close
E20AE2B4-BA9D-409C-92C3-E5BCF58DB865

REXHEPI: TË KONSUMOHEN MË SHUMË LËNGJE


Shumica e popullatës ballafaqohet me shumë sëmundje kronike qofshin ato kardiovaskulare, respiratore, nefrologjike si dhe endokrine andaj është e udhës që të gjithë t’i respektojnë mirë rekomandimet e mjekëve amë, kështu u shpreh mjeku Rexhep Emurllai, sipas tij popullata gjatë kësaj periudhe duhet të konsumojnë më tepër lëngje, të kënë sa më pak kontakte me diellin, në të kundërtën mos respektimi i masave mund të na shpije në një dukuri të tmershme.

Është mirë që me një vetëdije shumë të lartë të dim si të ballafaqohemi një me periudhën e pandemisë si dhe me ditët e nxehta të verës, e cila mund të shkakton sëmundje të ndryshme, kështu vlerëson Rexhep Emurllai sipas tij kujdes të veçantë duhet të kenë pacientët me sëmundje kronikë.

TONIKISHT REXHEP EMURLLAI – MJEK 

“Ti respektojnë rekomandimet maksimale të mjekëve përkatës, se padyshim të gjithë janë me terapi adekuate dhe në rastet kur temperaturat janë shumë të larta  pikërisht në mesditë duke nis që nga ora 11.00 deri ora 17.00 ku supozohet që janë edhe temperaturat më të larta dhe fazat e portokallive”

Emurallai shton se numri i pacientëve gjatë kësaj periudhe është permanent, pasi që prezent i kemi shumë sëmundjet virale me ç’rregullime respiratore ku shumica e pacinetëve mund të vin me sëmundje akute të cilat shfaqen nga ushqimet me afat të skaduara ose temperaturat e larta, ku shumë shpejt mund të fermentohen edhe të kalojnë në ushqime toksike si dhe helmime.

REXHEP EMURLLAI – MJEK 

“Jemi në një situatë permanente jo që është ritur numri por tek ne është numri i shumë i madh sa që nuk mund të vërehet se a kemi rritje apo ulje të numrit ne kemi numër shumë të madh e pacientëve për çdo ditë për një periudhë natyrisht, Nga viti që lam pas kemi folur më shumë për sëmundje të pandemisë të covid-19 por tani nuk është në pyetje vetëm koronavirusi. Prandaj nuk mund të flasim për momentin se kemi një pandemi dhe pikërisht të themi se pandemia ka marr jetën e njerëzve mund të jetë vetëm një shkak për ti komplikuar rastet e sëmundjeve kronike”.

Ndryshe meterologët kanë paralajmëruar se i nxehti afrikan pritet të prekë Maqedoninë e Veriut gjatë kësaj jave ku temperaturat do të shkojnë deri në 38 gradë, ndërsa mjekët bëjnë apel për të moshuarit, grate shtatëzëna si dhe fëmijët që të mos ekspozohen në diell gjatë temperaturave të larta. /KlanMacedonia

Klan Macedonia

The author Klan Macedonia