close
Bota

Rusia godet zonat rreth Kievit

ukraine-4 (2)

Ukraina kërkon të rimarrë jugun duke bllokuar forcat ruse, Zelensky kërkon një sinjal për të rinsiur eksportet e grurit

Rusia ka kryer sulme vdekjeprurëse në të gjithë Ukrainën, ndërsa Kievi ka shtuar përpjekjet për të rimarrë rajonin e pushtuar jugor të Khersonit. Pesë persona u vranë dhe 26 u plagosën kur raketat goditën qytetin qendror të Kropyvnytskyi.

Pranë Kievit, 15 persona u plagosën në një bazë ushtarake. Rajonet veriore dhe jugore të Ukrainës u goditën gjithashtu. Kjo vjen pasi Ukraina kërkon të izolojë trupat ruse në jug të vendit. Një urë kyçe në qytetin Kherson është jashtë funksionit pasi forcat ukrainase e goditën atë me raketa me rreze të gjatë veprimi të furnizuara nga SHBA. Kjo e bën të pamundur për Rusinë dërgimin e dislokimeve dhe armatimit mbi urën Antonivsky.

Ministri i Mbrojtjes i Mbretërisë së Bashkuar, Ben Ëallace, ka thënë se forcat ruse në Ukrainë janë në “një pikë shumë të vështirë“. Inteligjenca britanike deklaron se strategjia e Putin tregon se forcat ruse munden vetëm të vrasin njerëz pa dallim si dhe të shkatërrojnë por kjo gjë nuk tregon se ata po fitojnë.

Ndërkaq Ministria e Mbrojtjes e Rusisë tha se Ukraina goditi një burg në territorin e mbajtur nga separatistët me raketa HIMARS të prodhuara nga SHBA të premten (29 Korrik), duke vrarë 40 të burgosur ukrainas të luftës dhe duke plagosur 75 persona. Forcat e armatosura të Ukrainës kanë mohuar kryerjen e sulmeve me raketa në objektin e paraburgimit në Olenivka, duke akuzuar Rusinë se po përpiqet të mbulojë atë që Kievi e quajti torturë dhe vrasje e të burgosurve ukrainas.

Presidenti ukrainas Volodymyr Zelenskiy ka bërë të ditur se vendi i tij është gati të rifillojë dërgesat e grurit nga portet e Detit të Zi dhe është në pritje të një sinjali nga Kombet e Bashkuara dhe Turqia për të nisur. Eksportuesit ngritën shqetësime këtë javë nëse kompanitë do të jenë të gatshme të sigurojnë anije me grurë që lundrojnë në ujërat e minuara në portet e Detit të Zi të Ukrainës, ndërsa blerësit hezitojnë të bëjnë porosi të reja duke pasur parasysh rrezikun e sulmeve ruse.

Ministri i Jashtëm rus Sergei Lavrov në një deklaratë u shpreh se Moska së shpejti do të propozojë për një telefonatë me Sekretarin e Shtetit të SHBA Antony Blinken, në të cilin Blinken ka thënë se dëshiron të diskutojë një shkëmbim të të burgosurve të mbajtur në Rusi dhe SHBA.

Klan News

Klan Macedonia

The author Klan Macedonia