close
Rajoni

Kosovë, polici vret vëllain e tij

B7FD80A9-2891-4999-874E-959EBA3C6EEB

Një zyrtarë i Policisë së Kosovës ka vrarë vëllain e tij. Ngjarje e rëndë ka ndodhur në fshatin Gushtericë të Graçanicës. Mediat kosovare raportojnë se vëllezërit janë të nacionalitetit serb.

Rastin e ka konfirmuar edhe zëdhënësja e policisë për rajonin e Prishtinës, Flora Ahmeti.

“Sot rreth orës 15:00, kemi pranuar informatën për të shtëna me armë zjarri, në fshatin Gushtericë e Poshtme të Graçanicës. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të cilat kanë hasë në një person pa shenja jete”, deklaroi Ahmeti.

“Vdekjen e viktimës (mashkull) e ka konstatuar ekipi mjekësor në vendngjarje. Personi i dyshuar (zyrtar policor) është arrestuar ndërkohë që aktualisht hetuesit policorë në bashkëpunim me IPK-në, kanë nisur një hetim për sqarimin e të gjitha rrethanave që lidhen me rastin”, tha Ahmeti.

Klan Macedonia

The author Klan Macedonia