Mickoski: Do t’i them Ursula von der Leyen “kjo është Maqedonia”

Kreu  i VMRO-DPMNE-së Hristijan Mickoski në protestën e sotme, të dhjetën me rradhë deklaroi se deputetet e VMRO-së nuk do të votojnë për amendamentet e Kushtetutës dhe sipas tij nuk do të votojnë as deputetët e LSDM-së pasi ta shohin Protokollin që do ta nënshkruajë Bujar Osmani. Ai thotë se vetëm pak nëse ka diçka maqedone tek ata do të ndërrojnë mendje dhe nuk do të votojnë.

“Unë me të vërtetë nuk di çfarë të them tjetër përveç se ata duhet të thonë JO në momentin e fundit. Mendoj se ka të paktën pak maqedonas në to dhe nëse ka edhe pak maqedonas në to, atëherë ata do të thonë JO. Sepse do ta përsëris edhe një herë, ajo që po ofrohet nuk është fillimi i negociatave për Maqedoninë. Ajo që ofrohet është fotografimi  në Bruksel, për të filluar negociatat duhet të ndryshohet Kushtetuta dhe ne si VMRO-DPMNE e kemi thënë qartë dhe me zë të lartë se Kushtetuta nuk do të ndryshohet, pavarësisht spekulimeve. Këtu ju siguroj me përgjegjësinë më të madhe se VMRO-DPMNE nuk do të votojë për amendamentet e Kushtetutës dhe mendoj se nuk do të votojnë as deputetët e LSDM-së pasi ta shohin Protokollin që do ta nënshkruajë Bujar Osmani. Sepse ai është aq i keq, sa  mendoj edhe disa prej tyre, ose ndoshta jam shumë optimist, kështu që nuk di çfarë të them, por prapë besoj se disa nga deputetët e LSDM-së kanë diçka maqedone në vete  sepse kur ta lexojnë propozimin, ai është protokolli që do ta nënshkruajë Bujar Osmani, do të ndërrojnë mendje dhe do të shajnë veten sepse kanë lejuar të votojnë edhe këtë të ashtuquajtur propozim të modifikuar të fundit”, deklaroi Mickoski.

I pyetur nga gazetarët se çfarë do t’i thotë nesër presidentes së Komisionit Evropian, Ursula von der Leyen, pa u përgjiur në mënyrë prezice Mickoski theksoi se do ti thotë se ky është populli maqedonas.

“Se kjo është Maqedonia dhe populli maqedonas me traditën e vet, popull maqedonas që ka kulturën e vet dhe flet gjuhën maqedonase”, u përgjigj kryetari i VMRO-DPMNE-së. /KlanMacedonia

 

 

Lexo gjithashtu
Total
0
Share