Ndeshja e pare e turit të dytë për kualifikim në Ligën e Kampionëve mes kampionit të Kroacisë, Dinamo Zagrebit dhe kampionit të Maqedonisë Veriut FC Shkupi pas 90 minutave lojë mjaft interesante dhe me kthesa të shumta përfundoi.
Shkupi kaloi në epërsi me golin e Queven në minutën e 25-të, ndërsa barazoi Arijan Ademi në minutën 44-të. Me këtë rezultat përfundoi pjesa e parë. Në pjesën e dytë me një lojë barazi dhe me raste nga të dyja anët vendasit kaluan në epërsi 2-1 me golin e Bruno Petkoviq në minutën e 87-të, ndërsa vetëm dy minuta më pas Shkupi barazon me golin e Cephas.
Pra ndeshja e parë Dinamo – Shkupi përfundoi me barazim 2-2 dhe çdo gjë mbetet e hapur për ndeshjen kthyese që do të zhvillohet pas një jave në arenën “Todor Proeski” në Shkup./KlanMacedonia/
