close
Sport

SHEIKËT ARABË TË NEWCASTLE JANË AFËR BLERJES SË INTERIT

Interi shitet
KOSTOJA ËSHTË PLOT 1 MILIARD DOLLARË APO  884,109 MILIONË EURO


 
Interi kalon nga pronarët kinezë te ata sauditë të cilët kanë në zotërim tashmë edhe Njukasëllin në Angli. Lajmi i bujshëm vjen nga International Business Times, i cili ka bërë të ditur se në ditët në vijim palët do të nënshkruajnë kontratat për të bërë të mundur kalimin e klubit te sheikët për një kthesë të papritur ngjarjesh.

 

Nuk është hera e parë që ka pasur raportime për interesim nga Fondi i Investimeve Publike të Arabisë Saudite për kampionët e Serie A.

Sipas International Business Times, marrëveshja është bërë tashmë mes palëve dhe dokumentet do të mbërrijnë në selinë e Interit gjatë ditëve të ardhshme.

Sugjerohet se kostoja e operacionit është plot 1 miliard dollarë apo afërsisht 884,109 milionë euro ose 744,56 milionë funte.

Kjo vjen vetëm disa ditë pasi Suning Group njoftoi se kriza e tyre e borxhit po lehtësohej, por dihet mirë se biznesmenët kinezë kanë kërkuar investitorë të rinj prej disa kohësh.

Interi thuhet se ka një humbje prej 13 milionë euro në muaj, pavarësisht se shiti në verë yje si Romelu Lukaku dhe Achraf Hakimi.

Në anën tjetër, PIF tashmë ka përfunduar blerjen e diskutueshme të klubit të Ligës Premier, Newcastle United, në muajin tetor.

Është pjesë e një plani më të gjerë që autoritetet saudite të bëhen një lojtar kryesor në botën e sportit dhe veçanërisht të futbollit./KlanMacedonia/

 

 

Klan Macedonia

The author Klan Macedonia