close
Rajoni

SHQIPËRI: 29 TË DYSHUAR, ASNJË I INFEKTUAR ME KORONAVIRUS

Screenshot_7

Shqipëria mbetet ende zyrtarisht jashtë hartës së vendeve të prekura nga koronavirusi. 3 rastet e reja për të cilat u dyshua rezultuan negative pas testimit të kryer të shtunën në laboratorin e virologjisë në Institutin e Shëndetit Publik.

“Nga periudha e shfaqjes së epidemisë në Kinë e deri mbrëmjen e djeshme janë testuar në total 29 raste të dyshuar, të cilët kanë rezultuar negative për COVID-19. Rastet kanë pasur shenja të infeksionit të sipërm respirator dhe histori udhëtimi me vendet ku ka shpërthime komunitare.” -deklaroi Eugena Tomini, shefe e Epidemiologjisë ISHP.

Në numrin 127 të Urgjencës Kombëtare janë regjistruar rreth 1500 telefonata vetëm në 24 orët e fundit.

“Në 24 orët e fundit thirrjet në nr. e Urgjencës Kombëtare 127 kanë arritur nivelin e 1485 telefonatave, nga të cilat 57 prej tyre janë vlerësuar në lidhje me infeksion viral respirator dhe histori udhëtimi me Italinë.” -shprehet Eugena Tomini, shefe e Epidemiologjisë ISHP.

Sa i takon fluksit të udhëtarëve në 24 orë, në Shqiperi kanë hyrë mbi 13 mijë persona, të cilët janë monitoruar nga strukturat shëndetësore. /Tv Klan/

Klan Macedonia

The author Klan Macedonia