close
Sport

MERKATO: JUSUFI DHE TAFE BËHEN TË RENOVËS

354C84A8-1B68-4840-AFC5-272918114390

JAPONEZI KEN AKAMATSU NGA NJU MEKSIKO NË PROVË


Klubi i  futbollit Renova  vazhdon me  angazhimin e  futbollistëve  të rinj për pjesën e  dytë të kampionatit  ku  krahas  ekzistencës  pretendon   mesin e tabelës  dhe  pse  jo edhe  pjesën e epërme. Kështu që pas kolumbianit Xhon Edu Mena Perez, Arlind Alitit i cili u huazua nga  ekipi i Shkëndijës  dhe  sllovenin  Marko Gajiq, drejtuesit e  klubit  sot kanë  arritur marrëveshje me Fatjon Jusufin i cili nga FC Shkupi sërish kthehet te Renova dhe ka  firmosur kontratë 18  mujore, si dhe Arben Tafe i cili  vjen nga Bellasica dhe ka firmosur kontratë 1 vjeçare .

 Por kur bëhet fjalë për afatin kalimtar dimëror me ekipin e Renovës në provë është edhe një futbollist japonez. Bëhet fjalë për sulmuesin 25 vjeçar Ken Akamatsu nga ekipi FC Nju Meksiko të SHBA-ve, cili me gjasa reale do të bëhet futbollist i ardhshëm i Renovës.

Ndryshe  skuadra  që drejtohet nga  trajneri Qatip Osmani, vazhdon   sipas planit përgatitjet për pjesën e dytë të kampionatit, ndërsa  më 16  janar do të zhvilloj kontrolluesen e pare kundër ekipit Drita të Bogovinës. /KlanMacedonia

Klan Macedonia

The author Klan Macedonia