close
Bota

Pse është i rëndësishëm qyteti i Kharkiv

p7k2mszdgfmijpdd7ci2giroji-sixteen_nine

Qyteti i Kharkiv ndodhet në verilindje të Ukrainës dhe është rreth 50 kilometra larg kufirit rus dhe jo shumë larg rajonit të Donbasit, shtëpisë së grupeve separatiste pro-ruse që në luftë janë përkrah Moskës.

Kharkiv është një qytet i rëndësishëm, në fakt, qyteti i dytë më i madh i Ukrainës. Përpara luftës, aty banonin 1.4 milionë banorë. Me banorët e provincave përreth, numri i popullsisë shtohej me 1 milion njerëz të tjerë.

Kjo e bënte një shënjestër kyçe strategjike për trupat ruse që prej ditës së parë të luftës. Megjithatë, linja ushtarake ukrainase do të qëndronte për javë të tëra e pamundur që të thyhej.

Për pasojë, Rusia nisi që ta sulmonte me artileri të rëndë duke bombarduar qytetin siç bëri në Mariupol. Kjo shkaktoi dëmtime të shumta. Por javët e fundit, trupat ukrainase kanë bërë një kundërsulm për të marrë qytetet në veri dhe kanë shtyrë në kufi trupat ruse.

Disa raportime thonë se trupat ruse janë shtyrë mjaftueshëm sa për të mos rrezikuar qendrën e qytetit. Guvernatori i Kharkiv ka thënë se ende është i rrezikshëm kthimi në qytet.

/tvklan.al

Klan Macedonia

The author Klan Macedonia