close
Bota

Zelensky: Sulmi në stacionin hekurudhor tregon se “e keqja ruse nuk ka kufi”

stacioni

Të gjithë të vrarët në sulmin në stacionin hekurudhor në Kramatorsk ishin civilë, ka konfirmuar presidenti ukrainas. Volodymyr Zelenskyy tha se në mesin e atyre që vdiqën nuk kishte trupa ushtarake.

Ndërsa në një reagim për situatën, guvernatori i rajonit të Donetsk tha se numri i viktimave ishte rritur në të paktën 39, ndërsa ai i të plagosurve dyshohet të jetë mbi 300.

“Në mungesë të forcës dhe guximit për të na përballur në fushën e betejës, ata po shkatërrojnë në mënyrë cinike popullatën civile”, tha Zelenskyy në një deklaratë.

ADVERTISING

“Kjo është një e keqe që nuk ka kufi. Dhe nëse nuk dënohet, nuk do të ndalet kurrë.”

“Forcat ruse goditën stacionin e trenit në Kramatorsk, duke hapur zjarr në një stacion treni të zakonshëm, mbi njerëzit e zakonshëm. Nuk kishte ushtarë atje”, shtoi presidenti ukrainas./tvklan.al

Klan Macedonia

The author Klan Macedonia