Të shtënat me armë zjarri trondisin SHBA në ditën e pavarësisë

Vetëm 10 minuta pasi kishin nisur festimet për 4 Korrikun, në Illinois të SHBA shpërthyen të shtënat me armë. Sipas asaj që raportojnë mediat vendase janë të shumtë personat që dyshohet të jenë qëlluar me armë zjarri.

Të shtënat raportohen në paradën e Highland Park, rreth orës 10:00 të mëngjesit të kësaj të hëne.

Momentalisht mbetet e paqartë sa persona kanë mbetur të vdekur apo të plagosur. The Chicago Sun-Times raporton se të paktën 5 persona u panë të mbuluar nga gjaku.Banorët e zonës që kishin dalë për festuar Ditën e Pavarësisë, u panë duke vrapuar nga frika.

Rreth orës 11:20, me orën lokale, policia e Illinois në një postim në Twitter shkruajti se të shtënat vijonin, ndaj kërkoi nga qytetarët që të shmangnin zonën./tvklan.al

Lexo gjithashtu
Total
0
Share