitit 2018, njoftoi përmes “Facebook”, se ishte arratisur në Hungari. Pak ditë më vonë ai njoftoi se autoritet hungareze i kishin miratuar kërkesën për azil politik për shkak se sipas tij, po ndiqej politikisht nga qeveria e kryeministrit Zoran Zaev. Në rrugën për në Hungari, Gruevski ka kaluar në territoret e Shqipërisë, Malit të Zi dhe Serbisë.

Klan Macedonia

The author Klan Macedonia