close
Top LajmeVendi

Shqiptohen 135 kundërvajtje trafiku në Shkup, 57 për tejkalim të shpejtësisë së lejuar

296989380_362904676020066_5084359381714494483_n

Ministria e Punëve të Brendshme gjatë ditës së djeshme (30.07.2022) vazhdoi me kontrollimet e përforcuara në trafik.

Vetëm në territorin e qytetit të Shkupit gjatë ditës së djeshme janë shqiptuar  gjithsej 171 kundërvajtje, prej të cilave pesëdhjetë e shtatë sanksione për tejkalim të shpejtësisë së lejuar, trembëdhjetë sanksione për drejtimin e automjetit pa patentë shofer, gjashtë gjoba për shoferët e motoçikletave.

Poashtu janë shqiptuar edhe nëntë sanksione për drejtimin e automjetit nën ndikimin e alkoolit,  shtatë sanksione për automjete të paregjistruara, pesë sanksione për shoferët fillestarë…

Kontrollimet e përforcuara në trafik do të vazhdojnë edhe në ditët në vijim.

Nga MPB apelojnë deri te të gjithë pjesëmarrësit në komunikacion t’u përmbahen rregullave  dhe rregulloreve në trafik me qëllim të rritjes së sigurisë në rrugë.

Klan Macedonia

The author Klan Macedonia