close
Rajoni

PATRIARKU IRINEJ MALIT TË ZI, LARG DUART NGA KISHAT

Screenshot_6

Miletic shpreson për kompromis


Është Viti i Ri serb apo ai me kalendarin Julian. Në Serbi festohet më shumë nga kisha e më pak nga njerëzit. Por, kësaj radhe patriarku Irinej shërben liturgjinë ndryshe dhe me lutje të vecantë-Kishat në Mal të Zi. Mijëra njerëz janë mbledhur për ta mbështetur klerikët dhe serbët e atjeshëm pasi thonë që Podgorica e ka idenë vetëm kundër serbëve dhe vet besimtarëve. Patriarku i quajti njerëz pa besim ligjëvënësit malazez dhe kërkoj nga ta që t’i mbajnë duart larg nga kisha pasi këtë nuk e kanë bërë as turqit.

“Të lutemi nga ky vend i shenjtë që Perëndia t’i bëjë të kuptueshëm njerëzit që atje vendosin, që të lënë të qetë tempujt e Zotit që populli të qetësohet pasi populli nuk do të qetësohet derisa të mos heqin dorë nga qëllimet e tyre.” –shprehet patriarku Irnej, Kisha Ortodokse Serbe.

Shumë janë ndarë për çështjen e kishës, përveç klerikëve – edhe politika serbe.

Analisti Dejan Miletic, thotë se nuk është Serbia duke bërë presion, por populli. Kjo situatë nuk është e lehtë pasi, thekson se nëse pyeten serbët për origjinën në një moment arrijnë në Mal të Zi. Edhe shenjëtorët janë të përbashkët dhe rrënjët e shtetit. Serbët ndjejnë padrejtësi andaj është rrezik, por Miletic shpreson për kompromis.

“Ajo që ka bërë Millo Gjukanovic, ka bashkuar serbët në rajon dhe tani ekziston një energji e re e cila thotë se është mjaft me përuljen e interesave serbe dhe nëncmimin e popullit serb duke i hequr të drejtat. Ekziston një ndjenjë e padrejtësisë ndaj serbëve dhe kjo mund të shkaktoj problem dhe mund të sjellë deri tek një ortek pakënaqësie që mund të kthehet në kryengritje më të gjerë. Shpresoj që nuk do të vijë deri tek kjo dhe se njerëzit do të kenë ndjeshmëri.” –deklaroi Dejan Miletic, analist.

Kisha Ortodokse Serbe ka paralajmëruar rrugët ligjore, ndërsa protesta janë paralajmëruar nga studentët. Por, ndarja identitare mes serbëve e malazezëve duket vështirë e kthyeshme. /Idro Seferi, Beograd/

 

Klan Macedonia

The author Klan Macedonia