close
Sport

MANCINI: SHORTI I VËSHTIRË PËR NE

Mancini

Trajneri i kombëtares së kaltër, Roberto Mancini komentoi shortin, e dueleve “play-off” të Botërorit Katar 2022,  të cilin e cilëson tepër të vështirë.

“Mund të shkonte më mirë shorti. Do të jetë shumë e vështirë për ne. Maqedonia e Veriut është një skuadër e fortë, më pas do të shkojmë të luajmë finalen në Turqi ose Portugali. Do të jetë e vështirë, pasi bëhet fjalë për rivalë shumë të fortë”, deklaroi trajneri i katër herë kampionëve të botës. Kuptohet që ne dhe Portugalia duhet t’i fitojmë gjysmëfinalet. Vështirësitë janë gjithmonë të mëdha kur bëhet fjalë për ndeshje teke. Besimi dhe pozitiviteti nuk na mungojnë, sidomos në momentet më të vështira. Maqedonia shkëlqeu në grup, ata meritonin fitoren edhe ndaj Suedisë, por nuk ia dolën. Duhet të luajmë një ndeshje të madhe ndaj tyre”.

Më pas një koment për Portugalinë. “Siç donim t’i shmangim, ndoshta edhe ata donin të na shmangnin neve. Rëndësi ka që t’i kemi të gatshëm të gjithë futbollistët në mars”, përfundoi Mancini./KlanMacedonia/

Klan Macedonia

The author Klan Macedonia