close
Top LajmeVendi

(VIDEO) VARROSEN KATËR ANËTARËT E FAMILJES AMETI, MBYLLET DERA E SHTËPISË

vish

AMETI: PARA NISJES NGA STAMBOLLI, MË THA SE KY KISHTE QENË PUSHIMI MË I MIRË I JETËS SË TIJ

Po jetonin pushimin më të mirë të jetës së tyre në Stamboll, kishin rregulluar të gjitha punët dhe po bëheshin gati që të shkonin së bashku në mërgim, por kthimi nga Turqia ua prishi të gjitha planet. Sot familja katëranëtarëshe dorëzohen tek varrezat e Vishticës…

Kryefamiljari Avni bashkë me të shoqen Xhihan, kishin pritur më shumë se 7 vjet që Zoti t’i bekojë me fëmijë, para katër viteve kishin ardhur në jetë Albani dhe Luani, ndërsa derisa bëheshin gati të mbyllin derën e shtëpisë, për ta hapur kur të vinin për pushime, e mbyllën atë përgjithmonë.

SEVIM AMETI, FAMILJAR
“ Unë jam djali i axhës, kemi qenë të pandashëm me ta, ka qenë si berber në Shkup. Para tre viteve u rregullua me dokumentacionin në Gjermani dhe atje si e deshti zemra ja sjelli Zoti të njejtën punë atje me bë, ka qenë I lidhur shumë em xhaminë, fatin e patë, Zoti ja mundësoi që xhaminë afër duqanit….Tash në momentet e fundit kur erdhi, fëmijët, bineqtë, ka pas ti merr në Gjermani por të shkojë në pushim tash që erdh, si gjithë ne mërgimtarët që jemi, edhe më e rënda ka qenë se 40 min kam fol para se të niset prej Turqisë për vendlindje dhe këtë e ceki, se kurr pushim, më të mirë nuk kam kalu, pos kësaj here, thash o inshaAllah knaqesh përgjithmonë.”

Fakti që katër kufomat e varrosura sot, lan prapa vetes një shtëpi bosh, e bën akoma më të madhe dhimbjen e familjarëve, bashkëvendasve dhe të gjithë të pranishmëve në ceremoninë mortore.

FAMILJAR

“Kur e morrëm lajmin se u bë kjo në Bullgari, na lëshuan këmbët, se bashkë familje, Zoti inshaAllah ua fal kusuret e ju jep gajretin këtyre familjeve… është shuk ajo, e ka mbyll derën, katër xhenaze..

BANORË
“Jemi të mërzitur jemi të dëshpruar edhe ne, Zoti I faltë e I mëshiroftë”

Në varrim mori pjesë edhe kreu I komunës së Likovës, Erkan Arifi.

ERKAN ARIFI, KRYETAR I KOMUNËS SË LIKOVËS
“Sot është një ditë e rëndë për banorët e komunës së Likovës dhe më gjerë, ishim në varrim, atë dhimbje mundohemi ta ndajmë bashkërisht. InshaAllah Zoti na takon në xhennet të gjithëve bashkë.”

Familjarët thonë se autoritetet kompetente u kanë borxh një shpjegim atyre, përgjegjësi thonë ata, patjetër duhet të ketë./KlanMacedonia/

Klan Macedonia

The author Klan Macedonia